#Grade12Result

" ሲያልቅልን ውጤት ይፋ የሚደረግበትን ትክክለኛ ቀን እናሳውቃችኋለን " - የትምህርት ምዘናና ፈተናዎች አገልግሎት

በርካታ ተማሪዎች እና የተማሪ ወላጆች " የ2017 ዓ/ም የ12ኛ ክፍል ብሔራዊ ፈተና ውጤት መቼ ነው ይፋ የሚደረገው ? ከዚህ ቀደም የትምህርት ሚኒስቴር ሚኒስትር ጳጉሜን 4/2017 ዓ/ም ይፋ ይደረጋል ብለው ነበር ሳይደረግ አለፈ ውጤት ይፋ የሚደረገው መቼ ነው ? " ሲሉ ለቲክቫህ ኢትዮጵያ ጥያቄ አቅርበዋል።

ቲክቫህ ኢትዮጵያ የተማሪዎች እና ወላጆችን ጥያቄ ይዞ አንድ የትምህርት ምዘናና ፈተናዎች አገልግሎት ከፍተኛ አመራርን አነጋግሯል።

እኚህ አመራር " ውጤት ሲያልቅ እንገልፃለን በተቻለ መጠን በአጭር ጊዜ ይለቀቃል፤ ትክክለኛው ቀን ሲወሰንም በይፋ ሚዲያ ጠርተን እናሳውቃለን " ብለዋል።

" የተለያዩ የማህበራዊ ሚድያዎች ትክክለኛ ያልሆነ መረጃ በማስተላለፍ ተማሪዎችን እያወናበዱ ነው " ያሉት አመራሩ ተማሪዎች ውጤቱ ይፋ የሚደረግበትን ቀን ከተቋሙ እስኪሰሙ በትዕግስት እንዲጠብቁ ጥሪ አቅርበዋል።

በተለያዩ የማህበራዊ ገፆች (በፌስቡክ ፣ ቴሌግራም) " ስለ ውጤት መረጃ አገኘን በዚህ ቀን ይወጣል " እያሉ የሚያሰራጩት መረጃም ሀሰተኛ እንደሆነ ተጠቁሟል።

" እኛ በሚያልቅ ጊዜ እናንተን ጨምሮ ሚድያዎችን ጠርተን እናሳውቃለን " ያሉም ሲሆን " ' በዚህ ቀን ይወጣል ተብሎ ነበር ' የሚለው ሳይሆን ጥርት ብሎ ሲያልቅልን በፍጥነት እናሳውቃለን " ሲሉ ለቲክቫህ ኢትዮጵያ ተናግረዋል።

የ2017 ዓ/ም የ12ኛ ክፍል ብሔራዊ ፈተናን ከ580 ሺህ በላይ ተማሪዎች መውሰዳቸው አይዘነጋም።

ቲክቫህ ኢትዮጵያ
@TEMARI_Net1

በአዲስ አበባ በተከሰተ የጎርፍ አደጋ የስድስት ወር እና የአመት ከሰባት ወር ህጻናትን ጨምሮ የስድስት ሰዎች ህይወት አለፈ።

በአዲስ አበባ ከተማ በለሚ ኩራ ክፍለ ከተማ ወረዳ 13 ልዩ ቦታው ራዕይ ጤና ጣቢያ አካባቢ በትላንትናው ዕለት በግምቱ 9:45 አካባቢ በተከሰተ የጎርፍ አደጋ የአንድ ቤተሰብ አባላት የሆኑ ሦስት ሰዎችን ጨምሮ በአጠቃላይ የስድስት ሰዎች ህይወት ማለፉን ቲክቫህ ኢትዮጵያ ሰምቷል።

አደጋው የደረሰው በሙያዋ ነርስ የሆነች እናት በስድስት ወር እና በአመት ከሰባት ወር ልጆቿ ፣ በሰራተኛዋ እንዲሁም ቡና ለመጠጣት ህጻን ወንድ ልጇን ይዛ በመጣች ጎረቤቷ ላይ ነው።

የአምስቱ አስክሬን ትላንት ምሽት የተገኘ ሲሆን የሰራተኛዋ አስክሬን አለመገኘቱን እና በፍለጋ ላይ መሆኑን በእሳት እና አደጋ ስጋት ስራ አመራር ኮሚሽን የለሚ ኩራ ክፍለ ከተማ ቅርንጫፍ ጽ/ቤት ስራ አስኪያጅ የሆኑት ኮማንደር ልኡል ሃይሉ ለቲክቫህ ኢትዮጵያ ተናግረዋል።

ኮማንደር ልኡል ሃይሉ አደጋው ጠባብ በሆነ እና የተደፈነ ድልድይን አልፎ በወጣ ደራሽ ጎርፍ ውሃ ምክንያት የደረሰ መሆኑን ተናግረዋል።

ኮማንደር ልኡል ሃይሉ ለቲክቫህ ኢትዮጵያ በሰጡት ዝርዝር ቃል ምን አሉ ?

