🔻 داوای لابردنی پارێزبەندیی هاوسەرۆکان و 16 پەرلەمانتاری دەم پارتی دەکرێ

🔹 وەزارەتی دادی تورکیا بۆ وەرگرتنەوەی پارێزبەندی لە 22 پەرلەمانتاری فراکسیۆنی دەم پارتی و جەهەپە، 37 دۆسیەی تاوانی پێشکێشی سەرۆکایەتیی پەرلەمانی تورکیا کرد. هاوسەرۆکانی دەم پارتی لەنێویاندان.  
 
🔹 بەگوێرەی راگەیێندراوی فەرمانگەی راگەیاندنی پەرلەمانی تورکیا، 37 دۆسیەی تاوان دژی 22 پەرلەمانتاری فراکسیۆنەکانی دەم پارتی و جەهەپە پێشکێشی سەرۆکایەتیی پەرلەمان کراون. 33 دۆسیەی تاوان دژی 18 پەرلەمانتاری دەم پارتی پێشکێش کراون. 
 
🔹 دۆسیەکانی تاوان دژی پەرلەمانتارانی دەم پارتی بەمشێوەیەیە:
 
• تولای هاتیمئۆغوڵڵاری، هاوسەرۆک و پەرلەمانتاری بازنەی ئادانا (3 دۆسیە) 
 
• تونجەر باکرهان، هاوسەرۆک و پەرلەمانتاری بازنەی سێرت (2 دۆسیە)
 
• بەریتان گونەش، پەرلەمانتاری بازنەی مێردین (4 دۆسیە)
 
• عومەر ئۆجەلان، پەرلەمانتاری بازنەی رووها (3 دۆسیە)
 
• عەلی بۆزان، پەرلەمانتاری بازنەی مەرسین (3 دۆسیە)
 
• سینان چیفتەیورەک، پەرلەمانتاری بازنەی وان (2 دۆسیە)
 
• سالیحە ئایدەنیز، پەرلەمانتاری بازنەی مێردین (2 دۆسیە)
 
• عومەر فاروق گەرگەرلیئۆغڵو، پەرلەمانتاری بازنەی کۆجائێلی (2 دۆسیە)
 
• گولدەرەن ڤارلی، پەرلەمانتاری بازنەی وان (2 دۆسیە)
 
• وەزیر جۆشکون پارلاک، پەرلەمانتاری بازنەی جۆلەمێرگ (2 دۆسیە)
 
• گوڵستان کڵچ کۆچیگیت، بریکاری هاوسەرۆکی فراکسیۆن و پەرلەمانتاری بازنەی قەرس (1 دۆسیە)
 
• سری ساکیک، پەرلەمانتاری بازنەی ئاگری (1 دۆسیە)
 
• محەممەد زەکی ئیرمەز، پەرلەمانتاری بازنەی شرنەخ (1 دۆسیە)
 
• ئۆنور دوشونمەز، پەرلەمانتاری بازنەی جۆلەمێرگ (1 دۆسیە) 
 
• بەردان ئۆزتورک، پەرلەمانتاری بازنەی ئامەد (1 دۆسیە)
 
• نەورۆز ئویساڵ ئاسڵان، پەرلەمانتاری بازنەی شرنەخ (1 دۆسیە)
 
• کاموران تانهان، پەرلەمانتاری بازنەی مێردین (1 دۆسیە)
 
• بورجوگوڵ چوبوک، پەرلەمانتاری بازنەی ئیزمیر (1 دۆسیە)
 
🔹 لیژنەی داد و دەستووری پەرلەمانی تورکیا ژمارەی دۆسیەکانی تاوانیشی تایبەت بە وەرگرتنەوەی پارێزبەندی لە پەرلەمانتارانی 28ـەمین خولی پەرلەمان بڵاوکردوەتەوە و دەڵێ، تاوەکو ئێستا 873 دۆسیەی تاوان بۆ وەرگرتنەوەی پارێزبەندی پێشکێش کراون کە 574یان دژی پەرلەمانتارانی دەم پارتیین، لەوانە 107 دۆسیە دژی سالیحە ئایدەنیز، پەرلەمانتاری دەم پارتی لە بازنەی مێردین.
 
