Башҡортостанда 2 миллион ярым тонна ашлыҡ һуғылған

Тағы ла кәм тигәндә 1 миллион тонна иген баҫыуҙарҙа ҡала, тине Ауыл хужалығы министры Илшат Фәзрахманов аҙналыҡ оператив кәңәшмәлә. Хөкүмәт премьер-министры урынбаҫары әйтеүенсә, республиканың 14 районы бөртөклө культураларҙы йыйып алған. Уртаса гектар ҡеүәте 19 центнер. Быйыл көньяҡ райондарҙа уңыш мул булмаҡсы. Әммә ашлыҡты һаҡлау урындары менән проблема һаҡлана. Өҫтәүенә, былтырғы уңыш та тулыһынса һатыпып бөтмәгән, тине Илшат Фәзрахманов.

Иглин ауылы мәктәбендә яңы стоматология кабинеты асылды

Иглин ауылының Советтар Союзы геройы Виктор Бесценный исемендәге 1-cе мәктәптә яңы стоматология кабинеты асылды. Ул Башҡортостан башлығы Радий Хәбиров тәҡдиме менән тормошҡа ашырылған «Ҡанатлан» мәғариф проектының «Сәләмәт йылмайыу» модуленә ярашлы асылған. Теш табибы бүлмәһендә уҡыусыларҙы ҡабул итеү һәм тештәрен дауалау өсөн уңайлы шарттар булдырылған. Быға тиклем Иглиндәге 3-cө мәктәптә лә стоматология кабинеты булдырылғайны, тиҙҙән уны Аҡбирҙе ауылында ла асыу планлаштырылған

Радий Хәбиров башҡорт телен популярлаштырыуға йүнәлтелгән грант конкурсында ҡатнашырға саҡырҙы

Был турала Радий Хәбиров социаль селтәрҙәге сәхифәләрендә яҙып сыҡты. Республикала башҡорт телен һаҡлау һәм үҫтереүгә етди иғтибар бүленә. Был эштә халыҡтың дә әүҙем ҡатнашыуы ҡыуаныслы. Туған телендә ихлас аралашҡан, уны яратҡан һәм был һөйөүҙе таратырға ынтылған әүҙем кешеләрҙе дәртләндерергә булдыҡ тип яҙа Башҡортостан башлығы.
1 сентябрҙән физик шәхестәр өсөн конкурс иғлан ителде. Унда 18 йәшен тултырған Рәсәй граждандары ҡатнаша ала. Төп талап конкурсҡа тәҡдим ителгән проекттар башҡорт телен, халҡыбыҙҙың мәҙәниәте, тарихы, бөгөнгөһөн популярлаштырыуға йүнәлтелергә тейеш. Грант күләме 200 мең һум. Ғаризалар 30 сентябргә тиклем ҡабул ителә.

Башҡортостан беренсе булып халыҡ-ара геологтар чемпионатын ҡабул итергә әҙерләнә

«Геосаҡырыу» тип исемләнгән сара 16 сентябрҙән алып 22 сентябргә тиклем үтә һәм Рәсәй, Бойондороҡһоҙ Дәүләттәр берләшмәһе илдәренән йәш геологтарҙы, ғалимдарҙы туплаясаҡ. Хөкүмәт Премьер-министры урынбаҫары-хөкүмәт аппараты етәксеһе Азамат Абдрахманов етәкселегендә ойоштороу комитеты ағзалары балаларҙы урынлаштырыу, чемпионатты уҙғарыу шарттары менән ҡыҙыҡһынды.

Киләһе өс йылда Башҡортостанда соя баҫыуҙары майҙаны 10 тапҡырға арттырылырға тейеш

Был турала бөгөн Ауырғазы районында ойошторолған «Баҫыу көнө»ндә белдерелде. Илдең билдәле эксперттары һәм ауыл хужалығы белгестәре ҡатнашлығындағы семинар соя һәм кукуруз үҫтереү технологияларына арналды.

Өфөнөң Ағиҙел буйы транспорт хәрәкәте өсөн ябылды

Бынан һуң, Салауат Юлаев майҙанынан «Юность» бассейнына тиклем генә төшөргә мөмкин. Сочи урамына сығыу юлдарына блоктар һалынды. Сикләү 2024 йыл аҙағына тиклем ғәмәлдә ҡала.

