📆 2 лістапада 1909 нарадзіўся Максім Лужанін — паэт, празаік, кінадраматург, перакладчык.

✍️ Друкуецца з 1925. Яго вершы прасякнуты эмацыйна-рамантычным успрыняццем рэчаіснасці. Піша прозу, сцэнарыі да фільмаў («Паўлінка», «Народны паэт», «Першыя выпрабаванні»... 🎬

Арыштаваны ў 1933 годзе, на 2 гады сасланы ў лагер у Кемераўскай вобласці. Рэабілітаваны толькі ў 1956 годзе 😢

Пераклаў на беларускую мову асобныя творы Грыбаедава, Гогаля, Маякоўскага, Міцкевіча, Сыракомлі 📚

✍️ Выраз дня: To Sleep Like a Log - спаць як палена

📖 Беларускія адпаведнікі:
- СПІЦЬ, ХОЦЬ ЗУБЫ ВЫБЕРЫ
- СПІЦЬ, ЯК ЗАБІТЫ
- СПІЦЬ, ЯК МАКУ НАЕЎШЫСЯ
(Крыніца: З.Санько, "Малы руска-беларускі слоўнік прыказак, прымавак і фразем")

- СПІЦЬ КАМЕННЫМ СНОМ
- СПІЦЬ ЯК ВАЛОЎ ПРАДАЎШЫ (Шчучынскі р-н)
- СПІЦЬ ЯК ПШАНІЦУ ПРАДАЎШЫ (Асіповіцкі раён)

Калі ласка, пакідайце свае прыклады ў каментарах. Таксама вы можаце прапанаваць вашыя любімыя выразы на ангельскай ці беларускай - будзем спрабаваць шукаць адпаведнікі разам 🤗

#устойлівыявыразы

3 лістапада 1882 года нарадзіўся Якуб Колас — паэт, празаік, драматург, перакладчык.

Складана дадаць нешта да ўжо сказанага пра гэтага вялікага чалавека. Колас вядомы сваімі эпічнымі творамі, якія па праве сталі класікай беларускай літаратуры. Яго творы напоўнены шчырай любоўю да роднай прыроды, беларускай мовы і культуры. Яго творчасць глыбока звязана з роднай зямлёй, народам і яго лёсам. Ён пранікнёна апісваў жыццё і побыт простых беларусаў, іх радасці і цяжкасці.

Рэпрэсіі ў БССР 30-х гадоў, забойствы калег, сяброў і сваякоў, сталая пагроза ўласнаму жыццю, адмоўна адбіліся на псіхалагічным стане Якуба Коласа і на яго творчасці. у гэты час пісьменнік фактычна быў закладнікам і вымушаны быў адпавядаць ідэалагічным патрабаванням.

Якуб Колас перакладаў з польскай, ўкраінскай, рускай, іншых моў (Лермантава, Міцкевіча, Шаўчэнкі, Тычыны, Рабіндраната Тагора, інш.).

🍁 8-10 лістапада ў Катавіцах адбудзецца Кніжны кірмаш, удзел у якім прымуць беларускія пісьменнікі і пісьменніцы, а таксама выдавецтвы.

пятніца, 8 лістапада
✔️16.00-16.50, Forum A
Размова з Андрэем Хадановічам пра кнігу "Дзікае паляванне караля Стаха. Вершы да оперы” (Gutenberg Publisher).

✔️17.00-17.50, стэнд “Вольная Беларусь” (№58)
Прэзентацыя кнігі "Чалавек шматпавярховы" Чэслава Мілаша па-беларуску (Gutenberg Publisher)

субота, 9 лістапада
✔️17.00-17.50, Forum A
“Па што ідеш, воўча?”. Размова Яаны Бэрнатовіч пра польскае выданне кнігі з аўтаркай Святланай Курс (Евай Вежнавец).