🔹 بەپێی رێکارەکان، نوعمان کورتولمووش، سەرۆکی پەرلەمانی تورکیا، دۆسیەکانی تاوان ئاراستەی فەرمانگەی لێکۆڵینەوەی پەرلەمان دەکات بۆ بەدواداچوون لە نەبوونی کەموکورتی لە دۆسیەکان و دواتر ئاراستەی لیژنە پەیوەندیدارەکانیان دەکات. دوای پەسەندکردنیان، دەخرێنە بەرنامەی خشتەی کاری ئەنجوومەنی گشتیی بۆ ئەوەی دەنگیان لەسەر بدرێت.

🔻 ساڵح موسلیم: ئەمریکا بە هەموو ڕێگایەک هەوڵی ئەوە دەدات هەسەدە هاوشێوه‌ی ئێستا بمێنێته‌وه‌

🔹 ساڵح موسلیم، ئەندامی ئەنجومەنی هاوسەرۆكایەتی پارتی یه‌كیه‌تی دیموكرات ڕایگه‌یاند، ئەمریکا بە هەموو ڕێگایەک هەوڵی ئەوە دەدات هەسەدە هاوشێوه‌ی ئێستا بمێنێته‌وه‌ و "ئێمەش ئەوەمان دەوێت بۆ پاراستنی ناوچەکانمان"، ده‌شڵێت، توركه‌كان دژی ڕێكه‌وتنی 10ی ئازاری 2025ن كه‌ له‌ نێوان مه‌زڵوم عه‌بدی و ئه‌حمه‌د شه‌رع، سەرۆکی سوریا بۆ قۆناغی راگوزەر واژۆكرا.

🔹 ساڵح موسلیم له‌ چاوپێكه‌وتنێكدا له‌گه‌ڵ كه‌ناڵی العربیه‌ له‌باره‌ی ڕێكه‌وتنی نێوان رۆژاڤای كوردستان و حكومه‌تی دیمه‌شق ڕایگه‌یاند، "توركیا دژی رێككەوتنی 10ی ئازاری 2025 كه‌ له‌ نێوان ئه‌حمه‌د شه‌رع و مه‌زڵوم عه‌بدی واژۆكراوه‌، لەبەرئەوەی ئەوان بەشدارنەبون و بەشێك نەبون لێی و بەسەرپەرشتی ئەمریكا كرا".

🔹 ئاماژه‌ی به‌وه‌شكردوه‌، توركه‌كان له‌سه‌ره‌تاوه‌ لەگەڵ ڕێكه‌وتنی 10ی ئازار نەبون و تائێستاش بەشێوازی جۆراوجۆر بەربەستی بۆ دروست دەكەن لەڕێی دروستكردنی فشار بۆ سەر حكومەتی سوریا.

🔹 په‌یوه‌ست به‌ رۆڵی ئه‌مریكا، ساڵح موسلیم ده‌ڵێت، " ئەمریکا هەوڵدەدات هەسەدە هاوشێوه‌ی ئێستا بمێنێته‌وه‌ و ئێمەش ئەوەمان دەوێت، بۆ پاراستنی ناوچەکانمان".

🔹 په‌یوه‌ست به‌ سه‌ردانه‌كه‌ی مه‌زڵوم عه‌بدی بۆ دیمه‌شق كه‌ بڕیاربو هه‌فته‌ی رابردو ئه‌نجامبدرێت، ساڵح موسلیم وتی، "پێموایە كەشوهەوا و دۆخی دیمەشق بوەتە هۆی دواخستنی سەردانەكە، پێداگرین لەسەر واژۆكردنی رێككەوتنەكە بە یەكجاری لەژێر سەرپەرشتی ویلایەتە یەكگرتوەكانی ئەمریكا، ئەوەش توركیای نیگەران كردوە، وایلێكردون بەم دواییە بەشێوازی جیاواز هەوڵی ناشرینكردنی هێزەكانی سوریای دیموكرات بدەن".

🔹 10ی ئازاری 2025 ڕێكه‌وتننامه‌یه‌ك له‌ نێوان مه‌زڵوم عه‌بدی، فه‌رمانده‌ی گشتی هه‌سه‌ده‌ و ئه‌حمه‌د شه‌رع، سه‌رۆكی سوریا بۆ قۆناغی راگوزه‌ر واژۆكرا، به‌ ئامانجی تێكه‌ڵكردنی هێزه‌كانی هه‌سه‌ده‌ له‌گه‌ڵ سوپای سوریا و به‌ڕێوه‌بردنی سوریا، به‌ڵام تائێستا ڕێكه‌وتنه‌كه‌ جێبه‌جێنه‌كراوه‌.

