📌 Август - абитуриенттар өсөн иң тулҡынландырғыс мәл.
Башҡортостандың юғары уҡыу йорттарына быйыл 206 584 кеше ғариза биргән, ти. Былтырғыға ҡарағанда дүрттән бер өлөшкә күберәк булып сыҡҡан.

🔹Әле республика вуздары уҡырға ҡабул итеү тураһында тәүге приказдарҙы баҫып сығара башлаған. Бөгөнгө көнгә ҡарата мәғлүмәттәргә ярашлы, 10,6 мең кеше беренсе курсҡа уҡырға алынған, бөтәһе 15 523 бюджет урыны бар.

🔹Махсус хәрби операцияла ҡатнашыусыларға һәм уларҙың балаларына айырым иғтибар бүленә: 69 яугир һәм 545 бала уҡырға ингән.

"Был беҙҙең өсөн бик мөһим күрһәткес - Өфөнөң юғары уҡыу йорттары йәштәребеҙ ҡарашында ылыҡтырғысыраҡ була бара. Уларҙа уҡыу - престижлы.

Быны вуздарҙың етәкселеге һәм коллективы, республиканың идарасы командаһы, алдынғы предприятиеларыбыҙ күп көс һалған ҙур системалы эштең һөҙөмтәһе тип иҫәпләйем. Башҡортостандың дүрт вузы "Приоритет 2030" стратегик академия лидерлығы программаһында ҡатнаша. "Йәштәр һәм балалар" милли проекты буйынса илдәге иң яҡшы кампустарҙың береһен төҙөүҙе дауам итәбеҙ. Былар барыһы ла һәм башҡа бик күп нәмәләр - йәштәребеҙ үҙебеҙҙә ҡалып белем алһын, башҡа төбәктәрҙән талантлы йәштәр беҙгә килһен өсөн эшләнә",

- тип яҙған сәхифәһендә Башҡортостан Республикаһы Башлығы Радий Хәбиров.

💯Ул шулай уҡ уҡырға ҡабул ителеү тураһында хәбәр көткәндәргә уңыштар, студенттарға яҡшы уҡыу йылы теләгән. Беҙ ҙә был һүҙҙәргә ҡушылабыҙ һәм йәштәребеҙгә маҡсаттарына ирешеүҙәрен, оҡшаған һөнәр буйынса кәрәкле юғары уҡыу йортона инеп, киләсәктә республикабыҙ һәм халҡыбыҙ мәнфәғәтенә хеҙмәт итер белгестәр булыуҙарын теләйбеҙ! 😇

📌 Бөгөн Донъя ерле халыҡтарының халыҡ-ара көнө билдәләнә.

Был иҫтәлекле датаны 1994 йылда Берләшкән Милләттәр Ойошмаһы булдырған.

📚Ҡыҙыҡлы мәғлүмәт:

🔹Донъяла ерле халыҡтар иҫәбенә ингән 476 миллион кеше 90 илдә йәшәй;

🔹Рәсәйҙә 100-гә яҡын ерле халыҡ йәшәй;

🔹2021 йылғы халыҡ иҫәбен алыу мәғлүмәттәренә ярашлы, илебеҙҙә иң күп һанлы халыҡтар алтау: урыҫ, татар, чечен, башҡорт, сыуаш, авар;

🔹Башҡорттар һәм татарҙар бик күптән миллиондан ашыу, ә бына аварҙар был күрһәткес буйынса исемлеккә яңыраҡ ингән;

🔹Рәсәйҙә ерле аҙ һанлы халыҡтар исемлегендә 52 этнос бар;

🔹Рәсәйҙә иң аҙ һанлы халыҡтар 2: Красноярск крайының Турухан районында йәшәүсе югтар - 7 кеше, һәм Ҡырым менән Төньяҡ Аҙау буйында йәшәүсе грек-урумдар - 12 кеше.

Фото: Людмила Камнева.