«Սա Գևորգ Ստեփանյանի գործունեությանն ի պատասխան արված քայլ ենք գնահատում». Անդրանիկ Թևանյան

«Մայր Հայաստան» դաշինքի առաջնորդ Անդրանիկ Թևանյանը գրում է. «Քիչ առաջ այրել են Երևանի ավագանու «Մայր Հայաստան» խմբակցության անդամ Գևորգ Ստեփանյանի ավտոմեքենան, որը կայանված էր նրա տան բակում։ Հրշեջներն ու ոստիկաններն արդեն ավարտել են իրենց աշխատանքը։ Գևորգը միջանձնային հարաբերություններում կոնֆլիկտային չէ և չունի անձնական թշնամիներ։ Սա նրա հանրային կարգավիճակից բխող գործունեությանն ի պատասխան արված քայլ ենք գնահատում։ Առայժմ այսքանը»:

Երևանի ավագանու «Մայր Հայաստան» խմբակցության անդամ Գևորգ Ստեփանյանի կնոջ մեքենան հրկիզելու դեպքի առթիվ նախաձեռնվել է քրեական վարույթ՝ Քրեական օրենսգրքի 264-րդ հոդվածի 2-րդ մասի 3-րդ և 6-րդ կետերով (գույքը ոչնչացնելը կամ վնասելը), հայտնեց ՀՀ ՔԿ խոսնակ Կիմա Ավդալյանը։

Քաշվանք, քաշվա՜նք... բա հիմա ի՞նչ ենք անելու. Ալեն Սիմոնյանը հեգնանքով ու քամահրանքով արձագանքեց «Պատիվ ունեմ» խմբակցության հայտարարության վերաբերյալ հարցին։

Հայաստանը վերջին տարիներին անտառային կառավարման բարելավումը դարձրել է գերակա ուղղություն. ՄԱԿ-ի ֆորումում Արամ Մեյմարյանը կարևորել է էկոպարեկային ծառայության ստեղծումը

Նյու Յորքում ընթացող Անտառներին նվիրված ՄԱԿ-ի ֆորումի 20-րդ նստաշրջանի ժամանակ շրջակա միջավայրի նախարարի տեղակալ Արամ Մեյմարյանը հանդես է եկել Հայաստանի Հանրապետության անունից ելույթով։ Իր խոսքում նախարարի տեղակալը բարձր գնահատել անտառների նշանակությունը՝ որպես կլիմայական կայունության, կենսաբազմազանության պահպանման և կայուն զարգացման հիմնարար բաղադրիչ։ Նա ընդգծել է, որ Հայաստանում անտառներն ունեն ոչ միայն էկոլոգիական, այլև մշակութային, սոցիալ-տնտեսական կարևորություն, ինչի հիման վրա պետությունը վերջին տարիներին անտառային կառավարման բարելավումը դարձրել է գերակա ուղղություն։ Նախարարի տեղակալը ներկայացրել է Հայաստանի կողմից իրականացվող լայնածավալ բարեփոխումները՝ այդ թվում՝ 14 անտառտնտեսությունների համար անտառային կառավարման պլանների ընդունումը, անտառապատման և վերականգնման ընթացակարգերի արդիականացումը, ինչպես նաև կայուն անտառային կառավարման նոր չափանիշների և ցուցիչների հաստատումը։ Անդրադառնալով ինստիտուցիոնալ բարեփոխումներին՝ Արամ Մեյմարյանը առանձնակի կարևորել է Էկոպարեկայինծառայության ստեղծումը, որը կոչված է ապահովելու շուրջօրյա բնապահպանական վերահսկողություն ողջ հանրապետության տարածքում՝ 24/7 ռեժիմով արձագանքելով իրավախախտումներին և կանխելով դրանք։ Ծառայությունն ուղղված է կենսաբազմազանության և բնական էկոհամակարգերի պահպանմանը՝ հատկապես արգելոցային և անտառային տարածքներում։