🔻 سەقز/ پێداگرتنەوە لەسەر دروشم و هەڵوێستی ڕوونی خەڵکی ڕۆژهەڵاتی نیشتمان؛ ئەمڕۆ ١١ی بەفرانبار، شەقامی "معلم"

🔹 پەیامەکان بریتی بوون لە:
١. نا بۆ کۆماری ئیسلامیی ئێران
٢. نا بۆ ڕژیمی پەهلەوی
٣. نا بۆ سیستمگەلی کۆلۆنیالیزمی
٤. نا بۆ حکومەتە فاشیستی و ناوەندخوازکان
٥. سەروەریی سیاسیی ئامانجی کوردستانە

🔻 ڕاگەیاندنی کۆمەڵەی زەحمەتکێشانی کوردستان لە بارەی ئاخێزی نوێی جەماوەری و پێویستیی یەکگرتوویی بەرینی بزووتنەوە کۆمەڵایەتی و سیاسییەکان

🔹 شەپۆلی نوێی ئاخێزی جەماوەری کە لە هەشتی مانگی بەفرانبارەوە بە ناڕەزایی دەربڕینی بازاڕییەکانی تاران دەستی پێکردووە و ڕۆژانی دواتر بەرینتر بووەتەوە و زۆر شار و شارۆچکەی ژێر دەسەڵاتی کۆماری ئیسلامیی گرتووەتەوە، کاردانەوەیەکی کاتی نییە. ئەم ئاخێزە وەڵامی خەڵکە بۆ قەیرانی قووڵی پێکهاتەی سیاسی و ئابووریی کۆماری ئیسلامی، قەیرانێک کە دەری دەخات ناڕاەزاییەکان بەرامبەر بە دۆخی نالەباری ژیان و ئابووری و گوشارە کۆمەڵایەتییەکان زیاتر لە جاران گرێدراوی چارەنووسی سیاسییە.

🔹 بەرامبەرکێی کۆمەڵایەتی لە ئێراندا گەیشتووەتە قۆناخێکی یەکلاکەرەوە، قۆناخێک کە تێدا دژبەریی نێوان زۆرینەی خەڵکی بەشخوارو (نەتەوە ژێردەستەکان، ژنان، کرێکاران و چینی کەمداهات، لاوان و ...) لەگەڵ سیستەمی سیاسی و ئابووریی زاڵ، ئاشکراتر و ناسازگارتر لە جاران دەرکەوتووە. ئەوەی ئەمڕۆ لە شەقام و کۆڵانەکان، شوێنی کارەکان، بازاڕەکان و زانستگاکاندا ڕوو دەدات، ئاکامی کەڵەکەبوونی ساڵانێک ستەم، چەوساندنەوە، هەڵاواردن و بێبەشکردنی سیستێماتیکی زۆرینەی خەڵک لە مافی دیاریکردنی چارەنووسی سیاسیی خۆیانە.

🔹 ئەم ئاخێزە بەتایبەت بە بەشداریی توێژە جۆراوجۆرەکانی کرێکاران، ژنان، زەحمەتکێشان، بازاڕییەکان، شۆفێرەکان، مامۆستایان و خوێندکارانی زانکۆکان و چینی کەمداهات، دەری دەخات کە ناڕەزاییە کۆمەڵایەتییەکان زیاتر لە جاران لە ئاستی داوکاریهاییەکی پەرشوبڵاو تێپەڕیوە و گەیشتووەتە ئاستێکی قووڵتر و سیاسیتر.

🔹 شۆڕشی ژن، ژیان، ئازادی خاڵی وەرچەرخانی ئەم ڕەوتە بوو، شۆڕشێک کە لە بەرامبەر کۆنترۆڵ بەسەر جەستە، ژیان و ئازادیدا ڕاوەستا و بنەما ئیدۆئۆلۆژیکەکانی کۆماری ئیسلامیی ئێرانی کردە ئامانج. ئەمڕۆ هەر ئەو بزووتنەوەیە بە گرێدران بە داخوازییە چینایەتی و کۆمەڵایەتییەکانەوە هاتووەتە مەیدانی ژیانی ڕۆژانەی خەڵکەوە و سیستەمی دەسەڵاتی لە هەموو ئاستەکانیدا تووشی قەیران کردووە. ئەم ئاڵوگۆڕانە دەری دەخات کە کۆمەڵگا بە چاکسازیی درۆیینەی دەوڵەتی و ڕووکەش ڕازی نابێت و هەوڵ بۆ چارەسەرێکی بنەڕەتی دەدا.

