🇦🇲🇦🇿 Ալիևը, նախ, չգնաց Գրանադա, հիմա էլ ձախողել է հանդիպումը Բրյուսելում

❗️Եթե Հայաստանի դրածո վարչապետն ամեն կերպ ձախողում է ՌԴ-ի միջնորդական փորձերը, ապա Ադրբեջանի ղեկավարն, իր հերթին, ձախողում է արևմտյան միջնորդական հարթակը։

📌 Փաստացի մեզ համոզում էին, որ հայ-ադրբեջանական հարաբերությունների, այսպես կոչված, կարգավորման գործընթացի խոչընդոտը Արցախն է։

📌 Արցախի հայաթափումից և Հայաստանի դրածո իշխանության կողմից Արցախը Ադրբեջանի մաս ճանաչելուց հետո, սակայն, բացահայտվել է (նայած թե ում համար) ևս մեկ կոնցեպտուալ խոչընդոտ՝ Ո՞Ր ՈՒԺԱՅԻՆ ԿԵՆՏՐՈՆԻ ՀՈՎԱՆՈՒ ՆԵՐՔՈ պետք է հարաբերություններ կարգավորեն կողմերը։

📌 Զավեշտը և դժբախտությունն այն է, որ նախորդ կետը որոշակի առումով ավելի մեծ խոչընդոտ է, քան Արցախի պատկանելիության խնդիրն էր։ Այլ կերպ ասած՝ բանակցային գործընթացը մի փակուղուց դուրս է եկել ու հայտնվել նոր փակուղու մեջ։

📌 Դժբախտաբար այսպիսի էքզիստենցիալ կոնֆլիկտներն ունեն միայն երկու լուծում, երկուսն էլ ինքնիշխանության կորստի ելքով՝
1️⃣ պատերազմն ընթանում է մինչև կողմերից մեկի լիակատար ոչնչացում, այսպես ասած՝ «ասորացում»,
2️⃣ կողմերից մեկը կամ երկուսը կորցնում են ինքնիշխանությունը՝ դառնալով տարածաշրջանային խոշոր տերության մաս։

Ցավոք, մնացածը լիրիկա է։

Ալբերտիչ | հեղինակային ալիք
@albertich_notes

🇬🇪 «Սաակաշվիլի» գործողությամբ Արևմուտքը հասավ Վրաստանում հակառուսականության պիկին։

➡️ Արդյունքը. տարածքային կորուստներ։

➡️ Հետևանքը. Վրաստանի ներկա իշխանությունները ամեն կերպ փորձում են առվազն ադեկվատ քաղաքական գիծ պահել ՌԴ հանդեպ։

🇺🇦 «Պորոշենկո» գործողությամբ Արևմուտքը հասավ Ուկրաինայում հակառուսականության պիկին, «Զելենսկի» թատերական ներկայացմամբ՝ դրա հետագա խորացմանը։

➡️ Արդյունքը՝ Ղրիմի կորուստ, ՌԴ հետ պատերազմ։

➡️ Հետևանքը՝ մեծ տարածքային կորուստներ։

🇦🇲 «Փաշինյան» գործողությամբ և «ռուս-թուրքական դաշինք» ներկայացմամբ Արևմուտքը շուտով կհասնի Հայաստանում հակառուսականության արհեստական գեներացված պիկին։

➡️ Արդյունքը՝ Արցախի կորուստ, Հայաստանի սիրիացման իրական վտանգ։

➡️ Հետևանքը՝ պետականության կորուստ։

Ալբերտիչ | հեղինակային ալիք
@albertich_notes

ԱՐՑԱԽԻ ՀԱՅԿԱԿԱՆՈՒԹՅԱՆ ՄԱՍԻՆ՝ ԱՅԼ ԴԻՏԱՆԿՅՈՒՆԻՑ

Քաղաքական առումով Արցախի հարցն այս պահին փակվա՞ծ է։ Այո՛, փակված է։ Բայց քաղաքականությունը հետևանք է։ Տվյալ կոնտեքստում հետևանք՝ ազգային-պետական մտածողության մեջ հարցը փակելու։

Եվ հարցը չի փակվել 2018-ին, ինչպես շատերը կարծում են։

❗️Իսկ ե՞րբ է փակվել

Տեքստին կցած նկարում Դուք տեսնում եք Ծիծեռնավանքը, որի մասին շատերն իմացել են միայն 2020-ի 44-օրյա պատերազմից հետո՝ նկարներով։