Բացի այդ, նախարարի տեղակալը նշել է, որ ընթացքի մեջ է նաև մի շարք կարևոր օրենքների՝ այդ թվում՝ «Կլիմայի մասին» և «Բուսական աշխարհի մասին» օրենքների, ինչպես նաև «Բնության հատուկ պահպանվող տարածքների մասին» օրենքի արդիականացումը՝ անտառների և կենսաբազմազանության պաշտպանության իրավական դաշտի ամրապնդման նպատակով։ Նախարարի տեղակալն իր ելույթում անդրադարձել է Հայաստանի կողմից ՄԱԿ-ի Կենսաբազմազանության հաջորդ՝ COP17 համաժողովի հյուրընկալմանը և նշել, որ մեր երկիրը պատրաստ է առաջիկա տարիներին հանդես գալ որպես ակտիվ և օրինակելի մասնակից՝ ներգրավվելով գլոբալ բնապահպանական օրակարգի իրականացման մեջ։ Ելույթի ավարտին Արամ Մեյմարյանը վերահաստատել է Հայաստանի հանձնառությունը՝ պաշտպանել անտառներն ու կենսաբազմազանությունը՝ ինչպես ազգային, այնպես էլ միջազգային մակարդակներում։

🇷🇺🇮🇷Ռուսաստանի և Իրանի նախագահները պայմանավորվել են ակտիվացնել արտաքին քաղաքականության համակարգման և գործնական համագործակցության ուղղությամբ համատեղ աշխատանքը

Վլադիմիր Պուտինն ու Մասուդ Փեզեշքիանը քննարկել են նաև Իրանի և ԱՄՆ-ի միջև իրանական միջուկային ծրագրի շուրջ բանակցությունների ընթացքը:

Ի՞նչ է կատարվում Գյումրիում․ փորձում են իշխանափոխություն անե՞լ՝ զավթելով ընդդիմադիր ուժի մանդատը

ԱԺ պատգամավոր Մարտուն Գրիգորյանի գլխավորած «Մեր քաղաքը» դաշինքի ավագանու անդամներից մեկը՝ գործարար Կարեն Բադալյանն, ավագանու մանդատից հրաժարվելու դիմում է ներկայացրել, սակայն փոշմանել է՝ հաշվի չառնելով այն հանգամանքը, որ օրենքով սահմանված ժամկետն արդեն լրացել է․ իր լիազորությունները դադարեցվել են։ Նա հաշվի չի նստել նաև դաշինքի հետ ու որոշել հրաժարականի մասին դիմումը հետ վերցնել։

Այսօր աղմուկ էր բարձրացել այս թեմայի շուրջ․ «Մեր քաղաքը» դաշինքի անդամները փաստաբան Սոս Հակոբյանի հետ եկել էին թիվ 31 ընտրատարածքային ընտրական հանձնաժողով՝ պարզաբանում ստանալու, թե ինչո՞ւ հանձնաժողովը չի արձանագրել Կարեն Բադալյանի լիազորությունները դադարեցնելու փաստը։

ՆԱՏՕ-ն և ԵՄ-ն գործարկել են ծրագրեր, որոնք ուղղված են ՌԴ-ի հետ ուղղակի ռազմակшն հակամարտության նախապատրաստվելուն. Շոյգու


ՌԴ Անվտանգության խորհրդի քարտուղար Սերգեյ Շոյգուն հայտարարել է, որ ՆԱՏՕ-ն և ԵՄ-ն ծրագրեր են գործարկել Ռուսաստանի հետ ռազմական հակամարտությանը նախապատրաստվելու համար։ Նա հավելել է, որ Ռուսաստանը պետք է բոլոր ջանքերը գործադրի «Արևմուտքում վերածնվող նացիզմին» հաղթելու համար։ 

Շոյգուն նշել է, որ եվրոպական վերնախավերը, որոնց «գրգռում և հովանավորում» են Մեծ Բրիտանիան և Ֆրանսիան, շարունակում են հայտարարել Ռուսաստանի Դաշնությանը ռազմավարական պարտության մատնելու անհրաժեշտության մասին։
«Այս թափ հավաքող աղմուկի ուղեկցությամբ ՆԱՏՕ-ն և Եվրամիությունը ծրագրեր են սկսել, որոնք ուղղված են հավաքական Արևմուտքին Ռուսաստանի հետ ուղղակի ռազմական հակամարտության նախապատրաստելուն»,- գրել է Շոյգուն «Ռոսիյսկայա գազետա»-ի հոդվածում։ Շոյգուն նշել է, որ այդ քայլերը, «գեբելսյան քարոզչության լավագույն ավանդույթներով՝ արդարացված են ռուսատյաց կեղծիքներով»։

Նա հավելել է, որ «աննախադեպ» տնտեսական պատժամիջոցներ են մտցվում նաև ռուսաստանցիների շրջանում բողոքի տրամադրությունների սրման ակնկալիքով։

«Պատիվ ունեմ»-ը չունի վարչապետի թեկնածու, բայց պատրաստ է նախաձեռնել Փաշինյանին անվստահության գործընթաց․ հայտարարություն


Ի պատասխան ՀՀ ԱԺ «Պատիվ ունեմ» խմբակցության պատգամավորներին ուղղված նամակների՝ ՀՀ Աժ «Պատիվ ունեմ» խմբակցության պատգամավորները հայտարարել են.