🔹 لە ڕوانگەی کۆمەڵەی زەحمەتکێشانی کوردستانەوە، کۆماری ئیسلامی پێکهاتەیەکە کە لەسەر بنەمای سەرکوت، نکۆڵی لە بوون و مافی نەتەوەکان، هەڵاواردنی ڕەگەزی، تاڵانی داهاتی گشتی و سەپاندنی هەژاریی ڕێکخراو بەسەر خەڵکدا کە ئاکامی تەریککەوتنەوەی نێونەتەوەیی و پێداگری لەسەر هەناردەکردنی تیرۆریزم و شەڕخوازییە، دامەزراوە و نە دەیەوێت و نە دەتوانێت داواکارییەکانی خەڵک وەڵام بداتەوە و نە هیچ ئاسۆیەک بۆ داهاتوویەکی مرۆیی دەداتە خەڵک. ئەزموونەکانی چەند دەیەی ڕابردوو سەلماندوویەتی چۆن کۆمەڵە هەر لە سەرەتای دەسەڵاتی حکوومەتی ئیسلامییەوە ڕایگەیاندووە ئەم دەسەڵاتە دیکتاتۆرییە گشتخوازە نە چاکسازی تێدا دەکرێت و نە دەرفەتی گۆڕانی تێدا هەیە. بەردەوامبوونی دەسەڵاتی حکوومەتی ئیسلامیی ئێران تەنیا دەبێتە هۆی قووڵبوونەوەی کەلێنە ئابووری و کۆمەڵایەتییەکان و باری قورسی ئەم دۆخە دەکەوێتە سەرشانی کۆمەڵانی زەحمەتکێش.

🔹 لە ڕوانگەی ئێمەوە ڕزگاریی خەڵک تەنیا لە ڕێگەی ڕێکخستنی سەربەخۆی هێزە کۆمەڵایەتییەکان، هاوپشتیی وشیارانەی بزووتنەوە ناڕەزاییەکان و لێک هەڵپێکانی خەباتی چینایەتی لەگەڵ خەباتی یەکسانیخوازانە و خەبات بۆ ئازادییە سیاسییەکان و دەستبەرکردنی مافی نەتەوەکان و یەکسانیی کۆمەڵایەتییەوە مومکینە. هیچ هێزێک لەسەرەوەی ئیرادەی خەڵک، هیچ لایەنێکی ناو دەسەڵات، هیچ پرۆژەیەکی خۆسەپێن و زۆردارانەی نوێ و هیچ ئەڵتەرناتیڤێکی درۆیینەی لە دەرەوە دروستکراو وەڵامی داخوازییە ڕەواکانی خەڵک نییە.

🔹 شۆڕشی ژینا کوردستانی کردە جەمسەری هەرە گرنگەی خەباتی سیاسی و مەدەنی و خۆڕاگری خەباتی جەماوەری ملیۆنی لە کوردستان بووەتە وێردی زمانی هەمووان. ئاڵوگۆڕەکانی دوو ساڵی ڕابردوو و ئاسۆیەک کە نەخشاندوویەتی، هیوای لە دڵی نەتەوەی کورد و خەڵکی کوردستاندا گەشاندووەتەوە. بەڵام دەبێت بزانین کە ئەو هیوایە کاتێک دەگاتە ئاکام کە بەر لە هەموو شتێک ویستی یەکگرتووی و هاوکاریی حیزبە کوردستانییەکان دەسکەوتێکی دیاری ببێت و بگاتە ئاکامێکی بە کردەوە. هەوڵە بەنرخ و هەنگاوە باشەکانی مانگەکانی ڕابردوو هێشتا پڕ بە پێستی پێویستییەکانی ویستی هاوپشتی و داواکاریی بەردەوامی کوردستان بۆ یەکگرتوویی حیزبە سیاسییەکان نییە. هەنگاوی پتەوتر و بەرنامە و ڕێکاری دیاریکراو و ڕوون بۆ هاوکاری و هاوپشتی و کاری هاوبەش پێویستییەکی حاشاهەڵنەگرە.

