Башҡортостанда һайлау участкаларында йәмәғәт күҙәтеүселәре эшләй

Республика Йәмәғәт палатаһы рәйесе урынбаҫары Лида Исәргәкова белдереүенсә, 6 мең кеше уҡытылған. Йәмәғәт палатаһы аппараты башланғысы менән менән булдырылған шылтыратыуҙар үҙәгенең телефоны: 8(347)-218-16-84.

Билдәле шәхестәр гражданлыҡ бурысын үтәне

“Һайлауҙа ҡатнашыу - беҙҙең гражданлыҡ бурысы”. Башҡортостандың элекке премьер-министры Рафаэль Байдәүләтов шулай тип белдерҙе. Ул бөгөн Өфөнөң 172-се участка һайлау комиссияһында тауыш бирҙе.
“Республика депутаттары корпусы халыҡ араһында танылған, үҙ өлкәһендә белемле, кеше менән ипле аралашҡан шәхестәрҙе тупларға тейеш”. Өфө Тарих, тел һәм әҙәбиәт институты директоры Зөһрә Рәхмәтуллина ошондай фекер белдерҙе. Ул да 172-се участкала тауыш бирҙе.

Хөрмәтулла Үтәшев: "Парламент тәү сиратта республика мәнфәғәтен яҡларға тейеш"

Бөгөн Башҡортостанда 3 мең 300-ҙән ашыу һайлау участкаһы асылды. 28 мең самаһы һайлау комиссияһы ағзаһы эшләй. 18 йәше тулған һәр кем тауыш биреү хоҡуғына эйә. Республикала быйыл 71 меңдән ашыу кеше һайлауҙа беренсе тапҡыр ҡатнаша. Башҡортостандың халыҡ артисы Хөрмәтулла Үтәшев әйтеүенсә, парламент тәү сиратта республика мәнфәғәтен яҡларға тейеш.

Радий Хәбиров: "Парламентта лайыҡлы кешеләр булырға тейеш"

Бөгөн Республика Башлығы Радий Хәбиров 109-сы һайлау участкаһында тауыш бирҙе. Ул Өфөлә "Башҡортостан" дәүләт концерт залында урынлашҡан. - Бөгөн мөһим көн, - тине Радий Хәбиров.

"Мәктәпкә йыйынырға ярҙам ит" акцияһы барышында 15 миллион һумлыҡ кәрәк-яраҡ йыйылған

Ғаилә, хеҙмәт һәм халыҡты социаль яҡлау министрлығы ойошторған сара ярҙамында 11 меңдән ашыу бала мәктәп әйберҙәре менән тәьмин ителгән. Акция 13-сө йыл рәттән үтә. Ул ауыр хәлле ғаиләләргә ярҙам маҡсатында ойошторолдо.

Айнур Бирғәлин: “Республиканы алға әйҙәр кешеләр өсөн тауыш бирҙем“

Башҡортостан мосолмандары Диниә назараты рәйесе Айнур хәҙрәт Бирғәлин шулай тип белдерҙе. Бөгөн Берҙәм тауыш биреү көнөндә Республикала 3 мең 300-ҙән ашыу участка асылды. Халыҡ 9-ға тиклем тауышын бирә ала. Башҡортостанда парламентҡа депутаттар һайлана, шулай уҡ муниципаль һайлауҙар үтә.

Өфөлә Зинин ауылы янындағы юл үткәргесенән машиналарҙың ҡасан йөрөй башлауы билдәле булды

Транспорт һәм юл хужалығы министры Александр Клебанов белдереүенсә, бер аҙна эсендә етешһеҙлектәр буйынса тикшереү һөҙөмтәләре иғлан ителә. Ҙур ҡатмарлыҡтар булмаһа водителдәр Зинин үткәргесенән 25 сентябрҙән йөрөй ала. Ҡоролмала ҙур эштәр кәрәк булһа, хәрәкәт ноябрҙә генә асыла.

Радий Хәбиров ҡатыны Каринэ Владимировна менән мөһим сәйәси сарала ҡатнашты

Улар «Башҡортостан» дәүләт концерт залында урынлашҡан 109-сы һайлау участкаһында тауыш бирҙе. Республика етәксеһе белдереүенсә, бөгөнгө һайлау төбәк өсөн бик мөһим. Сөнки Дәүләт Йыйылышы - Ҡоролтайҙан тыш, ауыл биләмәләренең бөтә депутат корпусына ла депутаттар һайлана. Төбәк парламентының алдағы саҡырылышы өсөн уҙған биш йыл эшлекле, конструктив һәм бик тә фәһемле үтте. Депутаттар корпусына коронавирус инфекцияһы, санкциялар баҫымы шарттарында ашығыс һәм ябай булмаған ҡарарҙар ҡабул итергә тура килде. Шуға ла киләһе саҡырылышҡа лайыҡлы кешеләр килер тип ышанам, тине Башҡортостан Башлығы.

