ՀՆԱՐԱՎՈՐ ԶԱՐԳԱՑՈՒՄՆԵՐԻ ՍՑԵՆԱՐՆԵՐ

[ 2️⃣ԻՐԱՆԻ ՋԱԽՋԱԽՄԱՄԲ ]

Օբյեկտիվորեն, Իրանը չունի այն տեխնոլոգիական և ֆինանսական ռեսուրսները, որին տիրապետում է Իսրայելի թիկունքը պահող Արևմուտքը։

Հայտնի էլ չէ, թե որքան կկարողանա դիմակայել ԻԻՀ, հատկապես եթե ԱՄՆ-ը/ՆԱՏՕ-ն պաշտոնապես ներքաշվի պատերազմի մեջ։

Կարելի է թույլ տալ տեսություն, ըստ որի՝ Չինաստանը կարող է շարունակել խիստ գաղտնիության պայմաններում նյութատեխնիկական և ռադիոլոկացիոն-նավիգացիոն հարցերում որոշակի աջակցություն ապահովել։

Չմոռանանք, որ Չինաստանն իր ներուժով միակ ուժային կենտրոնն է, որն իր տեխնոլոգիական հնարավորություններով չի զիջում ԱՄՆ-ին։ Իսկ ՉԺՀ-ին միանշանակ ձեռնտու է ԱՄՆ-ի ներքաշումը Մերձավոր Արևելքում։

Առավել ևս, ինչպես համոզվեցինք, Չինաստանին ճնշելու մի գործիք ուներ Թրամփը՝ մաքսատուրքերը, սակայն այդ մի գործն էլ փառահեղ կերպով տապալեց։

Մյուս կողմից, իսկ որքանո՞վ է Չինաստանը պատրաստ իր ներուժը մսխել Մերձավոր Արևելքում, երբ ունի ներքին և մերձակա՝ խաղաղօվկիանոսյան տարածաշրջանում բազմաթիվ մարտահրավերներ։

Արդյոք դրանք միջնաժամկետում և երկարաժամկետում չեն ունենա բացասական ազդեցություն, որոնց համար ռեսուրսները կարող են չբավարարել, եթե ծախսվեն Մերձավոր Արևելքում։

Եթե դիտարկենք երկարաժամկետում և Արևմուտքի լիարժեք ներգրավվածությամբ, ապա տնտեսական և աշխարհաքաղաքական գործոնների ռեալ գնահատման պարագայում Իրանի հաջողությունը ամենաքիչ հավանականն է, միայն եթե…

Հաջորդիվ, կդիտարկենք սցենար, որը ենթադրում է Իրանի՝ միջուկային տերություն դառնալու և իրանա-իսրայելական պատերազմի սառեցման հավանականությունը։

🤩 Ալբերտիչ | հեղինակային ալիք
@albertich_notes

ՀՆԱՐԱՎՈՐ ԶԱՐԳԱՑՈՒՄՆԵՐԻ ՍՑԵՆԱՐՆԵՐ

[3️⃣ ՄԶ-Ն՝ ՈՐՊԵՍ ԶՍՊՄԱՆ ԳՈՐԾԻՔ]

Միջազգային հարաբերություններում վերջին մեկ տասնամյակում այլևս ԱՄՆ-ի խոստումների հանդեպ վստահությունը հասել է զրոյի։

Հետևաբար Թրամփի հայտարարությունները, թե՝ «այ որ ձեզ խելոք պահեք, Իսրայելին չխփեք, գաք գլուխներդ կախ մեր պայմաններով համաձայնագիր կնքեք, ապա ձեր համար լավ կլինի, թե որ չէ՝ այ-այ-այ», ոչ մի ազդեցություն չունեն։

Միևնույն ժամանակ՝ Իրանի ԱԳ նախարար Աբբաս Արաղչիի հայտարարությունը, թե Իրանը պատրաստ է երաշխավորել, որ միջուկային զենք չի ունենա, մեծ հաշվով սովորական դիվանագիտական հայտարարություն է։

Իրանի վերնախավում միամիտ չեն և վստահաբար գիտեն, որ քանի դեռ կա Իսրայել պետությունը, իսկ Իրանը չունի հակառակորդներին զսպող որևէ իրական միջոց, իր անվտանգությունը չի կարող երաշխավորվել ոչ մի համաձայնագրով։

