Өфөнөң Затон ҡулсаһында тралдан шыуған ҙур цистерна «Рено» автомобиленә зыян килтергән

Бәхеткә күрә, кешеләр араһында зыян күреүселәр теркәлмәгән. Яҡынса мәғлүмәттәргә ярашлы, газ конденсаты өсөн тәғәйенләнгән ҡоролма «Ивеко» йөк машинаһынан ергә ҡолай. Авария һөҙөмтәһендә эргә-тирәләге урамдарҙа ҙур тығындар барлыҡҡа килә. Көсөргәнешле хәл Рихард Зорге, Пархоменко, Галле, Кировоград, шулай уҡ Октябрь проспектында күҙәтелә. Әлеге минутҡа проблема хәл ителгән. 26 тонна ауырлыҡтағы цистернаны күтәреү өсөн ҡеүәтле кран килтерелгән.

Өфөлә йәшәгән Бөйөк Ватан һуғышы ветераны Әсхәт Минһажетдинов 102 йәшен билдәләне

17 йәшендә үҙ теләге менән фронтҡа киткән Әсхәт Асҡар улы һуғыштан һуң тормош юлын медицина менән бәйләй. Доцент, медицина фәндәре кандидаты тиҫтәләгән ғилми эш һәм бер нисә китап авторы. Тулыраҡ мәғлүмәт киләһе яҙмала.

Башҡортостанда балалар фольклориадаһын уҙғарыу ваҡыты аныҡланды

Балалар ижады форумы быйыл июньаҙағында ойошторола. Унда 10 йәштән алып18 йәшкә тиклемгеләр ҡатнаша. Халыҡ йыры, халыҡ бейеүе, халыҡ инструменты һәмтрадицион мәҙәниәт номинациялары ҡаралған. Шулай уҡ оҫталыҡ дәрестәре уҙғарыла, йәмәғәтселек һәм властьвәкилдәре менән осрашыуҙар планлаштырыла, тип хәбәр итәләр Республика халыҡ ижады үҙәгенән.

Уҡыусыларҙың тәртибен баһалайҙар

Яңы уҡыу йылынан ил буйынса ошондай норма индереү планлаштырыла. Мәғариф министрлығы бойороҡ проектын әҙерләгән. Уға ярашлы, уҡыусыларға тәртип өсөн баһа ҡуйыласаҡ. Был уҡыу йылында проект 6 төбәктә һынала.

Радий Хәбиров Ираида Әхәтованы «Һоҡланғыс кешеләр тормошо»нда билдәләне

Башҡорт аттары тоҡомо-республиканың тере символы, уның рухы һәм тәбиғи матурлығының кәүҙәләнеше. Был хазина беҙҙең йылҡысыларҙың, ғалимдарҙың күп йыллыҡ ныҡышмалы хеҙмәт емеше икәнен күптәр белмәй. Төбәк башлығы Радий Хәбиров «Һоҡланғыс кешеләр тормошо» рубрикаһының сираттағы сығарылышын Ираида Әхәтоваға бағышланы.

Башҡортостандың атҡаҙанған фән эшмәкәре Ираида Әхәтова 80 йәшлек юбилейын билдәләне

Борай районы Мулла ауылы ҡыҙына йылҡы малына һәм башҡа йорт хайуандарына һөйөүҙе бала сағында атаһы тәрбиәләй. Ираида Әбүбәкер ҡыҙы ауыл хужалығы институтын тик бишле билдәләренә генә тамамлай. Артабан ғүмерен «Башҡорт тоҡомло аттарҙың һөт продуктлылығын арттырыуҙың селекция-генетик нигеҙҙәрен» өйрәнеүгә бағышлай. Ираида Әбүбәкер ҡыҙы аграр тармаҡ өсөн кадрҙар әҙерләүсе, студенттарға һәм йәш ғалимдарға төплө белем тапшырыусы тәжрибәле остаз да.

Өфө фән һәм технологиялар университетында Асыҡ ишектәр көнө үтте

Юғары уҡыу йорто менән танышырға республиканың урта һөнәри белем биреү учреждениелары студенттары килде. Буласаҡ абитуриенттар өсөн университет етәкселеге менән осрашыу ойошторолдо, экскурсия уҙғарылды. Вуз вәкилдәре белдереүенсә, быйылғы ҡабул итеү кампанияһына үҙгәрештәр индерелә.

