Башҡортостанда яҡшы табиптарға премия арттырыла

Уны 20 меңдән 50 меңгә тиклем күтәреү ҡарала. Хөкүмәт күрһәтмәһе фекер алышыуға сығарылды. Тәҡдимдәр 29 августа тиклем туплана. Медицина хеҙмәткәрҙәренә дәртләндереү сараһы «Йыл табибы» Бөтә Рәсәй конкурсының республика этабы һөҙөмтәләре буйынса бирелә.

«Мораҙым тарлауығы» тәбиғәт паркы фототоҙағына ҙубрҙар эләккән

Белорус урмандарынан күсерелгән «ҡырағай һыйырҙар» Башҡортостан тупрағын үҙһенгән. Парк инспекторҙары уларҙың торошон даими күҙәтеп тора, тоҙ килтерә. Зубрҙар шишмә буйында, уйһыу, күләгәле урында төпләнгән. Үҙҙәрен яҡшы тоя,- тип яҙған Башҡортостандың тәбиғәттән файҙаланыу һәм экология министры Нияз Фазылов. Башҡортостанға Белорус урмандарынан 9 зубр килтерелгәйне. Күгәрсен районында уларҙы үрсетеү өсөн махсус шарттар булдырылды.

Санкт- Петербург ҡалаһында Башҡортостан көндәре башланды

Күләмле сара сиктәрендә республиканың иҡтисади, инвестиция, туристик, мәҙәни мөмкинлектәре күрһәтелә. Тәүге көн эшлекле осрашыуҙан башланды. Башҡортостан һәм Санкт-Петербург Сауҙа сәнәғәт палаталары араһында хеҙмәттәшлек тураһында килешеү төҙөлдө. Шулай уҡ ҡатын-ҡыҙ эшҡыуарҙар ассоциациялары араһында ла бәйләнештәрҙе нығытыу буйынса документҡа ҡул ҡуйылды.

2024 йылға тиклем республикала авария хәлендәге торлаҡ йорттарҙа йәшәүселәр яңы фатирҙарға күсереләсәк

2024 йылға тиклем республикала 100 мең квадрат метрҙан ашыу майҙанды биләгән авария хәлендәге торлаҡ йорттарҙа йәшәүселәр яңы фатирҙарға күсереләсәк. Ошо иҫәптән яҡын арала алты мең квадрат метрлыҡ иҫке торлаҡ хужаларының фатир мәсьәләһе ыңғай хәл ителеүе көтөлә. Адреслы социаль программаны тормошҡа ашырыуға миллиард ярым һум самаһы аҡса йүнәлтелгән.

Республикала контракт буйынса хәрби хеҙмәткә яҙылыу дауам итә

60 йәшкә тиклемге ир-егеттәр Ҡораллы көстәр сафына баҫа ала. Ватан һаҡсылары урындағы хәрби комиссариатҡа мөрәжәғәт итергә һәм медицина тикшереүе үтергә тейеш. Килешеүгә ҡул ҡуйғандарға кредит каникулы бирелә. Уларҙың эш урыны һаҡланып ҡала. Махсус хәрби операцияла ҡатнашыусыларға хәрби хәрәкәттәр ветераны статусы бирелә. Яугирҙәрҙең ғаиләһенә лә льготалар ҡаралған. Стәрлетамаҡ, Туймазы, Нефтекама, Баҡалы һәм Малаяҙҙа Салауат Юлаев исемендәге икенсе батальон штабы филиалдары асылды.

Бүздәктә иң тәмле бәлеш бешерҙеләр

Бөгөн Бүздәктә бәлеш бешереү оҫталары йыйылды. Аш-һыу фестивале район үҙәгендәге Спорт һәм ял паркында ойошторолдо. Унда төрлө халыҡ вәкилдәре үҙҙәренең милли ихаталарын, ризыҡ рецептарын тәҡдим итте һәм иң тәмле бәлеш бешереүҙә көс һынашты.

Өфөнөң Зинин юл үткәргесе 98 процентҡа әҙер

Юлға асфальт түшәү тамамланған. Шулай уҡ яҡтыртыу ҡоролмалары ҡуйылған. Әле эшселәр юл ситтәренә гранит бордюр урынлаштыра, юлда һыҙаттар төшөрөүгә әҙерләй. Яңы юл үткәргестең оҙонлоғо 100 метрҙан ашыу. Транспорт 4 һыҙаттан хәрәкәт итә ала. Баш ҡала хакимиәтенән белдереүҙәренсә, юл үткәргесте сентябрь башында асыу ҡарала.

