📌 Baby Ti исеме аҫтында билдәле йырсы Арыҫлан Тимеров Махсус хәрби операцияның алғы һыҙығына барып,  яугирҙарыбыҙҙың рухын күтәреп сығыш яһаған.

"Ниһайәт, Ватаныбыҙҙы һаҡлаусылар алдында йырҙарымды башҡара алдым. Ҡаһарман йөрәкле яугирҙарыбыҙҙың илһөйәрлегенә һәм рух ныҡлығына һоҡланып, уларҙан илһам алып ижад иткән йырҙарымды күҙҙәренә ҡарап йырлауыма сикһеҙ шатмын. Был тойғоно һүҙҙәр менән еткерерлек түгел..."-

тип яҙған Арыҫлан.

🔶Йырсы баянға һәм ҡурайға ҡушылып та йырлаған, яугирҙар бик йылы ҡабул иткән.

🔶Шулай уҡ Арыҫлан Луганск өлкәһенең  М.Шайморатов исемендәге 22-се мәктәп уҡыусылары алдында сығыш яһаған.

✳️Был белем усағы Башҡортостандан килгән ярҙамға төҙөкләндерелгән һәм бөгөн унда Миңлеғәли Шайморатов музейы бар, уҡыусылар башҡорт мәҙәниәте, сәнғәте менән ҡыҙыҡһына.

🔶Йырсы яугирҙарҙың ҡыҫҡа ғына ял минуттарын һағынылған тыуған моңдар менән биҙәй һәм кәйефтәрен күтәрә алыу мөмкинлеге өсөн рәхмәтен белдергән.

✔️Әйткәндәй,  МХО зонаһына Башҡортостан артистары даими барып тора. Быға тиклем Башҡортостандың халыҡ артистары Рәсүл Ҡарабулатов, Әлфиә Юлсурина, Заһир Иҫәнсурин, Рушан Биктимеров, республиканың атҡаҙанған артистары Тимур Рамаҙанов, Венера Юлгилдина, Рэм Гәрәев, "Бүреләр" һәм "Дәрүишхан" рок-төркөмдәре һ.б. сығыш яһағаны булды.

✔️Әлеге ваҡытта гуманитар ылауҙы  оҙатыусылар менән Башҡортостандың халыҡ артисы, М. Кәрим исемендәге Милли йәштәр театры актеры Илнур Лоҡманов яугирҙарға "Нива" автомобиле алып барған.