Өфөлә йылдың тәүге ауыл хужалығы йәрминкәләре башланды

Сауҙа баш ҡалала өс урында-Рабкоров урамында, Серго Орджоникидзе исемендәге һәм Спорт һарайы алдындағы майҙандарҙа ойошторолған. Ауыл хужалығы продукцияһын етештереүселәр тәү сиратта ит һәм һөт ризыҡтары, бал, йәшелсә-емеш тәҡдим итә. Һатыусылар әйтеүенсә, баҙарға кешеләр экологик яҡтан таҙа, сифатлы аҙыҡ-түлек эҙләп килә. Сөнки бында фермер йәки шәхси хужалығында үҫтерелгән продукция тәҡдим ителә.

Ауырғазы районында ҡышҡыһын балыҡтарҙы ҡотҡарыу акцияһы үтте

Ҡышҡыһын һыу ятҡылыҡтарындағы балыҡтар етди һынауға дусар була. Ҡалын боҙ ҡатламы һыуға һауа инеүенә ҡамасаулай. Был һыу аҫты донъяһында йәшәүсе тереклеккә хәүеф тыуҙыра. Айырыуса һай һыулы быуа-күлдәрҙә кислород етмәүҙән балыҡтарға тонсоғоу хәүефе янай. Ауырғазы районында ойошторолған балыҡтарҙы ҡотҡарыу сараһында

17 ғинуарҙа Рәсәйҙә тәүге тапҡыр Артист көнө билдәләнә

Иҫтәлекле дата көнө осраҡлы һайланмаған. Был көндө СССР-ҙың беренсе халыҡ артисы Константин Станиславский тыуған. Артист көнө уңайынан республика сәхнәләрендә мәҙәни саралар үтә, фильмдар күрһәтелә, йәш актерҙар өсөн оҫталыҡ дәрестәре ойошторола. Байрам көнөндә артистарға ярҙам итеүсе ирекмәндәр ҙә бүләкләнде.

Белорет районы Манышты ауылында милли һәм этник спорт төрҙәре буйынса республика ярышы үтте

Белорет районы Манышты ауылында Бигарыҫлан Солтанов иҫтәлегенә милли һәм этник спорт төрҙәре буйынса республика ярышы үтте. Шәхестең исеме күптәргә профессиональ башҡорт һынлы сәнғәтенә нигеҙ һалыусы Ҡасим Дәүләткилдиевтың «Башҡорт һунарсыһы» картинаһы аша таныш. Дүртенсе тапҡыр ойошторолған сарала республика район-ҡалаларынан 150-нән ашыу кеше ҡатнашты.

Баймаҡта уҡтан атыу буйынса турнир уҙҙы

Баймаҡ ҡалаһының «Баһадир» физкультура-һауыҡтырыу комплексында традицион уҡтан атыу буйынса турнир уҙҙы. Ярыш тәүгә Баймаҡ районы башҡорттары ҡоролтайы призына ойошторолдо. Тулыраҡ,киләһе яҙмала.

Кушнаренко районында өлкән лейтенант Илвир Ғәлләмовтың исеме мәңгеләштерелде

Урамға-батыр исеме. Кушнаренко районында өлкән лейтенант Илвир Ғәлләмовтың исеме мәңгеләштерелде. Танк взводы командиры махсус хәрби операция башланған йылда һәләк булғайны, бала саҡтан спорт, илһөйәрлек сараларында әүҙем ҡатнашҡан егетте ауылдаштары йылы хәтирәләр менән иҫкә ала. Офицер иҫтәлегенә биләмәлә күләмле ярыштар ҙа уҙғарыла. Тулыраҡ киләһе материалда

20 ғинуарҙан 14 йәшкә тиклем балалар сит илдәргә нәҡ сит ил паспорты буйынса ғына сыға ала

Яңы ҡағиҙәләр буйынса ял. 20 ғинуарҙан 14 йәшкә тиклем балалар сит илдәргә нәҡ сит ил паспорты буйынса ғына сыға ала. Әгәр быға тиклем Рәсәй сиген үтеп, ҡайһы бер илдәргә, шул иҫәптән Абхазия, Белоруссия, Ҡырғыҙстан, Ҡаҙағстан һәм Көньяҡ Осетияға юлланғанда тыуыу тураһында таныҡлыҡ күрһәтеү ҙә етһә, хәҙер талаптар үҙгәрә. Ә бына 14 йәштән өлкәнерәктәргә Рәсәй гражданының эске паспорты буйынса был илдәргә инеү мөмкинлеге һаҡлап ҡалынған.

