დღესდღეობით აგენტების კანონის ირგვლივ შემდეგი ვითარება იკვეთება:

არანაირი გადატრიალების შანსი ახლა პრაქტიკულად არ არსებობს, რადგან პროდასავლური ოპოზიციის დღევანდელი ძალები იმდენად არ იძლევა ამის საშუალებას, რომ ისინი არც კი განიხილავენ მსგავს მცდელობას და, ყველაფერთან ერთად, ახლა, როცა არჩევნებამდე სულ რამდენიმე თვეა დარჩენილი, არც კი აწყობთ, რადგან არჩევნებზე ბედის ცდა და შემდეგ, წარუმატებლობის შემთხვევაში, არეულობები, შესაძლო გადატრიალების ბევრად ეფექტური მიზეზია, ვიდრე რაღაც კანონი, რომლის უკან გაწვევაც და, შესაბამისად, მის ირგვლივ აწეული მუხტის მყისიერად ჩაცხრობაც ხელისუფლებას ნებისმიერ მომენტში შეუძლია. ამიტომ ამ, ნებისმიერ მომენტში უკან გაწვევადი კანონის და არსებული ძალთა ბალანსის პირობებში რევოლუცია სრულიად გამორიცხული სცენარი ჩანს.

რაც შეეხება კანონის მიღება-არმიღების შანსებს, როგორც ჩანს, ხელისუფლებას მყარად აქვს გადაწყვეტილი მისი მიღება, ხოლო ოპოზიციას თუ პირდაპირ რევოლუციის მოწყობის ძალები არ გააჩნია, მაშინ არეულობებით და ფიზიკური შეტაკებებით უბრალოდ კანონის უკან გაწვევის ამოცანის დასახვა მხოლოდ ანტიდასავლური ამომრჩევლის კონსოლიდაციას გამოიწვევს არჩევნების წინ, რაც ოპოზიციის ინტერესებში არ შედის. ამიტომ, უდიდესი ალბათობით, ოპოზიცია მშვიდობიანი მეთოდებით და დასავლელი პოლიტიკოსების განცხადებებით ეცდება ოცნების ანტიდასავლურ ძალად გასაღებას და ამით მათი რეიტინგის შერყევას წინასაარჩევნოდ, რასაც წარმატებით აკეთებენ კიდეც. და ამ ამოცანისთვის ოცნების მიერ აგენტების კანონის მიღება მედასავლეთეებისთვის მომგებიანიც კია.
აქედან გამომდინარე, როგორც ჩანს, არც აგენტების კანონის მიღებას ემუქრება ამ ეტაპზე რამე.

ამიტომ, ქართული ოცნების მიერ 29 აპრილს დაგეგმილი შეკრება, რომელიც თან დეკლარირებულად პირდაპირ პარტიული შეკრებაა, უბრალოდ ქართული ოცნების პარტიული რეიტინგის გამყარების ამოცანას ემსახურება და ვერანაირ სხვა, უფრო გლობალურ და მნიშვნელოვან ამოცანას ის არ და ვერ გადაჭრის.

აქედან გამომდინარე, ოცნების ირგვლივ მოტრიალე წრეებიდან სხვა პარტიების მიმართ 29 მარტის აქციაში მონაწილეობისკენ გააქტიურებული მოწოდებები, რბილად რომ ვთქვათ, ძალიან არასერიოზულად ჟღერს, რადგან სინამდვილეში სხვა არაფერია, თუ არა პირდაპირ ქართული ოცნების დროშის მაქსიმალური გზნებით ქნევის მოწოდებები და თან ეს გზნება ევროკავშირისკენ ამაყად სვლის მოწოდებებით რომ უნდა იყოს გაფორმებული.

გარწმუნებთ, აქ გადატრიალება თუ მოხდა, კობახიძეს და მდინარაძეს და, მითუმეტეს, მათ მხარდამჭერებს ფიზიკურად არაფერი დაემუქრება, ალტ-ინფოსგან განსხვავებით და რევოლუციისგან ქუჩაში თუ გახდა ქვეყანა დასაცავი, მაგას კონსერვატორებს ვერავინ დაასწრებს.

