‼️სასწრაფო‼️

თამარ მეარაყიშვილი თავისუფალია 🥳

🔥2025 მსოფლიოში ბოლო საათებს ითვლის

☺️ახალი წელი უკვე დადგა კირიბატიზე, ტონგასა და ახალ ზელანდიაში.

🥳ამ წუთებში 2026-ის დადგომას ზეიმობენ ავსტრალიაში

სუს-ის განცხადება:

მოლაპარაკების არსებული ფორმატების ფარგლებში წარმოებული ინტენსიური დიალოგის შედეგად თამარ მეარაყიშვილი გათავისუფლდა და ცენტრალური ხელისუფლების მიერ კონტროლირებად ტერიტორიაზე იმყოფება.

პროცესში აქტიურად იყვნენ ჩართული ჟენევის საერთაშორისო დისკუსიების თანთავმჯდომარეები. პერმანენტულად წარმოებდა კომუნიკაცია საქართველოში ევროკავშირის სადამკვირვებლო მისიის (EUMM) მიერ მართული „ცხელი ხაზის“ მეშვეობით.

საქართველოს ცენტრალური ხელისუფლება, სახელმწიფო უსაფრთხოების სამსახური, მის ხელთ არსებული ყველა ინსტრუმენტის გამოყენებით აქტიურად განაგრძობს მუშაობას უკანონოდ დაკავებული საქართველოს ყველა მოქალაქის გასათავისუფლებლად.

‼️ევა შაშიაშვილმა რუსთავის საპატიმრო დატოვა - მას გირაოს თანხა, 5000 ლარი მოქალაქეებმა შეუგროვეს.

🙏🫡2025 წელს უკრაინის ომში რუსეთთან დაცემული მებრძოლები

კახა თილიძე 12.01.25.

დავით დვალიშვილი და მამუკა ბერია 05.02.25.

ლევან პარკაია 15.02.25.

თაბო არქანია 05.05.25.

დემეტრე დარჩია 12.06.25.

ვანო ნადირაძე 22.06.25.

ვალერი ბაძაღუა 25.07.25.

მიშიკო შედანია 04.08.25.

იურა კალანდარიშვილი 18.09.25.

თემურ შანავა 11.11.25.

დიდება გმირებს! 🇬🇪🇺🇦

‼️ახალციხეში, კოსტავას ქუჩაზე კაცი დაჭრეს.

‼️თბილისში, ვაკის კორტებთან მკვლელობა მოხდა.

‼️კალაძის თქმით, საახალწლო კონცერტი სატელევიზიო ფორმატით შედგება.

‼️31 დეკემბერს, ფინეთის ხელისუფლებამ დააკავა გემი, რომელმაც, სავარაუდოდ, ბალტიის ზღვაში ჰელსინკსა და ტალინს შორის მდებარე მონაცემთა კაბელი დააზიანა. დაკავებულია ეკიპაჟის 14 წევრიც, მათ შორის, სულ მცირე, ერთი საქართველოს მოქალაქეც. ჯერჯერობით უცნობია თუ ზუსტად რამდენი საქართველოს მოქალაქე იმყოფებოდა გემზე.

🚩ფინეთის საზოგადოებრივი მაუწყებელი YLE აღნიშნავს, რომ როდესაც გემი შენიშნეს, მისი ღუზის ჯაჭვი წყალში იყო ჩაშვებული.

🚩132-მეტრიანი სატვირთო გემი კარიბის ზღვის რეგიონში, სენტ-ვინსენტსა და გრენადინებშია რეგისტრირებული. გემების მარშრუტების მონაცემების ვებგვერდის მიხედვით, გემი რუსეთის ქალაქ სანქტ-პეტერბურგიდან ისრაელში, ჰაიფასკენ მიემართებოდა.