Եկեղեցին Արցախի տարածքում առաջին քրիստոնեական եկեղեցիներից է (IV դար)։

Տարիներ շարունակ մարդիկ անցնում էին Ծիծեռնավանքի կողքով՝ շտապելով հասնել Գանձասար ու Շուշի։

Գանձասարի վանքի շուրջ բարեկարգ էր, իսկ հիմնական ճանապարհից դեպի Ծիծեռնավանք գյուղ նեղլիկ 13կմ-անոց հատվածն անբարեկարգ էր, տեղը քչերը գիտեին։

Իմա՝ եթե կարծում եք, թե «Արցախն անարժեք բան էր» խոսքը միայն նիկոլականների կարծիքն է, ապա սխալվում եք։ Դա մեր հավաքական տեսակետն էր։

📌 Երկիրը, հայրենի հողը չեն սիրում առանձին մասերով, այն սիրում են ամբողջության մեջ։

Ալբերտիչ | հեղինակային ալիք
@albertich_notes

🎥 Վիդեոյի աղջիկը հայտնի է Նաիրա անունով։ 1990թ. ելույթ էր ունեցել ԱՄՆ-ի Կոնգրեսում՝ ներկայանալով որպես քուվեյթցի Նաիրա ալ-Սաբահ։

Նաիրան լացակումած պատմում էր, որ տեսել է, թե ինչպես են իրաքցի զինվորականները ներխուժում Քուվեյթում հիվանդանոց, նորածիններին նետում սառը գետնի վրա՝ թողնելով այնտեղ մահանալու։

Նաիրայի ելույթը կանխատեսելիորեն ազդեց ամերիկյան հասարակության վրա։ Հետագայում է պարզվում, որ Նաիրան ԱՄՆ-ում Քուվեյթի դեսպանի դուստրն է, իսկ իր ելույթը նախապատրաստված էր ամերիկյան փիար-ընկերության կողմից։

Վստահ եմ, այս պատմության մասին շատերդ առաջին անգամ եք լսում, միանգամից մտաբերեցիք Ռոբերտ Աբաջյանի կեղծ պապիին ու Արտուշ պապիին։ Երկուսն էլ, ինչպես հետո պարզվել էր՝ կեղծիք էին։

Նման էմոցիոնալ պատմություններին մարդիկ առաջին հերթին ապրումակցում են։ Եվ այդ առաջին էֆեկտն էլ հենց օգտագործում են նման բաների պատվիրատուները։

Վստահ եղեք, որ շուտով էլի եք լսելու նման սրտաճմլիկ պատմություններ՝ ռուս զինվորների ամենաթողության ականատեսների մասին ևն։

Մի՛ տրվեք մանիպուլացիայի։

Ալբերտիչ | հեղինակային ալիք
@albertich_notes

🇦🇲🇦🇿🇺🇸 ԱՄՆ-ի պետդեպարտամենտի խոսնակ Մեթյու Միլլեր.
«Մենք շարունակում ենք կարծել, որ երկու կողմերի, ողջ տարածաշրջանի և ավելի լայն աշխարհի շահերից է բխում, որ Հայաստանն ու Ադրբեջանը հասնեն խաղաղության համաձայնագրին, և մենք կշարունակենք դա առաջ մղել»։

❗️Անկեղծ ասած, ես չգիտեմ գեթ մեկ նորմալ մարդ, ով պատերազմը նախընտրի խաղաղությանը։

Բայց երբ քեզ պարտադրում են խաղաղություն, որին հասնելու համար միակ զիջողը դու ես, դա խաղաղություն չէ և չի կարող բխել քո շահերից։

Այնպես որ խոշոր ակտորներից ոչ մեկն էլ անկեղծ չէ խաղաղության մասին խոսելիս։

Ալբերտիչ | հեղինակային ալիք
@albertich_notes

#աշխարհնաշխարհով #մենքմերդարդին

Այն, որ հոկտեմբերի 7-ից մինչ օրս պաղեստինցիները դիմադրում են և հավանաբար դեռ մի քանի ամիս էլ կդիմադրեն ոչ թե նրանց հերոսական ոգու շնորհքն է, այլ դաշնակիցներ ունենալու և այդ դաշնակիցներից աջակցություն ստանալու՝ թեկուզև ոչ հրապարակային։