Համաձայնագրերը ԱՄՆ-ի համար գրոշի արժեք ունեն։ Այսօր միանում են, վաղը դուրս կգան։ Այդպես քանիցս են արել։ Էլ չեմ խոսում ՌԴ-ին տված բանավոր խոստումը, թե ՆԱՏՕ-ն չի ընդարձակվի դեպի Ռուսաստանի սահմանները։ Ճիշտ այնպես, ինչպես հիմա արևմտյան շահագրգիռ ակտորները պնդում են, թե «ոչ մի կերպ ներգրավված չեն կոնֆլիկտում» (Ուկրաինայում էլ ներգրավված չեն, իհարկե):

Այս պայմաններում, անկախ հրապարակային ելույթներից, Իրանի համար էքզիստենցիալ նշանակություն ունի միջուկային զենքը։

Միակ պայմանը, որի դեպքում Իրանը կարող է չձգտել այդ քայլին՝ այս պատերազմի արդյունքում Իսրայելի լիարժեք կապիտուլացիան է և Գազայից զորքերի դուրսբերումը, ինչը քիչ հավանական եմ համարում։

Միջուկային զենքն Իրանին թույլ կտա լրջորեն զսպել իր հանդեպ սպառնալիքները, ամրապնդել իր դիրքերը արդեն ոչ որպես պարզապես տարածաշրջանային ակտոր, այլ միջուկային տերություն։

Մյուս կողմից, Իրանի կողմից ՄԶ յուրացումը աշխարհը դարձնելու է էլ ավելի ռազմականացված (Նիկոլ, ականջդ կանչի, խաղաղասեր տի նաշ նեդանօշեննիյ)՝ դրանից բխող հետևանքներով։

Այսպիսի սցենարի ռեալիզացումը աշխարհի տարբեր անկյուններում սրելու է կոնֆլիկտները և առնվազն մոտակա 10-15 տարում տեղի են ունենալու բազմաթիվ լոկալ կոնֆլիկտներ, իմա՝ երրորդ համաշխարհային պատերազմ։

🤩 Ալբերտիչ | հեղինակային ալիք
@albertich_notes

https://news.1rj.ru/str/rian_ru/299678

Սա արդեն հետաքրքիր է։

Իրանի սեյսմոլոգիական կենտրոնը հաղորդում է, որ Ֆորդոյի միջուկային կենտրոնի շրջանում գրանցվել են 2.5 բալ ուժգնությամբ ստորգետնյա ցնցումներ։

🤩 Ալբերտիչ | հեղինակային ալիք
@albertich_notes

Քանի դեռ Հայաստանում շարունակում է իշխանությունը զավթած պահել մառազմատիկ դրածոն, բոլոր տեսակի ակադեմիական հորդորները, իմա՝ «Հայաստանը պետք է հետևություններ անի», «Հայաստանի իշխանությունները պետք է գիտակցեն» և նման այլ խրատական կոչերը, ինչպես նաև իմփիչմենթի կամ ընտրությունների գործընթացներին լուրջ մոտենալու մասին ելույթները անտեղի են։

Դրսից նշանակված դրածոյին բոլոր հնարավոր միջոցներով պահելու են այնքան ժամանակ, քանի դեռ Հայաստանը վերջնականապես չի խզել ՌԴ հետ հարաբերություններն ու չի հանձնել Սյունիքը։

Ասել եմ ու կրկնեմ՝ այս պայմաններում «ժողովրդավարական մեթոդներով» պայքարելու մեթոդները անլուրջ են։

🤩 Ալբերտիչ | հեղինակային ալիք
@albertich_notes

ՀԱՆՈՒՆ ՈՉՆՉԻ

Արևմուտքը (ով նեղանում է հավաքական կիրառումից, կարող է «Արևմուտքը» կարդալ ԱՄՆ) տասնամյակներ շարունակ աշխարհում «ժողովրդավարություն է տարածում»։

Ինչի՞ն են բերել ժողովրդավարական արժեքները.

