Башҡортостандың дүрт яугиры Батырлыҡ ордены менән бүләкләнде

Рәсәйҙең юғары дәүләт наградалары тағы дүрт яҡташыбыҙға бирелде. Владимир Путин Указына ярашлы, сержант Фәрит Ғәбделбаянов, рядовойҙар Сергей Медведев менән Шамил Тимербаев һәм ефрейтор Руслан Юлдашев һәләк булғандан һуң «Батырлыҡ ордены» менән блдәләнде. Наградаларҙы яугирҙарҙың ғаиләләре ҡабул итте. Дәрәжә, ғәскәрҙәр төрлө, әммә уларҙы бер тойғо -тыуған илгә һөйөү, батыр йөрәк берләштерә, тине республика етәксеһе Радий Хәбиров.

Өфөлә урамдарҙы төҙөкләндереү һәм тарихи биналарҙы яңыртыу мәсьәләләре ҡаралды

Радий Хәбиров рәйеслегендә уҙған «Йәмәғәт киңлектәре сәғәте»ндә Өфө урамдарын төҙөкләндереү һәм тарихи биналарҙы яңыртыу мәсьәләләре тикшерелде. Баш ҡала хакимиәте башлығы Ратмир Мәүлиев хәбәр итеүенсә, ҡаланың 450 йыллығына 19 мәҙәни мираҫ объектының фасадтары ремонтланған.

30 ғинуарҙа Радий Хәбиров Дәүләт Йыйылышы-Ҡоролтайға йыллыҡ мөрәжәғәтнамә менән сығыш яһай

Башҡортостан башлығы 30 ғинуарҙа Дәүләт Йыйылышы-Ҡоролтайға йыллыҡ мәжәғәтнамә менән сығыш яһай. Унда Радий Хәбиров республиканың төп үҫеш йүнәлештәрен һәм артабанғы эштең өҫтөнлөктәрен билдәләйәсәк.
Йыллыҡ мөрәжәғәтнамәне Башҡортостан юлдаш телевидениеһы, «Сәләм», «Башҡортостан 24» һәм «Вся Уфа» телеканалдары тура эфирҙа күрһәтәсәк, шулай уҡ трансляция төбәк башлығының социаль селтәрҙәрендә буласаҡ. Сара иртәнге сәғәт 10-да башлана.

Өфөлә бер төркөм яугирҙарҙы махсус хәрби операция биләмәһенә оҙатыу сараһы үтте

Ҡыҫҡа ваҡытлы ялдан һуң йәнә яуға. Өфөлә бер төркөм яугирҙарҙы махсус хәрби операция биләмәһенә оҙатыу сараһы үтте. Ватан һаҡсылары ял осоронда ғаиләре менән булып көс-дәрт туплаған, көндәлек эштәр башҡарған. Яугирҙар алдында республика хөкүмәте премьер-министры урынбаҫары Ирек Сәғитов сығыш яһап, яҡташтарыбыҙға хәйерле юл теләне.

Башҡортостанда пилотһыҙ системалар ғәскәренә контракт буйынса хеҙмәткә ҡабул итеү дауам итә

Хәтерегеҙгә төшөрәбеҙ,яңы төр ғәскәр былтыр ил Президенты һәм Ҡораллы көстәр министры ҡарары буйынса ойошторолдо. Ғафури районында йәшәүсе хәрби хәрәкәттәр ветераны Илья Макаров махсус операция башланғандан алып һуғышта дрондар менән ҡулланған. Хәҙер ул яугирҙарҙың һәм уларҙың яҡындарының мәсьәләләрен хәл итеүҙә ярҙам итә. Фронттан ҡайтҡас, ир хәрби комиссариатта эшләй документтар рәсмиләштерә һәм Ватанды яҡларға барырға йыйынғандарға консультациялар бирә.

Өфөлә Холокост ҡорбандарын иҫкә алыу саралары үтте

Теүәл 81 йыл элек Ҡыҙыл Армия нацистарҙың «Освенцим» үлем лагерын азат итә. Тарихи дата уңайынан Өфөлә Холокост ҡорбандары иҫкә алынды. Һигеҙенсе тапҡыр уҙғарылған сарала «Хәтер шәме» тип исемләнгән мемориаль концерт ҡуйылды. Сәхнәлә милли-мәҙәни үҙәк вәкилдәре, билдәле артистар сығыш яһаны.