Արցախում 2020-ից մինչ օրս մենք պարտվում էինք և գալիք բախումներում էլ դատապարտված ենք պարտության, որովհետև մենք մեր ձեռամբ և՛ ներքին «դաշնակիցներին», և՛ արտաքին դաշնակիցներին մերժում ենք։ Չես կարող թշնամուն հաղթել, եթե չգիտես՝ ո՞ւմ դեմ ես պայքարում, չգիտես նրա ռեսուրսներն ու քեզ ամեն ինչով գերազանցող այդ թշնամու դեմ պայքարում ես ճառ-կենացներով ու միայնակ։

❗️Կարևոր եմ համարում շեշտադրել, որ «ներքին դաշնակիցներ» չի նշանակում «նախկիններ»։

Գլոբալ առումով, իրավիճակի պատասխանատվությունը բոլոր «նախկիններինն է» այն իմաստով, որ նրանք փաստացի ձախողել էին քաղաքական սերնդափոխության համար խիստ կարևոր կադրերի ընտրության հարցում։

Ըստ այդմ՝ «ներքին դաշնակիցները» ճշգրիտ կադրերն էին, որոնք կա՛մ դուրս են մղվել համակարգից, կա՛մ առհասարակ չեն ներառվել այդ համակարգում։

Հենց սրա համար էլ այսօր «նախկին-ներկա» անիմաստ դիսկուրսը շարունակում է ակտուալ մնալ։

Ալբերտիչ | հեղինակային ալիք
@albertich_notes

🇦🇲🇷🇺🇦🇿Աղբյուրի պնդմամբ՝ ՌԴ խաղաղապահները դուրս են գալիս Արցախից։

Եթե վստահում ենք իսկությանը, ապա նրանք դուրս են գալիս Ադրբեջանի տարածքով՝ երկաթուղիով։

Հայաստանի դրածո իշխանությունն էլ հաստատուն կերպով գնում է այն ուղիով, որը բացահայտ նախանշել է՝ ռուսների փոխարեն «նոր դաշնակիցներ» որոնելու։ Այս արկածախնդրության, իսկ իրականում ծրագրված դավադրության հետևանքների մասին նորից խոսելն էլ ավելորդ է։

Ալբերտիչ | հեղինակային ալիք
@albertich_notes

🇮🇱🇰🇼 Իսրայելի և «Համասի» միջև պատերազմը խթանում է զենքի միջազգային վաճառքի բումը. գրում է Նյու Յորք Թայմսը

❓Կարո՞ղ եք գուշակել, թե ո՞ր երկիրն է զենքի միջազգային վաճառքից շահեկան դիրքով դուրս եկողը։

❓Այդ ո՞ր երկիրն է, որ բոլորին կռվացնում է, որ վերջում գա և տիրի։

❓Այդ ո՞ր երկիրն է, որ, մի կողմից, գումարներ է ծախսում արժեքներ քարոզելու համար, մյուս կողմից՝ տարբեր երկրներին միլիարդների վարկեր է տալիս իրենից զենք գնելու։

Ալբերտիչ | հեղինակային ալիք
@albertich_notes

🗣 ԱՂՄՈՒԿՆ ՈՒ ԻՐԱԿԱՆՈՒԹՅՈՒՆԸ

💨 Երկու օր առաջ մեծ աղմուկով գետնի վրա գործողության մասշտաբներն ընդլայնելու մասին իսրայելական մեդիայի ու պաշտոնյաների հայտարարությունները փաստացի ոչ այլ ինչ էին, քան սովորական «ծուխ, առանց կրակի»:

🇮🇱 Ասածիս վկայությունը Իսրայելի նախկին վարչապետ Նավթալի Բեննեթի թվիթերյան գրառումն է, ուր նա գրում է. «Աշխարհի երկրները կարող են ընդունել փախստականների [Գազայից]. իհարկե, ժամանակավորապես, մինչև «ՀԱՄԱՍ»-ը չհանձնվի և պատերազմը չավարտվի։ 6 ամսից մինչև 5 տարի»։

