Ֆինանսների նախարար Վահե Հովհաննիսյանը կոռուպցիոն սկանդալի կենտրոնում է հայտնվել ՏՏ ստարտափի ստացած արտոնությունների պատճառով, որի տնօրենն է եղել մինչ փոխնախարար նշանակվելը

Ըստ Հովհաննիսյանի ներկայացրած 2021 թվականի հայտարարագրի ՝ Caritas-Italiana ընկերության մի մասը պատկանում է հենց նրան, սակայն արդեն 2022 թվականի հունվարին ստարտափը վերակազմավորվեց և վերանվանվեց J-Corder։ Ընկերությունը պարտքեր ուներ, որոնք Հովհաննիսյանի ՝ ֆինանսների նախարարություն տեղափոխվելուց հետո մարվեցին։

Նախարարը վստահեցնում է, որ տեղյակ չի եղել J-Corder-ի՝ 300 հազար դոլարի արտոնություններ ստանալու մասին, որը Հովհաննիսյանից հետո գլխավորել է, ըստ ԶԼՄ-ների, իր հորեղբայրը։

Հակակոռուպցիոն դատարանը սկզբում քրեական վարույթ չհարուցեց, սակայն ապրիլի սկզբին նրան պարտավորեցրեց դա անել Վերաքննիչ դատարանը:

Հովհաննիսյանն իրեն գործով ֆիգուրանտ չի համարում և պատրաստ է պատասխանել այն դեպքում, եթե «ինչ-որ խնդիր ի հայտ գա»։

ՔՊ-ում ընդվզման մեծ ալիք է հասունանում, շարքերում գժված են

ՔՊ-ում կարծում են, որ եթե սկանդալի կենտրոնում հայտնված «Հանրապետություն» կուսակցության անդամ, Նոր Նորք վարչական շրջանի թաղապետ Տիգրան Տեր-Մարգարյանը հրաժարական չներկայացնի, ապա պետք է խզել Երևանի ավագանիում կոալիցիոն հուշագիրը ՔՊ–ի և «Հանրապետություն» խմբակցության միջև։

Ըստ պարբերականի՝ հարցի լուծումն առայժմ թողնվել է Տիգրան Ավինյանի վրա, ու եթե Ավինյանը չկարողանա հասնել նրան, որ «Հանրապետությունն» իր որոշմամբ Տիգրան Տեր-Մարգարյանին ուրիշով փոխարինի, ապա հարցը կքննարկվի ՔՊ վարչությունում, և հնարավոր է՝ ՔՊ-ն հայտարարի կոալիցիան խզելու մասին:

«Հրապարակը»

Սերժ Սարգսյանը հանդիպել է Հայկական համալսարանի ունկնդիրների եւ դասախոսների հետ

Հայկական համալսարանի՝ Արցախյան առաջին հաղթական պատերազմի ռազմաքաղաքական ղեկավարության հետ հանդիպում-բանախոսությունների ծրագրի շրջանակներում երեկ երեկոյան տեղի է ունեցել համալսարանի ունկնդիրների և դասախոսների հանդիպումը ԼՂ ինքնապաշտպանության ուժերի կոմիտեի, ապա ԼՂՀ պաշտպանության ուժերի կոմիտեի նախագահ (1989-1993թթ.), ՀՀ երրորդ նախագահ, Արցախի հերոս Սերժ Սարգսյանի հետ:
Դեռևս շաբաթներ առաջ ձեռք բերված պայմանավորվածության համաձայն կայացած հանդիպման զրույցի թեմատիկ ընդգրկումը ներառել է Արցախյան առաջին հաղթական պատերազմի տարիներին բանակաշինությանը, պետականաշինությանը, իրականացված մոբիլիզացիային և հաջորդող տարիների պետական քաղաքականությանը վերաբերող հարցեր։

Զելենսկին մերժել է Պուտինի հրադադարի առաջարկը եւ պնդում է 30-օրյա հրադադար մտցնել

