طريقة الكيكه " الكيك الكوري" الكيكه لشخصين💜...
3بيضات ، م خل ، كوب سكر ، كوب زيت ، ظرف بيكنج باودر ، كوب ونص دقيق وملون طعام حسب الرغبه.

خلط المواد السائلة مع بعض لمدة 10 دقايق تقريباً وضفت الدقيق والبيكنج وخلطتهم وحطيتهم في طاجين مربع وعلي الفرن بـ حرارة 140 درجة.

وبعد مطلعت الكيكه قصيتها دوائر صغار ، وبديت نشرب فيها باش نحشيها..

التشريبه:
ربع كوب سكر وربع كوب اميه و 4 ملاعق نسكافي علي نار وبعدين طفيت عليه وخليته يبرد وشربت بيه الكيكه.

الحشوه كانت:
كراميل ، ونوتيلا وبندق ، وكريم شانتي ونكهة.

وبعد محشيتها حطيتها في الفريز تجمد لمدة يوم.

التزين كان بكريم الزبده💜:
كوب زبده تساوي كوب سكر ناعم مع شوية فانيليا حسب الرغبه وكان تبيها لونها يميل للبياض شويه من ملون موف..
وكان تبيها الوان حطي الملون اللي تبيه
وخليها تضرب الزبده بروحها 10 دقايق وضيفي السكر بـ التدريج ويكون مغربل.

والتزين من فوق حسب الرغبه انا درت قلوب🤭💜..

وفي يوم الجمعة اللهم إجعلنا من الذين نالوا ما تمنوا 🔗💜 ، مسائكم اقنين..

المشلتت بـ العسل🤤 يسفه في هل صقع☃️🌧
الطريقه : 3 كواب دقيق ، بيكنج باودر ، ملعقتين سكر ، رشة ملح ، كوب ماء .
ناخد صونيه ونحط فيها المواد الجافة وبعدها نضيف الميه بتدريج ونعجن لين تتكون معاك عجينه رطبه وفي نفس الوقت متماسكه متلصقش في اليد ،
ونخلوها ترتاح لـ 5 دقايق وناخدو العجينه نقسموها علي 3 كور وحده صغيره ووحده متوسطه ووحده كبيره ، ونخلوهم يرتاحو مره تانيه لـ 5 دقايق ، وبعدها ناخد الكوره الصغيره علي طاوله نحطلها زيت ونبدا نفرد فيها بـ اليد لين تولي شفافه زي ورق البكلاوه ونطبقها مربعه وناخد الكوره المتوسطه نحطلها زيت ونفرد واللي درتيها المربعه نحطها في الوسط ونبدا نسكر والاخيره الكبيره نفس الشي ناخدها ونفردها ونحط فيها الطبقه المربعه يلي درتيها ونحطها في صونيه ونفردها شويه بيدينا وندهنا بـ الزبده وعلي الفرن من فوق ولوطا لين اطيب ونشربها عسل او في يلي يحبوها بـ الرُب💜