- Քանդված Լիբիա։

- Պերմանենտ պատերազմում գտնվող արաբական երկրներ։

- Քայքայված և պետականությունից զրկված Ուկրաինա։

Ցույց տվեք ոչ եվրոպական երկրներ, ուր մտել է ԱՄՆ-ը տնտեսական կամ ռազմական լծակներով և այնտեղ հիմա ժողովրդավարություն է, ամեն ինչ ծաղկում է։

Բայց խնդիրը Միացյալ Նահանգներն չեն, որոնք պարզապես էքսպանսիայի այլ գործիք չունեն, քան կեղծ արժեքներով կտեր բաժանելը, ապա այդ կտերը կուլ տված երկրները ներսից կազմաքանդելը։

Խնդիրը նաև այդ կտերը կուլ տվող ժողովուրդներն էլ չեն, որոնք հոգնել են մշտական կոնֆլիկտներից, գայթակղվում են կեղծ էլդորադոներով և այդ գայթակղության մեջ սկսում ատել սեփական երկիրն ու իշխանություններին։

Խնդիրն այդ երկրների էլիտաներն են, որոնք փողի, սեփական թուլակամությունից բխող կոմպրոմատների, ինչ-որ դատարկ գաղափարների ու սեփական ագահ էգոիզմի, փառասիրության բավարարման համար վաճառվում են, ինչի արդյունքում պառակտում են այդ երկրների մոնոէլիտային կառավարումը՝ նպաստելով ներսից այդ երկրների քայքայմանը։

Գիտե՞ք, թե ինչու է Իսրայելն այդքան հեշտորեն Իրանում (նաև բազմաթիվ այլ երկրներում) գործակալական մեծ ցանցեր կարողանում ստեղծել։ Այն պատճառով, որ հրեական սփյո՞ւռքն է մեծ. ո՛չ։

Իսրայելը կարողանում է մեծ ցանցեր ստեղծել պարզ և պրիմիտիվ մարդկային թուլությունները լավ իմանալու շնորհիվ.

Երբ դու շարունակ մարդկանց ականջները լցնում ես Արևմուտքի էլդորադոյական կենսակերպի մասին հեքիաթներով, մարդիկ սկսում են հավատալ դրան։ Հետո որքան էլ ցույց տաս Լոս Անջելոսի ու այլ խոշոր քաղաքների, ներեցեք արտահայտությանս, «բոմժանոցները», նրա ուղեղն այլևս ընդունակ չի լինելու ընկալելու. հենց սկզբից էլ վերլուծելու ընդունակություն չուներ։

Երբ դու մարդուն առաջարկում ես 10.000 ԱՄՆ դոլար մեքենան Ա կետից Բ կետ քշելու դիմաց, նա չի խորանալու, որ դա կարող է Բ կետում հավաքված տասնյակ, հարյուրավոր կամ հազարավոր մարդկանց մահվան պատճառ դառնալ։ ՏԱՍ ՀԱԶԱՐ։ ՏԱՍ ՀԱԶԱՐ, ՄԱԾЬ ԵԳՕ, ԴՈԼԱՐ։

Երբ դու իշխանությունից բխող արտոնություններն օգտագործում ես ցոփ ու շվայտ կյանք վայելելու համար, իսկ քեզ ինչ-որ պահի ցույց են տալիս քո քաղաքական կարիերային և կյանքին վերջ դնող իրեղեն ապացույցներ, ապա դու Ալիևը կողքը վիզը ծռածից էլ հեզիկ-նազիկ ես կատարելու ցանկացած առաջադրանք։

Այսպիսին է մարդու էությունը։ Դա պետության կառավարման հետ քիչ կապ ունի։ Ոչ էլ պետության զարգացվածության։ Պուպուշ և բավականին զարգացած ԱՄՆ-ում գտնվեցին մարդիկ, որոնք դրդապատճառներ գտան ԽՍՀՄ-ին ատոմային զենքի գաղտնի գծագրերը փոխանցելու համար։

Սարսափելի է, սակայն, երբ պետությանդ ամենավերևում, վերնախավի ազդեցիկ խմբերում են մարդիկ, որոնք առաջնորդվում են բանական մարդու ամենացածր բնազդներով։ Հենց այ այդ ժամանակ լինում են այնպիսի իրավիճակներ, ինչպիսին է հիմա Հայաստանում։