Ուկրաինայի նախագահՎլադիմիր Զելենսկինքննադատել է ՎլադիմիրՊուտինի առաջարկածեռօրյա հրադադարըմայիսի 9-ին եւ պնդում է30-օրյա հրադադարիմասին, հայտնել է УНИАН-ը։
Լրագրողների հետզրույցում Ուկրաինայինախագահը հայտնել է, որ «չի ցանկանում խաղալ Պուտինի առաջարկած կարճզինադադարներով»։ Նրա խոսքով՝ 30-օրյա զինադադարի մոդելնամենաօպտիմալն է, քանի որ մի քանի օրում հնարավոր չէ ինչ-որ բանի շուրջպայմանավորվել։
«Անվերապահ հրադադարը մոդել է, որն առաջարկել են ամերիկացիները։ Այո, եկեք փորձենք 30 օրով։ Ինչո՞ւ 30 օրով հրադադար։  Որովհետեւ անհնար է երեք, հինգ, յոթ օրում որեւէ բանի մասին պայմանավորվել»,- Զելենսկուն մեջբերել է «Ուկրինֆորմը»։

🇮🇷 Իրանի արևմուտքում՝ Քերմանշահ քաղաքում կայծակի հարվածի հետևանքով երկու մարդ Է զոհվել,ևս երեքը տուժել են, հաղորդում է Tasnim-ը ՝ վկայակոչելով նահանգի արտակարգ իրավիճակների կառավարման կազմակերպության ղեկավար Ալիրեզա Հեյդարիին:

«Լոնդոնը չի կարող միջնորդ լինել». Պեսկով

Մեծ Բրիտանիան միակողմանի դիրքորոշում է ընդունել ուկրաինական հակամարտության հարցում, ուստի չի կարող միջնորդ լինել։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Նա մեկնաբանել է Ուկրաինայի զինված ուժերի անձնակազմին Երկրորդ համաշխարհային պատերազմում հաղթանակի 80-ամյակի տոնակատարություններին հրավիրելու՝ բրիտանական իշխանությունների խոստումը։
«Մինչ այժմ Լոնդոնն առանձնապես չի հավակնել միջնորդի դերին։ Միջնորդ կարող է լինել միայն այն երկիրը, որը հավասար հեռավորության վրա է գտնվում հակամարտող կողմերի նկատմամբ։ Լոնդոնն այդպիսին չէ և չի կարող այդպիսին լինել», - ասել է Պեսկովը՝ պատասխանելով հարցին, թե արդյո՞ք Լոնդոնի գործողություններն ուղղակիորեն աջակցում են նացիզմին, և արդյո՞ք Մեծ Բրիտանիան զրկում է իրեն խաղաղության գործընթացում միջնորդ դառնալու հնարավորությունից։

Վաշինգտոնում անցկացվել է «Անմահ գունդ» ակցիան

Ավելի քան 100 մասնակիցները հարգանքի տուրք են մատուցել Հայրենական մեծ պատերազմի տարիներին զոհվածների հիշատակին։

Սա վերջին վեց տարվա ընթացքում առաջին համաձայնեցված ակցիան էր։ ՌԻԱ Նովոստին հայտնում է, որ իշխանությունները 300 մարդու ներկայություն են արտոնել։

Սերժ Սարգսյանը Ռոբերտ Քոչարյանին թշնամի չի համարում

Ուսանողները ՀՀ 3-րդ նախագահին հարցրել են` Ձեր և 2-րդ նախագահի միջև կայի՞ն կամ կա՞ն անձնական, գաղափարական, քաղաքական և կամ այլ հակասություններ։

«Հիմա խնդրում եմ` հանգիստ թողեք Քոչարյանին։ Համենայնդեպս, ես իրեն թշնամի չեմ համարում։ Իմ կռիվը ոչ թե Հայաստանում հեղինակություն ունենալու համար է, իմ կռիվը Հայաստանում իշխանափոխության համար է։ Արդար կլիներ` հարցը նաև իրեն տաք, հետո համեմատեք»,– պատասխանել է Սերժ Սարգսյանը։

Գլխավոր դատախազության պահանջում է Արարատի մարզի Վեդի համայնքի նախկին ղեկավար Վարուժան Հակոբի Բարսեղյանից և նրան փոխկապակցված անձանցից հօգուտ ՀՀ բռնագանձել

✔️Արարատի մարզի, Վեդի քաղաքում գտնվող 10 անշարժ գույք.

