📢 Іronclad і Stardock анансавалі працяг клясычнай стратэгіі Sіns of a Solar Empіre.

Змагайцеся за галяктычнае панаваньне як адна з трох унікальных рас у стратэгічнай гульні ў рэальным часе зь неперасягненым маштабам! Вы будзеце дасьледаваць, пашыраць, выкарыстоўваць і зьнішчаць з дапамогай ваеннай сілы, дыпляматыі, гандлю, культурнага ўплыву й іншых тактык!

Дакладная дата выхаду пакуль невядомая, праект плянуюць выпусьціць у раньні доступ.

📢 Выйшла бэта-вэрсыя VR-мода для Half-Lіfe 2.

Half Lіfe 2: VR - гэта мод для клясычнай кампутарнай гульні 2004 году, які дазваляе вам выпрабаваць арыгінальную гульню ў віртуальнай рэальнасьці. Вы гатовы стаць Фрыманам?

Мод даступны ў Steam бясплатна.

📰 Інсайдэр пацьвердзіў праўдзівасьць апошніх зьбегаў (№1, №2, №3) з Rockstar.

Інсайдэр Джэйсан Шраер зьвязаўся са сваімі крыніцамі ў Rockstar Games з нагоды зьліву геймплэя Grand Theft Auto VІ і атрымаў станоўчы адказ, гэта сапраўды геймплэй вельмі раньняй вэрсыі гульні.

Цікавыя дэталі ад The Game Spoof:

▫️Дзеяньне адбываецца ў Вайс-Сіці;
▫️Клюб Малібу вяртаецца;
▫️Зброю можна пераключаць паміж рукамі;
▫️Новы раён Вайс-Сіці — Порт-Гелхорн;
▫️Героі — Люсія й Джэйсан.

Таксама на прасторах інтэрнэту былі знойдзеныя кадры з адмененага рэмайстра першай Red Dead Redemption (аднак пра іх сапраўднасьць інфармацыі няма).

📢 IGN апублікавалі геймплэйны трэйлер будучага DLC Shadows of Rose для Resident Evil Village.

Праз 16 гадоў пасьля падзеяў Resіdent Evіl Vіllage...
Размары Ўінтэрс, улюбёная дачка Ітана, вырасла й зараз змагаецца з жахлівымі сіламі.
У пошуках спосабу вызваліцца ад свайго праклёну Роўз ўваходзіць у сьвядомасьць Мэгаміцэта.

Падарожжа Роўз вядзе яе ў таямнічае каралества, дзе ўспаміны аб мінулым вяртаюцца, ствараючы скрыўлены й перакручаны сьвет кашмараў!

Рэліз DLC адбудзецца 28 кастрычніка.

📢 Nightdive і Apogee Software анансавалі рэмайстар Rise of the Triad: Ludicrous Edition.

ПАЛЯВАННЕ ВЯРТАЕЦЦА... ЗНОЎ! Гуляйце ў арыгінальны Rіse of the Trіad, абноўлены ў 4K, зь неабмежаванай частатой кадраў, адноўленым кантэнтам, новымі эпізодамі, дадатковай музыкай і іншым. Прымусь іх ядзіць сьвятлодыёд, ці яны закапаюць цябе ў скрынцы для сьняданку!

Дата рэлізу прызначана на пачатак 2023 году.

📰 Steamforged Games выпусьціць настольную гульню па матывах Elden Rіng.

Па словах Мэта Харта, сузаснавальніка кампаніі, «фанам варта чакаць цёмнага, добра рэалізаванага настольнага сьвету таямніц і небясьпек, з задавальняючымі баямі й карыснымі дасьледаваньнямі».
На дадзеным этапе аб праекце вядома ня так шмат дэталяў, але Steamforged паабяцалі баявую сыстэму, якая ня будзе ўключаць кіданьне кубікаў.
Гуляць у гульню можна будзе як з сябрамі (да 3-х чалавек) так і самастойна.

Аўтары плянуюць запусьціць кампанію па падтрымцы праекту на Kіckstarter у бліжэйшы час.

📰 Rockstar пракаментавалі нядаўнія зьбегі па GTA VI.

Нядаўна мы падвергнуліся хакерскай атацы, у выніку якой неаўтарызаваны трэці бок незаконна атрымаў доступ да канфідэнцыйнай інфармацыі з нашых сыстэм, у тым ліку кадры раньняй распрацоўкі GTA VІ. У цяперашні час мы не чакаем якіх-небудзь збояў у працы нашых гульнявых сэрвісаў альбо якога-небудзь доўгатэрміновага ўплыву на разьвіцьцё нашых бягучых праектаў.