🤩 Ալբերտիչ | հեղինակային ալիք
@albertich_notes

Ատոմային էներգիայի միջազգային կազմակերպության, նույն ինքը՝ ՄԱԳԱՏԷ-ի ղեկավար Ռաֆայել Գրոսսին հայտարարել է, որ

ՄԱԳԱՏԷ-ի գնահատականները թույլ չեն տալիս պնդել, թե Իրանը երբևէ ձգտել է միջուկային զենք ստեղծել։

Միջուկային զենք ունենալը մեծ գայթակղություն է, հատկապես՝ երբ պարբերաբար բախվում ես էքզիստենցիալ սպառնալիքների։ Այլ հարց է՝ ինչ ռազմավարություն ունես։

Իրանի կողմից միջուկային զենքի ստեղծումը, խոշոր հաշվով, արդարացված է։ Համենայն դեպս, այնքան ժամանակ, քանի դեռ նույն Իսրայելը պաշտոնապես չի հերքել և ապացուցել միջուկային զենք ունենալու փաստը։

Մյուս կողմից, եթե բազմաթիվ պատկան կառույցներ պնդում են, թե Իրանում չի նկատվում միջուկային զենք ստեղծելու միտում, ապա ո՞րն է Նեթանյահուի, Թրամփի ու եվրոպացիների հիստերիկ և պոպուլիստական գոռգոռոցների նպատակը։

Հարցս հռետորական է։

🤩 Ալբերտիչ | հեղինակային ալիք
@albertich_notes

Սամվել Կարապետյանի ձերբակալման պահից մինչ այս պահը իշխանությունների գործելաոճը քննադատող քանի՞ հայաստանցի խոշոր գործարարի հայտարարություն եք տեսել։

Դա՝ նվազագույնը։ Բայց պոչը տակը քաշած վախկոտ շան պես սեփական փուչ հարստությունը ազգայինից ստորադասելու կարևորությունը չտեսնող «փողատերերից» (թե դրանցից ի՞նչ գործարար) ակնկալիքներ ունենալը զուր գործ է։

🤩 Ալբերտիչ | հեղինակային ալիք
@albertich_notes

Արևմուտքի մարտավարությունը.

«Ես քեզ խփում եմ, բայց դու ինձ մի՛ խփի, հա՞։ Արի էդքանով սահմանափակվենք, լա՞վ»։

Անկախ նրանից՝ ինչպես կավարտվի Իրանի դեմ պատերազմը, ակնհայտ է, որ այլևս ԱՄՆ-ն աշխարհում որպես վստահելի չեն դիտարկվելու։

Ավելին՝ ամենայն հավանականությամբ առաջիկա տարիներին հենց ԱՄՆ-ի ներսում հանգիստ չի լինելու։ Սա չի նշանակում, որ ԱՄՆ-ը կդադարի ուժային կենտրոն լինելուց, բայց իր ներգրավվածությունն աշխարհի տարբեր կետերում բավականին կնվազի։

🤩 Ալբերտիչ | հեղինակային ալիք
@albertich_notes

Արևմուտքն, իհարկե, զավեշտալի է։

Նախ, Թրամփն ու իր պաշտոնյաները ոգևորված հայտարարում են, թե ռմբակոծել են Իրանի միջուկային օբյեկտներն ու լուծել են խնդիրը, իմա՝ Իրանն այլևս միջուկային զենք չի ունենա։

Հետո հորդորում են Իրանին վերադառնալու բանակցությունների սեղանի շուրջ՝ ատոմային ծրագրերի հարցով։

Բաբամ, եթե խնդիրը Իրանի միջուկային օբյեկտներն էին, դուք էլ, ասած Տռամպի՝ մե հրաշք, մե աննախադեպ, մե հեղափոխական էնպիսի հարված եք հասցրել էդ օբյեկտներին, որ հարցը փակված է, բա էլ ինչի՞ շուրջ եք ուզում բանակցել։

Ուրեմն, դուք սուտասան եք, բաբամ։ Սուտլիկ, որ Իսրայելի կաշին փրկելու համար բզում եք Իրանին, որ վերադառնա բանակցելու։ Դե, էդ ընթացքում էլ Իսրայելը շունչ կքաշի, հետո նորից մի հեքիաթ կհորինեք։