✔️3 իրավաբանական անձում մասնակցություն.

✔️40 միլիոն 836 հազար դրամ` որպես ստացված ապօրինի եկամուտների մնացորդ:

Մոսկվայում Փալինյանի անվտանգության հետ կապված խնդիր Ալեն Սիմոնյանը չի տեսնում

ԱԺ խոսնակը պատասխանել է լրագրողի հարցին՝ Մոսկվայում Մեծ հաղթանակի միջոցառումների հետ կապված Զելենսկու վերջին սպառնալիքների մասին։

«Մի երկրի առաջնորդը ինչ-որ բան է ասում մեկ այլ պետության ղեկավարին... Մենք կարծում ենք, որ անվտանգության հետ կապված խնդիրներ չկան, եթե վարչապետը վերջապես որոշի մասնակցել»։

2254 գործարք է կնքվել ՀՀ սահմանամերձ բնակավայրերում ընտանիքների բնակարանային մատչելիության ապահովման պետական աջակցության ծրագրով

Փաշինյանի գլխավորությամբ տեղի է ունեցած խորհրդակցության ընթացքում քննարկվել է ծրագրին մասնակցության նոր չափանիշների սահմանումը, թիրախների որոշումը, բնակարանային խնդիր ունեցող այլ խմբերին ծրագրում ինտեգրելու հնարավորությունը:

Նշենք, որ սուբսիդավորման ծրագիրն ընդլայնվել է միայն Տավուշի Բաղանիս, Բերքաբեր, Կիրանց և Ոսկեպար գյուղերի, ինչպես նաև Վայոց Ձորի Գոմք գյուղի համար: Սուբսիդավորման առավելագույն չափը կազմում է 16 մլն դրամ։

Թրամփը բացառել է Ռուսաստանի ներգրավվածությունը «Հյուսիսային հոսք»-ի պայթեցմանը

ԱՄՆ-ի նախագահ Դոնալդ Թրամփը մեկնաբանել է Ռուսաստանի առաջնորդ Վլադիմիր Պուտինի կողմից մայիսին առաջարկված եռօրյա հրադադարը։
Սպիտակ տան ղեկավարը բարձր է գնահատել որոշումը։ Ըստ նրա` «սա արդեն մեծ բան է՝ հաշվի առնելով այն, թե որ կետից էինք ստիպված սկսել հակամարտության կարգավորումը»։
Թրամփը նաև նշել է, որ Ռուսաստանը և Ուկրաինան հանձնառու են հասնելու շարունակվող հակամարտության կարգավորմանը, երկու կողմերն էլ ձգտում են խաղաղության։
Բացի այդ, ԱՄՆ-ի նախագահը նշել է, որ կարող է ասել, թե ով է պայթեցրել «Հյուսիսային հոսքը» և հերքել է Ռուսաստանի որևէ ներգրավվածություն պայթյուններին։

ԵՄ-ին անհրաժեշտ է 2 տրիլիոն եվրո՝ էլեկտրաէներգիայի ցանցը վերանորոգելու համար. Reuters

