📢 Omega Force і ЕА паказалі геймплэй, раней прадстаўленай Wild Hearts.

Ад маляўнічых лугоў да зялёных бамбукавых лясоў, паглядзіце на некаторыя з вашых паляўнічых угодзьдзяў у прыгожай, але неспакойнай краіне Азума!
Асвойце старажытныя тэхналогіі, каб паляваць на гіганцкіх звяроў.
WILD HEARTS — гэта унікальны паварот у паляўнічым жанры, дзе тэхналогіі даюць вам шанец змагацца супраць страшных звяроў, прасякнутых лютай сілай самой прыроды!

Рэліз гульні адбудзецца 17 лютага 2023 году.

📢 IGN апублікаваў геймплейнае відэа Tainted Grail: The Fall of Avalon.

Taіnted Graіl: The Fall of Avalon — гэта ролевая гульня з адкрытым сьветам, поўная складаных квэстаў, у якой вашы рашэньні важныя, а ваш выбар паважаецца. Вялізны сьвет, поўны монстраў, загінуўшых герояў і захапляльных месцаў, якія трэба адкрыць.

Гульня выходзіць у раньні доступ у Steam, у чацьвёртым квартале 2022 году.

📢 EA прадставілі трейлер Need for Speed Unbound.

Скарыце вяршыню без шуму й пылу. Перахітрыць копаў і ўдзельнічайце ў штотыднёвых кваліфікацыйных заездах, каб дабрацца да Гранд-заезду — галоўнай вулічнай гонкі. Запоўніце свой гараж унікальнымі мадыфікаванымі машынамі й пакажыце на што вы здольныя!

Рэліз адбудзецца 2 сьнежня, на PC, Xbox Series і PS5.

📢 Стваральнікі Call of Duty: Modern Warfare 2 апублікавалі рэлізны трэйлер гульні.

Сустракайце новую эру Call of Duty! У гульні гульцоў чакае беспрэцэдэнтны ґлябальны канфлікт з удзелам легендарных выканаўцаў з АТГ-141. У кампаніі, разьлічанай на аднаго гульца, вам трэба падарожнічаць па ўсім сьвеце, выконваючы самыя розныя заданьні — ад невялікіх, але крытычна важных тактычных удараў да звышсакрэтных апэрацый!

Рэліз гульні адбудзецца 28 кастрычніка на PlayStation, Xbox і PC.

📰 Хідэа Кадзіма працягвае намякаць на новы праект Kojima Productions.

На гэты раз быў апублікаваны відарыс з надпісам "Where am I?" ("Дзе я?").
За дзень да гэтага Кадзіма ”адказаў” на сваё папярэдняе пытаньне (”Хто я?”):

«Адказ на „ХТО“, зададзены на TGS (Tokyo Game Show), будзе дадзены на наступным „ДЗЕ“».

Можна меркаваць, што новы праект Kojіma Productіons прадставяць на будучым The Game Awards 2022 (якое заплянавана на 8 сьнежня. Гэта адзінае найбліжэйшае ”Дзе?”).

Дакладна не вядома, што гэта будзе за праект, як не вядома й тое, хто паказаны на папярэдніх тызерах (у сеціве мяркуюць, што гэта актрыса Эль Фаньнінг).

Upd. Падцьверджана, гэта сапраўды Эль Фаньнінг.

📢 Kalla Gameworks прадставіла навукова-фантастычную стратэгію The Pegasus Expedition.

The Pegasus Expedition — гэта сюжэтная навукова-фантастычная гранд-стратэгія, дзеяньне якой адбываецца ў ключавы для чалавецтва момант! Сутыкнуўшыся зь велізарнай пагрозай для свайго дома, чалавецтва адпраўляе экспэдыцыі ў галяктыку Пегас, у адчайнай спробе знайсьці прытулак для насельніцтва Зямлі.

Гульня выходзіць у раньні доступ 20 кастрычніка.

📢 Стваральнікі Gotham Knіghts выпусьцілі рэлізны трэйлер гульні.

Gotham Knіghts — гэта будучая ролевая экшн-гульня, якая разгортваецца ў адкрытым сьвеце Готэм-Сіці. Дзеяньне гульні адбываецца пасьля сьмерці Бруса Ўэйна й камісара паліцыі Джэймса Гордана, што прывяло да росту злачыннасьці й беззаконьня. Гульцы бяруць на сябе ролю былых стаўленікаў Бэтмена: Найтвінга, Бэтгёрл, Робіна ды Чырвонага Капялюша, якія спрабуюць працягваць справы свайго настаўніка!

Рэліз гульні заплянаваны на 25 кастрычніка для PS5, Xbox Serіes і PC.

📰 Mortal Kombat — 30 гадоў.

«Ад імя ўсёй каманды NetherRealm Studios і Warner Bros. Games мы хочам падзякаваць фанатам, якія падтрымлівалі Mortal Kombat усе гэтыя 30 гадоў!».

У гонар юбілею, стваральнікі выпусьцілі трэйлер, у якім успомнілі вытокі стварэньня сэрыі і паказалі шлях разьвіцьця праектаў, калі гісторыя пра сьмяротны турнір вырасла ў штосьці большае за відэагульні!

📰 EA прадставілі замену Origin — EA app.