📍 რამდენიმე წუთის წინ, ევროპარლამენტმა საქართველოს შესახებ რეზოლუცია 5-ვე ჩასწორებით მიიღო. ინფორმაციას „მთავარი არხი“ ავრცელებს.
დოკუმენტით, რომელიც 425 ხმით 25-ის წინააღმდეგ იქნა დამტკიცებული, ევროდეპუტატები ევროკომისიიგან ბიძინა ივანიშვილის დასანქცირებას მოითხოვენ, ასევე დაყენებულია პატიმრობიდან მიხეილ სააკაშვილის გათავისუფლების საკითხი. ამასთან, დეპუტატები ევროკომისიისგან მოითხოვენ, გადაიხედოს ქვეყანასთან ვიზალიბერალიზაციის პირობები.

რეზოლუციის დოკუმენტში ხაზგასმულია, რომ ქვეყანა ვერ გადავა ევროკავშირში გაწევრიანების შესახებ მოლაპარაკებების ეტაპზე, თუკი საქართველოს პარლამენტი „ქართული ოცნების“ მიერ ხელახლა ინიცირებული „უცხოური გავლენის გამჭვირვალეობის შესახებ“ კანონპროექტს დაამტკიცებს.

ახლა უკვე 70 ათასზე მეტი ხელმოწერა შევაგროვეთ და ცსკო-ში შეგვაქვს ჩვენი ახალი პარტიის, "ქართული იდეის" საარჩევნო სუბიექტად რეგისტრაციისთვის ;)

ეს წერილი დაგვახვედრა ცეესკომ და გვითხრა, რომ არ დაითვლის ჩვენს მიტანილ 70 000 ხელმოწერას, რადგან რეესტრმა ჩვენი ახალი პარტიის ,,ქართული იდეის,, გაუქმების პროცესიც დაიწყო.

ვუყურებ ახლა ამ დოკუმენტს რომლითაც ოცნება ,,ქართულ იდეას,, აუქმებს, პარტიას რომელიც წინა არჩევნებში მონაწილეობას იღებდა და პარალელურად ვკითხულობ ვითომ ეროვნული ფლანგის ხალხის პოსტებს, ვინც ჩვენ სამშობლოს მოღალატედ გვაცხადებენ იმის გამო, რომ ოცნების პარტიულ ღონისძიებაზე არ მივდივართ.

ესაა რეალობა.
ჩვენ ყველაფერს გავაკეთებთ იმისთვის, რომ არჩევნებზე ხალხს ნაცების და ქოცების გარდა კიდევ რამე არჩევანი ქონდეს. მაგრამ ხალხმაც უნდა გადაწყვიტოს, საერთოდ უნდა თუ არა ასეთი არჩევანი.

თუ გინდა უფლება, მისთვის რამე უნდა გააკეთო.

ქართული ოცნება ჩვენს ახალ პარტიასაც აუქმებს. საქართველო თავის საკუთრებად გამოაცხადეს, ვინც ელოდება რომ ოცნებას გვერდში დაუდგება და მაგით ქვეყანას გადაარჩენს, ღმერთმა შეგარგოთ თქვენი ბატონი ბიძინა… არ შეიძლება ასე გაგრძელება, “ოცნებას გვერდში რატომ არ უდგეხართ” ასეთი პრეტენზიებით ვინც გამოდიოდა, ისინი გაყიდული ოცნების ხალხია. არ უნდა დაიბნეს ხალხი, სანამ ყველა არ მიხვდება, რომ ოცნების გვერდში დგომა არ შეიძლება, მანამდე არაფერი გამოვა…

📍ირაკლი მარტინენკო - „ქართული ოცნება“ ჩვენს ახალ პარტიასაც აუქმებს. არ შეიძლება ასე გაგრძელება, “ოცნებას გვერდში რატომ არ უდგეხართ” ასეთი პრეტენზიებით ვინც გამოდიოდა, ისინი გაყიდული ოცნების ხალხია.