Իսպանիայում էլեկտրաէներգիայի զանգվածային անջատումները ցույց են տվել, որ Եվրոմիությանը մինչև 2050 թվականն անհրաժեշտ է 2 տրիլիոն եվրո՝ էլեկտրաէներգիայի ցանցը վերանորոգելու համար, հաղորդում է Reuters-ը։ Չնայած Իսպանիայում համաշխարհային էլեկտրաէներգիայի անջատման ճշգրիտ պատճառները դեռևս պաշտոնապես չեն հաստատվել, այնուամենայնիվ, այն տեղի է ունեցել «կանաչ էներգիայի օգտագործման ավելացումից հետո»։ «Կանաչ էներգիայի» արագ աճը գրանցվել է «Ուկրաինայում հակամարտության բռնկումից և նավթի ու գազի մատակարարման հետագա խափանումներից» հետո:
Ընդհանուր առմամբ, ԵՄ-ի վերականգնվող էներգիայի բաժինը 2024 թվականին կազմել է 47%, մինչդեռ Իսպանիան հասել է ռեկորդային 56%-ի։
Սակայն, քամուց և արևային էներգիայից արտադրվող կայանների կառուցման պարզությունը խաբուսիկ է, քանի որ դրանք պահանջում են «հսկայական գումարներ և գոյություն ունեցող էլեկտրացանցի բարդ վերակառուցում»: «Կանաչ էներգիայի» հիմնական խնդիրներից մեկն այն է, որ, ի տարբերություն ավանդական էլեկտրակայանների, մարդը չի վերահսկում էներգիայի արտադրության ծավալը, որը կարող է մեծապես տարբերվել՝ կախված եղանակից: Ավելին, որքան մեծ է այս աղբյուրների բաժինն էներգետիկ հաշվեկշռում, այնքան ավելի բարդ գործողություններ պետք է իրականացվեն ցանցային օպերատորների կողմից՝ դրա կայունությունը պահպանելու համար:

Գիշերը հրկիզել են Երևանի ավագանու «Մայր Հայաստան» խմբակցության անդամ Գևորգ Ստեփանյանի կնոջ էլեկտրամոբիլը, հայտնում է նույն խմբակցության ղեկավար Մանուկ Սուքիասյանը

Դեպքը եղել է Երևանի Մկրտիչ Սեդրակյան փողոցում գիշերը 4։30–ի սահմաններում։ Գևորգ Ստեփանյանն ու նրա ընտանիքի անդամներն արթնացել են հարվածի ձայնից. մեքենայի ապակին կոտրել ու հրկիզել են մեքենայի սրահը։ Տուժածներ չկան։ Կատարվածի մեջ Սուքիասյանը մեղադրում է գործող իշխանությանը։

«Սա այն ԱԺ-ն է, որն Արցախի կորստից մեկ շաբաթ առաջ ու մեկ շաբաթ հետո հանգիստ աշխատում էր». Վահե Հովհաննիսյան