Башҡортостанда иң һөҙөмтәле эшләгән муниципаль берәмектәр иғлан ителде

Еңеүселәр федераль һәм республика кимәлендә биләдәләнә. Башҡортостан конкурсы еңеүселәрен бүләкләү тантанаһы бөгөн Хөкүмәт кәңәшмәһендә үтте. Улар Республика етәксеһенең «Йыл ҡаҙанышы» грантына лайыҡ булды. Оператив кәңәшмәлә шулай уҡ креатив индустрияларҙы үҫтереү, махсус хәрби операцияла ҡатнашыусыларға ярҙам саралары тураһында ла һүҙ барҙы.

Башҡортостан ярҙамы менән Красный Луч ҡалаһының 1-се поликлиникаһы яңыртылды

Донбасс халҡының һаулығын ҡайғыртып. Башҡортостан шефлыҡҡа алған Красный Луч ҡалаһында иң боронғо медицина учреждениеларының береһе-хәҙерге 1-се поликлиника ремонтланды. Бөйөк Ватан һуғышы йылдарында был бинала хәрби госпиталь урынлашҡан. Донбасс ерҙәрен дошмандан азат итеүсе яҡташтарыбыҙ ҙа тап ошонда дауаланған, ти табиптар. Республика ярҙамы менән медицина учреждениеһы яңы һулыш алды.

Махсус хәрби операция башланыу менән республикала ирекмәнлек хәрәкәте көсәйҙе

Ишембай районы Алаҡай ауылында йәшәүселәр ҙә көн һайын мәҙәниәт йортонда йыйылып, маскировка селтәрҙәре үрә, ойоҡбаштар бәйләй, окоп шәмдәре яһай. Ирекмәндәр араһында эшләгән, шулай уҡ хаҡлы ялда булған гүзәл заттар ҙа бар. Улар шәхси ваҡытын йәлләмәй, алғы һыҙыҡтағыларҙың теләктәрен иҫәпкә алып, заказдар буйынса эш итә.

Салауат Шербаков ТВЦ-ла «Минең герой» тапшырыуында ҡатнашты

Билдәле скульптор Салауат Шербаков ТВЦ каналында яҙыусы Татьяна Устинованың авторлыҡ программаһында ҡатнашты. «Минең герой» тип аталған тапшырыуҙа ул рәссам булараҡ тарихи дәүерҙе тойоуы, ни өсөн һәр самбист бер аҙ скульптор булыуы, рәссамдың кеше образдарында нимә күреүе, шулай уҡ скульптор өсөн ижадта тыйылған темалар бармы-юҡмы икәнлеге хаҡында һөйләне.

Ауырғазы районында ҙур һәм татыу ғаиләләр йылы сағыу итеп башланды

Ижади ҡараш һәм берҙәмлек. Республикала Башҡортостан Башлығы иғлан иткән ҙур һәм татыу ғаиләләр йылын Ауырғазы районының Татар Нуғаҙағы ауылында йәшәүселәр күңелле һәм сағыу итеп ҡаршылаған. Олоһо-кесеһе тырышлығы менән ихаталар, йәмәғәт биләмәләре байрамса биҙәлгән.

Башҡортостан Милли музейында журналистар өсөн асыҡ ишектәр көнө үтте

Башҡортостан Милли музейында республиканың матбуғат һәм киң мәғлүмәт саралары хеҙмәткәрҙәре өсөн асыҡ ишектәр көнө үтте. Журналистарға учреждение буйлап махсус экскурсия ойошторолдо. Улар фондтарҙа һаҡланған экспонаттар менән яҡындан танышты, ҡыҙыҡһындырған һорауҙарына яуап алды.

«Ватанды һаҡлаусылар» фондында МХО ветерандарına адаптив кейем тапшырылды

«Ватанды һаҡлаусылар» дәүләт фондының Башҡортостан филиалында махсус хәрби операция ветерандарына адаптив кейем тапшырылды. Алғы һыҙыҡта яраланып зыян күргән яугирҙар өсөн ҡулланышта уңайлы кейемдең бер нисә комплекты ҡаралған. Ветерандарға костюм, ҡышҡы кейем, джинс, пижама һәм көндәлек әйберҙәр тапшырылды. Тыныс тормошта адаптация үткән ҡаһарман яугирҙарға «Ватанды һаҡлаусылар» фондында башҡа төрлө ярҙам саралары ла күрһәтелә. Социаль координаторҙар ҡатнашлығында ир-егеттәргә психологик, юридик һәм башҡа ярҙам төрҙәре ойошторола.