[Եթե անկեղծ՝ վստահ չեմ, որ մոտակա 1-2 ամսում կարելի է լինելու ակնկալել դեէսկալացիայի, թեև բանակցությունների իմիտացիա հնարավոր է]։

🤩 Ալբերտիչ | հեղինակային ալիք
@albertich_notes

Ռուսաստանում որոշել են, որ չկա ավելի լավ բան, քան ի պատասխան ՌԴ քաղաքացի, գործարար Սամվել Կարապետյանի ձերբակալմանը՝ կանխել մաքսանենգ ճանապարհով Ռուսաստանից Հայաստան ալմաստի ներկրումը մի ընկերություն, որը փոխկապակցված է ՀՀ ԱԺ պատգամավոր... տա-դա-դա-դամ... Խաչատուր Սուքիասյանի հետ։

Հ.Գ. Վստահ եմ, առաջիկա օրերին կամ 1-2 շաբաթվա ընթացքում մեր փառապանծ իշխանությունը մի նոր բան է մոգոնելու՝ ինչ-որ խմբի կձերբակալեն, ինչ-որ դարի բացահայտում կանեն, որն ուղղակի կամ անուղղակի կապված է լինելու Ռուսաստանի հետ։

🤩 Ալբերտիչ | հեղինակային ալիք
@albertich_notes

Ի՞նչ է տեղի ունեցել վերջին օրերին.

1️⃣ Թրամփը գերպոպուլիստական ոճով հայտարարում է, թե ԱՄՆ-ը ռմբակոծել է Իրանի 3 միջուկային օբյեկտները։

2️⃣ Իրանցիները հայտնում են, որ ա) օբյեկտներին լուրջ վնաս չի հասցվել, բ) իրենք Ֆորդոուի օբյեկտից վաղուց տարհանել են անհրաժեշտ ամեն ինչ։

3️⃣ Թեև ոչ մի կադր այդպես էլ չցուցադրվեց Սպահանի և Նաթանզի օբյեկտներից և հայտնի չէ, թե ինչ վնասներ են դրանք կրել, բոլորի ուշադրությունը Ֆորդոուի օբյեկտին էր հակված։ Ըստ կադրերի՝ իսկապես շատ լուրջ վնաս չի հասցվել։

4️⃣ Միևնույն ժամանակ՝ համացանցում երևացին կադրեր, ուր պարզ երևում էր, որ իրանցիները նախապես լոգիստիկ բեռնատարների և տեխնիկայի միջոցով տարհանել են օբյեկտը հնարավորինս փակել մուտքերը (հող լցրել):

5️⃣ Ի պատասխան ռմբակոծության՝ Իրանից այսօր արձակվել են հրթիռներ, որոնք բոլոր արձագանքներից դատելով՝ ավելի շատ խորհրդանշական բնույթ էին կրում։

Ըստ այդմ՝

1️⃣ ԱՄՆ-ի և Իրանի փոխադարձ գործողություններն առավելապես հեղինակության հարվածներ էին։ Կբերի՞ դա խաղաղության, ինչպես Թրամփն է իբր թե փափագում…

2️⃣ Բանակցությունները հիմա Իրանի ներկայիս էլիտայի համար խիստ վտանգավոր են այն պատճառով, որ չնայած բանակցություններին Իսրայելն ու Միացյալ Նահանգները ջանքեր են գործադրելու Իրանում հեղաշրջում կազմակերպելու նպատակով։ Բանակցությունները չխանգարեցին Իրանի դեմ պատերազմ սկսելիս, չեն խանգարի նաև ներքին խժդժություններ հրահրելիս։

3️⃣ Թրամփի բոլոր հրապարակային փորձերը խաղաղարարի կերպարում ինքնահաստատվելու մինչ այս պահը ձախողվել են։ Թվում է, նա ամենից շատ պետք է շահագրգռված լինի բանակցություններում, բայց եթե նկատի առնենք վերջին երկու շաբաթում Թրամփի իրարամերժ ելույթներն ու գրառումները, հարց է ծագում՝ նա իսկապես ձգտում է Մերձավոր Արևելքում խաղաղության։