«Այլընտրանքային նախագծեր» խմբի անդամ Վահե Հովհաննիսյանի ֆեյսբուքյան գրառումը․ «Ինքն իր համար խորհրդարան, ինքն իրեն հանձնված հասարակություն Իմփիչմենթի պրոցեսի շուրջ բանավեճը շատ ավելի խոր պրոբլեմ է ձևակերպում, քան՝ ստորագրություններ հավաքել-չհավաքելու դիլեման։ Այս խորհրդարանը վաղուց սպառված է, ինչն իրենով արդեն մեծ ռիսկ է, որովհետև այն իր գոյությունը չի դադարեցնում, բայց իշխանության այս որակի և արտաքին այս վտանգների պայմաններում դեռ մեկ տարի պետք է աշխատի։ Հայաստանի կենսական անհրաժեշտությունն է պահանջում, որ երեք խմբակցությունների քաղաքական ստատուս քվոն փոխվի։ Նոր քաղաքական իրականության հաստատումը երկրում նոր մթնոլորտ կստեղծի և հետպատերազմյան վերականգնման նոր, իրական հնարավորություն։ - Սա այն ԱԺ-ն է, որը Արցախի շրջափակման 9 ամիսների ընթացքում ոչ մի բան չարեց պրոցեսներ գեներացնելու համար, չարեց որևէ փորձ՝ երկրում իրավիճակ փոխելու համար, ինչը միակ շանսն էր՝ Արցախում պլանավորված հայաթափման սցենարը կասեցնելու։ - Այն ԱԺ-ն է, որն Արցախի կորստից մեկ շաբաթ առաջ ու մեկ շաբաթ հետո հանգիստ աշխատում էր։ - Այս խորհրդարանը ձևավորվել է պատմական ա՛յլ իրավիճակում, երբ կար հայկական Արցախ, և հանգիստ շարունակել է աշխատել բոլորովին այլ պատմական պայմաններում, երբ Արցախն այլևս չկար։ Սա պատմական անոմալիա է, որը շատ երկար է հիշվելու։ Այսինքն կարելի է կորցնել հայրենիքի հատվածներ ու երկրում բան չփոխվի՞, շարունակել հանգիստ, «կառուցողական» օրենսդիր աշխատա՞նքը։ 2021թ-ից հետո բոլոր խոշոր շարժումների անհաջողության հիմնական պատճառներից մեկը եղել է միտինգային հարթակի, հրապարակի և ԱԺ-ի աններդաշնակությունը։ Հարթակն այլ բան էր ասում, հրապարակն այլ բան էր ակնկալում, իսկ ԱԺ-ն աշխատում էր իր հանդարտ օրակարգով։ Սա թույլ չտվեց ունենալ անհրաժեշտ ծավալի հասարակական կոնսոլիդացիա։ Հետևանքն այն է, որ այս խորհրդարանը վաղուց կապ չունի լայն հասարակության, նրա տարբեր շերտերի հետ։ Ինքն իր համար խորհրդարան է։ Իշխանություններն ակնհայտ սպառված են, բայց փոփոխություններ տեղի չեն ունենում։ Սա ուղղակի գոռում է այն մասին, որ պետք է ավարտել «երեք խմբակցության» քաղաքական իրականությունը Հայաստանում։ Մեր երկրին պետք է, պայմանական ասած, 4-րդ խմբակցությունը, որը նոր ալիքն է՝ նոր ասելիքով, ունի այդ ասելիքը կրողներ, և որի առաքելությունն է՝ գնալ դեպի ներքին համերաշխություն, Հայաստանի հետպատերազմյան վերականգնում։ Իսկ հիմա հարց. արդյոք հասարակությունը ներգրավվա՞ծ է որևէ հանրային-քաղաքական պրոցեսում։ Միանշանակ՝ ոչ։ Մենք հասարակությանը հեռացրել ենք իրական պրոցեսներից, ասել ենք՝ մնա մի տեղ ու սպասիր կա՛մ նոր ողբերգության, կամ, եթե բախտներս բերի, փրկության։ Մենք քեզ չենք լսում, քեզնից միայն ակնկալում ենք հոծ զանգվածներ մի իքս օր, երբ քեզ ասենք։ Այդպես լուրջ գործ հնարավոր չէ անել։ Այդ պատճառով էլ հասարակությունը ո՛չ իմպիչմենտի հնարավորությունից է տեղյակ, ոչ՝ արտահերթի, ոչ էլ գիտի, թե հերթական ընտրությունները երբ են լինելու։ Իրականում, իր այս վիճակով ու որակով այս խորհրդարանն իմպիչմենտի է ենթարկել հասարակությանը»

«Սա Գևորգ Ստեփանյանի գործունեությանն ի պատասխան արված քայլ ենք գնահատում». Անդրանիկ Թևանյան

«Մայր Հայաստան» դաշինքի առաջնորդ Անդրանիկ Թևանյանը գրում է. «Քիչ առաջ այրել են Երևանի ավագանու «Մայր Հայաստան» խմբակցության անդամ Գևորգ Ստեփանյանի ավտոմեքենան, որը կայանված էր նրա տան բակում։ Հրշեջներն ու ոստիկաններն արդեն ավարտել են իրենց աշխատանքը։ Գևորգը միջանձնային հարաբերություններում կոնֆլիկտային չէ և չունի անձնական թշնամիներ։ Սա նրա հանրային կարգավիճակից բխող գործունեությանն ի պատասխան արված քայլ ենք գնահատում։ Առայժմ այսքանը»:

Երևանի ավագանու «Մայր Հայաստան» խմբակցության անդամ Գևորգ Ստեփանյանի կնոջ մեքենան հրկիզելու դեպքի առթիվ նախաձեռնվել է քրեական վարույթ՝ Քրեական օրենսգրքի 264-րդ հոդվածի 2-րդ մասի 3-րդ և 6-րդ կետերով (գույքը ոչնչացնելը կամ վնասելը), հայտնեց ՀՀ ՔԿ խոսնակ Կիմա Ավդալյանը։