📌 Дүртөйлө ҡалаһының Н. Нәжми исемендәге Башҡорт гимназияһы уҡыусылары АгроРобот төҙөгән!

💯Был ғәжәйеп проект тураһында Рәил Әкрәмов, Ришат Ғиләжев, Байрас Килмәтов "Тамыр" телеканалы үткәргән Тасимов исемендәге "АСЫШ" проектында һөйләгән. Проект Башҡортостан Республикаһы Башлығы гранттары фонды ярҙамында тормошҡа ашырылған.

"Тасимов тураһында иҫләһәм, гел тәндәрем зымбырлап китә. 1773 йылда Санкт-Петербургта Тау училищеһы асырға батырлыҡ итер һәм шуға ирешер өсөн ниндәй фекер киңлеге, ихтыяр көсө, ныҡышмал булырға кәрәк булған! Башҡорт мәғдәнсеһе училищены асҡан һәм үҙ аҡсаһына тотҡан.

Тасимовтың өлгөһө - беҙҙең өсөн көслө мотивация. Һәм беҙ Тасимовтың ҡеүәте замандың йәш тикшеренеүселәре мейеһенә һеңеүен теләйбеҙ. Мин үҫмерҙең һәр тикшеренеү эше иғтибар һәм ихтирам талап итә тип иҫәпләйем. Балаларҙың асышҡа ынтылышы - бөтә нәмәнең үҫешенә этәргес",

- тип яҙған сәхифәһендә" Тамыр" балалар һәм үҫмерҙәр телеканалы директоры Гөлназ Ҡолһарина.

✅ Гөлназ Фәрит ҡыҙы тап ошо ниәттәр менән Тасимов исемендәге "Асыш" проектының беренсе сезонын Башҡортостан Республикаһы Башлығы гранттары фонды ярҙамында үткәреүҙәрен билдәләгән.

Медиаконкурс һәм Йәш тикшеренеүселәр форумында балалар ҙа, компетентлы баһалама ағзалары ла ихлас ҡатнашҡан. Йәш тикшеренеүселәрҙең эштәрен оло ғалимдар Рәсих Хәмитов, Фирзинат Дәүләтов, йәш быуындан Ренат Кәримов, Вадим Харисрв, Марс Ғәләүетдинов, тележурналистар Наил Юнысов, Адель Һөнәрғолова баһалаған.

✅ Проекттың 5 номинацияһы буйынса еңеүселәр тураһында фильмдар төшөрөлә.

✅ Бынан тыш, 5 күренекле ғалим тураһында фильмдар төшөрөлгән: беренсе нефтсе ҡатын-ҡыҙ Мәғрифә Мәүлитова, БАССР-ҙың беренсе һаулыҡ һаҡлау халыҡ комиссары Ғүмәр Ҡыуатов, беренсе совет ЭВМ-дары "Стрела", "Урал-1" эшләүсе Бәшир Рәмиев, электрлаштырыу өлкәһендәге ғалим Юлай Байрамғолов, селекционер Сабирйән Ҡунаҡбаев.
Сценарий авторы Гөлфиә Раянова, режиссер Адель Һөнәрғолова.

ТАМЫР балалар һәм үҫмерҙәр телеканалы коллективына рәхмәт әйтәбеҙ һәм йәш быуынға ҡанат ҡуйырлыҡ яңы проекттарын көтөп ҡалабыҙ! 💟

Төшкө сәйҙәрегеҙ тәмле булһын!❤️

"Йатаған" төркөмө етәксеһе Илдар Шакиров менән бергә самауыр сәйе "эсегеҙ" 😉

📌 26 июлдә Белорет районы Ноҡат ауылында БР "Ирҙәр ҡоро" йәмәғәт ойошмаһы йүкә ағасынан батман эшләү буйынса сара ойоштора.

✅ Атай менән ул икәүләшеп батман әҙерләргә тейеш.
Был халыҡ кәсебен йәш быуынға өйрәтеү, быуындар араһын нығытыу маҡсатында.

‼️Ҡатнашыусыларға үҙҙәре менән түбәндәге эш ҡоралдарын алырға кәрәк:
балта, сүкеш, ҡасау (стамеска), ҡул йәки электр йышҡыһы (рубанок), электр дреле йәки шөрөп борғос, электр лобзигы, бырау (сверло перовое), электр дреле өсөн түңәрәк шымартыу наждагы, бысаҡ, ҡул фрезерлау станогы, ҡыҫҡыс (струбцина), циркуль, ҡәләм, эш кейеме, күҙлек һәм бирсәткә.

Ҡатнашыр өсөн алдан теркәлеү үтеү мөһим, урындар сикле.