Салауат Юлаев исемендәге икенсе ирекле батальон ир-егеттәренең төп өлөшө хәрби әҙерлек пункттарында уҡыуҙар үтә

Бер аҙҙан улар алғы һыҙыҡҡа - махсус хәрби операция биләмәһенә юлланасаҡ. Башҡортостанда Салауат Юлаев исемендәге беренсе батальон былтыр тупланды. Ике батальон да «Росгвардия» составы ҡарамағында хеҙмәт итә.

Өфөлә Бөтә Рәсәй #ДавайВступай марафонына старт бирелде

Эстрада йондоҙҙары, депутаттар, приставтар һәм башҡа һөнәр эйәләре бөгөн Республика ҡан тапшырыу станцияһына килде. Өфөлә Бөтә Рәсәй #ДавайВступай марафонына старт бирелде.
Елек донорҙары федераль регистры уҙғарған акция тураһында репортаж.

Өфөнөң Совет майҙанында «Көҙ романтикаһы» Бөтә Рәсәй классик музыка фестивале башланды

Күләмле мәҙәни сараның тәүге көнөндә юғары мәҙәниәт һөйөүселәр алдында Дмитрий Крюков етәкселегендә республиканың Милли симфоник оркестры сығыш яһаны.

Рәсәй төбәктәре мәктәптәренә башҡорт теле китаптары тапшырылды

Мәғариф һәм фән министрлығынан хәбәр итеүҙәренсә, милләттәштәргә уҡыу әсбаптарынан тыш, уҡыу бүлмәләре өсөн стендтар, милли кейемдәр, музыка ҡоралдары, балалар баҡсалары өсөн ҡурсаҡтар ебәрелгән. Рәсәйҙә 5 төбәктәге 53 мәктәптә һәм 4 төбәктәге 28 балалар баҡсаһында башҡорт теле өйрәнелә.

Башҡортостанда махсус программа барышында 4,6 мең гараж һәм биләмә теркәлгән

Республика буйынса Росреестр идаралығынан хәбәр итеүҙәренсә, “гараж амнистияһы” халыҡ араһында танылыу яулай бара. Программаға ярашлы 2026 йылдың 1 сентябренә тиклем күсемһеҙ милек һәм ерҙе ябай тәртиптә теркәп була. Өфө, Нефтекама, Стәрлетамаҡ, Октябрьский ҡалалары һәм Өфө районы халҡы “гараж амнистияһы” менән әүҙем файҙалана.

Республикала йылытыу миҙлегенә әҙерлек өсөн 8 миллиард һумдан ашыу аҡса тотонолған

10 сентябргә йылытыу системаларына таҙартылған һыу тултырылырға тейеш. Район һәм ҡалалар 15 сентябргә тиклем йылытыу миҙгеленә әҙерлек паспорттарын күрһәтергә бурыслы.

Сибай-Аҡъяр юлында ремонт дауам итә

Әле Хәйбулла районында Сиҙәм ауылы янында 7 километр ярымлыҡ арауыҡ тәртипкә килтерелә. Быйыл Хәйбулла һәм Баймаҡ райондарында 27 километрҙан ашыу юлды төҙөкләндереү маҡсаты ҡуйылған. -Сибай-Аҡъяр трассаһы республиканың ике районын тоташтыра. Был юл халыҡ өсөн үтә мөһим. Шуға ул тәртиптә булырға тейеш, - тине Транспорт һәм юл хужалығы министры Александр Клебанов. Быйыл Башҡортостан Башлығы ҡушыуы буйынса халыҡ ныҡ зарланған юлдарҙы ремонтлау программаһы ғәмәлгә ашырыла башланы. Йыл аҙағына тиклем дөйөм оҙонлоғо 237 километр юл төҙөкләндерелә.

Салауат Юлаев исемендәге икенсе батальонға 3 меңдән ашыу кеше ҡушылырға теләк белдергән

"Башинформ" хәбәр итеүенсә, әле подразделениеға 310 кеше ҡабул ителгән. Республика Башлығының Милли гвардия ғәскәрҙәре менән хеҙмәттәшлек буйынса кәңәшсеһе Артур Йомағужин белдереүенсә, беҙҙең күп милләтле төбәк һәр ваҡыт Ватан һаҡсылары, геройҙары менән дан тотҡан. Батальондың үҙәк штабы Өфөлә урынлашҡан. Шулай уҡ Стәрлетамаҡ, Туймазы ҡалаларында һәм Малаяҙ ауылында филиалдары булдырылған. Кандидаттарҙың йәше 55-тән артмауы, яҡшы физик әҙерлектә булыуҙары шарт.