" አደጋው የተከሰተው ከላይ አካባቢ በመጣ ደራሽ ውሃ እንጂ በአካባቢው በዘነበ ዝናብ አይደለም።

ቀጠና 3  ፖሊ መምህራን ኮሌጅ አጠገብ የሚገኝ ድልድይ አለ ድልድዩ በግንድ እና በተለያዩ እንጨቶች ተጋድሞ ቆሻሻ የደፈነው በመሆኑ መንደሩን ሊጥለቀለቅ ችሏል።

መምህራን ፖሊ ቴክኒክ ኮሌጅ አጥሩ ስር የሚገኘው ድልድይ በቆሻሻ እና ግንድ ሲዘጋ የመጣው ጎርፍ ኦፈር ፍሎው ሲያደርግ ቀጥታ ወደ መንደሮች ገባ ወደ መንደሮች ሲገባ በቀጥታ ያገኘው ቤት አደጋ የደረሰባቸውን ሰዎች ቤት ሆነ።

ከድልድዩ የወጣው ውሃ ቁልቁለት ላይ በመንደርደር 200 ሜትር አካባቢ ከሄድ በኋላ ቤት ውስጥ የተቀመጡ ስድስት ሰዎችን ውስዷል።

ቤቱ ወንዝ ዳር የሚገኝ በመሆኑ የመጣው ጎርፍ የቤቱን ግድግዳ ጣሪያ ድረስ ከሞላ በኋላ ግድግዳውን በማፍረስ ይዟቸው ሄዷል።

ነርስ የሆነች እናት ሁለት ልጆቿን ይዛ ቁጭ ብላ ነበር ከሰራተኛዋ ጋር ቡና እየጠጡ ነበር ከጎረቤት ልጇን ይዛ የመጣች ሴትም ከእነ ልጇ በጎርፉ ተወስደዋል።

የስድስት ወር እና የአመት ከሰባት ወር ህጻናትን ጨምሮ ሁለት ወንድ እና አራት ሴቶችን በአጠቃላይ ስድስት ሰዎች በአደጋው ህይወታቸው አልፏል።

አደጋው በደረሰ ሰአት በሙያው ዶክተር የሆነው ባለቤቷ በስራ ላይ ነበር።

የአምስቱ ሰዎች አስክሬናቸው ከጥቁር አባይ እስከ ጎሮ ባለው አካባቢ ትላንት ምሽት ተገኝቷል የሰራተኛዋ አስክሬን እስካሁን አልተገኘም።

አስክሬኖቹ ወደ ሚኒሊክ ሆስፒታል ተወስደዋል የመለየት ስራ ተሰርቷል ስርአተ ቀብራቸው ገና አልተፈጸመም።

ሎሎች ቤቶች ላይ ውሃ ገብቶ ነበር ነገር ግን የተገነቡበት ግንባታ አስተማማኝ ስለነበር ምንም አልሆኑም።

አደጋው ሊደርስ የቻለበት ምክንያት ሰዎቹ ከወንዙ አካባቢ ያላቸው አሰፋፈር ትክክል ስላልሆነ እና የአደጋ ስጋት ስለመኖሩ በተደጋጋሚ ሲነገር ችላ በመባሉ ነው።

የጠበበው ድልድይ አደጋ ሊያደርስ እንደሚችል ይታወቅ ነበር በአካባቢው የሚገኙ ማህበረሰቦች ሊሰሩትም ገንዘብ አዋጥተው ነበር ነገር ግን ገንዘቡ ስላልሞላ እስካሁን ሳይሰራ ቆይቷል።

ምልከታ አድርገናል የወደቀውን ቤት ለማንሳትም ማሽን ይዘው እየመጡ ነው ውሃ የወጣበት ድልድይም ማንሆሉ ጠባብ ስለሆነ መሻሻል አለበት ማንሆሉ ክፍት ሆኖ ቦዩን ተከትሎ እንዲፈስ እና ወደ መንደሩ የሚመጣው ውሃ መከላከያ ግንብ ተሰርቶለት ምላሽ መሰጠት አለበት።

ስጋት እስከ ታች መንደሮች ድረስ አለ ስጋት የኖረበት ምክንያት ወንዙን ተከትለው እስከ ታች ቤት ሰርተውበታል ቤቶቹም ቢሆኑ እንዲህ አይነት ደራሽ ውሃ ሲመጣ መቋቋም የሚችሉ አይደሉም።

እነዚህን ስጋቶች ለመከላከል እየተሰራ ነው አሁን አደጋ የተከሰተበት ቦታ ላይ ማሽኖችን አስገብቶ የማጽዳት ስራ እየተሰራ ነው " ብለዋል።

ቲክቫህ ኢትዮጵያ
አዲስ አበባ
#TikvahEthiopiaFamliyAA

@tikvahethiopia

#Update

የ12ኛ ክፍል ብሔራዊ ፈተና ውጤት ነገ ይፋ ይደረጋል።

የትምህርት ሚኒስቴር የ12ኛ ክፍል ብሔራዊ ፈተና ውጤት ነገ ይፋ እንደሚደረግ አሳውቋል።

የፈተና ውጤቱን አስመልክቶ ነ ከ10 ሰዓት ጀምሮ መግለጫ ይሰጣል።

#MoE

@AAUMEREJA