"Еребеҙҙең яуаплы хужаһы булыр өсөн уңыш ҡаҙанырға тейешбеҙ. Балаларыбыҙ, киләһе быуындар өсөн Башҡортостанды һаҡларға һәм нығытырға. Ата-бабаларыбыҙ беҙгә тапшырып ҡалдырған нәмәләргә ҡарата уларҙа һаҡлы ҡараш тәрбиәләргә",

- тигәйне 2019 йылда Бөтә донъя башҡорттары ҡоролтайы съезында сығыш яһап, Радий Фәрит улы Хәбиров.

💯Бөгөн Башҡортостаныбыҙ нәҡ ошо юҫыҡта бара: донъя кимәлендәге Евразия фәнни-белем биреү үҙәге, "Шүлгәнташ" музей-ҡурсаулығы, "Турахан" Күсмә цивилизациялар музейы, М. Серафимов исемендәге "Патриот" паркы, "Алға" иҡтисади зонаһы, Рәсәй Геройы М.М. Шайморатовҡа һәйкәл төҙөлдө, "Әр-Рахим" мәсетендәге төҙөлөш юғары темптар менән бара, "Атайсал" проекты һәм йәмғиәтебеҙ өсөн файҙалы башҡа бик күп эштәр бойомға ашырыла.

Бөгөн күркәм ғүмер байрамын билдәләүсе Радий Фәрит улына ныҡлы һаулыҡ, республикабыҙ мәнфәғәтендәге эштәрендә уңыштар теләйбеҙ!

Төшкө сәйҙәрегеҙ тәмле булһын! 🥰

Видео: Ф. Ғәскәров исемендәге Дәүләт академия халыҡ бейеүҙәре ансамбле.

ШИҒРИӘТ

Берәүгә һин – нан,
Берәүгә һин – нам,
Берәүгә һин – дан,
Берәүгә һин – ҡан...
Нан да һин миңә,
Нам да һин миңә,
Дан да һин миңә,
Ҡан да һин миңә.
Һөйҙөм йыр менән,
Көйҙөм йыр менән,
Тыуғас, үлермен
Тик һинең менән,
Берҙән-бергенәм!..

Рәми ҒАРИПОВ.
1967

📌 Үткән аҙнала М. Ғафури исемендәге Башҡорт академия драма театры сәхнәһендә ҡуйылған "Дядя Ваня" спектакле геройҙарының эҙҙәре буйлап "Башҡортостан ҡыҙы" журналы барған.

Тере һарыҡ, ҡаҙ һәм тауыҡты ҡайҙан алдылар икән, тип аптырағандар булһа, ҡарайбыҙ!

Кемдәр ошолайтып дәрес әҙерләй? 😁

Был шаяртыу, әлбиттә.
Шулай ҙа дәфтәр битен тишкәнсе юйған мәлдәр була торғайны бит. Ә хәҙер бына шулай, "аҡлайҙар" икән 😁

Бөгөн Өфөлә Ағиҙел йылғаһында боҙ киткән. Бына шундай ғәжәйеп күренеште Руслан Юлтаев төшөрөп алған.

Хәйерле көн! ☀️

Ғаиләләрегеҙ имен булһын!

Видео: интернеттан.