Санкт-Петербургта Өфөнөң Ҡотопсолар музейы күргәҙмәһе асылды

“Башҡортостан диңгеҙселәре ил һағында” тип аталған күсмә экспозиция Арктика һәм Антарктика музейында ойошторолдо. Унда хәрби диңгеҙселәргә арналған материалдар, уларҙың көнкүреш әйберҙәре, “Өфө” һыу аҫты кәмәһенең макеты тәҡдим ителә. Валериан Альбанов исемендәге музей Башҡортостандан сыҡҡан ҡотопсолар тураһында 3 йыйынтыҡ әҙерләгән. Күргәҙмәне асыу тантанаһында Петербургта уҙған республика көндәренә старт бирелде. Диңгеҙселәргә бағышланған экспозиция 30 сентябргә тиклем дауам итә.

Республика Милли музейы төньяҡ баш ҡалаға бер нисә күргәҙмә алып барҙы

Санкт-Петербургта Башҡортостан көндәре үтә. Республика Милли музейы өс күргәҙмә тәҡдим итә. Экспозиция Санкт-Петербург дәүләт академияһы капеллаһы бинаһында ойошторолған.

Яңы уҡыу йылында Башҡортостан мәктәптәрендә 30-ға яҡын стоматология кабинеты асыу ҡарала

Республика Һаулыҡ һаҡлау министры урынбаҫары Татьяна Саубанова ошо турала белдерҙе. Теш дауалау бүлмәләре “Ҡанатлан!” проектының “Сәләмәт йылмайыу” модуленә ярашлы ойошторола. Быйыл белем усаҡтарында эшләгән стоматологтар 130 меңгә яҡын уҡыусыны ҡараған, 38 мең баланың тешен дауалаған.

Радий Хәбиров эш сәфәре менән Салауат ҡалаһында булды

Салауатта углеводород газдарын эшкәртеүсе завод төҙөлә. Инвесетиция проектының дөйөм хаҡы 5 миллиард һум. Уны бойомға ашырыу менән бөгөн ҡалаға эш сәфәре барышында Башҡортостан башлығы яҡындан танышты. Радий Хәбиров республиканың нефтехимия гиганттарының береһе «Газпром нефтехим Салауат» предприятиеһының 75 йыллыҡ юбилейына арналаған сараларҙа ҡатнашты. Ҡала көнөндә урындағы халыҡты тәбрикләне.

Санкт-Петербург ҡалаһында Башҡортостан Республикаһы көндәре башланды

Үҫешкә этәргес. Санкт петербургта ойошторолған Башҡортостан көндәрендә республиканың иҡтисади, инвестиция, туристик, мәҙәни ҡеүәте күрһәтелә. Бөгөн ике төбәк предприятиелары араһында эшлекле һөйләшеүҙәруҙғарылды, мөһим килешеүҙәргә ҡул ҡуйылды. Шулай уҡ үҙәк майҙанда ҡалала йәшәүселәр һәм туристар башкорт ҡунаҡсыллығына шаһит булды.

Салауат районында биш кеше бәшмәктән ағыуланып дауаханаға эләккән

Пациенттарҙың бөтәһе лә өлкән йәштә. Зыян күреүселәргә ярҙам күрһәтелгән, хәлдәре тотороҡло. Инфекция госпиталдәре уяу: бәшмәк миҙгеле башланды. Йылдағыса нәҡ август аҙаҡтарында палаталарҙа майлы үҫемлектән ағыуланған пациенттар арта. Бәшмәкте нисек хәүефһеҙ йыйырға һәм ашарға? Яуап видеояҙмала.

Өфөнөң үҙәк урамдары машиналар өсөн ябыла

Баш ҡалала ҙур саралар – урам театрҙары фестивале, “Геройҙар дәүере” Бөтә Рәсәй конкурсы финалы һәм гала-концерты, шулай уҡ полиция патруль-пост хеҙмәтенең 100 йыллығына арналған тантана үткәрелә. Сикләүҙәр ошоға бәйле индерелә. 26 августа иртәнге сәғәт 8-ҙән көндөҙгө 3-кә тиклем Ленин урамының Коммунистик урамынан алып Краснодон урамына тиклемге өлөшө ябыҡ була. Коммунистик урамының Ленин – Мостай Кәрим, Мостай Кәрим урамының 8-се йорттан алып Коммунистик урамына тиклемге арауығында машиналар йөрөшө туҡтатыла. 26, 27 һәм 29 августа Пушкин һәм Совет урамдарында өлөшләтә транспорт хәрәкәте сикләнә.

