Нәрсә мине рухландырды? Видео карагыз.
Что меня вдохновило? Смотрите видео

Марафон тәмам. Нәтиҗә:
42 чакрым һәм 240 метр. 4 сәгать 58 минут 35 секунд.
132 әйләнеш.
Җыелды 31 мең 200 сум

ХӘЙРИЯ МАРАФОНЫ НӘТИҖӘСЕ
Ике атна элек “Хуш киләсең, Рамазан ае” исемле хәйрия марафоны оештырдым, өем тирәсендә 42,2 чакрым йөгереп, мохтаҗларга 31 500 сум акча җыя алдым. Иң баштан ике бик мохтаҗ гаиләгә ике шәр мең сум акчалата ярдәм җибәрдем. Бүген исә, 18 адрес буенча ризык пакетлары илттек. Һәр пакетта: карабодай, дөге, макарон, соклар, колбаса, көнбагыш мае, чәй, татлы ризыклар бар иде. Өстәвенә 1 пачка ярымәзер өчпочмак һәм 1 пачка камыр эчендәге сосискалар куйдык.
Ризык пакетларын күпчелеге белән олы яшьтәге, өйдән чыга алмаган, ялгыз яшәгән әби-бабайларга тараттык, шулай ук күпбалалы гаиләләргә дә тапшырдык. Кайбер кешеләрнең хәлләре бик авыр икән. Мәсәлән, Восстания урамында бер әби яши, аклары юк, туганнары юк, өйдән чыга алмый, соц.защита килми, инде ике ай юынганым булмады ди, чөнки юындыручы кеше юк. Күршесе карап тора торган булган, әмма дачага киткән. Бу очрак турында тиешле оешмаларга хәбәр итәргә ниятлим.
Хәйрия марафонына ярдәм иткән барлык милләттәшләребезгә олы рәхмәтләремне белдерәм! Аллаһы кабул итсен!

Узган атнада исә Арча районының Иске Ашыт авылыннан 50 яшьлек Фәния ханым Фәйзуллина шалтыратты. Аңа «өйдә утырыгыз», дию урынсыз булыр иде – болай да өйдә утыра, пандемия аркасында эшсез калган. Хәзер менә балаларын ашатырга да акчасы калмаган.

Фәния ханым – 4 бала анасы. 26 яшьлек олы кызы инде кияүдә, икенче улы – 25 яшендә, икенче төркем инвалид. Йөрәге белән бәйле проблемалары бар, күп операцияләр кичереп кенә исән калган. 15 яшьлек тагын бер улы – Арча көллиятендә укый. Әле тагын 7 яшьлек кызы бар, быел беренче сыйныфка барачак.

Гаиләнең тормышы җитеш дип әйтеп булмый. Бу балаларны Фәния ханым ялгызы тәрбияли, ире юк. Үзе әйтүенчә, эшне «кара»га, «ак»ка бүлеп тормый, кая алалар – шунда бара. Менә март аена кадәр пекарняда идән юучы булып эшләгән. Хезмәт хакын югары дип булмый – аена 7 мең сум гына алган. Тик инвалид улына килгән 12 мең сум пенсия белән бергә кушкач, тормышны алып барырга җитәрлек булган әле. Хәзер шушы аз хезмәт хакыннан да колак каккан көне.


Шул ук вакытта, ананың балаларымны ашатырга акчам юк, дигән сүзләре дә берничә көн буе колагымда чыңлап торды. Ул арада, 23нче апрель көнне «Азатлык» татар яшьләре берлеге рәисе Наил Нәбиуллин Казанның Сәлимҗанов урамындагы йорты тирәли хәйрия марафоны уздырды.

Марафонга чыгуының төп сәбәбе – ураза аенда мохтаҗларга, күп балалы гаиләләргә һәм сугыш чоры балаларына ярдәм җыю.

– Рамазан ае кешеләрнең бер-берсенә ярдәм итү ае булып тора. Шуңа күрә әлеге марафонга чыктым һәм кулымнан килгәнчә мохтаҗ кешеләргә ярдәм итәргә теләдем. Коронавирус вакытында урамда йөгерергә ярамау сәбәпле, йортым тирәсендә генә йөгердем. 132 әйләнеш ясадым, 4 сәгать 58 минут вакыт китте, барлыгы 42 чакрым йөгердем. Мине бу адымга коронавируслы балаларга ярдәм итүгә үз өе тирәли 540 әйләнеш ясап акча җыйган украиналы спортчы Таня Гринева рухландырды, – дип аңлата Наил.

Марафон ахырына махсус хисап счетына 31 мең 200 сум акча җыелган. Ярдәм килүен дәвам итә. Наил әйтүенчә, әлеге акчага Татарстандагы мохтаҗ гаиләләргә азык-төлек пакетлары таратылачак.

Бу уңайдан, Наилгә шалтыратып, Арча районының Иске Ашыт авылында яшәүче Фәния ханым Фәйзуллина хакында сөйләдем. Наил әлеге гаиләгә 2 мең сум акча җибәрде. Шулай итеп, хәйрия марафоныннан Фәйзуллиннарга да өлеш чыкты.

https://beznen.ru/basma/2020-17-29-aprel/tube-yabarga-digen-akchani-ashiy-bashliysi-bula/