4️⃣ Այն պահին, երբ վերսկսվեն բանակցությունները, Իսրայելի վարչապետ Նեթանյահուի իշխանությունը կանգնելու է լրջագույն ներքին ճգնաժամի և իշխանությունը պահելու հարցի առաջ։ Իրանն այնպիսի ավերածություններ է բերել Իսրայելի վրա, որ «տեսաք, մենք հզոր ենք, վերջ տվեցինք Իրանի՝ միջուկային զենքի մասին երազանքներին» ոճում արդարացումները չեմ օգնելու Նեթանյահուին ներքին ցասման դեմ։

Հետևաբար՝

Ցանկացած պարագայում կոնֆլիկտն ավարտված չէ։ Միջուկային զենքն առիթ է, որն իրական չէ։ ՄԶ ունի նաև Հյուսիսային Կորեան, բայց չի կիրառել մինչ օրս։ Հարցը Մերձավոր Արևելքի տնտեսական հանգույցներն են, որոնց կառավարումը, ըստ արևմտյան էլիտայի (ում համար՝ գլոբալիստներ, ում համար՝ մասոններ, ում համար էլ՝ խորքային պետություն), պետք է իրենց համար վերահսկելի և կանխատեսելի ուժերի միջոցով լինի։ Քանի դեռ կան որոշակի ազդեցություն ունեցող երկրներ, որոնք կառավարվում են ՌԴ և ՉԺՀ հետ դաշինքներ նախընտրող վերնախավերի կողմից, Արևմուտքում չեն կարող լիարժեք վերահսկել բոլոր տեսակի հաղորդակցական հանգույցների ամենակարևոր խաչմերուկը՝ Մերձավոր Արևելքը։

Ուստի ամեն ինչ դեռ առջևում է։

🤩 Ալբերտիչ | հեղինակային ալիք
@albertich_notes

Ի ԳԻՏՈՒԹՅՈՒՆ.

«CEASEFIRE» եզրույթը ոչ մի կերպ չի նշանակում, որ կոնֆլիկտն ավարտված է։ Ցանկացած պարագայում այն ժամանակավոր բնույթ է կրում։

Որքան էլ Թրամփն իրեն ճղի, հավերժ խաղաղության նա չի հասել։

Ցավոք, մշտական հրադադարները միտված չեն կոնֆլիկտներն ավարտելուն։ Ժամանակակից միջազգային հարաբերություններում կոնֆլիկտները միջոց են գերտերությունների համար իրավիճակային շահեր հետապնդելիս կոնֆլիկտների կողմերին մշտական լարվածության և վերահսկողության ներքո պահելու համար։

Չկա կոնֆլիկտ՝ չկա զենքի վաճառք, չկա մրցակցություն, չկա մշտական վերահսկման մեխանիզմ։

🤩 Ալբերտիչ | հեղինակային ալիք
@albertich_notes

Ինչպես և սպասելի էր՝ Նիկոլի կոշիկները հագած Թրամփի «հավերժ խաղաղությունը» տևեց ընդամենը 3-4 ժամ։

📌 Իսրայելական ԶԼՄ-ները հայտնեցին, որ Իրանից հրթիռ է արձակվել Իսրայելի ուղղությամբ։ Իրանից հերքեցին, բայց դա արդեն էական չէ, քանի որ Իսրայելից հայտարարեցին, որ պատասխան հուժկու արձագանք է ստանալու Իրանի կողմից հրադադարի խախտումը։ Իրանից էլ արդեն հայտարարել են, որ հրադադարի ռեժիմի խախտումը հակառակորդի կողմից պատասխան է ստանալու։

🇮🇱 Ինչ է ստացվում։ Փաստորեն, Իսրայելը, որը հայտարարել էր, թե իր խնդիրը լուծել է՝ ոչնչացնելով Իրանի միջուկային և հրթիռային պոտենցիալը, ամեն դեպքում՝ այդ մասշտաբի խնդիր չի լուծել։

🇺🇸 ԱՄՆ-ը, որ հայտարարել էր, թե Իրանն այլևս ընդունակ չէ միջուկային զենք ստեղծելու, ըստ էության՝ լիարժեք ճշմարտությունը չի ասում, քանի որ արդեն իսկ լուրեր կան, որ Իրանին հաջողվել է պահել մոտ 400 կգ հարստացված ուրան (60%), որը համապատասխան մակարդակի հասցնելու համար զուտ ամիսներ են հարկավոր։

🇮🇷 Իսկ Իրանի համար այս էսկալացիան հետևություններ անելու լավ միջոց էր.