🚩გემი ფინეთის ექსკლუზიურ ეკონომიკურ ზონაში სასაზღვრო დაცვის საპატრულო გემისა და ვერტმფრენის გამოყენებით დააკავეს. ხოლო, კაბელი ესტონეთის ეკონომიკურ ზონაში დაზიანდა.

🚩ადგილობრივი ოფიციალური პირების ინფორმაციით, ეკიპაჟის წევრები საქართველოს, რუსეთის, აზერბაიჯანისა და ყაზახეთის მოქალაქეები არიან.

🚩YLE-სთან საუბრისას ფინეთის პოლიციის მაღალჩინოსანმა განაცხადა, რომ არ სურდა სპეკულირება იმაზე, იყო თუ არა რუსეთი რაიმე ფორმით ჩართული კაბელის დაზიანებაში. მისი თქმით, უმჯობესი იქნება, თუ გამომძიებლებს მიეცემათ საშუალება გაარკვიონ, რა მოხდა.

ამის შემდეგ შეგვეძლება დასკვნების გამოტანა

- თქვა მან.

ბიძინა ივანიშვილი მისი და მისი ცოლის სახელით მიმართვას ავრცელებს:

ძვირფასო თანამოქალაქენო! საქართველოში და ჩვენი ქვეყნის ფარგლებს გარეთ მცხოვრებო ქართველებო!
გილოცავთ დამდეგ შობა-ახალ წელს! მშვიდობის, ერთიანობისა და წარმატების წელი ყოფილიყოს ჩვენი ოჯახებისა და ჩვენი ქვეყნისთვის. თითოეულ თქვენგანს ვუსურვებ ჯანმრთელობას და კეთილდღეობას. ამავდროულად, გისურვებთ, გწამდეთ უკეთესი ხვალინდელი დღის, ვინაიდან ჩვენი და ჩვენი შვილების, ძლიერი და წარმატებული საქართველოს მომავალს ერთად ვაშენებთ!
გამოწვევებით და სირთულეებით იყო აღსავსე გასული წელი. საზოგადოება თვალნათლივ ხედავდა, თუ როგორ ებრძოდა გლობალური, ბოროტი ძალა საქართველოს. ძალა, რომელსაც არაჯანსაღი ამბიცია აქვს მსოფლიო მმართველობაზე. ჩვენ ყველა ერთად ვხედავდით იმ ღია, დაუფარავ და უთანასწორო დაპირისპირებას საქართველოს სუვერენიტეტისა და ერთიანობის წინააღმდეგ, დაპირისპირებას ქართველი ხალხის წინააღმდეგ, რომელსაც ადგილი ჰქონდა როგორც ქვეყნის შიგნით, ასევე ქვეყნის გარედან.
ურთულესი გამოწვევების მიუხედავად, 2025 წელს, ქართველი ხალხის გონიერებითა და ჩვენი პოლიტიკური გუნდის გაწონასწორებული, მშვიდი და პრაგმატული პოლიტიკით ყველა გამოწვევას სათანადო პასუხი გავეცით, გარედან წამოსულ ყველა დარტყმას ღირსეულად დავხვდით და ერთი ნაბიჯი არ გადაგვიდგამს უკან ჩვენი სამშობლოს, ჩვენი ხალხისა და საქართველოს სუვერენიტეტისთვის ბრძოლაში.
რა თქმა უნდა, გაჩერებას და დანებებას არც 2026 წელს ვაპირებთ, რადგან ჩვენს უკან ჩვენი სამშობლო, ჩვენი ოჯახები, ჩვენი კულტურა და ტრადიციები დგას, ჩვენს უკან დგანან ჩვენი შვილები, ამიტომაც, უკან დასახევი გზა უბრალოდ არ არსებობს! ჩვენ არ გვაქვს არჩევანი! სამშობლოს, ერისა და წინაპრების წინაშე ვალდებულები ვართ, რომ დავიცვათ ყველა ის ფასეულობა, დავიცვათ ყველა ის ღირებულება, რამაც ჩვენი მრავალსაუკუნოვანი ერი დღევანდელ დღემდე ამაყად მოიყვანა!
ნურავის ექნება ილუზია, რომ პირადად მე, ან ჩვენი პოლიტიკური გუნდი დაიღლება ამ უთანასწორო ბრძოლაში, თუმცა მთავარია, რომ ჩვენმა ხალხმა, ზუსტად ისე, როგორც აქამდე, 2026 წელსაც მკაფიოდ გაარჩიოს ვინაა საქართველოს მტერი და ვინ - მოყვარე!
მოცემულობას ობიექტურად ვაფასებ და დარწმუნებული ვარ, რომ ასეც იქნება, რადგან ჩემდა საამაყოდ, საქართველოში შედგა საზოგადოება, რომლის მოტყუება, რომლის ემოციებით მანიპულირება არათუ მარტივი არაა, არამედ შეუძლებელია! დიახ, ასეთია დღეს მისი უდიდებულესობა ქართველი ხალხი!
პირადად მე, როგორც ჩემი სამშობლოს ერთი, რიგითი ჯარისკაცი, ჩემს პოლიტიკურ გუნდთან ერთად, 2026 წელსაც ჩვენი ქვეყნის და ჩვენი ოჯახების სადარაჯოზე ვიქნები! ამ რთულ და საპატიო მისიას შევასრულებთ პირნათლად იქამდე, სანამ ჩვენი საზოგადოება საჭიროდ ჩათვლის, რომ საქართველოსთვის ჩვენი სამსახური მნიშვნელოვანია!
ჩემი და ჩემი მეუღლის სახელით კიდევ ერთხელ გილოცავთ დამდეგ შობა-ახალ წელს! გულითადად გისურვებთ მშვიდობას, კეთილდღეობას და ულევ სიხარულს. იმედი, მომავლის რწმენა და ბარაქა ყოფილიყოს თქვენს ოჯახებში.
ღმერთი იყოს ჩვენი და ჩვენი სამშობლოს მფარველი!