Башҡортостан "Урманды һаҡлайыҡ" Бөтә Рәсәй акцияһына ҡушыла

Федераль вице-премьер Виктория Абрамченко белдереүенсә, быйыл сараны уҙғарыу тәртибендә үҙгәреш бар. Акцияла ҡатнашыусылар ағас ултыртыуҙан тыш, урман биләмәләрен таҙартыу, мәғариф һәм фәнни проекттар менән шөғөлләнә ала. Башҡортостанда ағас ултырыу эштәре 15 сентябрҙән башланырға тейеш.

"Өфө" футболсыларының тәүге тапҡыр ил кимәлендә сығыш яһауына 100 йыл тулды

1923 йылдың сентябрендә Мәскәүҙә Бөтә Союз физкультура байрамы уҙғарыла. Унда ҡалалар командалары араһында футбол буйынса чемпионат ойошторола. 16 команда араһында Өфөнән Башҡортостан йәштәре коммунистик союзы вәкилдәре сығыш яһай. Әле Өфө футбол командаһы Рәсәй чемпионатының икенсе лигаһында уйнай.

Башҡортостанда ташмалы IT-ипотека программаһы буйынса 300-ҙән ашыу кредит бирелгән

Уларҙың дөйөм хаҡы 2 миллиард һумдан арта. Был турала республика хөкүмәтенән хәбәр итәләр. Әле Башҡортостанда бындай кредитты йыллыҡ 4 процент менән алырға була. Иң күбе 6 миллион һумлыҡ килешеү төҙөлә. Ташламалы ипоека IT-компаниялар хеҙмәткәрҙәре өсөн тәғәйенләнә.

Яңы уҡыу йылынан мәктәптәрҙә уҡыусыларға бауырҙан төрлө ризыҡтар бешереп ашатасаҡтар

Бөгөн Сипайлово биҫтәһендәге 29-сы белем биреү үҙәгендә балалар бауырҙан суфле ашаны. Республикала уҡыусыларҙы туҡландырыуға ҙур иғтибар бирелә, уны камиллаштырыу буйынса ентекле эш алып барыла. Бөгөн менюлағы яңы ризыҡтың сифатын Башҡортостандың сауҙа һәм хеҙмәттәр министры Алексей Гусев баһаланы.

Ғафури районында «Уңайлы ҡала мөхите» проекты тормошҡа ашырыла

Халыҡ өсөн уңайлыҡтар. Был уңайлыҡтарҙаң иң мөһиме -сифатлы юлдар. Ғафури районы үҙәге Красноусол ҡасабаһы тиҙҙән танымаҫлыҡ булып үҙгәрәсәк. Юлдарҙа туҙған асфальт-бетон ҡатламы алмаштырыла, тротуарҙар һалына, эскәмйәләр ҡуйыла, биләмәләр һәм ихата алдары йәшелләндерелә.

Киләһе өс йылда Башҡортостанда соя баҫыуҙары майҙаны 10 тапҡырға арттырға тейеш

Был турала Ауырғазы районында ойошторолған “Баҫыу көнө”ндә белдерелде. Илдең билдәле эксперттары һәм ауыл хужалығы белгестәре ҡатнашлығындағы кәңәшмә соя һәм кукуруз үҫтереү технологияларына арналды. Семинар барышында эксперттар Башҡортостанда ҡулланыу өсөн тәҡдим ителгән сояның яңы сорттары менән таныштырҙы.

Башҡортостан Башлығы эшҡыуарҙарға күрһәтелгән ярҙам саралары менән таныштырҙы

Радий Хәбиров социаль селтәрҙәге сәхифәһендә Көйөргәҙе районынан Виктория Чуева миҫалында, шәхси эш асыу мөмкинлектәре тураһында яҙып сыҡты. Логопед дәүләт программаһы буйынса субсидия юллап, балаларҙың үҫеш студияһын асҡан һәм кәрәкле ҡормалдар һатып алған. Виктория Чуева кеүек эшҡыуарҙар Башҡортостанда бихисап. Республикала 128 мең бәләкәй һәм урта эшҡыуарлыҡ субъекты иҫәпләнә. Һәр береһенә тейешле шарттар булдырыға һәм ярҙам күрһәтергә тырышабыҙ тип яҙған Башҡортостан Башлығы.