Радий Хәбиров республикала гражданлыҡ йәмғиәте институтын үҫтереү ойошмалары ағзалары менән осрашты

Сарала Башҡортостан Йәмәғәт палатаһы, Халыҡ фронты хәрәкәте , Кеше хоҡуҡтары һәм гражданлыҡ йәмғиәте институттарын үҫтереү Советы эшмәкәрлеге һөҙөмтәләре барланды, киләсәккә бурыстар билдәләнеде. Башҡортостан Башлығы ҡарамағындағы Кеше хоҡуҡтары һәм гражданлыҡ йәмғиәте институттарын үҫтереү Советы төбәктә 2019-сы йылдан алып эшләй. Уҙған йылда Совет ағзаларының шәхси составы яңыртылды. Ойошмаға юристар, журналистар, ғалимдар, экологтар, эшҡыуарҙар, профсоюздар вәкилдәре, дин әһелдәре - барлығы 37 кеше инде.

Өфөнөң Октябрь революцияһы урамы төҙөкләндереүҙән һуң өлөшләтә йәйәүлеләр урамына әйләнәсәк

Эш сәфәре барышында Башҡортостан башлығы Радий Хәбиров әлеге ваҡытта күләмле ремонт эштәре барған майҙансыҡта булды. Эштәр Ленин урамынан Салауат Юлаев проспектына тиклемге оҙонлоғо 1,3 километр арауыҡтағы участкала алып барыла.

Радий Хәбиров республика кардиология үҙәгендә реконструкция эштәре барышы менән танышты

Күләмле проектҡа ярашлы, үҙәктең хирургия корпусы яңыртыла. 8 ҡатлы бинала операция, реанимация блоктары, интенсив терапия һәм диагностика бүлеге, поликлиника заман талаптары буйынса төҙөлә. Объектҡа инженер селтәрҙәр тоташтырылған, яҡын көндәрҙә йылытыу системаһын үткәреү көтөлә.

Республика табиптары йәнә үҙенсәлекле әмәлиәт башҡарҙы

Башҡорт дәүләт медицина университеты клиникаһында бөгөн тәүгә йөрәктең яһалма һул ашҡаҙанын имплантациялау буйынса операция эшләнде. Йөрәк донорына мохтаждар өсөн мөһим әмәлиәт тураһында тулыраҡ киләһе яҙмала.

Өфөлә 60-тан ашыу кеше мөмкинлектәре сикләнгән ауырыуҙарҙы ҡарау буйынса уҡыуҙар үткән

Пациенттарҙы ашатыу, кейендереү һәм башҡа медицина күнекмәләренә Квалификацияны үҫтереү үҙәгендә өйрәтәләр. Дәрестәрҙе республиканың төрлө район-ҡалаларынан кешеләр үҙләштергән. Тулыраҡ киләһе яҙмала.

Салауат Юлаев исемендәге икенсе батальон тулыһынса формалашып хәрби әҙерлек урынына ебәрелде

Иҫегеҙгә төшөрәбеҙ, уны булдырыу тәҡдиме менән хәрби хәрәкәттәр ветерандары сығыш яһағайны. Башланғысты Башҡортостан башлығы хуплап сыҡты. Яңы ойошма Росгвардияға ҡарай.

Дыуан районында урып-йыйыу эштәренең 80 проценттан ашыуы тамамланған

Әлеге ваҡытта баҫыуҙарҙа техник культуралар урыла, төбәктә урындағы климат шарттарына яраҡлаштырылған картуф сорттары уңышы алына. Дыуан аграрийҙарының урып-йыйыу эштәре хаҡында репортаж.

Башҡортостанда “Геоһынау” халыҡ-ара чемпионаты дауам итә

Унда 50-гә яҡын Рәсәй төбәге, шулай уҡ Ҡаҙағстандан студент командалары ҡатнаша. Йәштәр аҙна дауамында геология буйынса белемен күрһәтә. Бөгөн “Радиометрия”, “Минерология һәм петрография” буйынса ярыштар уҙа, “Геологик эскурсия һуҡмағы” проекттарын яҡлау ойошторола. “Патриот” паркында “Геройҙар уҙышы” үтә.