*վերահաստատում ենք, որ այս պահին իշխանափոխության հասնելու ամենահավանական եղանակը վարչապետին անվստահություն հայտնելու գործընթացն է
*գործընթացն ավելորդ քաղաքական նկրտումներով չբարդացնելու համար հայտարարում ենք, որ այս պահին չունենք վարչապետի թեկնածու

*մեր պատրաստակամությունն ենք հայտնում առանց որևէ նախապայմանի քննարկել թեկնածուի հարցը ու նախաձեռնել վարչապետին անվստահություն հայտնելու գործընթաց:

ԱԺ-ում քննարկվում է Անդրանիկ Քոչարյանի վարքագծի վերաբերյալ էթիկայի հանձնաժողով ստեղծելու հարցը


Ազգային ժողովում մայիսի 6-ին մեկնարկած հերթական նիստի ընթացքում քննարկվում է պատգամավոր Անդրանիկ Քոչարյանի վարքագծի վերաբերյալ ժամանակավոր էթիկայի հանձնաժողով ստեղծելու հարցը։ Նախաձեռնությունը ներկայացրել են «Հայաստան» և «Պատիվ ունեմ» խմբակցությունները։

Նախաձեռնող խմբակցությունների ներկայացրած հիմնավորման մեջ նշվում է, որ հարցը ծագել է 2025 թվականի մարտի 20-ին Ազգային ժողովի միջանցքում տեղի ունեցած միջադեպի պատճառով, երբ Անդրանիկ Քոչարյանը, ըստ հաղորդման, լրագրող Հռիփսիմե Ջեբեջյանի նկատմամբ դրսևորել է ակնհայտ անհարգալից և խտրական վերաբերմունք՝ ասելով «շուրթերդ մաքրիր» և արգելելով կանգնել իր կողքին՝ նշելով, թե «դուք լրագրող չեք»։

4 հայ վետերաններ կմասնակցեն մայիսի 9-ին Մոսկվայում կայանալիք Հաղթանակի հոբելյանական շքերթին, կենտրոնում հայտնել է Հայ վետերանների ասոցիացիայի նախագահ Սիմոն Եսայանը։ Նրանք են՝ Ռոզալիա Աբգարյանը, Ներսես Սիմոնյանը, Խաչիկ Օվակիմյանը և Վոլոդյա Գսպոյանը։

Պաշարումից փրկված ևս երկու վետերան՝ Գալինա Ֆեդորովան և Գալինա Պետուխովան, կմեկնեն Սանկտ Պետերբուրգ։ Իսկ 103-ամյա Աղվան Պողոսյանը և Մեխակ Ավետիսյանը չինական կողմից հրավիրվել էին մասնակցելու հիշատակի միջոցառումներին։ Սակայն տարիքի և ֆիզիկական սահմանափակումների պատճառով նրանք չեն կարողանա մասնակցել. Չինաստանում վետերաններին կներկայացնեն իրենց հարազատները։

Ռուսաստանի դատարանը դատապարտել է Ուկրաինայի ԶՈւ կողմից կռված վարձկաններին Ադրբեջանից, Բելգիայից և Շվեդիայից, ճեպազրույցի ժամանակ հայտնել է Ռուսաստանի ԱԳՆ ներկայացուցիչ Մարիա Զախարովան։

Հասան Անար օղլու Մամեդովը, Մաքսիմ Ռոջեր Հենրի Բարատը և Թոբիաս Էնկվիստը մեղադրվում են ռազմական և այլ հանցագործություններ կատարելու համար. նրանք դատապարտվել են 14 տարվա ազատազրկման։

Մայիսի 9-ին «Հայաստան-Արցախ» ՀԵՄ-ը և «Կամուրջ» քաղաքացիական նախաձեռնությունը համատեղ կմասնակցեն Մեծ Հայրենականի 80-ամյակին նվիրված քայլերթին

Մայիսի 9-ին «Հայաստան-Արցախ» ՀԵՄ-ը և «Կամուրջ»  քաղաքացիական նախաձեռնությունը համատեղ կմասնակցեն Հայրենական Մեծ պատերազմի հաղթանակի 80-ամյակին նվիրված արժանապատվության քայլերթին։ Այս մասին հայտնել է «Հայաստան-Արցախ» ՀԵՄ նախագահ Լիաննա Մանուկյանը:

Ստեփանակերտի եղբայրական գերեզմանոցը շարունակվում է պղծվել. monument watch


Արցախի մշակութային ժառանգության մշտադիտարկում իրականացնող monumentwatch.org կայքը գրում է.