‼️ევა შაშიაშვილის პირველი კომენტარი გათავისუფლების შემდეგ, ტვ პირველთან.

ეს მოგვილოცავს მეორედ ახალ წელს.

ასაა, AKA მიხეილ ბელგარდელი 🥳

აშშ-ს საელჩოს საახალწლო მილოცვა

წლის ანტიგმირი

ერთ საათზე ნაკლებ დროში კალენდრიდან ამ დღესაც ავახევთ და ახალ თავს დავწერთ - ერთად თუ ცალ-ცალკე.

პირველ რიგში მადლობით დავიწყებ - მადლობით ვოლ 2-ის ადმინთა კორპუსის მიმართ, რომელიც მართლაც უტეხი კედელივით იდგა ქარტეხილებით სავსე მოვლენების დროს და აშუქებდა ყველა მნიშვნელოვან ამბავს.

(შეილება გენო პეტრიაშვილივით გამომდის, მარა პირველად ვამბობ ასე ღიად იმას, რაც ზემოთ დავწერე. ასე რომ ამ საახალწლოდ ასეთი თქმა მომეტევება 😁)

მეორე მადლობა ეკუთვნის გამომწერებს, რომლებიც დაუღალავად ეცნობოდნენ აქ გაწერილ პოსტებს და ეხმაურებოდნენ სხვადასხვა რეაქციებით. ამით კი ინტერაქციას უწყობდნენ ხელს.

რთულ წელს ვაცილებთ და ტრადიციულად გისურვებთ წარმატებულ, ბედნიერ ფეხმომდგარ 2026-ს.

კიდევ ერთი რას ვისურვებდი? ალბათ უკეთესობისკენ რეალური ცვლილებების წადილს. ეს როგორც ინდივიდუალურ/პიროვნულ განვითარებას, ისე ქვეყანასაც ეხება.