Өфөлә «Мин хәтерләйем, мин ғорурланам» олимпиадаһының муниципаль этабы старт алды

Баш ҡаланың 21-се лицейында уҙған тантана Ленинградты блокаданан азат итеүгә 82 йыл тулған көндә ойошторолдо. Бөйөк Ватан һуғышы тарихы буйынса белемде һынауға ҡоролған олимпиадала 600 уҡыусы ҡатнаша. Һынау йәш быуында ил тарихы, ата-бабаларының данлы үткәненә ҡыҙыҡһыныу уята.

Башҡортостан кибеттәрендә 300 литрҙан ашыу сифатһыҙ һөт һатыуҙан алынды

Былтыр республика кибеттәрендә ҡулланыусылар талаптарына яуап бирмәгән 300 литрҙан ашыу һөт һатыуҙан алынған. Рәсәй ҡулланыусылар хоҡуғын күҙәтеү хеҙмәте белгестәре һөт продукцияһын һайлағанда эсемлектең составына һәм файҙаланыу ваҡытына иғтибарлы булырға кәңәш итә. Сифатлы һөт һайлағанда нимәгә иғтибар итергә?

Башҡортостан халҡын киләһе айҙа 3 көн ял көтә

Ватанды һаҡлаусылар көнө уңайынан 21, 22 һәм 23 февраль ял һәм байрам көндәре тип иғлан ителде. Артабан ҡыҫҡа эш аҙнаһы була. Мартта ла оҙайлы ял көндәре бар. 7, 8 һәм 9 мартта Халыҡ-ара ҡатын-ҡыҙҙар көнө уңайынан ял итәбеҙ. 20 мартта мосолмандар Ураҙа байрамын билдәләй. Республикала был көн ял була.

Республикала хоккей майҙансыҡтары тикшерелә

Йәмәғәт палатаһы ошондай эш башланған, ул 16 февралгә тиклем дауам итә. Бөгөн комиссия Нуриман районында була. Боҙ сифаты, хәүефһеҙлек, яҡтыртыуға иғтибар бирелә. Башҡортостанда хоккей ҡумталары башлыса Саҡмағош, Әлшәй, Илеш һәм Өфө райондарында булдырылған.

Өфөлә «Кесе Ватан-Рәсәй көсө» 3-сө Бөтә Рәсәй муниципаль форумының төбәк көнө үтә

Бөгөн Өфөлә «Кесе Ватан-Рәсәй көсө» 3-сө Бөтә Рәсәй муниципаль форумының төбәк көнө үтә. Өс көн дауамында тотош илдән йыйылған муниципаль хеҙмәткәрҙәр Башҡортостандың иҡтисади ҡеүәте менән танышасаҡ.

«Кесе Ватан – Рәсәй көсө» форумы ҡунаҡтары Республика идара итеү үҙәге менән танышты

«Кесе Ватан-Рәсәй көсө» форумында ҡатнашыусы ҡунаҡтар Республика менән идара итеү үҙәге эшмәкәрлеге менән танышты. Делегация ағзалары заманса үҙәк мөмкинлектәрен юғары баһалап иң яҡшы тәжрибәләрҙе башҡа төбәктәрҙә лә ҡулланыу теләген белдерҙе.

Өфөләге менталь сәләмәтлек үҙәге өс йыллығын билдәләне

Учреждениела аутизмдан яфаланған балаларға дауалау һәм реабилитация курсы уҙғарыла. Әлегә өс меңдән ашыу кескәй пациентҡа ярҙам күрһәтелгән. Улар өсөн массаж, физио-, арт-терапия кабинеттары эшләй, дауалау физкультураһы ойошторола. Телмәр үҫтереү дәрестәре ҡаралған.

Республикала үҙмәшғүллек менән шөғөлләнгәндәр ҙә түләүле больничный алырға хоҡуҡлы

Был мөмкинлек быйыл ирекле страховкалау экспериментында ҡатнашыу һөҙөмтәһендә тормошҡа ашырылған. Аҡсалата компенсация алыу өсөн Рәсәй пенсия һәм социаль страховкалау фондының Башҡортостан буйынса бүлексәһендә теркәлергә кәрәк. Уны «Минең һалымым» ҡушымтаһы ярҙамында эшләү уңайлы.