✔️ Իրանում արդեն հասկանում են Իսրայելի և ԱՄՆ-ի ռազմական հնարավորությունները։

✔️ Կոնֆլիկտն օգնեց լավագույնս հասկանալ, թե ո՞վ է Մերձավոր Արևելքում և դրանից դուրս Իրանի դաշնակիցը, իսկ ով՝ հակառակորդ։

✔️ Կոնֆլիկտը թույլ տվեց բացահայտել գործակալական ցանցի հսկայական մասը, կոնսոլիդացրեց հանրությունը վերնախավի շուրջ՝ հնարավորություն ստեղծելով մոտ ապագայում դրա հիմքի վրա ամրապնդելու Խոմենեիի իշխանությունը։

[Աշխարհը մանեժ է դարձել, էլիտաները՝ ծաղրածուներ, մենք էլ՝ ինտերակտիվ հանդիսատես]։

🤩 Ալբերտիչ | հեղինակային ալիք
@albertich_notes

Վայ... ի՜նչ անհարմար բան ստացվեց։

Իսրայել։ Մի՛ գցեք այդ ռումբերը։ Եթե անեք՝ դա մեծ բռնություն կլինի։ Վերադարձրեք ձեր օդաչուներին. հիմա։

© Դոնալդ Ջ. Թրամփ,
Միացյալ Նահանգների նախագահ

Ամերիկյան օրացույցով հավերժը 4-5 ժա՞մ է։ Այ քեզ հրաշք, այ քեզ Թրամփ, այ քեզ աշխարհին խաղաղություն նվիրող աղավնյակ...

🤩 Ալբերտիչ | հեղինակային ալիք
@albertich_notes

Ես գուշակ Մանուշակի թոռը չեմ, իշխանություններն են շատ կանխատեսելի։

Ավելին՝ կարծում եմ, Ապազգային արկածախնդիրների ծառայությունը գործ է կարելու՝ Սամվել Կարապետյանին, ՀԱԵ-ն, ՀԷՑ-ի ու ռուսական կապիտալով խոշոր ընկերությունների «ազգայնացման» թեման, այս օրերին ձերբակալվողներին կապելով ռուսական հատուկ ծառայությունների հետ։

Իհարկե, հնարավոր է առանց ուղղակիորեն իրենց հիշատակելու։

🤩 Ալբերտիչ | հեղինակային ալիք
@albertich_notes

Եվ առհասարակ՝

Նիկոլի պես ուռուցքը Հայաստանից հեռացնելու համար հայտարարությունները որպես պայքարի միջոց ընտրելը նույնն է, ինչ գելի գլխին ավետարան կարդաս՝ հուսալով, որ գորշ գելը սպիտակ ոչխարի հետ խաղաղ համակեցությամբ կապրի։

Մնացածը լիրիկա է…

🤩 Ալբերտիչ | հեղինակային ալիք
@albertich_notes

https://news.1rj.ru/str/hrantbek/861

Գիտե՞ք, թե ինչու է այդպես լինելու…

2020 թվականին Արցախում նախագահական և խորհրդարանական ընտրությունների նախաշեմին Հայաստանում շատերը կարծում էին, թե Արցախում ընտրողները հաստատ հայաստանաբնակների 2018-ին արած սխալը չեն կրկնի, չեն ընտրի տեղական «նիկոլին»՝ Արայիկ Հարությունյանին։ Վիտալի Բալասանյանն էլ ամբողջ քարոզարշավի ժամանակ ավելի շատ խոսել էր Սորոսից, քան Արցախից։ [Հիմա նույն տրամաբանությամբ Քոչարյանն է խոսում ընտրություններից]։ Ընտրությունների արդյունքը հիշում եք, չէ՞։ Արցախին, արցախցիներին և տեղական քաղաքական կոնյուկտուրային լավ ծանոթ էի և ինձ համար դժվար չէր կանխատեսել, որ «նիկոլ» կոչվող ուռուցքի մետաստազները Արցախում էլ են տարածված։