2025 թվականի ապրիլի 21-ին տարածված տեսանյութում կարելի է տեսնել, որ ադրբեջանցիները կրկին պղծել են օկուպացված Ստեփանակերտի հուշահամալիրի շիրմաքարերը

Մասնավորապես միտումնավոր կերպով փորագրել, ջնջել են որոշ տապանաքարերի վրա պատկերված ազատամարտիկների դեմքերը՝ աչքերը, բերանը (նկ. 1): Որոշ տապանաքարեր էլ կոտրված են (նկ. 2):

Նկատենք, որ Ստեփանակերտի հուշահամալիրը Արցախի ամբողջական օկուպացիայից հետո հայտնվել է ոչնչացման վտանգի տակ: Բազմաթիվ տեսանյութերում օկուպացված Ստեփանակերտ այցելող ադրբեջանցիները կոչ են անում վերացնել այս հուշահամալիրը: Այս թեմայով ավելի մանրամասն տես՝ Ստեփանակերտի հուշահամալիրը վտանգի տակ, Ադրբեջանը պղծել է Ստեփանակերտի հուշահամալիրի շիրմաքարերը:
Մեր արձագանքը
Հայկական հուշարձանների, այդ թվում գերեզմանոցների պղծումն արգելված է Հաագայի Արդարադատության միջազգային դատարանի 2021 թվականի դեկտեմբերի 7-ի որոշմամբ։ Համաձայն վերջինիս, Ադրբեջանը պետք է ձեռնարկի բոլոր անհրաժեշտ միջոցները՝ կանխելու և պատժելու վանդալիզմի ու պղծման գործողությունները հայկական մշակութային ժառանգության դեմ՝ ներառելով, բայցև չսահմանափակվելով եկեղեցիներով և պաշտամունքի այլ վայրերով, հուշարձաններով, տեսարժան վայրերով, գերեզմանատներով և արտեֆակտներով (International Court of Justice, Application of the International Convention on the Elimination of All Forms of Racial Discrimination (Armenia v. Azerbaijan), 7 December 2021, No. 2021/34)։
Բացի այդ, Եվրոպական Խորհրդարանը 2024 թվականի մարտի 12-ին ընդունել է   ԵՄ-ի և Հայաստանի միջև ավելի սերտ կապերի, Ադրբեջանի և Հայաստանի միջև խաղաղության համաձայնագրի անհրաժեշտության մասին բանաձևը,  որն իր 19-րդ կետով  դատապարտում է հայկական բազմադարյա ներկայությունը փաստող  բոլոր պատմամշակութային վայրերի ոչնչացման, վանդալիզմի և պղծման դեպքերը:
Գերեզմանոցների պղծումը նաև պատերազմական հանցագործություն է, համաձայն Հռոմի Ստատուտի 8-րդ հոդվածի 2-րդ մասի, որն ի մասնավորի նշում է, որ  «Սույն Կանոնադրության նպատակների համար «պատերազմական հանցագործություններ» նշանակում է դիտավորությամբ կատարված հարձակումները կրոնական, կրթական, մշակութային, գիտական կամ բարեգործական նպատակների ծսռայոդ շենքերի, պատմական հուշարձանների, հոսպիտալների և այն վայրերի վրա, ուր կենտրոնացած են հիվանդներ ու վիրավորներ, պայմանով, որ նշված օբյեկտները ռազմական նպատակակետեր չեն.( 8 րդ հոդվածի 2-րդ կետի բ) մասի ix դրույթ):
Գերեզմանոցների պղծման  գործողություններով Ադրբեջանը խախտում է 1954 թ. Հաագայի կոնվենցիայի 4-րդ հոդվածը, որը նշում է, որ կողմերը պարտավորվում են հարգել ինչպես իրենց, այնպես էլ մյուս կողմի տարածքում գտնվող մշակութային արժեքները՝ արգելելով այդ արժեքների օգտագործումն այնպիսի նպատակներով, որոնք զինված ընդհարման դեպքում կարող են հանգեցնել դրանց ոչնչացմանը կամ վնասվելուն, ձեռնպահ մնալով դրանց դեմ ուղղված թշնամական ցանկացած գործողությունից։

