🟨 ՀՀ վարչապետ Նիկոլ Փաշինյանը հոկտեմբերի 7-ին աշխատանքային այցով կմեկնի Ռուսաստանի Դաշնություն:

Սանկտ Պետերբուրգում վարչապետը կմասնակցի ԱՊՀ երկրների ղեկավարների ոչ պաշտոնական հանդիպմանը:

🟨 Թուրքական «Անադոլու» գործակալությունը տեսանյութ է հրապարակել Պրահայից։

🟨 ՀՀ վարչապետ Նիկոլ Փաշինյանը ժամանում է Եվրոպական քաղաքական համայնքի գագաթնաժողովին:

🟨 Նիկոլ Փաշինյանը Պրահայում լուսանկարվել է ԵՄ 27 անդամների ու 17 գործընկեր երկրների ղեկավարների հետ։

🟥 Հոկտեմբերի 6-ին՝ ժամը 14:20-ի սահմաններում, Ադրբեջանի ԶՈւ ստորաբաժանումները կրակ են բացել հայ-ադրբեջանական սահմանի արևելյան հատվածում տեղակայված հայկական մարտական դիրքերում ամրաշինական աշխատանքներ իրականացնող շինարարական տեխնիկայի ուղղությամբ, ինչի հետևանքով այն վնասվել է:

ՀՀ ՊՆ

🟨 Վարչապետ Նիկոլ Փաշինյանը Պրահայում մասնակցել է Եվրոպական քաղաքական համայնքի գագաթնաժողովին: Միջոցառմանը մասնակցել են չորս տասնյակից ավելի պետությունների առաջնորդներ` ԵՄ անդամ, ինչպես նաև ԵՄ գործընկեր երկրների ղեկավարներ:

▫️Միջոցառման շրջանակում վարչապետ Փաշինյանը մասնակցել է նաև անվտանգության թեմայով կլոր-սեղան քննարկմանը:

ՀՀ կառավարություն

ՄԱՆՐԱՄԱՍՆԵՐ

🟩 Երեխաների համար Երևան ունենալու նպատակով քաղաքապետարանը նախատեսում է ինչպես շահագործվող մանկապարտեզների հիմնանորոգում, այնպես էլ նորերի կառուցում:

▫️ Ուրախ եմ տեղեկացնել, որ Աջափնյակ վարչական շրջանի N 41 մանկապարտեզի նախագծման, և N 44, 47, 48, 50 մանկապարտեզների բուն հիմնանորոգման աշխատանքների մեկնարկն արդեն տրվել է։

▫️Այցելածս N 40 մանկապարտեզի վթարային մասնաշենքի փոխարեն կկառուցվի արդի չափորոշիչներով հագեցած նոր մասնաճյուղ:

▫️ Մանկապարտեզները, ԽՍՀՄ փլուզումից հետո առաջին անգամ, կընդունեն իրենց սաներին նոր և հիմնանորոգված տեսքով։

Տիգրան Ավինյան

ՄԱՆՐԱՄԱՍՆԵՐ

🟨 Պրահայում մեկնարկել է Փաշինյան-Ալիև-Միշել-Մակրոն հանդիպումը։

🟨 Փաշինյան-Ալիև-Միշել-Մակրոն քառակողմ հանդիպումը դեռ շարունակվում է։

🟨 Պրահայում ավարտվել է Փաշինյանի, Ալիևի, Մակրոնի և Միշելի քառակողմ հանդիպումը։ Այլ մանրամասներ դեռևս չեն հաղորդվում։

🟨 Փաշինյան-Էրդողան հանդիպման տեսանյութը։

🟨 Պրահայում տեղի է ունեցել Հայաստանի և Հունաստանի վարչապետներ` Նիկոլ Փաշինյանի և Կիրիակոս Միցոտակիսի հանդիպումը:

▫️Նիկոլ Փաշինյանը կարևորել է միջազգային հանրության, այդ թվում` Հունաստանի կողմից Ադրբեջանի գործողությունների նկատմամբ հասցեական արձագանքն ու ագրեսիայի հետևանքների վերացման ուղղությամբ պահանջները:

▫️Վարչապետ Փաշինյանը և Կիրիակոս Միցոտակիսն ընդգծել են մարտահրավերների հաղթահարման գործում երկկողմ սերտ համագործակցության անհրաժեշտությունը:

ՄԱՆՐԱՄԱՍՆԵՐ

🟨 Ֆրանսիայի նախագահ Էմանուել Մակրոնը թվիթերի իր էջում կիսվել է լուսանկարով և գրառմամբ. «Հանուն ամուր, տևական խաղաղության Կովկասում»:

🟨 Պրահայում վարչապետ Նիկոլ Փաշինյանը կարճատև հանդիպում է ունեցել Գերմանիայի կանցլեր Օլաֆ Շոլցի հետ:

▫️Վարչապետը մանրամասներ է փոխանցել Հարավային Կովկասում տեղի ունեցող գործընթացների վերաբերյալ, անդրադարձել Հայաստանի ինքնիշխան տարածքի նկատմամբ ադրբեջանական ագրեսիայի հետևանքներին: Նիկոլ Փաշինյանը կարևորել է միջազգային հանրության համարժեք արձագանքը:

▫️Նոր ագրեսիաների կանխարգելման համատեքստում վարչապետն ընդգծել է սահմանային իրավիճակի մշտադիտարկման և վերահսկման միջազգային մեխանիզմների ներդրման կարևորությունը:

ՄԱՆՐԱՄԱՍՆԵՐ

🟨 Մենք հանդիպում ունեցանք նաև Հայաստանի վարչապետ Նիկոլ Փաշինյանի հետ։ Ես անկեղծորեն հավատում եմ, որ կկարողանանք հասնել ամբողջական կարգավորման մեր նպատակին՝ տարածաշրջանում բարիդրացիական հարաբերությունների հիման վրա։

Թուրքիայի նախագահ Ռեջեփ Էրդողան

🟨 Հայաստան-Թուրքիա կարգավորման համատեքստում երկուստեք կարևորվել են ուղիղ շփումներն ու բարձր մակարդակի հանդիպումները:

▫️Նիկոլ Փաշինյանը և Ռեջեփ Թայիփ Էրդողանը քննարկել են Հայաստան-Թուրքիա հարաբերությունների կարգավորման գործընթացն ու այդ ուղղությամբ հետագա հնարավոր քայլերը:

▫️Շեշտվել է երկու երկրների հատուկ ներկայացուցիչների քննարկումների արդյունքում ձեռք բերված պայմանավորվածությունների շուտափույթ իրականացման անհրաժեշտությունը: Մասնավորապես, խոսքը վերաբերում է երրորդ երկրների քաղաքացիների համար ցամաքային սահմանի բացմանը, Հայաստան-Թուրքիա ուղիղ օդային բեռնափոխադրումների իրականացմանը:

▫️ Մտքեր են փոխանակվել նաև տարածաշրջանային գործընթացների շուրջ:

🟨 Պրահայում ընդմիջումից հետո շարունակվում է Փաշինյան-Միշել-Մակրոն-Ալիև քառակողմ հանդիպումը:

🟨 Վարչապետ Փաշինյանի, նախագահ Ալիևի, նախագահ Մակրոնի և նախագահ Միշելի՝ 2022 թվականի հոկտեմբերի 6-ին կայացած հանդիպման հայտարարությունը
 
▫️Հայաստանն ու Ադրբեջանը հաստատեցին իրենց հանձնառությունը ՄԱԿ-ի կանոնադրությանը և 1991թ. Ալմա-Աթայի Հռչակագրին, որոնց միջոցով երկու կողմերն էլ ճանաչում են միմյանց տարածքային ամբողջականությունն ու ինքնիշխանությունը: Նրանք հաստատեցին, որ դա հիմք կհանդիսանա սահմանազատման հարցերով հանձնաժողովների աշխատանքների համար, և որ այդ հանձնաժողովների հաջորդ նիստը կկայանա Բրյուսելում, մինչև հոկտեմբերի վերջ:

▫️ Հայաստանն իր համաձայնությունը հայտնեց՝ խրախուսելու ԵՄ քաղաքացիական առաքելությունը Ադրբեջանի հետ սահմանի երկայնքով: Ադրբեջանը համաձայնեց համագործակցել նշյալ առաքելության հետ այնքանով, որքանով որ առնչություն կունենա: Առաքելությունն իր աշխատանքները կսկսի հոկտեմբերին, առավելագույնը երկու ամիս ժամկետով: Առաքելության նպատակը կլինի վստահության կառուցումը, և իր զեկույցների միջոցով, սահմանային հանձնաժողովներին աջակցելը:

🟨 Հանրապետության տարածքում հոկտեմբերի 7-8-ը, 10-ի ցերեկը, 11-ին սպասվում է առանց տեղումների եղանակ:

Եղանակը Երևանում հոկտեմբերի 7-ին՝

🌖 Ցերեկ +27 +29
🌗 Երեկո +20 +22
🌘 Գիշեր +14 +16

🇦🇲 ՄԱՆՐԱՄԱՍՆԵՐ 🇬🇧ENG