Бүздәктә республиканың иң ҙур бәлеше бешерелде

Диаметры 140 сантиметр, ауырлығы 185 килограмм. Бүздәк ауылында республиканың иң ҙур бәлеше бешерелде. Рекорд райондың туризм брендына әйләнгән «Бәлешфест» байрамында ҡуйылды.

Өфөлә халыҡты саф һауала кино ҡарарға саҡыралар

Бөгөн "Кино төнө" Бөтә Рәсәй акцияһы уҙғарыла. Уға Башҡортостан да ҡушыла. Баш ҡалала Салауат Юлаев һәйкәле янындағы амфитеатрҙа "Чебурашка" комедияһын, тарихи драма һәм йыһанда төшөрөлгән фильм ҡарарға мөмкин була. Улар бушлай күрһәтелә, сеанс киске сәғәт 8-ҙә башлана.

Башҡортостанда урындағы башланғыстарға булышлыҡ итеү проекттары 889 миллион һумға финансланған

Был сумманың 600 миллионы республика ҡаҙнаһынан бүленгән, 140 миллионды район һәм ҡала бюджеттары өҫтәгән, ҡалған сумма - бағыусылар һәм халыҡ өлөшө. Быйыл программаға ярашлы, 700-ҙән ашыу проект ғәмәлгә ашырылған. Уйын һәм спорт майҙансыҡтары, скверҙар, шишмәләр тәртипкә килтерелгән, юлдар төҙөкләндерелгән, һыу торбалары ремонтланған. Программа киләһе йылда ла ғәмәлгә ашырыла.

Өфөлә «Геройҙар ваҡыты» патриотик йырҙар фестивале!

26-27 августа Өфөлә 112-се Башҡорт кавалерия дивизияһының данлы командиры Миңлеғәле Шайморатовтың тыуған көнө айҡанлы күләмле саралар үтә. Шуларҙың береһе – «Геройҙар ваҡыты» патриотик йырҙар фестивале!

"Геройҙар ваҡыты" патриотик йырҙар конкурсының финалы һәм гала-концертында Асҡар Абдразаҡов, Таисия Повалий, Мәрйәм Мирабова, Иван Замотаев, Игорь Демарин, Варвара, Глеб Матвейчук, Инна Рудник, Екатерина Гладышева, "Республика" һәм "Бабкины внуки" төркөмдәре сығышын ҡарарға мөмкин!

Урыны - Совет майҙаны, 26 август, 18.00; 27 август - 17.00.

Тулыраҡ мәғлүмәт - видеола.

Санкт-Петербургта Башҡортостан көндәре үтә

Беҙҙең республика делегацияһын Радий Хәбиров етәкләй. Программала эшлекле осрашыуҙар, һөйләшеүҙәр, мәҙәни сараларҙа ҡатнашыу ҡаралған. Эшлекле форумда Башҡортостандың инвестиция һәм иҡтисади мөмкинлектәре менән таныштырыу була. Радий Хәбировтың Санкт-Петербург губернаторы Александр Беглов менән осрашыуы, стратегик килешеүҙәргә ҡул ҡуйыу көтөлә. Бөгөн кис "Башҡортостан дуҫтарын йыя" тигән концерт планлаштырылған.

Бөгөн Өфөлә “Геройҙар дәүере” икенсе Бөтә Рәсәй конкурсы финалы уҙғарыла

Ул композиторҙар һәм шағир-башҡарыусылар араһында ойошторола. Проекттың маҡсаты – балалар һәм йәштәргә патриотик тәрбиә биреү, илһөйәрлек темаһына арналған йырҙарҙы популярлаштырыу. Сараның приз фонды 1 миллион һум. Бөгөн Совет майҙанында конкурстың финалы була.Ул сәғәт алтыла башлана. Иртәгә Гала-концертта Рәсәй эстрадаһы йондоҙҙары сығыш яһай.

Бәләбәй ҡалаһында икмәк бешереү һәм тәм-том әҙерләү селтәре булдырыла

Йылдам үҫеш биләмәһендә яңы резидент теркәлде. Ул проектты ғәмәлгә ашырыу өсөн 7 миллион ярым һум тотонорға әҙер. Беренсе вице-премьер-Иҡтисади үҫеш һәм инвестиция сәйәсәте министры Рөстәм Моратов белдереүенсә, әле республикала 129 компания йылдам үҫеш биләмәләре резиденты статусын алған. Уларға һәр төрлө ташламалар ҡаралған. "Бәләбәй" йылдам үҫеш биләмәһендә 22 резидент теркәлгән.