Ցավոք, ուռուցքի դեմը ժամանակին չես առնում՝ շատ արագ մետաստազներն ամենուր են տարածվում։

ՀԱԵ-ն իսկապես ինքնության և պետականության գիտակցության վերջին կանգուն հենասյունն է։ Վստահաբար ՀԱԵ-ում հայրենասեր, արժանապատիվ հոգևորականների պակաս չկա։ Սակայն հոգևորականը նախևառաջ մարդ է և նրան էլ է բնորոշ թուլակամությունը, մորթապաշտությունը, վախը։

Վերջին երկու տասնամյակում, այսպես կոչված՝ «պատերազմի կուսակցությանը» հարող վերնախավին խանգարել է անվճռականությունը, փափկասրտությունն ու այնտեղ, ուր պետք էր լինել բռնապետ՝ դիվանագետ խաղալու ավելորդությունը։

❗️Այս գրառումը ՀԱԵ-ն քննադատելու նպատակ չի հետապնդում։ Սա այն մասին է, որ.

ա) մեր երկրում շատ բաներ դեռևս շարունակում են իդեալականացված մնալ,

բ) երբ քո առաջ էքզիստենցիալ սպառնալիք է՝ դիվանագիտություն խաղալը ժամանակավրեպ է (սա բոլոր պատասխանատուներին է վերաբերվում),

գ) երբ ներքին ռեսուրսներդ չեն բավարարում ուռուցքի դեմ պայքարելիս, ապա արտաքին միջամտությունը դառնում է անխուսափելի. այս փուլում դեռևս որպես միջամտության համար նախատեսված վիրահատական դանակ կարծես դիտարկվում է վերջերս ձերբակալված ՌԴ քաղաքացի (որքանո՞վ այս թեկնածությունն իրեն կարդարացնի՝ ժամանակը ցույց կտա):

🤩 Ալբերտիչ | հեղինակային ալիք
@albertich_notes

Տ - ՏՐԱՄԱԲԱՆՈՒԹՅՈՒՆ

Ուկրաինա, Մոլդովա, Հայաստան։ Հնարավոր կլիներ պնդել, թե հետխորհրդային երկրներում տեղի ունեցող պրոցեսները պարզապես հակառուսական նպատակներ են հետապնդում, եթե չլիներ մի գործոն՝ եկեղեցին։

Երեք երկրներում հստակ հետապնդում կա եկեղեցու հանդեպ։ Սակայն, եթե Ուկրաինայի և Մոլդովայի դեպքերում «հակառուսականությունը» տրամաբանական է, քանի որ երկու երկրում էլ գերակշռում են Ռուս Ուղղափառ Եկեղեցու իրավասության ներքո գործող եկեղեցիները, ապա ՀԱԵ-ն չի կարող այդ ծիրում դիտարկվել։

(Բացի հավանաբար այն հանգամանքից, որ Ռուսաստանի և Նոր Նախիջևանի թեմի առաջնորդը ամենայն հայոց կաթողիկոսի կրտսեր եղբայրն է. բայց սա շատ աննշան գործոն է տվյալ կոնտեքստում):

Ըստ էության՝ մենք գործ ունենք արժեքների դեմ պայքարի հետ։

Քանի դեռ մարդկանց հեշտորեն կարելի մանիպուլացնել և կառավարել ատելության, նախանձի, փառասիրության միջոցով, այս պայքարում մարդը միշտ տանուլ է տալու։

Նիկոլը հիանալի կերպար է արժեքների դեմ պայքարելու համար։ Իր կենսագրությունը վաղուց էր գոռում, որ նրա համար իշխանությունը մեկ նպատակ ունի՝ քանդել իր համար այդքան արեալում ցանկացած արժեք, որ առնչվում է «հայ» բառարմատի հետ։

Մի փոքր ուղղորդված աշխատանք նման մարդու հետ և ցածր պահանջունքների մեջ թաթախված մեծամասնությունն ունենում է իր պրոյեկցիան՝ Հայաստանի, Սիրիայի, Ուկրաինայի, Մոլդովայի, եվրոպական տարբեր երկրների խղճուկ առաջնորդների տեսքով։

🤩 Ալբերտիչ | հեղինակային ալիք
@albertich_notes