Өфөлә умартасылар форумы үтә

Кәсепселәрҙе, ғилми учреждение белгестәрен һәм власть вәкилдәрен берләштергән күләмле сара 30 ғинуарға билдәләнгән. Ҡатнашыусылар бал ҡорттарын республикаға легаль булмаған юл менән индереүҙе асыҡлау, уларҙың йәшәү мөхитен һаҡлау, кәсепселекте һәм пакетлы умартасылыҡты үҫтереүгә бәйле мәсьәләләр тикшереләсәк.

Баймаҡ районында «Йыл уҡытыусыһы- 2026» һөнәри оҫталыҡ конкурсының муниципаль этабы үтә

Улар йәш быуынды тәрбиәләй. Баймаҡ районында «Йыл уҡытыусыһы- 2026» һөнәри оҫталыҡ конкурсының муниципаль этабы үтә. Тулыраҡ киләһе яҙмала.

Радий Хәбиров Өфөләге «Стеклонит» заводында яңыртылған производствоны ҡараны

Башҡортостан башлығы Радий Хәбиров Өфөләге «Стеклонит» заводында булып, яңыртылған производство майҙансыҡтарын ҡараны. Шулай уҡ төбәк етәксеһе иғтибарына «Росатом» композит технологиялар дивизионының күргәҙмә экспозицияһы ла тәҡдим ителде. Предприятие биләмәһендә үткән «Сәнәғәт сәғәте»ндә тармаҡты үҫтереү, хеҙмәттәшлекте нығытыу буйынса мөһим ҡарарҙар ҙа яһалды.

Радий Хәбиров 30 ғинуарҙа Ҡоролтайҙа йыллыҡ мөрәжәғәтнамә менән сығыш яһай

Башҡортостан башлығы 30 ғинуарҙа Дәүләт Йыйылышы-Ҡоролтайға йыллыҡ мәжәғәтнамә менән сығыш яһай. Унда Радий Хәбиров республиканың төп үҫеш йүнәлештәрен һәм артабанғы өҫтөнлөклө эштәрҙе билдәләйәсәк. Йыллыҡ мөрәжәғәтнамәне Башҡортостан юлдаш телевидениеһы, «Сәләм», «Башҡортостан 24» һәм «Вся Уфа» телеканалдары тура эфирҙа күрһәтәсәк, шулай уҡ трансляция төбәк башлығының социаль селтәрҙәрендә буласаҡ. Сара иртәнге сәғәт 10-да башлана.

Башҡортостанда «Кесе Ватан-Рәсәй көсө» 3-сө Бөтә Рәсәй муниципаль форумының төбәк көнө үтә

Башҡортостанда «Кесе Ватан-Рәсәй көсө» 3-сө Бөтә Рәсәй муниципаль форумының төбәк көнө үтә. Эшлекле сара сиктәрендә өс көн дауамында тотош илдән йыйылған муниципаль хеҙмәткәрҙәр Башҡортостандың иҡтисади ҡеүәте менән танышасаҡ. Бөгөн тап муниципаль киңлектәрҙә ил иҡтисадының тотороҡло үҫешенә нигеҙ һалына, бизнесҡа, социаль башланғыстарға яңы мөмкинлектәр асыла, төбәктәр һәм ил киләсәге формалаша. Республика муниципаль йүнәлештә үҫешкән алдынғы төбәк иҫәпләнә. Тулыраҡ мәғлүмәт киләһе яҙмала.

Шаран районында махсус хәрби операция ветерандарына арналған фольклор байрамы үтте

Шаран районы Дүртөйлө мәҙәниәт йортонда махсус хәрби операция ветерандары хөрмәтенә фольклор байрамы уҙҙы. Сарала «Әхмәт» һәм «Матрос» ҡушаматлы хәрбиҙәр, махсус хәрби операцияла ҡатнашыусыларҙың ғаиләләре, уҡыусылар, Дүртөйлө ҡатын ҡыҙҙар советы ағзалары һәм «Бетеү» ирекмәндәр клубы вәкилдәре ҡатнашты.

Благовещенда яңы заманса балалар поликлиникаһы асылды

Благовещен ҡалаһында асылған яңы балалар поликлиникаһы медицина ярҙамын бөтөнләй икенсе шарттарҙа тәҡдим итә. Бәләкәй пациенттар өсөн иҫәпләнгән һаулыҡ һаҡлау учреждениеһы ике йыл эсендә төҙөлә. Поликлиника тулыһынса заманса медицина ҡорамалдары менән йыһазландырылған.