Больш за 10 гадоў мільёны гульцоў карысталіся нашай плятформай Orіgіn, а мы прыслухоўваліся да іх водгукаў і ўсьведамлялі ўсе абмежаваньні кліента ў сучаснай гульнявой індустрыі. Менавіта таму мы вырашылі стварыць новую гульнявую плятформу EA для ПК, у выніку чаго на сьвет зьявілася хутчэйшы, надзейны й зручны дадатак для выкарыстаньня гульняў, сэрвісаў і кантэнту EA.

Па словах прадстаўнікоў кампаніі, гэта самы хуткі й лёгкі кліент для PC са зручным і прыгожым дызайнам які да таго ж мае функцыю стварэньня ўнівэрсальнага сьпісу сяброў праз падлучэньне ўліковага запісу EA да іншых сэрвісаў (Steam, Xbox і г.д.).

Кліент можна ўсталяваць ужо зараз, з адпаведнага сайта, гэтак жа ЕА абяцае перанесьці ўсе захаваньні, лякальныя й воблачныя, а таксама сьпіс сяброў.

Вітаю спадарства!

У апошні час колькасьць тых, хто займаецца перакладам гульняў на беларускую мову працягвае расьці (што ня можа не радаваць)!
Адзін з такіх перакладаў (Ужо па праўдзе адносна сьвежы), пераклад гульні — Project Zomboid, да якога могуць далучыцца ўсе хто жадае!

Project Zomboid - гэта адкрытая гульня — пясочніца ды краёў напоўненая зомбі!

▫️Старонка перакладу;
▫️Пошта для заявак — katoshrodingera@protonmail.ch

📰 Рэжысэр экранізацыі Sіlent Hіll пацьвердзіў, што ў распрацоўцы знаходзіцца адразу некалькі гульняў сэрыі.

«Я супрацоўнічаю з Sіlent Team, арыгінальнымі аўтарамі ў Konamі, зараз знаходзяцца ў распрацоўцы адразу некалькі частак сэрыі, над імі працуюць розныя каманды, гэта вялікі сьпіс гульняў, якія адродзяць франшызу».

Крыштаф Ган згадаў, што ведае асобныя дэталі бліжэйшай навіны ў сэрыі й пацьвердзіў, што над рымэйкам Sіlent Hіll 2 працуе Bloober Team.

Рэжысэр лічыць, што Konamі моцна ўразілі посьпехі рымэйков Resіdent Evіl, натхніўшы іх адрадзіць ўласную хорар-сэрыю.

📰 Arkane пацьвердзілі, што дзеяньне Deathloop і Dіshonored разгортваецца ў адным сусьвеце.

Фанаты разважалі аб падобнай магчымасьці з самага рэлізу Deathloop, разьбіраючы розныя намёкі, якія знаходзілі ў гульні. І іх тэорыі аказаліся праўдзівымі, гэта пацьвердзіў творчы дырэктар праекта Дынга Бакаба.

Паводле яго словаў, Deathloop — гэта адна з варыяцый будучага сьвету Dіshonored, чыё дзеяньне разгортваецца праз шмат гадоў пасьля Dishonored: Death of the Outsіder. Стваральнікі спэцыяльна разьмясьцілі ў новым праекце разнастайныя адсылкі для фанатаў, разьлічваючы на іх кемлівасьць.

📰 У гонар 25-годзьдзя Fallout аўтары арыгінала расказалі аб стварэньні культавай сэрыі.

Стваральнікі арыгінальнай Fallout (Фергус Уркхарт, Леанард Баярскі, Цім Кейн і Браян Фарга), у гонар юбілею гульні, выпусьцілі ролік, у якім распавялі аб зараджэньні канцэпцыі праекта.

Цім Кейн марыў стварыць RPG, дзе ў гульцоў прысутнічаў шырокі выбар разьвіцьця падзеяў, які залежыць толькі ад іх і магчымасьць прайсьці гульню рознымі шляхамі.
У працэсе распрацоўкі паміж стваральнікамі ўзьнікла спрэчка, Баярскі хацеў зрабіць гульню змрочнай, Уркхарт ж не хацеў рабіць гульню маркотнай і дэпрэсыўнай, у выніку ”асаблівым інгрэдыентам” іх супольнага праекта стаў гумар (які праўда ўсё роўна атрымаўся чорным).

Менавіта Баярскаму прыйшла ідэя, што сусьвет гульні павінен прадстаўляць ідэалізаваную вэрсыю сьвету ў духу фільмаў 50-х, які пры гэтым перажыў апакаліпсіс, у пачатку іншыя стваральнікі не ацанілі гэтую ідэю, але пазьней прызналі яе творчы патэнцыял.

📢 Стваральнікі A Plague Tale: Requіem прадставілі сьвежы геймплэйны ролік гульні.

Раней Focus Entertaіnment гэтак жа прадставілі сыстэмныя патрабаваньні гульні:

▫️Мінімальныя:
Працэсар: Іntel Core і5-4690K (3.5 GHz)/AMD FX-8300 (3.3 GHz)
Апэратыўная памяць: 16 GB АЗП
Відэакарта: 4 GB, GeForce GTX 970/Radeon RX 590
Месца на дыску: 55 GB

▫️Рэкамэндуемыя:
Працэсар: Іntel Core і7-8700K (3.7 GHz) / AMD Ryzen 5 3600 (3.6 GHz)
Апэратыўная памяць: 16 GB АЗП
Відэакарта: 8 GB, GeForce RTX 3070/Radeon RX 6800 XT
Месца на дыску: 55 GB

Рэліз A Plague Tale: Requiem адбудзецца 18 кастрычніка на PS5, Xbox Series (+Game Pass) і PC.