❗️Իրականում «5 տարին» այն ժամկետն է, որի ընթացքում պայթելու են աշխարհում բոլոր կետերը, որտեղ կան սառեցված կոնֆլիկտներ՝ լինի մեր տարածաշրջանը, Խաղաղօվկիանոսյան տարածաշրջանը, Միջին Ասիան, Եվրոպան (ահաբեկչական «քնած բջիջների տեսքով»)։

📌 Այս ժամկետում էլ աստիճանաբար կսկսի երևալ այն աշխարհակարգը, որը փոխարինելու է հետսառըպատերազմյան միաբևեռ աշխարհին։

Ալբերտիչ | հեղինակային ալիք
@albertich_notes

🇦🇲🗣 Արցախի նախագահ Սամվել Շահրամանյանի երեկվա հարցազրույցը կարծես շատերի մոտ դժգոհություն է առաջացրել։

Ըստ ամենայնի, Շահրամանյանի հարցազրույցի հանդեպ մարդիկ մեծ ակնկալիքներ են ունեցել նրա այս խոսքերից հետո՝ «Ինչ պետք է ասեմ՝ մեծ վտանգ է պարունակում Հայաստանի ու Արցախի հետագա ճակատագարի համար»։

Առհասարակ, թե՛ Հայաստանի, թե՛ Արցախի քաղաքական էլիտայի հանդեպ մեծ սպասումները ժամանակավրեպ են։

Այս էլիտան, ցավոք, բավականին դանդաղաշարժ է, ծանր, խիստ զգուշավոր [ներողամիտ եղեք փոքր-ինչ կոպիտ համեմատությանս, բայց մոտավորապես այնպիսին է, ինչպիսին ձեր կարծրատիպային ընկալումն է միջին վիճակագրական սովետական բարձր օղակի պաշտոնյայի մասին]։

Հին համակարգն այլևս ունակ չէ գոյատևելու, իսկ նորը դեռ դանդաղ է ձևավորվում։ Այս ճշմարտության հետ պետք է հաշվի նստել, առանց ռոմանտիկ հույսերի և «նախկինների ժամանակվա փառապանծ բանակն ու կառավարումը ետ բերելու» երազանքի։

Ալբերտիչ | հեղինակային ալիք
@albertich_notes

🌏 ՆՈՐ ԱՇԽԱՐՀԱԿԱՐԳԻ ԱԿՏՈՐՆԵՐԸ

5-7 տարի անց աշխարհում լրիվ այլ աշխարհաքաղաքական իրականություն է լինելու։

Արդեն հիմա կարելի է մի քանի հստակ արձանագրում անել՝

📌 Նոր աշխարհում Արևմտյան Եվրոպայի երկրները նույնիսկ չեն պահպանելու ազդեցության այն լծակները, որ ունեին 2-րդ համաշխարհայինից հետո։

📌 Իրանը լինելու է այն մի քանի երկրներից մեկը, որը նստելու է սեղանի շուրջ գլոբալ ակտորների հետ։

📌 Ներկայումս քարտեզի վրա և թղթի վրա միջազգային իրավունքի սուբյեկտ հանդիսացող բազմաթիվ մանր-մունր պետություններ դադարելու են գոյություն ունենալ։

Ալբերտիչ | հեղինակային ալիք
@albertich_notes

Պաշտպանության ոլորտում 2018 թվականի համեմատ 2024-ին բյուջեն կրկնապատկվում է՝ ավելանալով 125 տոկոսով։ Ավելացող մասը 2024 թվականի բյուջեի 309 միլիարդ դրամ է, իսկ 2018 թվականին նախատեսված ամբողջ տարվա բյուջեն եղել է 247,9 միլիարդ դրամ. դրածո վարչապետ

Առհասարակ, երբ դու արտադրող երկիր չես, բյուջեն ավելացնելու համար հիմնական ռեսուրսդ վարկերն են։

Տվյալ պարագայում, օրինակ, նոր սպառազինություն կամ եղածն արդիականացնելու համար սարքավորումնեդ գնում ես արտադրող երկրից, որոնք հիմնականում զարգացած երկրներն են։

Եթե փող չունես՝ ինչպե՞ս ես գնելու։ Պարզ սխեմա կա. այդ նույն երկրից համապատասխան գումարի չափով վարկ ես վերցնում և այդ վարկով ձևակերպում ես վերոնշյալ գնումներդ։

