АДМИНИСТРАТОРЛИКДАН ХАЛҚАРО КОМПАНИЯДА МУҲАНДИСЛИККАЧА!

Сизларни фойдали ва қизиқарли аудиочатга таклиф қилмоқчиман!

Меҳмонимиз – EPAM Systems компанияси Software Testing Engineer бўлиб фаолият юритаётган Дилдорахон Эшмурадова.

Дилдора ўзининг "ресепшионист"ликдан тажрибали IT мутахассисигача бўлган тажриба йўли билан бўлишмоқчи.

Сиз суҳбат давомида ўзингизни қизиқтирган саволларингизга жавоб олишингиз мумкин бўлади!

Бу суҳбат мотивация ва амалиётни уйғунлаштирганлар учун ҳақиқий тажриба манбаи бўлиши шубҳасиз!

Вақти: 16 январь соат 16:00да
Ўтказиш жойи: https://news.1rj.ru/str/ITLadiesUzbekistan/250

Қатнашинг ва ўзингизнинг IT соҳасига саёҳатингизни бошланг!

“Ўзбек бой бўлса, қора ишни қилгани керак бўлса бошқалар келади!"

Шундай теран фикрли ва юксак мақсадли ёшларимизнинг борлиги мени ҳар сафар хайратга солади.

Комилжон Хамиджонов 25 ёшда бўлишига қарамай, халқаро даражадаги дастурчи, миллиондан зиёд мижозга эга лойиҳалар яратиб, мингга яқин шогирдлар тайёрлаган.

Бугунги кунда Комилжон VEON Халқаро компанияси таркибида фаолият юритиш билан бирга бир қанча лойиҳалар амалга ошириб келмоқда.

"Суъий интеллект имкониятларидан максимал фойдаланаман. Менинг бир ходимим ва ёрдамчим десам ҳам бўлади. Шу сабабли бугун 10-20 минг АҚШ доллларигача даромад қила оляпман" — дейди Комилжон.

Интервюда у қандай қилиб даромадини қисқа вақтда 10 баробарга оширгани, камгап дастурчилар стереотипни бузгани ва Сунъий интеллект даврида ёшлар нимага тайёр бўлиши кераклиги ҳақида гапирди.

"IT'га кириш учун даҳо бўлиш шарт эмас. Кўпчилик менга ҳамма айтишник бўлса, қурувчиликни, новвойликни ким қилади деб сўрашади. Агар ўзбек бой бўлса керак бўлса бошқа давлатлардан арзон кучлар келиб қилишади" — дейди Комилжон. Қаранг қандай шижоат!

Ушбу видео орқали АйТини ўрганиш бугунги кунда энг тўғри йўл эканлигига гувоҳ бўласиз.

🎞 Тўлиқ видео ушбу ҳаволада: https://www.youtube.com/watch?v=AWK3LYARYI8

Аллоҳнинг суюкли бандаси бўлиш ҳар биримизга насиб қилсин 🤲

Бугун куппа-кундуз кўзим ўнгида яна бир ёшимни ўғирладинг қор...

❗️Nomingizga kredit olishni cheklab qo’ying

Bugungi xabarlar fonida sizga qattiq tavsiyam, nomingizga kredit olishni cheklab qo’ying. Buni nafaqat o’zingiz uchun, balki ota-onangiz va yoshi kattaroq boshqa oila a’zolaringiz uchun ham amalga oshiring.

❓Buning uchun nima qilish kerak?

my.gov.uz portalida “Kredit bitimini tuzishga taqiq qo‘yish yoki taqiqlashni olib tashlash” xizmati bor, o’sha xizmatni faollashtiring.

❓ Bu nima degani?

Siz nomingizga kredit rasmiylashtirilishiga taqiq qo‘yasiz. Kredit tashkilotlari esa qarz berishdan oldin, fuqaro o‘ziga kredit ajratilishiga taqiq qo‘yganmi-yo‘qmi, tekshirishga majbur. Agar taqiq aniqlansa, sizning nomingizga kredit ajratilmaydi.