Ғафури районында Ағиҙел аша күпер тиҙҙән файҙаланыуға тапшырыла

Ремонт аҙағына яҡынлаша, план 87 процентҡа үтәлгән, тип хәбәр итәләр Транспорт һәм юл хужалығы министрлығынан. Күпер Талбазы-Красноусол юлында урынлашҡан. Уның оҙонлоғо 400 метрҙан ашыу. Төҙөкләндереүҙе быйыл тамамлау бурысы ҡуйылған. Эштәр "Хәүефһеҙ сифатлы юлдар" милли проектына ярашлы алып барыла.

Өфөлә филармониялар фестивале уҙғарыла

Башҡорт дәүләт филармонияһының 85-се ижад миҙгеле ҙур тамаша менән башлана.Гала-концертта халыҡ уйын ҡоралдары, тынлы, эстрада-джаз оркестрҙары, академия хор капеллаһы ҡатнаша. Шулай уҡ Сибай, Стәрлетамаҡ, Учалы, Нефтекама филармонияһы артистары сығыш яһай. Яңы миҙгелгә старт биргән тамаша 7 октябрҙә була. Үҫмерҙәр һәм йәштәр билет алғанда Пушкин картаһын файҙалана ала.

Башҡортостан питомниктарында урман тергеҙеү өсөн үҫенте бар

Борай питомнигы хеҙмәткәрҙәре 7 миллион төп ағас әҙерләгән. Урмансылар шыршы, ҡарағай, ҡайын һәм йүкә үҫентеләрен ҡаҙый башлаған. 23 сентябрҙә республикала ағас ултыртыу буйынса берҙәм өмә үткәрелә. “Йәшел Башҡортостан” акцияһы барышында 36 тематик аллея булдырыла, 7 мең төп эре ағас һәм 47 мең үҫенте ултыртыу ҡарала. Өфөлә ҡайын, йүкә, миләш, сирень, барбарис ағастарына өҫтөнлөк бирелә.

Өфөлә халыҡ артисы Абдулла Солтановтың хәтер кисәһе уҙғарыла

Унда йырсылар, музыканттар һәм ижади коллективтар ҡатнаша. Танылған ижадсы 17 августа вафат булды. 25 сентябрҙә уға 95 йәш тулыр ине. Уның репертуарында 60-тан ашыу башҡорт халыҡ йыры бар. Абдулла Солтановтың яҙмалары Өфө дәүләт сәнғәт институты, “Останкино” телерадиокомпанияһы һәм Мәскәүҙәге Гнесиндар исемендәге дәүләт музыка педагогия институты фондтарында, шулай уҡ беҙҙең телерадиокомпанияла һаҡлана. Моң эйәһен иҫкә алыу сараһы 25 сентябрҙә “Башҡортостан” дәүләт концерт залында ойошторола. Инеү бушлай.

Радий Хәбиров Рәсәй Геройы Максим Серафимов йәшәгән яңыртылған ихатаны асыуҙа ҡатнашты

Өфөлә Шәфиев урамы һәм Октябрь проспектында урынлашҡан өс йортто берләштергән биләмә тәртипкә килтерелде. “Башҡорт ихаталары” программаһы буйынса йорт алдарына яңы асфальт һалына, йомшаҡ түшәмле балалар майҙансығы төҙөлдө, яҡтыртҡыстар һәм видеокамералар ҡуйылды, инженер селтәрҙәре алмаштырылды. Радий Хәбиров халыҡ менән аралашты. Йортта йәшәүселәр республика етәкселегенә яңыртылған ихата өсөн рәхмәт белдерҙе. Радий Хәбиров махсус хәрби операцияла батырҙарса һәләк булған Рәсәй Геройы Максим Серафимовтың атаһы Владимир Викторович менән ағас ултыртты.

“Геоһынау”ҙа ҡатнашҡандар бөгөн “Геройҙар уҙышы”нда көслөләрҙе асыҡлай

Башҡортостанда халыҡ-ара геология чемпионаты дауам итә. Унда Рәсәй төбәктәре, шулай уҡ Ҡаҙағстандан студент командалары ҡатнаша. Йәштәр аҙна дауамында геология буйынса белемен күрһәтә. Бөгөн Шишмә районындағы “Патриот” паркында “Радиометрия”, “Минерология һәм петрография” буйынса һынауҙар уҙа, “Геологик экскурсия һуҡмағы” проекттарын яҡлау ойошторола. Аҙаҡ “Патриот” паркында “Геройҙар уҙышы” үткәрелә. Йәштәр төрлө ҡаршылыҡтар аша йүгереп уҙасаҡ.