უბრალოდ დაფიქრდით, ხელისუფლება ისეთ სურათს ხატავს, თითქოს გადატრიალებას უწყობენ და ხალხმა უნდა დაიცვას ისინი. ამ დროს თვითონ აინიცირებს კანონს, რომლის გამოც ყველა დასავლეთის აგენტს უბიძგებს ქუჩაში გამოსვლისკენ. მეორეს მხრივ, კონსერვატიულ ფლანგზე ყველაზე ძლიერ პოლიტიკურ ორგანიზაციას გაუუქმეს პარტია, ამით კონსერვატიულ ფლანგსაც გვიბიძგებენ ქუჩაში გამოსვლისკენ.

ამ ყველაფრის ფონზე ყველას უნდა გაუჩნდეს ლოგიკური კითხვა: თუ ხელისუფლებას მაღალი რეიტინგი აქვს და მას გადატრიალებას უმზადებენ, მაშინ რაში სჭირდება ისეთი კანონის ინიციირება, რომლის გამოც პროდასავლელები ქუჩაში გამოვლენ და ამავე დროს ხელისუფლებას რაში სჭირდება კონსერვატორების პარტიის გაუქმება და ამით კონსერვატორებს ბიძგება ქუჩაში გამოსვლისკენ?

პასუხი მარტივია... სინამდვილეში ხელისუფლებას არ აქვს საკმარისი რეიტინგი და ისეთ ნაბიჯებს დგამს, რომლებმაც კონკურენტები ქუჩაში გამოსვლაზე და პროცესების ძალადობრი ფორმებში გადაყვანაზე უნდა აიძულონ. ასე ოცნება ეცდება გამოაცხადოს, რომ მას ვითომ გადატრიალებას უწყობდნენ და მან დაიცვა საკუთარი ქვეყანა.

ანუ ხელისუფლებას აწყობს ქუჩაში ძალადობრივი პროცესები და ამიტომ აინიცირებს კანონს, ასევე პარალელურად კონსერვატორებს პარტიას უუქმებს.

ჩვენ ოცნების წამოწყებულ თამაშებს არ უნდა ავყვეთ და რაც ჩვენს ქვეყანას სჭირდება, იმის კეთება უნდა გავაგრძელოთ. ამ ქვეყნის კონსერვატიულ მოსახლეობას უნდა მივცეთ არჩევანის უფლება.

დღეს მართლმადიდებლური სამყარო ბზობას - მაცხოვრის იერუსალიმში დიდებით შესვლას აღნიშნავს.
ამ დღეს ბაიაობას ანუ ბზობას უწოდებენ.
ბზობა თორმეტთაგან რიგით პირველი მოძრავი დღესასწაულია, რომელიც ყოველთვის ემთხვევა ბრწყინვალე აღდგომის წინა კვირა დღეს.
ტაძრებში კი დილიდან სადღესასწაულო წირვა-ლოცვა აღევლინება.
ტელეკომპანია "ალტ-ინფო" გილოცავთ დღევანდელ დღეს

დაიწყო ვნების შვიდეული.
ალტ-ინფო აღდგომის ბრწყინვალე დღესასწაულამდე აჩერებს გადაცემა ალტ-ანალიტიკას და ის ეთერში 7 მაისიდან დაბრუნდება.

დღეს დიდი ორშაბათია, დღე, როდესაც იესომ დაწყევლა ლეღვის ხე.

“მეორე დღეს ბეთანიიდან რომ გამოვიდნენ, მოშივდა. შორიდან დაინახა გაფოთლილი ლეღვის ხე. მივიდა, იქნებ ზედ რამე ვიპოვოო. რომ მივიდა, ვერაფერი იპოვა ფოთლების მეტი, რადგან ჯერ არ იყო ლეღვობის დრო. უთხრა მას: “ნუღარავინ ჭამოს უკუნისამდე შენი ნაყოფი!” და გაიგონეს მისმა მოწაფეებმა.” (მარკ. 11:12-14).

