📰 Рэліз The Wolf Among Us 2 перанесены.

Telltale Games паведамілі, што прынялі рашэньне адкласьці рэліз The Wolf Among Us 2, каб пазьбегнуць перапрацовак і выгараньня каманды, а таксама з-за пераходу з Unreal Engine 4 на 5. Акрамя гэтага, распрацоўшчыкі хочуць падарыць гульцам якасны прадукт і не хочуць выпускаць у сьвет яго "сыры" варыянт.

Цяпер рэліз гульні адбудзецца ў 2024 годзе.
Гэтак жа Telltale адзначылі, што The Wolf Among Us 2, як і папярэднія гульні студыі, будзе эпізадычнай гульнёй, але ў адрозьненьні ад іх, да моманту выхаду першага эпізоду, усе наступныя будуць ужо завершаны.

📰 Blizzard апублікавала сыстэмныя патрабаваньні бэта-вэрсіі Diablo IV.

▫️Мінімальныя:
АС: Windows 10 64-bit
Працэсар: Intel Core i5-2500K ці AMD FX-8100
АЗП: 8 ГБ
Відэакарта: GeForce GTX 660 або Radeon R9 280
Месца на дыску: 45 ГБ (SSD)

▫️Рэкамэндаваныя:
АС: Windows 10 64-bit
Працэсар: Intel Core i5-4670K ці AMD R3-1300X
АЗП: 16 ГБ
Відэакарта: GeForce GTX 970 ці Radeon RX 370
Месца на дыску: 45 ГБ (SSD)

Нагадаем, бэта-тэставаньне Diablo IV пачнецца 17 сакавіка, а 20:00 па Менску для тых, хто аформіў папярэдні заказ гульні. 24 сакавіка доступ да сэрвераў атрымаюць усё жадаючыя.

📢 Стваральнікі Deep Rock Galactic анансавалі сьпін-оф свайго знакамітага праекту — Deep Rock Galactic: Survivor.

Deep Rock Galactic: Survivor - гэта аўташутэр у стылі выжывання для аднаго гульца. Узброіцеся поўным арсеналам Deep Rock Galactic, кіньце выклік полчышчам смяротных іншапланецян, здабывайце багацці і адкрывайце магутныя паляпшэнні.

Распрацоўкай гульня займаецца незалежная студыя Funday Games.
Гульня выйдзе ў раньні доступ у 2023 годзе на PC.

📰 Сэрыя гульняў Star Wars Jedi можа стаць трылёгіяй.

Такой інфармацыяй падзяліўся ґеймдырэктар Respawn Entertainment Сьціг Асмусэн у інтэрвію IGN.
Пляны на трылёгію ўзьніклі ў Respawn яшчэ да выхаду Fallen Order і яны ня раз абмяркоўваліся з Lucasfilm.

Праца над триквелам суцэль верагодна, аднак толькі калі другая частка пакажа добрыя вынікі продажаў.
Па словах Асмусэна, калі яны зоймуцца трэцяй часткай, то перанясуць яе на Unreal Engine 5.
Асобна ґеймдырэктар падкрэсьліў, што перавесьці наступную частку на новы рухавічок будзе даволі складана.

Нагадаем, рэліз Star Wars Jedi: Survivor адбудзецца 28 красавіка на ПК, PS5 і Xbox Series X/S.

🎁 Зараз у Epic Games Store, можна бясплатна забраць Rise of Industry.

Rise of Industry — Выпрабуйце свае прадпрымальніцкія здольнасці, ствараючы і аптымізуючы складаныя вытворчыя лініі, не забываючы аб галоўным - аб прыбытку. У ролі прамыслоўца пачатку ХХ стагоддзя развівайце сваю імперыю, прыстасоўваючыся да раптоўных падзей, якія могуць абяцаць і ўзлёты, і падзенні!

❗️Забраць гульню можна да 9 сакавіка.

📢 Fool’s Theory прадставілі ґеймплэйны трэйлер ролевай гульні The Thaumaturge.

У сьвежым ґеймплэйным роліку можна ўбачыць сюжэтныя фрагмэнты, працэс дасьледаваньня лякацый і кадры пакрокавых бітваў.