Եվ այդպես արտաքին պարտքդ, որ 20 տարում 7մլրդ էր, իսկ 5 տարում ավելացել է ևս 4 մլրդով, կայուն ավելանում է։

Թե՝ բա պաշտպանական բյուջե, ռազմական ծախսեր, աճ։ Միայն պարտքեր, կախվածություն, ինքնուրույնության խիստ նվազում՝ սրանք են մեր «ձեռքբերումները»։

Ալբերտիչ | հեղինակային ալիք
@albertich_notes

Carnegie կենտրոնի կայքում հոդված է հրապարակվել, որի մեխը հետևյալ միտքն է՝

«Խաղաղության պայմանագրի ռուսական և արևմտյան նախագծերի փոխարեն՝ մնացել է միայն մեկը՝ ադրբեջանականը, և էական նշանակություն չունի, թե աշխարհի ո՞ր կետում է այն ստորագրվելու»։

Քարնեգիում հրապարակված հոդվածի այս մտքին հակասել եմ հինգ օր առաջ։

Համոզված եմ, որ մեծ նշանակություն է ունենալու, թե ինչպես և որտեղ է ստորագրվելու «խաղաղության պայմանագիրը»։

Թեև նախքան այդ «պայմանագրին» հասնելը ամբողջ ադրբեջանական հռետորաբանությունից է պարզ, որ ուղին նոր էսկալացիան է, իսկ այն կարող է շատ անկանխատեսելի հետևանքներ ունենալ Իրանի գործոնի ընդլայնման պատճառով։

Ալբերտիչ | հեղինակային ալիք
@albertich_notes

⚔️ Չեմ ցանկանում այստեղ խորը փիլիսոփայական լեկցիա գրել մարդկանց և պատերազմների մասին, սակայն մի քանի դիտարկում կթողնեմ.

🔲 Երկրում, որի 4 հարևանից 2-ը սպառնում են ֆիզիկական գոյությանը, պացիֆիստական տրամադրություններ տարածողներին չբանտարկելը, հատկապես՝ եթե նրանք դա անում էին օտարերկրյա անթաքույց ֆինանսավորմամբ, նույնպիսի հանցանք է երկրի հանդեպ։

🔲 Եթե մի դեպքում արդարացնում ես պատերազմը, մյուս դեպքում՝ մեղավորներ հանում՝ զուգահեռաբար ինքդ քեզ դիրքավորելով որպես բարձր բարոյականության տեր մարդ, ապա, ցավոք, ավելի մոտ ես ցածր սոցիալական պատասխանատվությանը, քան բարձր բարոյականին։

🔲 Եվ նորից. ինքնախաբեություն և ռոմանտիզմ է այս օրերին «վաղը խաղաղություն է լինելու» կեղծ թեզով ապրելը։ Ամեն օր պետք է ապրել ավելի վատ օրվան հոգեպես և նյութականորեն պատրաստված։

🔲 Պատերազմը չի նայում դրանում կռվողների և անմեղ զոհերի բարոյական նկարագիրն ու մեղքերի ցուցակը։ Պատերազմը ո՛չ ձմեռ պապն է, ո՛չ մեշոկ պապը։ Այն ուղղակի ընդհատում է ցանկացած մարդու կյանքը, ով ընկել է դրա ճանկերը։ Այսուհանդերձ, պատերազմի մոտեցող աղետը տեսնելու համար պետք է զգալ իրականությունը։ Իսկ դրա համար հոգեպես և ֆիզիկապես ինքնամաքրվել է հարկավոր։

Ալբերտիչ | հեղինակային ալիք
@albertich_notes

🆘 📢 Լեմկինի Ցեղասպանության կանխարգելման ինստիտուտը կարմիր` ամենաբարձր նախազգուշացումն է հայտարարել Ադրբեջանի համար, քանի որ առաջիկա օրերին և շաբաթներին այդ երկրի կողմից Հայաստան ներխուժման անհանգստացնող հավանականություն է տեսնում:

❗️Նկատի առնելով այս ֆոնին երեկվանից թելեգրամյան ալիքներում ԱՄՆ-ին և դաշնակիցներին մինչև նոյեմբերի 3-ը արաբների կողմից տրված վերջնաժամկետի մասին լուրերը՝ ըստ ամենայնի, 2024-ին Մերձավոր Արևելքի տարածաշրջանում սառեցված վիճակում կոնֆլիկտ չի մնալու։

