📌Иртәгә, 25 июндә, Өфө ҡалаһындағы “Китап” магазинында баҫма матбуғатҡа яҙылырға мөмкин!

🔹Сарала һәр кем үҙенә һәм яҡындарына “Башҡортостан Республикаһы” нәшриәт йорто акционерҙар йәмғиәте тарафынан нәшер ителгән республика, ҡала һәм район баҫмаларына яҙыла ала.

🔹Шулай уҡ “Изге подписка” хәйриә акцияһында ҡатнашырға була. Уға ярашлы һәр кем МХО яугирҙәренең яҡындарына һәм мохтаж ғаиләләргә гәзит-журналдарҙы бүләк итеп яҙҙырыу мөмкинлегенә эйә.

🔸Бөтә квитанциялар “Яҙыл һәм бүләк от” уйынында ҡатнашасаҡ. Еңеүсе 2025 йылдың июлендә Башҡортостан юлдаш телеканалының “Сәләм” тапшырыуында тура эфирҙа билдәләнәсәк.

📍 Сара Өфө ҡалаһы, Ленин урамы, 26 адресы буйынса “Китап” магазинында иртәнге сәғәт 9-ҙан киске 6-ға тиклем үтә.

Рәхим итегеҙ!

❓Кемдәр әле ошолай салғы менән ҡолас ташлап бесән саба?

Әллә заманса "триммер" менән генә эшләйһегеҙме, йә сапҡыс менән трактор эшләгәнен (хатта төктәргә йыйып биргәнен) ситтән ҡарап ҡына тораһығыҙмы?

Хәйерле көн, барығыҙға ла! 🍀

Видео: Розалия Ҡыҙрасова.

Алмиҙеүҙәрҙең ниндәйе генә юҡ!😍

Өфө районының Нуғай ауылынан Аллағоловтар ғаиләһенең зауыҡлы кәсебе тураһында "Башҡорттар" тапшырыуы сюжетын ҡарағыҙ.

📌Миңзәлә Вәлишина Салауат районындағы "Янғантау" геопаркында дизайнер булып эшләй.

Уның милли стилдәге төйрәместәрен (брошь) һәм магниттарын туристар бик оҡшата.

"Үҙем өсөн эшләйем, ә яратҡан эшең аҡса ла килтерһә, тағы ла яҡшыраҡ",

- ти оҫтабикә.

ZAINETDIN яңы ижад иткән «Lausatin» бөтә музыкаль майҙансыҡтарҙа сыҡҡан, ти🔥

"Әле генә сығарылған трек менән уянам, кейенәм, йүгерәм",

- тип яҙған Заһир Зәйнетдинов.

📌27 июнь, йома, сәғәт киске 9-ҙа "Шүлгәнташ" музей комплексы амфитеатрында Башҡортостандың Дәүләт ҡурай ансамбле сығыш яһаясаҡ.

"Ҡурай - ул быуындарҙы бәйләр моң" тип аталған концерттан ятып ҡалмағыҙ!

✅ Инеү бушлай.

📍 Бөрйән районы, Морат туғайы.

📌Башҡортостанда быйылдан Шәйехзада Бабич исемендәге республика йәштәр премияһының күләме 500 мең һумға тиклем арттырыла.

Конкурсҡа әҙәбиәт, сәнғәт һәм архитектура әҫәрҙәрен тәҡдим ителергә мөмкин.

Ижади эш авторҙары араһынан 3 еңеүсе билдәләнә.

Документтар 1 июлгә тиклем ҡабул ителә.

Был турала БСТ сюжетында.

Бына тағы бер көн үтеп бара, төркөмдәштәр. Яҡшы кәйефтә һәм рәхмәт менән оҙатырға яҙһын 🙏

Видео: интернеттан.

📌Өфө ҡалаһы урамдарының береһенә Башҡортостандың халыҡ шағиры Рәшит Закир улы Шәкүровтың исеме бирелде.

Был Башҡортостан Республикаһы Башлығының шәхестең исемен мәңгеләштереү тураһындағы указына ярашлы эшләнде.

📍 Рәшит Шәкүр урамы Дуҫлыҡ проспектынан алып балерина Тамара Хоҙайбирҙина урамына тиклем урынлашҡан һәм 0,8 км тәшкил итә.

Тыуған ауылды һағыныуыңды баҫа торғанмы, әллә киреһенсә, был тойғоно көсәйтеп ебәрә торған видеояҙмамы был? 💔

Видео: Айгөл Йәмилева-Манапова шиғыры һәм видеоһы. Автор үҙе уҡый.

Ҡайҙан һин?

- тип һораһалар💚

Башҡортостан Дәүләт ҡурайсылар ансамбленең репетициялары бына шулай үтә 😎

Әйткәндәй, ансамбль 27 июндә "Шүлгәнташ" музей комплексы амфитеатрында сәғәт киске 9-ҙан сығыш яһаясаҡ.

ҮҘ ҺҮҘЕМ БАР

Сит илдәргә ҡыҙыҡмайым –
Үҙ илем бар,
Матур ерҙәр күп булыр ул –
Үҙ ерем бар,
Артыҡ престиж булмаһа ла
Үҙ эшем бар,
Принц түгел, ә шулай ҙа
Үҙ кешем бар.
Сит ярҙамһыҙ донъя көтәм –
Үҙ көсөм бар,
Көнләшмәйем сибәрҙәрҙән –
Үҙ төҫөм бар.
Ҡатлы һарай кәрәк түгел –
Үҙ йортом бар,
Сит бәхеткә ҡыҙыҡмайым –
Үҙ ҡотом бар.
Күмәк эҙҙәр араһында
Үҙ эҙем бар,
Кеше һүҙен ҡабатламам –
Үҙ һүҙем бар.