The Thaumaturge — гэта сюжэтная ролевая гульня з маральна неадназначнымі выбарамі, дзеяньне якой адбываецца ў культурна разнастайным сьвеце Варшавы пачатку 20-га стагодзьдзя, сьвеце, напоўненым таямнічымі сіламі й дзіўнымі этэрнымі істотамі, якія называюцца салютарамі.

Дата рэлізу гульні пакуль не называецца.

🎁 Зараз у Steam, можна бясплатна забраць Figment.

Figment — гульня ў жанры прыгодніцкі баявік, дзе вам трэба будзе дасьледаваць унікальны сусьвет, поўны музыкі, гумару й сюжэтных лініяў. Дасьці й яго безжурботная сяброўка Пайпер разам пускаюцца ў вандраваньне па розуме, адшукваючы страчаную адвагу... .

❗️Забраць гульню можна да 9 сакавіка.

📰 Чакаецца, што Эўракамісія ўсё ж ухваліць угоду Microsoft і Activision Blizzard.

Такую інфармацыю выданьню Reuters паведамілі крыніцы блізкія да адпаведных структур.
Інсайдэры сьцьвярджаюць, што сваю станоўчую ролю ў рашэньні камісіі згулялі ліцэнзійныя дамовы Microsoft з Nintendo і Nvidia (дзесяцігадовыя кантракты на выданьне гульняў у воблачных сэрвісах GeForce Now і кансолях Nintendo).

Акрамя таго, паведамляецца, што Эўракамісія ня будзе патрабаваць ад Microsoft продажу актываў у вабмен на адабрэньне ўгоды (раней брытанскі рэгулятар падчас закрытага слуханьня нібыта прапанаваў Microsoft прадаць частку Activision (а менавіта серыю Call of Duty).

Канец эпапэі Microsoft і Activision павінен адбыцца ў канцы чэрвеня 2023 году, Эўракамісія павінна вынесьці сваё рашэньне адносна зьліцьця да 25 красавіка.

📢 Стваральнікі Age of Wonders 4 выпусьцілі новы трэйлер стратэгіі й адкрылі папярэдні заказ.

Кіруйце фантастычным царствам вашага ўласнага дызайну! Дасьледуйце новыя магічныя сфэры ў фірмовай сумесі Age of Wonders (стратэгіі 4X і пакрокавых тактычных баёў). Кіруйце фракцыяй, якая расьце й зьмяняецца, калі вы пашыраеце сваю імпэрыю з кожным ходам!

Гульню можна замовіць у выглядзе стандартнага выданьня ($33.49) з гульнёй і невялікім бонусам (бонус за папярэдні заказ — уладар Арыкс Рэкс і яго экіпіроўка);
Прэміяльнага выданьня ($60.49), куды акрамя гульні й бонуса за папярэдні заказ уваходзіць адзеньне архімага й пропуск зь некалькімі DLC:

🔹Dragon Dawn — набор, які дазваляе ствараць імпэрыі з драканалюдамі. Новы кіраўнік, форма рэптыліі й магічныя фаліянты (3 квартал 2023 году);
🔹Empires and Ashes — дапаўненьне з новай культурай, магічнымі кнігамі, сьвежымі опцыямі для стварэньня Імпэрыі й сюжэтным сьветам (4 квартал 2023 году);
🔹Primal Fury — новая зьвярыная форма й першабытная культура + магічныя кнігі й утоеныя сілы прыроды (1 квартал 2024 году)
🔹Eldritch Realms — новае вымярэньне, расы, лякацыі й сьветы (2 квартал 2024 году).

Рэліз гульні адбудзецца 2 траўня, на Xbox Series, PS5 і PC.

📰 Blender атрымаў афіцыйны плягін-ґенэратар артаў.

2 сакавіка 2023 году, папулярная й бясплатная праґрама для 3D-мадэляваньня Blender атрымала афіцыйную ўбудову Stability, якая інтэґравала ў яе магчымасьці нейрасеткі Stable Diffusion (нейрасетка праславілася ўменьнем ґенэраваць малюнкі па тэкставым апісаньні).

Дзякуючы гэтай убудове карыстачы Blender могуць ґенэраваць тэкстуры, эфэкты й нават анімацыі, належачы на ўласныя рэндэры ці проста тэкставыя апісаньні, што дазволіць значна паскорыць працэс стварэньня сцэн.