Ալբերտիչ | հեղինակային ալիք
@albertich_notes

Արդի միջազգային հարաբերություններում «դաշնակից» երևույթի ընկալման լավագույն օրինակը Արևմուտքի և Իսրայելի հարաբերություններն են Թուրքիայի հետ։

Հավանաբար աշխարհում երկու աթոռին միաժամանակ նստելու գրոսմայստերական մակարդակի հմտությանը ոչ մեկ չի տիրապետում այնպես, ինչպես Էրդողանը։

Իր պատրոնաժին կրկնօրինակելու փորձեր անում է նաև Հայաստանուն թուրք-ադրբեջանական դրածոն։

Վերջինս իր հնարավորությունների սահմանում այնքան լավ է կարողանում ռուսներին և՛ խփել, և՛ այս կամ այն հարցում լռելայն զիջել, որ Հայաստանում արևմտյան կողմնորոշմամբ և ռուսատյաց մարդիկ ու գործակալները հիմք են ունենում նրան հայտարարելու «ռուս-թուրքական դաշինքի կամակատար»։

Մյուս կողմից, ռուսաֆիլներն ու ռուսական ցանցի գործակալները հիմնավոր պիտակավորում են դրածոյին որպես «արևմտյան գործակալ»։

Գլոբալ առումով, երկուսն էլ ճիշտ են։ Միայն թե մի նրբություն կա։ Ռուսաստանում էլ այժմ գերիշխող են այն խմբերը, որոնք թուրք-ադրբեջանական խմբավորման մաս են, իսկ վերջինս էլ առավելապես Արևմուտքի վերահսկողության ներքո է։

[Ի դեպ, ՌԴ ամենահարուստ մարդը Bloomberg-ի «500 ամենահարուստ մարդիկ» ցանկում 59-րդ հորիզոնականում գտնվող Վագիտ Ալեքպերովն է (23մլրդ դոլար): Դժվար չէ կռահել, որ Ալեքպերովը ծնունդով ադրբեջանցի է]

Միջազգային հարաբերությունների արդի համակարգի առանձնահատկությունը հենց դրա ակտորների փոխկապվածությունն է ու փոխկախվածությունը։ Ուստի շատ հեշտ է մանիպուլացնել տարբեր երկրների քաղաքական համակարգերի ու առանձին գործիչների կախվածության հարցում։

Բայց ցանկացած լավ հետաքննություն, նույնիսկ լրագրողական մակարդակի, հանգիստ կարող է քանդել այդ խառը կծիկը՝ ի ցույց դնելով, թե ո՞վ ո՞ւմ պատվիրատուն/կամակատարն է։

Ալբերտիչ | հեղինակային ալիք
@albertich_notes

«Ազգային ԶԼՄ-ները տեղեկատվության աղճատմանը դիմակայելու միջոցն ու հակաթույնն են». ՌԴ ԱԳՆ մամլո խոսնակ Մարիա Զախարովան՝ ԱՊՀ երկրների II մեդիաֆորումին

Այս առթիվ՝ երեք նկատառում.
📌 Հաշվի առնելով այն պարզ իրողությունը, որ «ապազգային», կամ՝ այսպես կոչված՝ «արևմտյան/գլոբալիստական» մեդիաներն ունեն ավելի մեծ ռեսուրսներ և աջակցություն, ազգային ԶԼՄ-ները բացահայտ պարտվում են մեսիջները լայն լսարանին հասցնելու գործում ինչպես ռեսուրսների սակավության պատճառով, այնպես էլ սոց.ցանցերում խիստ ցենզուրայի հետևանքով։

📌 Եթե դու Արևմուտքի կողմից ֆինանսավորվող մեդիաներին ի հակադրություն՝ դրանց դեմ անզոր մնացած ազգային մեդիաների «ֆինանսավորմամբ» չես զբաղվում, քո երկրի ներսում այդ երկրների սփյուռքերի հետ սխալ աշխատանք ես տանում, հետո ո՞ւմ են պետք քո նվվոցները, թե Արևմուտքը այդ երկրներում մեդիաների միջիցով հեղափոխություններ է անում կամ փորձում անել։

