Йөрәгемдең түрендә... 💘

Видео: Эльвира Глосс.

📌21 февралдә сәғәт киске 5-тә Мәләүез ҡалаһы мәҙәниәт йортоноң кинозалында Махсус хәрби операция ваҡиғаларына һәм яугирҙарына арналған өс фильм күрһәтелә.

📽«Беzбашенный» (16+) 10 минутлыҡ;
📽"Танец героя" (12+) 24 минутлыҡ;
📽"Бетеү" (12+) 36 минутлыҡ.

Инеү бушлай. 17.00

📌ҺОЛО КЕҪӘЛЕ

Һоло кеҫәле ашҡаҙанға, бөйөргә һәм бауырға
файҙалы.

Ул үт һәм бәүел ҡыуыҡтарындағы таштарҙы иретә, ҡандағы холестеринды түбәнәйтә. Һоло көс өҫтәй, күңел төшөнкөлөгөнән ярҙам итә.

📌Һоло кеҫәлен әҙерләү өсөн:
✅1 стакан һоло ярмаһы
✅5 стакан һыу
✅1 стакан һөт
✅бал

Талғын утҡа ҡуйып, шыйыҡ кеҫәл килеп сыҡҡанға
тиклем ҡайнатырға.

Шунан баштағы кимәленә тиклем һөт өҫтәп ҡойорға һәм ҡайнатырға кәрәк.

Бер аҙ һыуынғас, 4 аш ҡалағы бал ҡушырға йәки үҙегеҙ
теләгәнсә.

✅Көн дауамында күпме теләйһең, шунса эсергә ярай.

Халыҡ-ара туған тел көнө менән, төркөмдәштәр! ❤️‍🔥

❓Тел тураһында тағы ниндәй мәҡәлдәр беләһегеҙ? Комментарийҙарҙа яҙығыҙ!

📌 Заман һәм замандаштар тураһында, бик мөһим төшөнсәләргә арналған күргәҙмәне барып күрегеҙ.

✅ Күргәҙмәлә Башҡортостан рәссамдарының эше ҡуйылған.

✅ Ул илдең төрлө ҡалалары буйлап 2023 йылдың 3 мартынан алып "сәйәхәт итә".

✅ 22-се тапҡыр ойошторола.

📍 Ҡайҙа: М. Кәрим исемендәге Милли йәштәр театры.
Ленин урамы, 62

#Интернеттатаратылған

Туған телебеҙҙе
һаҡлау өсөн
көрәшәбеҙ икән, "Өләсәйҙәр мәктәбе" төркөмөндәге кеүек, ихласлыҡ, туған телеңде мөмкин тиклем байытыу, сафландырыу өсөн ынтылыу мөхите булдырырға кәрәк.

Ошо маҡсатта башҡарылған һәр сараны хупларға. Лайк кәрәк икән - лайк ҡуй, ҡараусылар һанын ишәйтергә икән - тыңла, ҡара.
Гәзит-журналдарҙың сифатын тәнҡитләү бер, ә тиражын арттырыуға үҙ өлөшөңдө индереү - уғата һәйбәт.
Халҡыбыҙҙы һаҡлау йүнәлешендә ни генә эшләнһә лә, тәнҡитләүҙән алда, хупла.
"Өләсәйҙәр мәктәбе"нең эш тәжрибәһен тарат.

Һәр көн ни булһа ла эшлә: башҡортса белмәгән башҡорт балаһының әсәһенә ниндәй ысулдар менән булһа ла, туған телдең әһәмиәтен аңлатырға тырыш.

1. Тел һаҡлау - иң изге бурысыбыҙ.
2. Тел һаҡлау буйынса эшләнгән проекттарҙы хуплау - мөһим бурыс.
3. Интернетта таҙа башҡортса аралашыуға ынтылыш - атай-олатайҙар аманатына тоғролоҡ.

Мәрйәм БУРАҠАЕВА.

📌Өфөлә күренекле ғалимә Фирҙәүес Хисаметдинова исемендәге кабинет асылды.

Кисәге М. Аҡмулла исемендәге Башҡорт дәүләт педагогия университетында халҡыбыҙҙың күренекле шәхесе, башҡорт тел ғилеме белгесе Фирҙәүес Хисаметдинованың тыуыуына 75 йыл тулыуға арналған Бөтә Рәсәй фәнни-ғәмәли конференцияһы үтте.

Сара сиктәрендә башҡорт филологияһы факультеты бинаһында Фирҙәүес Хисаметдинова исемендәге кабинет асылды.

"Ышанмағыҙ февраль буранына..."

Розалия Мөхәмәтйәнованан хисле видео. 💘