Бөгөн Башҡортостандың халыҡ шағиры Гөлфиә Юнысоваға 75 йәш

Гөлфиә Аҙнағол ҡыҙы 20-нән ашыу китап авторы. Уның әҫәрҙәре сит телдәргә тәржемә ителгән, шиғырҙарына йыр яҙылған. Гөлфиә Юнысова оҙаҡ йылдар “Башҡортостан ҡыҙы” журналы редакцияһын етәкләне. Федераль һәм республика парламенты, Өфө ҡала Советы депутаты булды. Республикала Гөлфиә Юнысованың юбилейына арналған осрашыуҙар, конференциялар ойошторола. Авторҙың яңы китаптары нәшер ителә. Әлшәй район китапханаһына шағирәнең исеме бирелгән.Яңыраҡ Гөлфиә Юнысоваға “Өфөнөң Почетлы гражданы” тигән исем бирелде. Башҡортостанда халыҡ шағирына арналған саралар дауам итә. 28 сентябрҙә республика милли китапханаһында осрашыу ойошторола.

Һайлау участкалары бөгөн сәғәт етелә асылды

Бер сәғәткә иртәрәк. Һайлау участкалары бөгөн сәғәт етелә асылды. Был хаҡта һайлаусыларға алдан хәбәр ителгән. Йәкшәмбе улар үҙ мәшәҡәттәренә тиклем гражданлыҡ позицияһын белдерергә ашыҡты.

Бөгөн - Берҙәм тауыш биреү көнө

Башҡортостанда Дәүләт Йыйылышы - Ҡоролтайға һәм урындағы үҙидараның вәкәләтле органдарына һайлау үтә. Сәйәси компанияла Баҡалы, Тәтешле, Балтас, Ҡалтасы, Ейәнсура райондары халҡы әүҙемлек күрһәтә. Был төбәктәрҙә көндөҙгө сәғәт 3-кә тауыш биреүселәрҙең яртыһы, йәғни 50 проценты гражданлыҡ бурысын үтәп өлгөргән.

Башҡортостанда Берҙәм тауыш биреү көнөндә Йәмәғәт матбуғат үҙәге ойошторолдо

Бер майҙансыҡта политологтар, журналистар, юристар, йәмғиәт лидерҙары, активистар түңәрәк өҫтәл артында фекер алышып, сәйәси фараздары менән уртаҡлашты.

"Мир" картаһын 10 йыл ҡулланырға була

Һаҡлыҡ банкы идарылығы рәйесенең беренсе урынбаҫары Кирилл Царев белдереүенсә, бөтә карталарҙы файҙаланыу ваҡытын ике тапҡырға арттырыу тураһында ҡарар ҡабул ителгән. Быға тиклем улар биш йыл һайын алмаштырыла ине.

Башҡортостандан өлкән йәштәге туристар Абхазияға бара

"Башҡорт оҙон ғүмерлелеге" проекты буйынса ошондай тур һынала. Октябрҙә 46 кеше биш көнлөк сәфәргә юллана. Улар иҫтәлекле урындарҙа була, Ҡара диңгеҙ ярында һаулығын нығыта. Сәфәр һөҙөмтәләре буйынса проектты дауам итеү тураһында ҡарар ҡабул ителәсәк.

Башҡортостан баш ҡалаһы ҡышҡы һалҡындарға әҙер

Өфө хакимиәтенән белдереүҙәренсә, йорттарҙы йылытыуға әҙерлек тамамланған. Бөтә торлаҡ һәм социаль объекттар тикшерелгән. 5 көн буйы уртаса температура 8 градустан күтәрелмәһә йорттарға йылы бирелергә тейеш. Башҡортостандың ҡала һәм райондары 15 сентябрҙән ҡалмай йылытыу миҙгеленә әҙерлек буйынса отчет бирергә бурыслы.