Mazkur xizmatdan foydalanish bepul va juda oson.

ℹ️ Ma’lumot uchun:

✅ "Yoqilgan" statusi — kredit olishga taqiq o’rnatilgan degani;
❌ "O’chirilgan" statusi — taqiq yo’q degani.


👉 @xushnudbek 👈

Фарзандларимиз орқасидан “бу фалончи Инсоннинг ота-онаси” деган гапни эшитиш насиб қилсин ҳар биримизга🤲🤲🤲

Шу кунларда Муҳаммад ал-Хоразмий номидаги ихтисослаштирилган мактабда Халқаро Бакалавриат IB дастури верификацияси бўйича халқаро ташрифлар ўтяпти. Унга кўра халқаро даражадаги мутахассислар мактабда баҳолаш тизимини янги босқичга олиб чиқишда талабларга жавоб берилишини ўрганишяпти.

Қизим Шахло ҳам ўқувчилар орасидан кузатувчиларга хамрох сифатида қатнашаётганини мактабнинг расмий каналида кўриб ғурурга тўлдим ва кўзимга ёш келди…

Сабаби менинг энг катта орзуларимдан бири кун келиб, “бу аёл Ширин ва Шахлони онаси”, “Тарбия берган ота-онасига раҳмат” деган сўзларни эшитиш🤲

Ҳар биримизга фарзандларимизнинг ютуқларидан қувониб, ғурурланиб юриш бахти насиб қилсин🤲

Ўзбек қизи АҚШнинг TOP университетига $380 000 дан ортиқ тўлиқ грант билан қабул қилинди

Илк бор ўзбек талабаси АҚШнинг энг нуфузли олий таълим муассасаларидан бири — Rice University’га бакалавриат босқичида, тўлиқ грант (full-ride) асосида қабул қилинди.

Фарғоналик қиз Дилафруза Жўрабоева Rice University тарихидаги биринчи ўзбек бакалавр талаба бўлди.

Университет АҚШда TOP-15-17 олий таълим муассасалари қаторидан жой олган бўлиб, “New Ivy” университетлари сифатида Harvard, Stanford ва MIT билан бир қаторда тилга олинади.

Дилафрузагa тақдим этилган грант миқдори $380 000 дан ортиқ бўлиб, у ўқиш, яшаш, суғурта ва бошқа барча харажатларни қамраб олади. Бу ютуқ нафақат шахсий муваффақият, балки бутун Ўзбекистон учун тарихий натижадир.

Дилафруз аллақачон технология соҳасида ҳам етакчи сифатида танилган Ўзбекистондан чиққан илк аёл Microsoft Ambassador ҳисобланади.

У ўз йўли ҳақида шундай дейди:

“Ўтган йили кўплаб дўстларим хорижий университетларга ҳужжат топшираётган эди. Онам бу йил топширмаслигимни хоҳлади ва мен вақтинча рози бўлдим. IELTS’дан 6.0 олганимдан кейин жуда тушкунликка тушдим.”

У Ўзбекистондаги университетлардан бирига грант асосида қабул қилинади. Онаси бундан хурсанд бўлади, аммо отасининг сўзлари унинг тақдирини ўзгартиради:

“Сен Америкага боришни хоҳлардинг-ку. Нега ҳозир тўхтаяпсан?’ деди. Дадамнинг шу гаплари менга куч берди.”

Шундан сўнг у 3 ой ичида IELTS натижасини 6.0 дан 7.5 га кўтаради ва 40 та университетга ҳужжат топширади. Rice University эса у энг кам умид қилган вариантлардан бири бўлади, чунки бу университет Марказий Осиё талабалари учун жуда ёпиқ ҳисобланади.

“Бу йўлда мени қўллаб-қувватлаган барча инсонларга раҳмат. Мен ўзбек эканимдан фахрланаман. Умид қиламанки, бу ютуқ бошқа ёшлар учун ҳам йўл очади.”