“დილით რომ გამოიარეს დაინახეს: ფესვებიანად გამხმარიყო ლეღვის ხე. გაახსენდა პეტრეს და უთხრა: “რაბი, აჰა, ის ლეღვი, შენ რომ დაწყევლე, გახმა”. პასუხად უთხრა მათ იესომ: “გქონდეთ ღმერთის რწმენა!” (მარკ. 11:20-22).

უზარმაზარი, ფოთლებით შემკობილი ხე, რომელიც ნუგეშის და საზრდოს იმედს იძლევა შორიდან, უნაყოფობის გამო, ქრისტეს მიერ დაწყევლილი, არის ვნების კვირის ორშაბათის სიმბოლო.

📍ზურაბ მახარაძე - ჩვენ მიმართებაში ისეთი კანონონდარღვევების ჩადენა დაიწყეს, შეუძლებელია იმის გაგება, თუ რა შეიძლება გაკეთდეს.

❗ცნობისათვის, პარტია „ქართული იდეის“ რეგისტრაციის უსაფუძვლო შეჩერების პასუხად, „ალტ-ინფოს“ლიდერებმა დღეს საჯარო რეესტრს საჩივრით მიმართეს.
მოთხოვნა ერთადერთია - გადაწყვეტილების გადახედვა და რეგისტრაციის პროცედურის დაწყება.
შეგახსენებთ, რომ „ქართულ იდეას“ რეგისტრაცია უსაფუძვლოდ შეუჩერეს იმ უწყების პრეტენზიის საფუძველზე, რომლის კომპეტენციაც ეს საერთოდ არ არის.

უბრალოდ კითხვა მაქვს, გუშინდელმა ოცნების აქციამ უკვე გადაარჩინა საქართველო?

ეს ბოლო დროა, ოცნების მიმართ დიდი რაოდენობით ვაზელინის მომხმარებელი ან ხან ვითომ კრიტიკული და ხან ვაზელინის მომხმარებელი ადამიანები რაღაც ჭორებს ავრცელებენ, რომელთა კონტექსტიც ის არის, თითქოს, ჩვენ რატომ გვებრძვის ოცნება, ამას რაღაც საფუძვლები აქვს, რომლების შესახებაც ხალხმა არ იცის, თორემ, რომ გაიგოს ყველამ, ხალხი მიხვდება, რომ ოცნება სწორად იქცევა, პარტიებს რომ გვიუქმებს... ოცნებისტებო და "ოცნება არ ვარ, მაგრამ ბატონი ბიძინა მაგარ საქმეს აკეთებს" ხალხო, იქნება ჩვენც და ხალხსაც უთხრათ,  რაზეა ლაპარაკი... ყველა ერთ ხმად როგორ ალაპარაკდებით ხოლმე "ეს ბიჭები კი მართლები ჩანან, მაგრამ რაღაცეები არსებობს, რასაც საჯაროდ ვერ ვიტყვით" 😄 ვინც არ თქვას იმის...

მედასავლეთეები ახლა ატარებენ მათთვის იდეალურ საარჩევნო კამპანიას:

აქციებზე კონფრონტაციის და პროვოკაციების ხარისხს აკონტროლებენ ზუსტად იმ დონეზე, რომ საკუთარი თავები უსამართლოდ გალახული "მშვიდობიანი" მომიტინგეების სტატუსში გამოიყვანონ და ამით და დასავლეთის რეაქციებით ოცნებას უფორმებენ ანტიდასავლური, ძალადობრივი ხელისუფლების სტატუსს, რაც იმდენად უნგრევს ოცნებას რეპუტაციას, განსაკუთრებით საკუთარი ამომრჩევლის პროდასავლურად განწყობილ ნაწილში, რომელთა შეხედულებების ფორმირებაზე თვითონ იმუშავა თორმეტწლიანი, აქტიური პროდასავლური კურსით, რომ უკვე საკუთარი ცნობილი სახეები და დაფინანსებული ფიგურები გაურბიან და ზურგში უტყავენ.