Ҡатнашыусылар сәғәт иртәнге 9-ға килә, 11-ҙә асыу тантанаһы була. Шулай уҡ төрлө ҡул эштәре мең һатыу итеү ойошторола.

✅ Барлыҡ һорауҙар буйынса ойоштороусыларҙың береһе Азамат Заһитуллинға мөрәжәғәт итергә була (вацап): 8 962 530 66 74

🔰Был көндәрҙә Йылайыр районында "Аҫылташ" йәштәр форумы үтә.

🔹Уны быйыл "Za единство - Za берҙәмлек" форумы сиктәрендә ойошторалар.

🔹Матур башҡорт йәштәре йыйылған форумға. Улар өсөн Лидерлыҡ оҫтаханаһы, Мәҙәниәт оҫтаханаһы, Медиа оҫтаханаһы тигән йүнәлештәрҙә файҙалы һәм фәһемле осрашыуҙар, лекциялар әҙерләнгән. Уңыш ҡаҙанған шәхестәр йәштәр менән күҙгә күҙ ҡарашып һөйләшә.

🔹Шулай уҡ киске программа ла бик матур төҙөлгән. Йәштәр ятлатып тыңлаған йырсыларыбыҙ сығыш яһаясаҡ.

📍Видеола киске ял минутынан күренеш. Интернеттан.

Эш көнө аҙағында моңло пауза ⏸️

Видео: интернеттан.

Изге йома мөбәрәк булһын!🌙

🔹Учалы ҡалаһынан Лүзә, Зәкиә, Сәкинә апайҙар, тип яҙған видео авторы, билдәле тележурналист Морат Лоҡманов.

"Урал васыяты"н ишеттегеҙме әле, дуҫтар?

Ис киткес мәғәнәле йыр яҙған, һоҡланырлыҡ клип төшөргән AY YOLA төркөмө!

📌 Бүре һуғыу - гуманлы һунар төрө.

Баймаҡ районында бөгөн дә был ысул менән һунар итеүселәр бар.

🐺Бүре һуғыу йолаһы Башҡортостан Республикаһы халыҡтарының материаль булмаған этномәҙәни байлығы исемлегенә индерелгән.

🔹Бүрене һуйыл менән шаңҡытып һуғып алғандар. Был үлтереү өсөн түгел, ә ауылға яҡынлау һәм малды тәләфләүҙән биҙҙереү маҡсатында эшләнгән.

🔹Тотолған бүрене бер нисә ай кәртәлә ҡурҡытып тотҡандар.

🔹Шунан кире иреккә ебәргәндәр. Ҡолағына инәү һалғандар.

Республика халыҡ ижады үҙәге йыйнаған видеоны иғтибарығыҙға тәҡдим итәбеҙ.

"Сто лет тому назад тогдашний горный мир
Приятно изумил безграмотный башкир",

- тип яҙа Пётр Алексеев, Санкт-Петербург тау университетының 100 йыллығына арналған шиғырында.

❓Исмәғил Тасимов наҙан була алғанмы?

💯Был турала тарих фәндәре докторы, профессор Нәзир Мырҙабай улы Ҡолбахтин һөйләй.

Эй, дәртле бейей ҙә һуң был баймаҡтар!🔥

Динислам Исҡужин улдары Салауат һәм Юлай менән өҙҙөрә баҫа!

❓Ялдарға ниндәй пландарығыҙ бар?

Ғаиләгеҙ менән республикабыҙҙың иң матур райондарының береһе - Бөрйән районын барып күрергә тәҡдим итәбеҙ.


📍 Бөрйән районында нимәләр бар?

🔹Шүлгәнташ мәмерйәһе
🔹"Шүлгәнташ" тарихи-мәҙәни музей-ҡурсаулығы
🔹Аҡбуҙатҡа һәйкәл
🔹Иҫ киткес хозур тәбиғәт (Инсебикәташҡа менеп төшөргә мөмкин)
🔹 Ағиҙел булап һалда ағырға була.

💯Бәлки, арабыҙҙа бөрйәндәр йәки сәйәхәтселәр барҙыр һәм беҙгә был исемлекте тулыландырырға ярҙам итерҙәр. 😉

Хәйерле ауыл иртәһе! 🥰

📍 Белорет районы, Йөйәк ауылы.

Видео: Азалия Исҡаҡова.

📌 Аҙналы, Юлай һәм Салауат нәҫеле шәжәрәһе тиелгән.

Аҙналы нәҫел ебе дөрөҫ булыуын 1795, 1816 йылғы ревиз яҙмалары һәм хатта ДНК-тест ярҙамында раҫланған.