გისურვებთ ნამდვილ ერთიანობას და ერთობას. მრავალჟამიერ, დიდება საქართველოს 🇬🇪🫡

შევხვდებით 2026-ში ❤️

მრავალ ახალ წელს 🥳🫶

‼️ისინი, რაც დღეიდან, 1 იანვრიდან ამუშავდა:

🚩აიკრძალა პლასტმასის პროდუქტის (ჩანგლები, თეფშები და ა. შ.) გაყიდვა

🚩გაუქმდა ე. წ. სამხრეთ ოსეთის დროებითი ადმინისტრაცია

🚩აიკრძალა სამარშრუტო ტაქსებით მგზავრთა შორ მანძილზე გადაყვანა

🚩პენსიები გაიზარდა. არანაკლებ გაიზარდა თანამდებობის პირთა ხელფასებიც.

‼️ახალი წლის ღამეს ქუთაისში, ჭავჭავაძის გამზირზე, მაღაზია გაქურდეს. ამის შესახებ ინფორმაციას "ინფო იმერეთი" ავრცელებს. 

🚩გამოცემის ცნობით, უცნობმა პირებმა მაღაზიის მინა ჩაამსხვრიეს და ისე შევიდნენ შიგნით.  ამ დროისთვის უცნობია კონკრეტულად რა წაიღეს მაღაზიიდან. 
მომხდარზე დაწყებულია გამოძიება. 

🔴 70 წლამდე პენსიონერებისთვის - 20 ლარით (გახდება 370 ლარი);
🔴 70 წლისა და მეტი ასაკის ადამიანებისთვის - 45 ლარით (გახდება 495 ლარი)

🔴პრეზიდენტს, პრემიერს, პარლამენტის თავმჯდომარეს ხელფასი ეზრდებათ 1400 ლარით და ექნებათ 16 000 ლარი;

🔴პარლამენტის თავმჯდომარის მოადგილის - 1260 ლარით და ხდება 14 400 ლარი;

🔴მინისტრებს, პარლამენტის ფრაქციების თავმჯდომარეებს - 1190 ლარით და ხდება 13 600 ლარი;

🔴დეპუტატებს ხელფასი 1120 ლარით ეზრდებათ და 12 800 ლარი უხდებათ;

🔴უზენაესი სასამართლოსა და საკონსტიტუციო სასამართლოს თავმჯდომარეების ხელფასი 1400 ლარით გაიზრდება და გახდება 16 000 ლარი;

🔴უზენაესისა და საკონსტიტუციოს მოსამართლეების - 1190 ლარით და ხდება 13 600 ლარი;

🔴სააპელაციოს მოსამართლეების - 1134 ლარით და ხდება 12 960 ლარი;
საქალაქო და რაიონული სასამართლოების მოსამართლეების - 1008 ლარით და ხდება 11 520 ლარი

🐕🐈 დღეიდან, 2026 წლის 1 იანვრიდან, ამოქმედდა „შინაური ცხოველების შესახებ“ კანონის ერთი ნაწილი, რომელიც მნიშვნელოვნად აუმჯობესებს შინაური ცხოველების დაცვის მდგომარეობას. ამ ახალი წესებით, ცხოველების მეპატრონეებს უჩნდებათ ვალდებულებები და წესდება ჯარიმები.

❌ აიკრძალება არასამკურნალო მიზნით ცხოველებისთვის: ​ყურების მოჭრა; კუდის მოჭრა; ეშვებისა და ბრჭყალების ამოჭრა; სმენის დაქვეითება; ხმის იოგების გადაჭრა.

⭕ მეპატრონე ვალდებული იქნება: ცხოველის ავადობის შემთხვევაში, ის დაუყოვნებლივ გადაიყვანოს ვეტერინარულ დაწესებულებაში; დაბინძურების შემთხვევაში დაასუფთაოს საზოგადოებრივი სივრცე; თუკი ცხოველი გამოიწვევს ზიანს, აანაზღაუროს ის კანონით დადგენილი წესით.