በማዕከላዊ ኢትዮጵያ ክልል በዘንድሮው የበጋ መስኖ ከ35 ሚሊዮን ኩንታል በላይ ምርት ለማግኘት ይሰራል፡- የክልሉ ግብርና ቢሮ
*****************

በማዕከላዊ ኢትዮጵያ ክልል በዘንድሮው የበጋ መስኖ ስራ 146 ሺህ ሄክታር ማሳን በማልማት ከ35 ሚሊዮን ኩንታል በላይ ምርት ለማግኘት እንደሚሰራ የክልሉ ግብርና ቢሮ ገልጿል።

የማዕከላዊ ኢትዮጵያ ክልል ግብርና ቢሮ የ2017 ዓመት የበጋ የተቀናጀ ግብርና ልማት ንቅናቄ መድረክ በዱራሜ ከተማ እያካሄደ ነው።https://www.facebook.com/EBCzena/posts/pfbid02ZPCG9ByoSgqVFYvPD64U2cJoeMKwk1fmgc2HsTa8eFMMTa9sBkRJwLbDQaJ5gdJtl

ገዳ በዲሞክራሲ ዕሴቶች የበለጸገ አንድነትና ኅብረት የነገሰበት ስርዓት ነው - ከንቲባ አዳነች አቤቤ
**************************

“ገዳ በዲሞክራሲ ዕሴቶች የበለጸገ አንድነትና ኅብረት የነገሰበት ስርዓት ነው” ሲሉ የአዲስ አበባ ከተማ ከንቲባ አዳነች አቤቤ ተናግረዋል፡፡

ከንቲባዋ የገዳ ስርዓት አንዱ መገለጫ የሆነው ኢሬቻም ህዝቡ የሚገናኝበት፤ ምስጋና የሚያቀርብበትና መልካም ምኞቱን የሚገልጽበት መሆኑን አንስተዋል።

ኢሬቻ የምስጋና፣ የሰላም፣ የይቅርታ፣ የአብሮነትና የወንድማማችነት እንዲሁም ባህላዊ እሴቶች የሚንጸባረቁበት በዓል መሆኑንም ጠቁመዋል፡፡

በዓሉ የብሔር ብሔረሰቦችን የወንድማማችነትና የእህትማማችነት ትስስር ይበልጥ እያጠናከረ መሆኑን በመግለጽም ኢሬቻ ለቱሪዝም መስህብ እየሆነ መምጣቱን አስታውቀዋል፡፡

የኢሬቻን በዓል ለማክበር ከተለያዩ አካባቢዎች የሚመጡ እንግዶችን ተቀብሎ እያስተናገደ ለሚገኘው የአዲስ አበባ ከተማ ህዝብም ከንቲባ አዳነች አቤቤ ምስጋና አቅርበዋል።

በከተማዋ የተሰሩ የኮሪደር ልማት ሥራዎች ለበዓሉ ተጨማሪ ድምቀት መፍጠራቸው የዘንድሮውን የኢሬቻ በዓል ልዩ እንደሚያደርገው መናገራቸውንም ኢዜአ ዘግቧል፡፡

ስድስተኛው የኢሬቻ ፎረም "ኢሬቻ ለባህላችን ሕዳሴ" በሚል መሪ ሃሳብ በአዲስ አበባ እየተካሄደ ይገኛል፡፡

በመዲናዋ እስከ ሰኞ ማለዳ 12 ሠዓት ድረስ የሞተር ብስክሌት ማሽከርከር ተከለከለ
*******************

በአዲስ አበባ ከዛሬ 6 ሠዓት ጀምሮ እስከ ሰኞ ማለዳ 12 ሠዓት ድረስ የሞተር ብስክሌት ማሽከርከር ተከልክሏል፡፡

ክልከላው የተላለፈው ለኢሬቻ በዓል አከባበር የመንገድ ትራንስፖርት ደኅንነትን ለማስጠበቅ መሆኑን የአዲስ አበባ ከተማ አስተዳደር ትራንስፖርት ቢሮ አስታውቋል፡፡

ቢሮው እስከ ፊታችን ሰኞ መስከረም 27 ቀን 2017 ዓ.ም የሚቆየውን ክልከላ የትራንስፖርትና የትራፊክ ተቆጣጣሪዎች እንዲሁም የትራፊክ ፖሊሶች አፈፃፀሙን ተግባራዊ እንዲያደርጉ ጥሪ አቅርቧል፡፡

ዛሬ የ2017 የኢሬቻ ፎረም አካሂደናል።

6ኛው ዙር የኢሬቻ ፎረም አባ ገዳዎችና ሀደ ሲንቄዎች፣ አምባሳደሮች፣ የዲፕሎማቲክ ማህበረሰብ አባላት፣ የፌደራል፣ ክልልና ከተማ አስተዳደር ከፍተኛ የስራ ኃላፊዎች፣ ፎሌዎች፣ ዲያስፖራዎች እንዲሁም የከተማችን ነዋሪዎች በተገኙበት በዓድዋ ድል መታሰቢያ በድምቀት አካሂደናል።

ሀገራችን ኢትዮጵያ የብዝሃ ማንነቶች ባለ ፀጋ እንደመሆኗ መጠን ህዝባዊ እና ኃይማኖታዊ በዓላት አንድነትን፣ ፍቅርንና የህዝቦች ትብብርን በማፅናት ረገድ አይነተኛ ሚና የሚጫወት ሲሆን የኢሬቻ በዓል የሰላም፣ የእርቅ፣ የአንድነት፣ የአብሮነት እንዲሁም የወንድማማችነትና እህትማማችነት በዓል ሆኖ በመከበር ላይ ይገኛል።

ኢሬቻ የገዳ ስርዓት አንዱ ምሰሶ ሲሆን የምስጋና፣ የሰላም እና የወንድማማችነት ተምሳሌት ሆኖ የኦሮሞ ህዝብ ከጥንት ጀምሮ ከፈጣሪ፣ ከተፈጥሮ እና ከሰው ሁሉ ጋር ያለውን ግንኙነት የሚያድስበት ነው።

በኢሬቻ የተራራቀ ይቀራረባል፤ የተቀያየመም ይታረቃል።
https://www.facebook.com/EBCzena/posts/pfbid0GXf28LFH3EBC79miSMdmfUGLk2i9DyXvbiE6s3bDgvLNPQxvwBBgJ864MaHC1Spql?cft[0]=AZXvyoIz0E9QkVtDPr5lo-9BllbD9prGWUQ-7f1W-GwPfuYxGbnYl16i7_PVQwjdlfluhT0s1DzZkLWxemqLmIqJcOG27bBq2QwwmnRPnfn3TwSIfzqQFQsaWOD53XR_1pRKizkudSLx8j7SLJKa5Ep_MCrfdfxxoz9ph-WPNFPI6g&tn=%2CO%2CP-R