Радий Хәбиров: "Һайлауҙар конкурентлы булды"

Башҡортостанда Республика парламентына һайлау, шулай уҡ муниципаль һайлауҙар үтте. 7 меңдән ашыу мандат хужаһы асыҡлана. Был турала Республика Башлығы Радий Хәбиров Берҙәм тауыш биреү көнө һөҙөмтәләре буйынса кәңәшмәлә белдерҙе.
"Берҙәм Рәсәй" партияһы рәйесе Дмитрий Медведев Радий Хәбировты һәм ул етәкләгән команданы һайлауҙа яҡшы һөҙөмтә менән ҡотланы.

Геологтар был аҙнала Башҡортостанға йыйыла

Республикала беренсе халыҡ-ара геологтар чемпионаты уҙғарыла. "Геоһынау" тип исемләнгән ярыш киләһе аҙнала башлана. Унда Рәсәй төбәктәре, сит илдәрҙән йәш геологтар һәм ғалимдар ҡатнаша. Чемпионат Шишмә районындағы "Патриот" паркында, Архангел, Ишембай һәм Ғафури райондарында ойошторола.
Чемпионатта 11 төр ярыш була. Конкурсанттар палеонтология, геохимия, гидрология, минералогия, петрография буйынса һынау тота, проекттарын яҡлай. Йәш геологтарҙы илдең абруйлы ғалимдары һәм эксперттар баһалай. Сара 16 сентябрҙән 22-һенә тиклем үтә.

Башҡортостанда Ленинград блокадаһын өҙөүҙең 80 йыллығын байрам итеү программаһы раҫланды

Республика хөкүмәтендә ошо турала документҡа ҡул ҡуйылды. Байрам киләһе йылда билдәләнә. Башҡортостанда Ленинград блокадаһында булыусылар сәләмәтлеген тикшертә аласаҡ, мәктәптәрҙә хәтер дәрестәре ойошторола, балалар һүрәттәре конкурсы була. Шулай уҡ кинофильмдар, викториналар, төрлө акциялар уҙғарыла. Ленинград блокадаһы 1941 йылдың 8 сентябрендә башлана һәм 872 көнгә һуҙыла. Ҡала 1944 йылдың 27 ғинуарында азат ителә.

Башҡортостандағы сәйәси партиялар вәкилдәре һайлауҙар менән ҡәнәғәт булыуы тураһында белдерҙе

Парламенттағы "Ғәҙел Рәсәй" фракцияһы етәксеһе Владимир Нагорный белдереүенсә, фирҡәләр айырым мәсьәләләр буйынса берләште - хәрбиҙәргә, уларҙың ғаиләләренә ярҙам күрһәтелә. ЛДПР вәкиле Владимир Иванов әйтеүенсә, әле барыһы өсөн иңгә-иң терәшеп Тыуған ил өсөн эшләй торған ваҡыт. "Берҙәм Рәсәй"ҙең төбәк башҡарма комитеты етәксеһе Руслан Насретдинов республикала һайлауҙың тыныс шарттарҙа үтеүен һыҙыҡ өҫтөнә алды. - Санкциялар, пандемия, махсус хәрби операция халыҡты берләштерҙе. Сәйәси көстәрҙең дә берләшеүе күҙәтелә тине ул. Башҡортостанда Дәүләт Йыйылышы-Ҡоролтайға һәм бөтә ауыл советтарына һайлау үтте.

Башҡортостанда 4 ойошма 20 миллион һумлыҡ федераль грант ала

Улар "Мәғариф" милли проектына ярашлы, "Заманса мәктәп" конкурсында еңеү яуланы. Республика психологик, педагогик, медицина һәм социаль ярҙам, Өфөләге "Журавушка" психологик, педагогик, медицина һәм социаль ярҙам, Бәләбәйҙәге һәм Белореттағы "Ғаилә" үҙәктәре киләһе йылда хеҙмәттәр күрһәтеү өсөн субсидиялар ала. Иң ҙур грант суммаһы 7 миллион 800 мең һум.

Башҡортостанда Берҙәм тауыш биреү көнөнөң һуңғы йомғаҡтары 13 сентябрҙән һуң ғына иғлан ителәсәк

Был хаҡта журналистар менән брифинг барышында республиканың Үҙәк һайлау комиссияһы рәйесе Илона Макаренко белдерҙе. Уҙған йәкшәмбе төбәк халҡы төрлө кимәлдәге 7 мең 135 депутат өсөн тауыш бирҙе. Дәүләт Йыйылышы-Ҡоролтайға 110 урын өсөн 844 кандидат дәғүә итте.