🟨 Պրահայում ավարտվել է Փաշինյանի, Ալիևի, Մակրոնի և Միշելի քառակողմ հանդիպումը։ Այլ մանրամասներ դեռևս չեն հաղորդվում։

🟨 Փաշինյան-Էրդողան հանդիպման տեսանյութը։

🟨 Պրահայում տեղի է ունեցել Հայաստանի և Հունաստանի վարչապետներ` Նիկոլ Փաշինյանի և Կիրիակոս Միցոտակիսի հանդիպումը:

▫️Նիկոլ Փաշինյանը կարևորել է միջազգային հանրության, այդ թվում` Հունաստանի կողմից Ադրբեջանի գործողությունների նկատմամբ հասցեական արձագանքն ու ագրեսիայի հետևանքների վերացման ուղղությամբ պահանջները:

▫️Վարչապետ Փաշինյանը և Կիրիակոս Միցոտակիսն ընդգծել են մարտահրավերների հաղթահարման գործում երկկողմ սերտ համագործակցության անհրաժեշտությունը:

ՄԱՆՐԱՄԱՍՆԵՐ

🟨 Ֆրանսիայի նախագահ Էմանուել Մակրոնը թվիթերի իր էջում կիսվել է լուսանկարով և գրառմամբ. «Հանուն ամուր, տևական խաղաղության Կովկասում»:

🟨 Պրահայում վարչապետ Նիկոլ Փաշինյանը կարճատև հանդիպում է ունեցել Գերմանիայի կանցլեր Օլաֆ Շոլցի հետ:

▫️Վարչապետը մանրամասներ է փոխանցել Հարավային Կովկասում տեղի ունեցող գործընթացների վերաբերյալ, անդրադարձել Հայաստանի ինքնիշխան տարածքի նկատմամբ ադրբեջանական ագրեսիայի հետևանքներին: Նիկոլ Փաշինյանը կարևորել է միջազգային հանրության համարժեք արձագանքը:

▫️Նոր ագրեսիաների կանխարգելման համատեքստում վարչապետն ընդգծել է սահմանային իրավիճակի մշտադիտարկման և վերահսկման միջազգային մեխանիզմների ներդրման կարևորությունը:

ՄԱՆՐԱՄԱՍՆԵՐ

🟨 Մենք հանդիպում ունեցանք նաև Հայաստանի վարչապետ Նիկոլ Փաշինյանի հետ։ Ես անկեղծորեն հավատում եմ, որ կկարողանանք հասնել ամբողջական կարգավորման մեր նպատակին՝ տարածաշրջանում բարիդրացիական հարաբերությունների հիման վրա։

Թուրքիայի նախագահ Ռեջեփ Էրդողան

🟨 Հայաստան-Թուրքիա կարգավորման համատեքստում երկուստեք կարևորվել են ուղիղ շփումներն ու բարձր մակարդակի հանդիպումները:

▫️Նիկոլ Փաշինյանը և Ռեջեփ Թայիփ Էրդողանը քննարկել են Հայաստան-Թուրքիա հարաբերությունների կարգավորման գործընթացն ու այդ ուղղությամբ հետագա հնարավոր քայլերը:

▫️Շեշտվել է երկու երկրների հատուկ ներկայացուցիչների քննարկումների արդյունքում ձեռք բերված պայմանավորվածությունների շուտափույթ իրականացման անհրաժեշտությունը: Մասնավորապես, խոսքը վերաբերում է երրորդ երկրների քաղաքացիների համար ցամաքային սահմանի բացմանը, Հայաստան-Թուրքիա ուղիղ օդային բեռնափոխադրումների իրականացմանը:

▫️ Մտքեր են փոխանակվել նաև տարածաշրջանային գործընթացների շուրջ:

🟨 Պրահայում ընդմիջումից հետո շարունակվում է Փաշինյան-Միշել-Մակրոն-Ալիև քառակողմ հանդիպումը:

🟨 Վարչապետ Փաշինյանի, նախագահ Ալիևի, նախագահ Մակրոնի և նախագահ Միշելի՝ 2022 թվականի հոկտեմբերի 6-ին կայացած հանդիպման հայտարարությունը
 
▫️Հայաստանն ու Ադրբեջանը հաստատեցին իրենց հանձնառությունը ՄԱԿ-ի կանոնադրությանը և 1991թ. Ալմա-Աթայի Հռչակագրին, որոնց միջոցով երկու կողմերն էլ ճանաչում են միմյանց տարածքային ամբողջականությունն ու ինքնիշխանությունը: Նրանք հաստատեցին, որ դա հիմք կհանդիսանա սահմանազատման հարցերով հանձնաժողովների աշխատանքների համար, և որ այդ հանձնաժողովների հաջորդ նիստը կկայանա Բրյուսելում, մինչև հոկտեմբերի վերջ:

▫️ Հայաստանն իր համաձայնությունը հայտնեց՝ խրախուսելու ԵՄ քաղաքացիական առաքելությունը Ադրբեջանի հետ սահմանի երկայնքով: Ադրբեջանը համաձայնեց համագործակցել նշյալ առաքելության հետ այնքանով, որքանով որ առնչություն կունենա: Առաքելությունն իր աշխատանքները կսկսի հոկտեմբերին, առավելագույնը երկու ամիս ժամկետով: Առաքելության նպատակը կլինի վստահության կառուցումը, և իր զեկույցների միջոցով, սահմանային հանձնաժողովներին աջակցելը:

🟨 Հանրապետության տարածքում հոկտեմբերի 7-8-ը, 10-ի ցերեկը, 11-ին սպասվում է առանց տեղումների եղանակ:

Եղանակը Երևանում հոկտեմբերի 7-ին՝

🌖 Ցերեկ +27 +29
🌗 Երեկո +20 +22
🌘 Գիշեր +14 +16

🇦🇲 ՄԱՆՐԱՄԱՍՆԵՐ 🇬🇧ENG

🟨 Արցախի նախագահ Արայիկ Հարությունյանը շնորհավորել է ՌԴ նախագահ Վլադիմիր Պուտինին՝ ծննդյան 70-ամյա հոբելյանի առթիվ:

▫️ Մեծարգո՛ Վլադիմիր Վլադիմիրի,

Թույլ տվեք Արցախի ժողովրդի և անձամբ իմ անունից ի սրտե շնորհավորել Ձեզ՝ Ձեր ծննդյան 70-ամյա հոբելյանի առթիվ:

▫️Ուզում եմ հույս հայտնել, որ Դուք այսուհետ էլ կլինեք մեր ժողովրդի կողքին և կշարունակեք Ձեր ծանրակշիռ ջանքերը հիմնախնդրի վերջնական ու արդարացի կարգավորման ուղղությամբ:

🟨 Հայաստանը համաձայնում է նպաստել Ադրբեջանի հետ սահմանի երկայնքով Եվրամիության քաղաքացիական առաքելության ստեղծմանը։

▫️Այս առաքելության նպատակը վստահության ձևավորումն ու ներդրումն է սահմանային հանձնաժողովներում

Ֆրանսիայի նախագահ Էմանուել Մակրոն

ՄԱՆՐԱՄԱՍՆԵՐ

🟨 Պրահայում ես ևս մեկ անգամ հաստատեցի մեր առաջարկը՝ ապաշրջափակել տարածաշրջանային բոլոր հաղորդակցությունները: Ադրբեջանը կրկին դրական չի արձագանքել:

Կրկնում եմ՝ Հայաստանը պատրաստ է ապաշրջափակել բոլոր տարածաշրջանային հաղորդակցությունները՝ ամբողջապես համապատասխան մեր ինքնիշխանությանն ու օրենսդրությանը։

Նիկոլ Փաշինյան

🟨 Սկզբունքային համաձայնություն է ձեռք բերվել ԵՄ քաղաքացիական առաքելության վերաբերյալ։ Այն կօգնի վստահության ձևավորմանը և կաջակցի սահմանային հանձնաժողովների աշխատանքին:

▫️Սահմանային հանձնաժողովները կհանդիպեն մինչև հոկտեմբերի վերջ Բրյուսելում։

▫️Քննարկվել է խաղաղության և կայուն դեէսկալացիայի ակտիվացման ջանքերը, որոնց ԵՄ-ն պատրաստ է աջակցել։

Եվրոպական խորհրդի նախագահ Շառլ Միշել

🟨 Անհասկանալի է, որ մեզ կամավոր անցում չեն տվել Նախիջևան։ Պարտավորությունը խախտելը, իհարկե, չափազանց ամոթալի փաստ է։

▫️Այնուամենայնիվ, մենք դեռ համբերատար ու զուսպ ենք։

Ադրբեջանի նախագահ Իլհամ Ալիև

ՄԱՆՐԱՄԱՍՆԵՐ

🟨 Վարչապետ Նիկոլ Փաշինյանը շնորհավորական ուղերձ է հղել Ռուսաստանի Դաշնության նախագահ Վլադիմիրի Պուտինին՝ ծննդյան 70-ամյակի առթիվ:
 
▫️Հայաստանում բարձր են գնահատում Ձեր վերաբերմունքը Հայաստանի և հայ ժողովրդի շահերին վերաբերող հարցերին, և այս համատեքստում անվիճելի են Լեռնային Ղարաբաղի հակամարտության գոտում հրադադարի հասնելուն ուղղված Ձեր ջանքերը։
 

🟨 Շուշիի շրջանի Հին Շեն համայնքի վարչական տարածքի բլրի վրա տեղակայված ադրբեջանական հենակետում գտնվող ադրբեջանցիների կողմից ընդհանուր՝ 2.025.000 ՀՀ դրամ գումարի 4 գլուխ խոշոր եղջերավոր և 1 գլուխ ձի գաղտնի հափշտակվել են:

ԱՀ քննչական կոմիտե

🟨 ՀՀ ՊՆ-ն հերքել է ինտենսիվ փոխհրաձգության մասին լուրերը:

▫️Այսօր Գեղարքունիքի մարզի սահմանային դիրքերի ուղղությամբ ինտենսիվ փոխհրաձգություն չի արձանագրվել:

ՄԱՆՐԱՄԱՍՆԵՐ