Ир ҡанаты - ат булыр.

Видео: "Мин - Абҙаҡтан" төркөмөнән.

Көнөгөҙ уңышлы үтһен! ☀️

Фотола: кейеҙ оҫтаһы Ләйсән Ғилманова.

Йәштәрҙең ошондай видеолар төшөрөүен инде оҡшатам.

Тыуған йортобоҙ шундай йәмле шул!

Видео: ilyuza_travel

🔰Башҡортостанда асыласаҡ Йәшмә йорто ниндәй була?

📍Ул Өфөләге Пушкин урамы, 106-сы йортта урынлашасаҡ. Был Совет майҙаны һәм Милли музейға яҡын ғына.

🔸Яңы объекттың проектын Башҡортостан Башлығы Радий Хәбировҡа күрһәткәндәр.

🔸Тотош йәшмә менән ҡапланған үҙенсәлекле залдан тыш, бында башҡорт тәбиғәте, батырҙары, ҡиммәтле коллекциялары, һынлы сәнғәткә бағышланған урындар буласаҡ.

🔸Шулай уҡ Эрмитаж һәм Рус музейынан күргәҙмәләр килтереү ҡаралған.

❓Шәп бит?!

Өйөрөлөп-сөйөрөлөп үтеп барамы тағы бер көн? 😉

Имен булығыҙ!

Видео: Айгөл Вилданова.

Тормош - сәскәләрҙән торған юл.

Хәйерле көн, күтәренке кәйеф теләйбеҙ! 🥰

📌 "Үлемһеҙ полк" акцияһына әҙерлек бара.

🔹Бөйөк Еңеүҙең 80 йыллығы уңайынан Өфөләге төп саралар 9 майҙа ойошторола.

Байрам Совет майҙанында генерал-майор Миңлеғәли Шайморатов һәйкәленә һәм Еңеү паркында Мәңгелек утҡа сәскәләр һалыуҙан башлана.

🔹Хәрбиҙәр, хәрби техника парадтары һәм "Үлемһеҙ полк" тантаналы итеп урамдар буйлап үтәсәк.

📍 "Үлемһеҙ полк" Галле ҡалаһы урамы киҫелешенән алып, Кольский урамына тиклем Октябрь проспекты буйлап "атлай".

Атлаған саҡта "Катюша" йырын русса һәм башҡортса йырлаясаҡтар.

✅ Ваҡыты:

🔹10:00 — 11:00 – төп колоннаға теҙелеү хэм ҡатнашыусыларҙы туплау;
🔹 11:00 - 11:12 – бөтә республика менән «Бер минут тынлыҡ»;
🔹 11:12 - 13:00 – "Үлемһеҙ полк" колоннаһын оҙатыу.

☝️ Тантаналы йөрөшкә ҡатнаша алмаһағыҙ, "Рәсәйҙең үлемһеҙ полкы онлайн" акцияһына ҡушылығыҙ.

Бының өсөн Бөйөк Ватан һуғышы ветераны йәки тыл хеҙмәтсәне фотоһын беркетеп, 6️⃣ МАЙҒА тиклем ошо һылтанмаларҙың береһе буйынса ғариза бирергә кәрәк:
– 2025.polkrf.ru сайтында;
– ВКvk.com/polk_app ҡушымтаһында;
– ok.ru/app/polk ҡушымтаһында.

Һеҙҙең герой 9 майҙа 2025.polkrf.ru сайтында онлайн тантаналы йөрөтә ҡатнашасаҡ.

📌 Бөгөн Өфөлә тантаналы рәүештә фонтандар асылды.

Ошо айҡанлы М. Кәрим һәйкәле эргәһендә матур тамаша ойошторолдо. Сығыш яһаусылар араһында Ә. Исҡужин исемендәге балалар сәнғәт мәктәбенең "Тамъян" башҡорт халыҡ уйын ҡоралдары оркестры ла булды.

❓Йә, коллектив ниндәй көйҙәрҙе уйнай? Яҙығыҙ!

📌 Бөгөн билдәле башҡорт режиссеры Айнур Асҡаровтың "Йәй. Ҡала. Мөхәббәт" фильмы республика кинотеатрҙарында күрһәтелә башланы.

🔹Фильм һигеҙ мөхәббәт тарихынан тора.

Ул Өфө ҡалаһының билдәле урындарында төшөрөлгән.

🔹Фильмды төшөрөүҙә бер төркөм Башҡортостан режиссерҙары ҡатнашҡан: Айнур Асҡаров, Виталий Дудка, Айрат Абушахманов, Айсыуаҡ Йомағолов, Руслан Юлтаев, Айҙар Аҡманов һәм Руслан Римович.

Видео: "Ҡурай" тамашасыларына арналған видеонан өҙөк.

🔰ҠАТАЙ - КИДАНЬ БӘЙЛӘНЕШЕ

🔶Тарихсы-этнолог Р. Ғ. Кузеев классификацияһына ярашлы, ҡатай ырыуы төньяҡ-көнсығыш башҡорттары төркөмөнә ҡарай.

💠Был башҡорт ырыуының боронғо тамырҙары беҙҙең эраның тәүге быуаттарынан уҡ хәҙерге Эске Монголия, Маньчжурия тарафтарында йәшәгән кидань исемле ғәйрәтле халыҡҡа барып тоташа.

⭕Һәр бер кидань яугирынан талап ителгән әйбер:

🔹9 предметтан торған тимер көбә (панцирь);
🔹 йүгән;
🔹 атын ҡаплар өсөн тимер йәки күн көбә;
🔹 4 йәйә;
🔹 400 уҡ;
🔹 оҙон һәм ҡыҫҡа һөңгө;
🔹 гудо (суҡмар);
🔹 балта;
🔹 алебарда;
🔹 бәләкәй әләм;
🔹 сүкеш;
🔹 беҙ;
🔹 саҡма таш;
🔹ат өсөн лаҡан;
🔹 1 доу (10,3 л) ҡоро аҙыҡ;
🔹 аҙыҡ тоғо;
🔹 ырғаҡ;
🔹 сатыр (зонт);
🔹 ат бәйләр өсөн 200 чи (64 м тирәһе) арҡан.

🔶Тарихи Башҡортостан еренә ҡатайҙар XIII быуат урталарында дөйөм ҡыпсаҡ күсеше барышында килә.

🔹Тәүҙә улар Ыҡ һәм Ағиҙел йылғалары арауығында көн итә.

Ҡатай риүәйәттәрендә ата-бабаларының Ыҡ буйындағы Иҫке йортта йәшәүҙәре, ҡатай бейе Арыптың Миңзәлә кантонында ерәнеүе хаҡында мәғлүмәттәр бар.

⭕Бөгөн ҡатайҙар Көньяҡ Уралдың урманлы-таулы зонаһында, Урта һәм Көньяҡ Урал сигендә, Ҡариҙел йылғаһы үрендә, Урал аръяғы күлдәре төбәгендә таралып йәшәй.

❓БАРМЫ БЫНДА ҠАТАЙҘАР?
❤️БАҪ

⭕Rena Rnt яңы йыр сығарған - "Өләсәй" тип атала.

Өләсәйҙе хәтерләтә торған йыр, ти ул.