Мин тутыйғош түгел, минең
Үҙ һүҙем бар,
Шул үҙемде хөрмәт иткән
Мин үҙем бар!

Фирүзә АБДУЛЛИНА.
12.05.2014.

📌Башҡорт опера һәм балет театры "Алтын битлек" Рәсәй милли театраль премияһынан бер юлы 6 награда алған.

"Төбәктәр араһында иң күп награда был. Һә республика өсөн рекорд - быға тиклем беҙҙең театрҙар был тиклем күп премия яулағаны юҡ ине",

- тип яҙған сәхифәһендә Башҡортостан Башлығы Радий Хәбиров.

🎭"Ай тотолған төндә" операһы бер юлы 5 номинацияла "Алтын битлек"кә лайыҡ булған:
🔹"Иң яҡшы дирижер эше" (Валерий Платонов),
🔹 "Иң яҡшы ир-егет роле" (Василий Ефимов),
🔹 «Иң яҡшы ҡатын-ҡыҙ роле» (Любовь Буторина),
🔹 «Иң яҡшы ҡуйыусы рәссам эше. Музыкаль театр» һәм 🔹«Костюмдар буйынса рәссамдың иң яҡшы эше» (икеһендә лә – Екатерина Малинина).

🎭«Рахманинов. Ғүмергә торошло симфония» балетына "Иң яҡшы ир-егет роле. Балет" номинацияһында (Сергей Бикбулатов) премия бирелде. Әйткәндәй, апрелдә был балетты Мәскәү тамашасыһы ҡараны.

Быйыл Башҡорт ҡурсаҡ театры артисы Айрат Әхмәтшин "Театр сәнғәтен үҫтереүгә тос өлөш индергәне өсөн" тигән махсус премияға лайыҡ булғайны. Ә "Алтын битлек" премияһына быйыл республика театрҙары 17 категорияла номинацияларға тәҡдим ителгән улар араһында беренсе тапҡыр Башҡорт ҡурсаҡ театры һәм Стәрлетамаҡ рус драма театры булған.

"Был беҙҙең мәҙәниәтебеҙҙең ысын ҡаҙанышы, коллективтарыбыҙҙың юғары оҫталығын баһалау, тип иҫәпләйем. Мөнәсәбәте булған барыһын да ҡотлайым!"

- тип яҙған Радий Фәрит улы.

🌊Ғәҙелша шарлауығы - Башҡортостандағы иң бейек шарлауыҡ.

Ул 15 метрҙан ашыу бейеклектән ағып төшә.

Шарлауыҡ 1965 йылда тәбиғәт ҡомартҡыһы тип иғлан ителә һәм дәүләт тарафынан һаҡлана.


📍 Башҡортостан, Баймаҡ районы.

Видео: Салауат Юнысов.

📌Иртәгә, 28 июнь - Йәштәр көнө уңайынан Өфөлә төрлө саралар ойошторола.
Был көндә Elman, BABY Ti, Марат Яруллин и Inst Rinna кеүек йәш йондоҙҙарҙың сығыштары көтөлә.

Бөтә саралар ҙа "Бел. Ярат. Ғорурлан. Арттыр" тигән дөйөм концепцияға ҡоролған һәм баш ҡаланың төрлө райондарын берләштерәсәк.

🔹Ҡала хакимиәте хәбәр итеүенсә, бөгөн үк, 27 июндә сәғәт 16:00-дә, "Беренсе май" паркында "Йәштәр энергияһы" фестивале башлана. Бында концерт, оҫталыҡ дәрестәре, тематик майҙансыҡтар, ретро-күргәҙмә, косплей-дефиле көтә.
Шулай уҡ бөгөн Аксаков музейында киске 7-лә "Йәй хәрәкәттә" тигән бейеү кисәһе үтә.

🔹Иртәгә, 28 июндә, Якутов паркында сәғәт көндөҙгө 3-тә Совет районы әҙерләгән ҙур байрам сараһы башлана. Уның сиктәрендә музыкаль һәм ижади сығыштар, интерактив әүҙемлектәр, күңел асыу саралары ойошторола.

🔹Октябрь районының байрамы сәғәт киске 6-ла "Ҡашҡаҙан" паркындағы концерт менән башлана, бында ла оҫталыҡ дәрестәре, уйындар була һәм кино күрһәтелә.

🔹Ә бына "Дим" паркында сәғәт киске 7-лә саралар тамамлана: көндөҙ бында сығарылыш балы, буяуҙар фестивале, бейеү һәм роллер-спорт буйынса оҫталыҡ дәресе була.

Баш ҡалалағы төрлө йәштәр ойошмалары ла байрамдан ситтә ҡалмаясаҡ.

🔹Йәштәр көнөнөң төп майҙансығы - "Торатау" конгресс-холы эргәһендәге амфитеатр. Бында төшкө сәғәт 3-тән алып VR-зоналар, интерактив уйындар, блогер һәм артистар менән осрашыуҙар, косплей майҙансығы, автозвук һәм тюнинг күргәҙмәһе, фәнни слэм һәм йәштәр маркеты эшләйәсәк.

📍 Сараларға бәйле Салауат Юлаев һәйкәле тапҡырынан генерал-губернатор Перовский урамына тиклем Яр буйы урамынла транспорт хәрәкәте 27 июндең сәғәт 20:00-нән алып, 28 июндең төнгө 12-һенә тиклем сикләнә.

✅ Һауа, торошона ҡарап, саралар теҙмәһе үҙгәреүе ихтимал. Өфө хакимиәте сайтында яңылыҡтарҙы күҙәтегеҙ.