📌 Մեր օրերում տեղեկատվության աղճատման, մանիպուլացիայի դեմ հակաթույնը պետական մակարդակով ճշգրիտ քաղաքականությունն է. եթե քո երկրի իշխանությունը հակապետական է, դրածո է, միևնույն է՝ նա է իշխանությունն ու նրանն էլ համապատասխան լծակները, որով նա կարող է հանգիստ փակել ու սահմանափակել ազգային մեդիաները հասանելիությունը լայն զանգվածներին և դրա դեմ ոչինչ անել չես կարող (ինչպես օրինակ՝ «Երկիր Մեդիայի» դեպքը):

Ալբերտիչ | հեղինակային ալիք
@albertich_notes

I Առանձին դրույթներով տեսակետը կիսելով՝ իմ կողմից հավելեմ.

📌 Ակնհայտ է, որ մեզ «ռեստարտ» է հարկավոր այն իմաստով, որ առկա հիմքի վրա ցանկացած ձևով ու ռեսուրսով տրանսֆորմացիայի փորձ ձախողվելու է դեռ չմեկնարկած, հետևաբար ռեստարտը, նախ, ենթադրում է առկա համակարգի լիարժեք լուծարում։

📌 Հայաստանի Հանրապետությունն այս պահին արդեն իսկ ինքն իրենով իմիտացիա է։ Հին համակարգը փրկելու փորձերի փոխարեն հարկ է նոր համակարգի ծիլերը դնել։ Եվ այստեղ, այո՛, կարևոր է ճիշտ կադրերի ընտրությունը։

Ալբերտիչ | հեղինակային ալիք
@albertich_notes

1️⃣ Ադրբեջանցիները վերջերս տեսանյութ էին պատրաստել «ՈՄԱ»-ի մասին՝ անվանելով այն Հայաստանում ահաբեկիչների պատրաստման ճամբար։ Այս շաբաթվա ընթացքում էլ ՊՆ-ից հերքում են «ՈՄԱ»-ի հետ որևէ կապը։

2️⃣ Օրերս յութուբում տեսանյութ է հրապարակվում ԱՍԱԼԱ-ի անունից. կազմակերպություն, որը թուրքերն ու ադրբեջանցիները ջանք չեն խնայում ահաբեկչական ներկայանացնելու համար։ Տեսանյութի իսկությունը հերքվել է արդեն։

❗️Եվ այս ամենը՝ Հայաստանի վրա Ադրբեջանի նոր հարձակման մասին տարբեր մակարդակներում լուրերի ֆոնին։ Իսկ Հայաստանի վրա հարձակվելու որևէ այլ առիթ կարծես չեն էլ փորձելու ստեղծել, այն արդեն նախանշվում է՝ «Հայաստան = ահաբեկիչներ»։

Ալբերտիչ | հեղինակային ալիք
@albertich_notes

Ես ավելի հեռուն կգնայի և կենթադրեի, որ զինվորը ամենևին ադրբեջանցի չէ։ Թեև ասածս ոչ մի կերպ չի նշանակում, թե ադրբեջանական բանակում «գորշգայլական» ազդեցություն չկա։

Միայն ելնում եմ նրանից, որ Իրանի հյուսիսային սահմանը շատ մեծ կարևորություն է ներկայացնում տարածաշրջանն անկայուն պահելու հարցում շահագրգռված ակտորներին։

Իսկ անկայունության գլխավոր գործիքը մեր օրերում ահաբեկիչներն են։

Ալբերտիչ | հեղինակային ալիք
@albertich_notes

🇦🇲🇦🇿 «Հայաստանի Հանրապետությունում Արցախի ոչ մի ինստիտուտ չի գործելու, սա ազգային անվտանգության խնդիր է». Էդմոն Մարուքյան

Քանի դեռ Հայաստանը զավթված է դրածո իշխանությունների կողմից, Հայաստանում գործող ցանկացած ինստիտուտ, համակարգ, խումբ, որը գործելու է Հայաստանի ազգային-պետական շահերի պրիզմայում, այս իշխանության կողմից հետապնդվելու է և կամ չեզոքացվելու որպես «ազգային անվտանգության խնդիր»։ Նրանք լինելու են հետևողական և նույնքան անտրամաբանական, որքան տրոյկաներն ու չեկիստներն էին գործում։

Ալբերտիչ | հեղինակային ալիք
@albertich_notes