🔹 لە ڕاستیدا یەکگرتووی حیزبە کوردستانییەکان دەبێتە بنەمایەک بۆ هاوکاری لەگەڵ نەتەوەکانی دیکە و هاوپشتیی بزووتنەوەکانی کرێکاران، ژنان و چین و توێژە مافخوراوەکانی دیکە و لە ئاکامدا بزووتنەوەی کوردستان دەکاتە ئەڵتەرناتیڤێکی بەهێز لە ئاستی ئێران و لە ئاستی نێونەتەوەییدا. بزووتنەوەکانی کرێکاران و ژنان و کۆمەڵگای مەدەنیی کوردستان هەردەم پشتیوانی بزووتنەوەی ڕزگاریخوازانەی کوردستان بوون و هێز و وزەیان لێ وەرگرتووە و ئاسۆی هیوایان بووە. حیزبە کوردستانییەکان دەبێت وەکوو سەرجەمێکی سەرەکی لە هاوکێشە سیاسییەکان و دیاریکردنی ئەڵتەرناتیڤی داهاتوودا دەور و نەخشێکی شیاوی بزووتنەوەی کوردستانیان هەبێت کە نزیکەی نیو سەدەیە بەرامبەر بە دەسەڵاتی داگیرکەر و دیکتاتۆری کۆماری ئیسلامی خەبات دەکات. حیزبە کوردستانییەکان دەبێت بەهێزترین و دیاریکەرترین هاوپەیمانیی سیاسی بن. سەردەمی چاوەڕوانی بۆ ئەوەی دەسەڵاتێکی سیاسی دابمەزرێ و دواتر داوای مافی لێ بکەیت بەسەرچووە. هەر لە ئێستاوە دەبێت ڕەوتی ئاڵوگۆڕە سیاسییەکان و چۆنیەتی دەسەڵاتی داهاتوو دیار بێ، دەسەڵاتێک کە وەڵامدەرەوەی خەباتی دوورودرێژ و فیداکارییەکانی نەتەوەی کورد و خەڵکی کوردستان بێ و تێیدا خەڵکی تینووی ڕزگاری، ئازادی، دادپەروەری و یەکسانی بگەنە ئاواتەکانیان.

🔹 کۆمەڵەی زەحمەتکێشانی کوردستان بەشێک لە ڕێکخەرانی بزووتنەوە کۆمەڵایەتی و سیاسییەکانە و پێداگری لەسەر درێژەی پشتیوانی و هاوخەباتی لەگەڵ کرێکاران، ژنان و قوربانیانی دیکەی باوک/پیاوسالاری، زەحمەتکێشان، لاوان و هەموو هێزە ئازادی و یەکسانیخوازەکان دەکاتەوە. داهاتووی ئێران دەبێت دوور بێ لە وەبەرهەمهێنانەوەی زۆرداری و لەسەر بنەمای دانانی سیستەمێک لە سەر بنەمای ئازادی، یەکسانی، مافی دیاریکردنی چارەنووس بۆ نەتەوەکان و دادپەروەریی ئابووری و کۆمەڵایەتی بێ.

کۆمیتەی ناوەندیی
کۆمەڵەی زەحمەتکێشانی کوردستان
١١ی بەفرانباری ١٤٠٤
ڕێکەوتی ١ی ژانڤیەی ٢٠٢٦

🔻 بدون کرماشان، کوردستان بی‌معناست

✍ ریوار آبدانان (عضو شورای مدیریتی حزب حیات آزاد کوردستان ــ پژاک)

🔹 درود به مردم انقلابی کرماشان و ایلام و خرم‌آباد و کوهدشت و دهلران و اسدآباد و شاباد و آبدانان و هرسین و تمامی زاگرس‌نشینانی که در این روزها دوشادوش دیگر مردم ایران، علیه دیکتاتوری و ستم به‌پا خاسته‌اند و صدای آزادیخواهانه‌ی خود را بلند کرده‌اند.

🔹 جمهوری اسلامی ایران هم در خارج و هم در داخل ناتوان و خسته شده و روزبه‌روز امیدش را به آینده بیشتر از دست می‌دهد. اتحاد و همنوایی کورد و لور و فارس و عرب و گیلک و آذری و بلوچ می‌تواند برای همیشه به این دیکتاتوری پایان دهد. دموکراسی، آزادی، زندگی باکرامت و نان، حق مسلم مردم هستند و برای رسیدن به این حقوق تنها راه، ادامه‌دادن به مبارزه است.