დასავლელების გათვლა ის არის, რაც ივანიშვილმა აქციაზე პირდაპირ თქვა: არჩევნებამდე ოცნების რეპუტაციის ისეთი შევარდნაძიზაცია, რომ მისი მხარდაჭერა უმრავლესობაში უბრალოდ უხერხული იყოს, არჩევნების წინ სანქციებით და ევროსტატუსის მოლაპარაკებების დაბლოკვით დარტყმა და არჩევნებზე დამარცხება. თუ არჩევნებზე დამარცხება არ გამოვიდა, შემდეგ არჩევნების არალეგიტიმურად ცნობა და მაიდანი. ეს არის დასავლელების გეგმები და მისკენ მიდიან მეთოდურად.

მანამდე იქნება ოცნების ხანგრძლივი ჯანჯღარი, მედასავლეთეების პროვოკაციების შედეგად გალახული მომიტინგეების სურათების დადების მცდელობები, გამეტებული დასავლური გმობა და აღშფოთებები და ოცნების დემონიზაცია.
მთავარი, მომაკვდინებელი დარტყმა ოქტომბრისთვის მზადდება, ახლა კი ამ დარტყმის სამობილიზაციო პროცესს ვუყურებთ.

ქართული ოცნების პროპაგანდისტები და დეპუტატები მიზანმიმართულ დეზიმფორმაციას ავრცელებენ, თითქოს ალტ ინფოელები თავს დაესხნენ მომიტინგეებს.

ოცნების პროპაგანდისტების მხრიდან ამ ტყუილის გავრცელება ცხადჰყოფს, რომ ოცნებას უნდა ქუჩაში დაპირისპირებაში ალტ-ინფოს ჩათრევა. ჩვენი პარტიებიც ამიტომ გააუქმეს, რომ გვიბიძგონ ქუჩაში გამოვიდეთ და დაპირისპირება მოხდეს.

⚜️ იერუსალიმში, ქრისტეს აღდგომის ტაძარში მორწმუნეები წმინდა ცეცხლის გარდამოსვლას ზეიმობენ.
საქართველოში, თბილისის დროით 23 საათზე ჩამობრძანდება წმინდა ცეცხლი.

გილოცავთ აღდგომის ბრწყინვალე დღესასწაულს!
ღმერთმა დაგლოცოთ თქვეს ოჯახებთან ერთად!

ამ ქვეყნის უბედურება იმაშია, რომ სამართლიანობაზე არავინ ფიქრობს. რაღაც პოლიტიკურ მხარეებად არის გაყოფილი ხალხი და ყველაფერზე მიდიან, ოღონდ თავისი გაიტანონ.

კოლექტიური ნაციონალური მოძრაობა და კოლექტიური ქართული ოცნება ცხოველური ინსტინქტებით მოქმედებენ. არ არსებობს რამე წესი, რომელსაც ისინი არ დაარღვევენ, რათა თავისი გაიტანონ.

ამ მოცემულობიდან გამოსავალი არაა ამათგან ერთ-ერთის მხარდაჭერა. გამოსავალია ახალი ძალა, რომელიც სამართლიანობას დაამყარებს. ყველას მივმართავ, ვინც უყურებს მიმდინარე პროცესებს და ხვდება რომ ასე არ უნდა იმართებოდეს ქვეყანა... ჩვენც იგივე შეხედულება გვაქვს ამ მოვლენებზე, ამიტომ ერთად დავდგეთ და ვიბრძოლოთ იმისთვის, რომ სამართლიანი გარემო იყოს ჩვენს ქვეყანაში.

ძალა ერთობაშია!

ევროპაზე გამარჯვების დღეს გილოცავთ!

მოვლენები იმდენად დაძაბულია, რომ პოლიტიკა მთლიანად ემოციურ ჭრილშია გადასული და ხალხი სრული სურათის დანახვას ვეღარ ახერხებს.