Միացյալ Նահանգները և Եմենի հութիները համաձայնության են եկել և Օմանի միջնորդությամբ հրադադարի պայմանավորվածություն են ձեռք բերել, հայտարարել է երկրի արտաքին գործերի նախարարությունը։

Ըստ համաձայնագրի՝ կողմերից ոչ մեկը չի հարձակվի մյուսի վրա, այդ թվում՝ Կարմիր ծովում և Բաբ էլ-Մանդեբի նեղուցում գտնվող ամերիկյան նավերի վրա։ Կապահովվի նաև նավարկության ազատությունը և ծովով միջազգային բեռների անխափան հոսքը։

Ավելի վաղ Թրամփը հայտարարել էր, որ Վաշինգտոնը կդադարեցնի հութիներին հարվածելը, երբ նրանք պատրաստակամություն կհայտնեն հրաժարվել ռազմական գործողություններից։

Գյումրիում իշխանությունը խլելու օպերացիաներ են սկսել. «Հրապարակ»

«Մարտուն Գրիգորյանի թիմին զուգահեռ իշխանությունն «աշխատանքներ» է տանում նաև Վարդան Ղուկասյանի թիմի ուղղությամբ: Երեկ իշխանական շրջանակներից մեզ ասացին, որ Ղուկասյանի թիմից 2 հոգու նկատմամբ քրեական վարույթ է հարուցվելու: Իսկ եթե հոժարակամ ՔՊ-ի կողմը չանցնեն, ապա հնարավոր է` ձերբակալությունների միջոցով իշխանության զավթում իրականացվի: Թե ովքեր են թիրախները, անուններ չտվեցին»,– գրում է թերթը։

Իշխանությանը 3 ձայն է պակասում, որ փոխի ձայների հարաբերակցությունը հօգուտ իրեն․ այժմ 14 մանդատ ունեն ավագանու 33 մանդատից։

«Одна на всех - мы за ценой не постоим». Բուլատ Օկուջավայի լեգենդար տողերը մինչ օրս արդիական են. ՌԴ ԶՈւ տարբեր ազգությունների մարտիկները, որոնք գտնվում են առաջնագծում, կարդում են 1989 թվականին գրված բանաստեղծությունը։

Ագարակի հանքի մոտ գտնվող եկեղեցին կտեղափոխեն փլուզումից փրկելու համար

Մնում է միայն ՀՀ կառավարությունն ընդունի այս հարցով համապատասխան որոշում, որն ընդամենը տեխնիկայի հարց է։

Եկեղեցին, որը թվագրվում է 15–16–րդ դարերով և գտնվում է հանքի անմիջական հարևանությամբ, տուժում է հանքում պարբերաբար տեղի ունեցող պայթեցումներից։

Երևանի Հաղթանակի զբոսայգում մեկնարկեց «Հաղթանակի 80 լույսերը» նախագիծը

Առաջին մոմը վառեց Խորհրդային Միության հերոս, 866-րդ կործանիչ ավիացիոն գնդի էսկադրիլիայի հրամանատար Սերգեյ Բուռնազյանի ժառանգ, 18-ամյա Ալեքս Տեր-Պողոսյանը։

Ռուս-հայկական երիտասարդության միության և Եվրասիական երիտասարդական վեհաժողովի կազմակերպած ակցիայի ավարտին ֆլեշմոբի մասնակիցներն Անմար կրակի մոտ մեկ րոպե լռությամբ հարգեցին զոհված զինվորների հիշատակը:

Պուտինը շնորհավորանքներ է հղել Հաղթանակի տարեդարձի կապակցությամբ նախկին խորհրդային հանրապետությունների, այդ թվում՝ Հայաստանի, ինչպես նաև Իսրայելի ղեկավարներին, Վրաստանի և Մոլդովայի ժողովուրդներին։

«Անմահ գունդ» ակցիան տեղի է ունեցել հենց երկրի խորհրդարանի դահլիճում. կոմունիստների և սոցիալիստների դաշինքի խմբակցության պատգամավորները ամբողջ նիստն անցկացրել են հերոս-ազատարարների դիմանկարներով:

Մոլդովայի իշխանություններն ավելի վաղ արգելել էին Հաղթանակի օրը տոնել մայիսի 9-ին երկրի գլխավոր հրապարակում, փոխարենը կնշվի Եվրոպայի օրը:

Ռուսաստանի նախագահ Վլադիմիր Պուտինը դիմավորել է ՀՀ վարչապետ Նիկոլ Փաշինյանին

Քիչ անց Մոսկվայի Կարմիր հրապարակում կմեկնարկի Հաղթանակի շքերթը։