🟨 Մեսրոպ Առաքելյանը նոյեմբերի 9-ից հետո դարձավ Սոցապ նախարար։ Մի ապակողմնորոշեք մեզ, մարդիկ հիշում են։ Այսինքն, «Առաքելություն» կուսակցության մասով Դուք Ձեր ձեռքերը լվանում եք։

Դավիթ Խաժակյանը` Մանե Թանդիլյանին

🟨 Բոլորդ էլ աշխատել եք իշխանության հետ։ Էդմոն Մարուքյանը հիմա հատուկ հանձնարարականներով դեսպան է։ Այստեղ մի քանի ընդդիմադիր կա միայն, բոլորդ էլ քաղաքական մի ընտանիքից եք։

Արման Ղուկասյանը` Դավիթ Խաժակյանին

🟨 Վստահեցնում եմ Ձեզ` այս հարցերը երևանցիներին ամենավերջին հերթին են հետաքրքրում։

Տիգրան Ավինյան

🟨 Երևանում ցանկացած ընդդիմադիր քաղաքական ուժ, որը կզբաղեցնի կառավարման ղեկը, մինչև 2026թ․ համագործակցելու է կառավարության և ԱԺ-ի հետ։

▫️ Այն ամենը, ինչ-որ այստեղ հնչեցվում է՝ հեղափոխության և իշխանափոխության հետ կապված, հակասում է օրենքին։

Արտակ Զեյնալյան

🟨 Նախորդ տարվա սեպտեմբերի 27-ից սկսել ենք իրականացնել 4-րդ կարգի վթարային շենքերի վերակառուցման ծրագիրը (Արզումանյան, Արցախի փողոցներ)։ Ունենք հստակ ծրագիր, հաջորդ փուլում անցնելու ենք 3-րդ կարգի վթարային շենքերին։

Տիգրան Ավինյանը` Վիկտոր Մնացականյանի հարցին

🟨 Երևանի գլխավոր հատակագիծ ստանալու համար աշխատում ենք ինստիտուտների հետ, որոնք այս ճանապարհը անցել են տարբեր ետխորհրդային քաղաքների հետ։ Դա լինելու է օնլայն քարտեզի վրա հստակ ռազմավարություն։ Աշխատանքը կարողանալու ենք իրականացնել 3.5 տարվա ընթացքում։

Տիգրան Ավինյանը` Նելլի Հարությունյանի հարցին

🟨 Հարցս հաճույքով կուղղեի Հայկ Մարությանին. լավ մարդ, լավ դերասան, վատ ղեկավար ջան։ Ասա, որ Մասիվում այդ բիզնեսը քանդեցիր, պետությունը 100 մլն տուժում է։ Կամ «Սանիթեքը», որ 5.2 մլրդը սարքցեիր 7.5։ Ինչո՞ւ այս հարցերով ինքնակայացար, ինչու ես այս քաղաքին այդքան վնաս տվել։

Երվանդ Թարվերդյան

🟨 Պատասխանատվությունից երբեք ու որևէ տեղ չեմ խուսափել. երբ եղել եմ ավագանի, փոխվարչապետ, փոխքաղաքապետ և չեմ խուսափի, երբ լինեմ քաղաքապետ։

Տիգրան Ավինյանը` Դավիթ Խաժակյանին

🟨 Մինչ աղբի վերամշակման գործարանի ստեղծումը, պետք է պահեստավորել, տեսակավորել, այդ մշակույթը զարգացնել, այլընտրանքային էներգիայի աղբյուր օգտագործել ու նաև աղբը վերածել զենքի։

Նելլի Հարությունյան

🟨 Նոր աղբավայրի կառուցումը կենցաղային հարց չէ, այլ ստրատեգիական ու քաղաքական։

Նորիկ Նորիկյան

🟨 Ներդնելու ենք ամենօրյա ռեժիմով բակերի հավաքման ու լվացման համակարգ։

Մանե Թանդիլյան

🟨 Բոլոր խոշոր կառուցապատողներին պարտադրել ենք դնել փոշեորսիչ սարքեր։

▫️ 2015-16թթ. հետո առաջին անգամ սանմաքրման աշխատակիցները աշխատում են նաև բակերում։
▫️ 2027թ. կոնսերվացնելու ենք Էրեբունու աղբավայրը։ Կառուցելու ենք աղբավերամշակման գործարան։

Տիգրան Ավինյան

🟨 Ցավոք այժմ հնարավորություն չունեմ մի քանի հարց ուղղել թեկնածուներից մեկին` տրված որոշ շինթույլվտութնունների, որոշ կապերի հետ կապված։ Ուստի ստիպված եմ հարցս ուղղել պարոն Մնացականյանին, թե ինչպե՞ս պիտի տրանսպորտը լինի լիովին անվճար։

Տիգրան Ավինյան

🟨 Երևանի թեքտանիք շենքերի տանիքները, որոնք ծանրաբեռնված չեն մանսարդներով, աճուրդային կարգով, վաճառենք և այդ գումարները գեներացվեն հասարակական տրանսպորտը անվճար դարձնելու համար։ Վաճառելով 7500 քմ տանիք, կգեներացնենք այդ գումարը։

Վիկտոր Մնացականյանը` Տիգրան Ավինյանի հարցին

🟨 Երկար հարց և լակոնիկ պատասխան։

🟨 Մշակել ենք այնպիսի ծրագիր, որով այնպիսի ճարտարապետություն կունենան Երևանի ճանապարհները և խցանումների լուծումները, որ Երևանը կդառնա երթևեկելի։

Մանե Թանդիլյան

🟨 Հանրային տրանսպորտին տալով առավելություն, մարդուն մղում ենք դեպի հանրային տրանսպորտ։

▫️ Կարևոր է Թբիլիսյան-Եղվարդի խճուղի կամուրջի կառուցումը, Կրկեսի ու Կինո հայրենիքի անցումները և 4 ավտոկայանատեղիները` Երևանի փոքր կենտրոն մտնող։

Տիգրան Ավինյան

🟨 Դուք ներկայանում եք կուսակցության ղեկավար, վարչապետի թեկնածու, հիմա եկել եք ՏԻՄ ընտրություններին եք մասնակցում, սկզբում ասում եք խոսակցությունը պետք չէ իջեցնել քաղաքային մակարդակի, վերջում սկսում եք այդ մակարդակի հարցեր տալ։ Կողմնորոշվեք, թե որ մակարդակում եք։

Դավիթ Խաժակյանը` Նորիկ Նորիկյանին

🟨 Կոռեկտ պահեք, մնացեք Ձեր չափերի մեջ, ես Ձեզ չեմ վիրավորել, չեմ նեղացրել։

Նորիկ Նորիկյանը` Դավիթ Խաժակյանին

🟨 Նույնիսկ բարձրաձայնելու կարիք չկա, որ որոշ ուժեր արտաքին ազդեցության տակ են մասնակցում այս ընտրություններին, քանի որ երևանցիները շատ լավ գիտեն, թե ով ինչի համար և ինչ է անում այստեղ։

Տիգրան Ավինյանը` Արտակ Զեյնալյանի հարցին

🟨 Քաղաքապետարանը պետք է քանդել, նորից հավաքել։ Բալաստային շատ վարչություններ ունի, դուբլիկացիաներ թաղապետարանների հետ։

Վիկտոր Մնացականյան