🔹 این اعتراضات ادامه‌دهنده‌ی انقلاب «ژن ژیان ئازادی» هستند و بی‌شک سرانجام ملت کورد و خلق‌های ایران در برابر رژیم دیکتاتور به پیروزی خواهند رسید.

🔹 کرماشان و ایلام در انقلاب «زن زندگی آزادی» در صف پیشین جای داشته و پیشاهنگ این انقلاب بودند. در آن خیزش‌ها، کرماشان و ایلام در روزهای سخت برای تنها نماندن جوانرود و مهاباد و سقز و ارومیه به میدان آمدند. امروز که کرماشان سرقافله و پیشگام انقلاب روژهلات کوردستان است، بجاست که شهرهای دیگر کوردستان نیز به کمک بیایند و کرماشان را تنها نگذارند.

🔹 متاسفانه رسانه‌های کوردی دقیقا مانند احزاب کلاسیک و سنتی، در قبال کرماشان و ایلام و همدان و لورستان بی‌اعتنا هستند. زیرا چیزی به نام «رسانه‌ی ملی و دموکراتیک کوردستانی» نداریم. لهجه‌گرایی، منطقه‌گرایی و حزب‌گرایی کل رسانه‌های کوردی را گرفتار بیماری کرده است. اگر رویدادی در آبادی کوچکی در سنندج و مهاباد یا هولیر و سلیمانیه اتفاق بیفتد، رسانه‌های کوردی چنان در بوق و کرنا می‌کنند که دنیا گیج و منگ می‌شود اما اکنون چون قضیه‌ی کرماشان و اسدآباد و کوهدشت و ایلام مطرح است انگار خفه‌خون گرفته‌اند!

🔹 تا این لحظه از اعتراضات و قیام مردم ایران، نه‌تنها از کرماشان و مردم انقلابی کرماشان حمایتی نشده است، حتی برخی اشخاص وابسته به احزاب واپس‌گرای کلاسیک، شروع به خصومت با کرماشان کرده‌اند و می‌خواهند نام و چهره‌ی کرماشان را خدشه‌دار کنند! این کارها را نیز زیر پوشش ناسیونالیسم (ملی‌گرایی) کوردی انجام می‌دهند! می‌گویند: چرا کرماشان با تهران همصدا شده و علیه جمهوری اسلامی قیام کرده است؟! حرف این جماعت، دیگر اوج بلاهت و بی‌شعوری است! این جماعت ازدماغ‌فیل‌افتاده که صدسال است جز شکست هیچ دستاوردی برای ملت کورد نداشته‌اند، نه چیزی از کوردبودن و ملیت‌(ناسیونالیته) می‌دانند و نه چیزی از سیاست و ژئوپلیتیک سرشان می‌شود. یک روز از لزوم حذف لهجه‌ی کوردی کلهری در یک لهجه‌ی مرکزی حرف می‌زنند و یک روز می‌خواهند قیام دموکراتیک مردم کرماشان را زیر سؤال ببرند!

🔹 کلان‌شهر کرماشان، مرکز روژهلات کوردستان (شرق کُردستان) است و سرنوشت سیاسی کوردها در کرماشان تعیین خواهد شد. اکنون نیز کرماشان پیشگام قیام است و صدای آزادیخواهی کوردها را در سراسر ایران بلند کرده است. کرماشان و ایلام به همان اندازه که کوردستانی هستند به همان اندازه نیز با سایر خلق‌های ایران هم‌سرنوشت می‌باشند. به همین دلیل همصداشدن کرماشان و ایلام و مناطق لورستان و همدان با تهران و اصفهان و یزد و شیراز یک کار سیاسی بسیار صحیح و عاقلانه است.

🔹 آن‌هایی که به کرماشان بی‌احترامی روا می‌دارند، به ملت کورد خیانت می‌کنند. کرماشان دوست و دشمن خود را به‌خوبی می‌شناسد و از یاد نخواهد برد که در این روزها چه کسی دوست و چه کسی دشمنش بوده‌. کسانی که به کرماشان بی‌احترامی می‌کنند باید بدانند که در آینده‌ی خیلی نزدیک، سیلی سختی از کرماشان و ملت کورد خواهند خورد.