Варта асобна адзначыць, што праца з самім Stable Diffusion патрабуе платнай падпіскі, у той час як убудову Stability для Blender, можна ўжо спампаваць і ўсталяваць цалкам бясплатна!

📢 Стваральнікі Amnesia: The Bunker працягваюць знаёміць ґеймераў са сваім новым праектам.

Сьвежы тызер уяўляе фрагмэнт гульнявой катсцэны й ґеймплэй, дзеяньне якіх адбываецца за межамі асноўнай гульнявой зоны (бункера).

Рэліз гульні адбудзецца 16 траўня на PlayStation, Xbox і PC. Нам трэба будзе выжыць у закінутым, працэдурна ґенэраваным бункеры часоў Першай сусьветнай вайны.

📰 Стала вядома дата правядзеньня прэзентацыі Future Games Show.

24 сакавіка, а 2:00 па Менскім часе, адбудзецца вясновая прэзентацыя гульняў Future Games Show.
У рамках мерапрыемства пройдзе дэманстрацыя розных трэйлераў, сусьветных прэм’ер, інтэрвію з распрацоўшчыкамі й эцклюзіўнага кантэнту для кансоляў, PC і VR. Арґанізатары абяцаюць паказаць больш за 50 гульняў!

Глядзець трансьляцыю можна на:

▫️YouTube;
▫️Twitch;
▫️GamesRadar;
▫️Facebook;
▫️Twitter.

📰 У сеціва патрапіў канцэпт-трэйлер адмененай DOOM 4.

На прасторах інтэрнэту апынуўся канцэпт-трэйлер адмененай DOOM 4, які дэманструе ґеймплэй і монстраў гульні.
Можна адзначыць, што адменены праект шмат у чым абапіраўся больш на хорар-складнік, чым на на "мясныя баі", хоць дынамічныя сутычкі з дэманамі па ранейшым заставаліся.

Doom 4 была анансаваная ў траўні 2008 году, аднак распрацоўка зацягнулася (аўтары пазьней нават прыбралі лічбу з назову), а затым праект і зусім быў адменены (замест яго, id Software занялася распрацоўкай Doom 2016).

Пазьней аўтары прызналіся, што праект атрымаўся занадта непадобны да самога сябе. Адной з асаблівасьцяў гульні была непарушная сувязь паміж гульцом, гульнявым сьветам і яго насельнікамі, а некаторыя распрацоўшчыкі й зусім казалі, што яна падобная ня на Doom, а на серыю Call of Duty.

📰 У хуткім часе Valve можа анансаваць Counter-Strike 2.

Гісторыі аб тым, што Valve працуюць над Counter-Strike на рухавічку Source 2, гуляюць па інтэрнэце ўжо дастаткова даўно (хоць і верылі ў іх адзінкі). У пачатку сакавіка, карыстачы выявілі ў апошнім драйверы NVIDIA падтрымку невядомых exe-файлаў: csgos2.exe і cs2.exe, што зарадзіла новую хвалю чутак.

Аднак нядаўна, праўдзівасьць усяго гэтага пацьвердзіў вядомы кібэрспартыўны журналіст Рычард Льюіс. Спасылаючыся на свае крыніцы, ён запэўнівае, што Counter-Strike на Source 2 рэальная, і больш за тое, яе бэта стартуе ўжо ў канцы сакавіка-пачатку красавіка!
Ён лічыць, што новая гульня атрымае назву Counter-Strike 2 і менавіта яе распрацоўка, стала прычынай таго, што Valve стала надаваць значна менш увагі CS:GO і яе праблемам у вапошні час.

📰 У Fortnite можа зьявіцца від ад першай асобы.

Такой інфармацыяй падзяліўся вядомы інсайдэр па Fortnite зь нікам HYPEX.
Ён сьцьвярджае, што са стартам новага сэзона, у гульню будзе дададзены від ад першай асобы.
На яго думку, новая опцыя будзе апцыянальнай.

Першы сэзон чацьвёртага разьдзела Fortnite стартаваў у пачатку сьнежня, таму калі гэта сапраўды ўваходзіць у пляны Epic Games, у хуткім часе варта чакаць афіцыйнай інфармацыі.