Башҡортостанда еңел такси өлкәһендә тәртип индерелә

Дәүләт Йыйылышы–Ҡоролтай ҡабул иткән законға Республика Башлығы Радий Хәбиров ҡул ҡуйҙы. Документҡа ярашлы, пассажирҙар йөрөткән еңел автомобилдәр Евро-3 экологик өлгөһөнән кәм булмаҫҡа тейеш. Такси автомобиленең тышҡы торошона ла талаптар индерелә. Кузовта һәм ҡыйығында махсус билдәләр булыуы шарт. Аҡ, ҡара һәм һары төҫтәге машиналар ғына такси булып эшләй ала. Пассажирҙар ташыу өсөн 5 йыллыҡ рөхсәт бирелә.

Башҡортостан ижтимағи өлкәне үҫтереү стратегияһын әҙерләй

2035 йылға тиклем иҫәпләнгән проект өҫтөндә әңгәмә «Евразия» фәнни-мәғариф үҙәгендә үтте. Стратегик сессияла министрлыҡтар, коммерция булмаған ойошмалар, дәүләт һәм муниципаль учреждениелар, юғары уҡыу йорттары вәкилдәре һәм ижтимағи сәйәсәт төлкәһе белгестәре ҡатнашты. Фекер алышыу барышында көнүҙәк мәсьәләләр билдәләнде, уларҙы хәл итеү аҙымдары ҡаралды. Стратегик сессия 23 сентябргә тиклем дауам итә. Уның эш һөҙөмтәһе булараҡ республика халҡына күрһәтелгән социаль хеҙмәтләндереүҙе яҡшыртыу тора. Һуңғы йылдарҙа был күрһәткес төбәктә тотороҡло үҫеш күрһәтә.

ӨФТУ ғалимдары һауала һәм һыуҙағы заралы мәтдәләрҙе асыҡлаусы датчик уйлап тапҡан

Өфө фән һәм технологиялар университетында һауала һәм һыуҙағы заралы мәтдәләрҙе асыҡлаусы датчик уйлап табыған. Был асыш сәнәғәт предприятеларында хәүефһеҙлек тәьмин итергә ярҙам итеүҙән тыш,медицинала тиҙ диагностика үткәреү мөмкинлеген дә арттыра. «Өҫтөнлөк-2023» Мәғариф пректы гранты ярҙамында тормошҡа ашырылған проект хаҡында тулыраҡ киләһе яҙмала.

Башҡортостанда Бөтә Рәсәй халыҡ фронтының «Бөтәһе лә Еңеү өсөн!» проекты тормошҡа ашырыла

Уның төп маҡсаты махсус хәрби операцияла ҡатнашҡан егеттәргә ярҙам итеү. Иглин районының «Бөтәһе лә Еңеү өсөн!» ирекмәндәр штабы быйыл февраль аҙағында ойошторолған. Бында беренсе көндән маскировка селтәрҙәре үрелә, окоп шәмдәре яһала. Штабтың эшмәкәрленә тотош Иглин халҡы ярҙам итә тип әйтергә мөмкин. Штабҡа оло быуын вәкилдәре лә, балалар ҙа килә.

Дыуан районында мөһим социаль объекттарҙы төҙөү һәм ремонтлау йылдам бара

Мәғариф учреждениелары яңырыу кисерә, «Сәләмәтлек» милли проекты сиктәрендә һаулыҡ һаҡлау өлкәһендә лә ҙур төҙөлөштәр йәйелдерелгән. Райондың социаль үҫешенә ыңғай йоғонто яһаясаҡ обьекттар хаҡында репортаж.

Ишембайҙа яңы быуын китапханаһы эшләй башланы

Китап һаҡлау урыны ғына түгел, ул мәҙәни ял итеү, осрашыуҙар майҙансығына әйләнгән. Үҙәк китапхана «Мәҙәниәт» милли проекты ярҙамында тулыһынса яңыртылған. Ошо маҡсатта 10 миллион һум аҡса тотонолған. Былтыр китапханала муниципалитет хакимиәте ярҙамында ремонт яһау конкурста ҡатн шыу мөмкинлеге биргән. Сөнки федераль талаптарға ярашлы төҙөкләндерелгән китапханалар ғына конкурсҡа ғариза бирә ала.

Республикала Дим буйы башҡорттары араһында «Ҫөйләш» фестиваль-марафоны старт алды

Ул башҡорт теленең Дим һөйләшен һаҡлау һәм пропагандалау маҡсатында ойошторола. Марафон тураһында ентекләберәк видеояҙмала.