Мы надзвычай засмучаныя тым, што любыя дэталі нашай новай гульні расчынілі вам такім спосабам. Распрацоўка наступнай GTA працягнецца па пляне, а мы яшчэ мацней настроены на тое, каб вынік сапраўды здолеў перасягнуць чаканьні нашых гульцоў!

📰 Nvidia анансавала відэакарты сэрыі RTX 40.

▫️RTX 4080 будзе прадстаўлена двума мадэлямі, з 12 і 16 Гб памяці GDDR6X .
(Кампанія сьцьвярджае, што дадзеная відэакарта будзе хутчэй за RTX 3080 Tі у 2-4 разы.);

▫️RTX 4090 будзе прадстаўлена мадэльлю з 24 Гб памяці GDDR6X
(Як сцвярджаюць прадстаўнікі Nvidia, яна будзе хутчэй за RTX 3090 Ti у 2-4 разы).

Новыя відэакарты таксама будуць мець новую архітэктуру Ada Lovelace, распрацаваную для паляпшэньня трасаваньня прамянёў і падтрымкі DLSS 3.0., якая стане асновай для графічных працэсараў Nvіdіa наступнага пакаленьня.

RTX 4090 зьявіцца ў продажы 12 кастрычніка з рэкамэндаваным коштам 1599$.
RTX 4080 зьявіцца ў продажы, у лістападзе з рэкамэндаваным коштам 899$ (12 Гб) і 1199$ (16 Гб).

📢 Nvidia сумесна з Lightspeed Studios і VALVE анансавалі рэмайстар культавага Portal.

Рэмайстар Portal ствараецца пры дапамозе Nvіdіa RTX Remіx, набору інструмэнтаў (рэліз якіх адбудзецца ў лістападзе) з падтрымкай штучнага інтэлекту, з дапамогай якога ствараць рэмайстры любых клясычных гульняў змогуць усё жадаючыя!

Рэмайстар будзе забясьпечана трасаваньнем прамянёў і будзе падтрымліваць DLSS 3.0. (які падтрымліваюць новыя відэакарты RTX 4000).

Атрымаць яго можна бясплатна, пры ўмове наяўнасьці ў вас арыгінальнай гульні.

📢 Адбыўся рэліз змрочнага фэнтэзі-слэшэра Soulstice.

Раўнавага ў Сьвятым Каралеўстве Кейдас парушылася, калі з-за Заслоны прыйшлі дзікія магутныя істоты, званыя прывідамі, якія мелі намер пажраць усіх жывых. Прывіды мяняюць сваіх ахвяр і могуць нават усяліцца ў іх целы, зьвяртаючы няшчасных у няўрымсьлівых пачвар, якія палююць на мірных жыхароў. Абараніць чалавецтва могуць толькі ”хімеры”: воіны-гібрыды, народжаныя ад зьвяза дзьвюх душ.

Гульня даступная на на PC, PlayStation 5 і Xbox Series.
Кошт у Steam — 18,49$.

📰 У Steam адбыўся рэліз гульні, якая (па запэўненьнях стваральнікаў) цалкам створана ШІ.

This Girl Does Not Exist — простая гульня-пазл, якая, тым ня менш, сыгналізуе аб зьменах, якія могуць хутка ўразіць гульнявую індустрыю. Распрацоўшчыкі сьцьвярджаюць, што ўсё, ад малюнкаў да гісторыі й музыкі, было створана ШІ Midjourney.

Са словаў стваральнікаў самым складаным у стварэньні гульні было дамагчыся ад ШІ малюнкаў аднаго й таго ж чалавека, але ў розных позах і выявах, для чаго ім прыйшлося пераспрабаваць тоны каманд у надзеі атрымаць патрэбны вынік.

Нягледзячы на цікавую гісторыю стварэньня, пакуль што гульня не карыстаецца попытам, яна мае ўсяго адзін (нэгатыўны) водгук, і некалькі відэа на YouTube, з ня менш сумнеўнымі рэклямнымі вынікамі:

«Адзін ютубер праводзіў прамую трансьляцыю, прысьвечаную гульні, але падчас гэтай прамой трансьляцыі людзі ненавідзелі яе... не ігру, а частку штучнага інтэлекту, яны напісалі ў чаце такія рэчы, як: «Я адчуваю, што штучны інтэлект забярэ нашыя працоўныя месцы!».