📍Адрас: Międzynarodowe Centrum Kongresowe w Katowicach (plac Sławika i Antalla 1)
Час працы: пт 8.11 — 11:00-19:00, сб 9.11 — 10:00-19:00, ндз 10.11 — 10:00-17:00.

📚 На стэндзе можна будзе набыць кнігі выдавецтваў “Gutenberg Publisher”, “Мяне няма”, “Вясна”, “Янушкевіч”, “SkarynaPress”, “Słowianka”, Фонду Kamunikat і інш.

🤝Арганізатар беларускага стэнду — Інстытут беларускай кнігі.

Квіткі на кірмаш 👈

А вы ведалі, што ў будзе ў Вільні? 🥰
Ініцыятыва Let’s Wiki пры падтрымцы Science at Risk запрашае на варкшоп па працы з Вікіпэ(е)дыяй “Кнігі і кніжны сьвет у Вікіпэдыі”.
📍 Мы будзем ствараць, перакладаць і дапаўняць артыкулы пра кнігі і іх гісторыю, пра стваральнікаў, сюжэты і персанажы самых важных і нашых самых любімых кнігаў, а таксама падзеі, якія ня здарыліся б бяз кнігаў.
💡 Прыходзьце, нават калі вы яшчэ толькі думаеце над тым, як пачаць працу над артыкуламі Вікіпэдыі, наш эксперт, Ігар Іваноў — бібліятэкар і выдавец, які рэдагуе і Вікіпедыю, і Вікіпэдыю, а таксама напаўняе сумежныя праекты — Вікісховішча, Вікіцытатнік і Віківандроўкі, ўсё растлумачыць, пакажа і раскажа.
📅 Запрашаем 7 лістапада а 18:30 у Віленскі беларускі музей імя Івана Луцкевіча (Вільня, вул. Віленская, 20) ці анлайн. Рэгістрацыя - па спасылцы.

✍️ Выраз дня: Be Snowed Under – калі нечакана з'явілася шмат працы (якую вы абавязкова адолеце 🤗)

📖 Беларускія адпаведнікі:
- ЧОРНЫ ВОЛ НАСТУПІЎ НА НАГУ
(Крыніца: "Фёдар Янкоўскі. Беларуская фразеалогія")

Калі ласка, пакідайце свае прыклады ў каментарах. Таксама вы можаце прапанаваць вашыя любімыя выразы на ангельскай ці беларускай - будзем спрабаваць шукаць адпаведнікі разам 🤗

#устойлівыявыразы

📆 7 лістапада 1896 нарадзіўся Міхась Чарот — паэт, драматург, празаік, рэдактар, грамадскі дзеяч.

Пісаць пачаў у трынаццацігадовым узросце. У 1922 выдаў першы зборнік твораў 📚

✍️ Да 30-х гадоў творчасць была напоўнена патрыятычным гучаннем. У вершы «Ахвярую беларускаму хору Тэраўскага» паэт заклікаў да абуджэння краю, духоўнага і гістарычнага адраджэння. У вершы «На шляху адраджэння» спрабаваў зазірнуць у будучыню і прадказваў цяжкі шлях і вялікія ахвяры. Кампазітар У.Тэраўскі, пазней - А.Туранкоў стварылі на тэкст п’есы «На Купалле» оперу «Кветка шчасця» 🌹

Арыштаваны ў 1937 годзе. Расстраляны ў ноч з 29 на 30 кастрычніка 1937 года 🥀

📆 9 лістапада 1908 нарадзіўся Міхась Багун — паэт, празаік, перакладчык.

📖 Пачаў друкавацца ў 1925 годзе. Некаторыя яго вершы, пакладзеныя на музыку, увайшлі ў фальклорныя запісы, лічыліся народнымі. 🥰

📚 Пераклаў на беларускую мову «Як гартавалася сталь», «Ваколіцы», «Брускі», вершы Пушкіна, Маякоўскага, Багрыцкага і інш.

Арыштаваны ў 1936 годзе, прыгавораны да 8 гадоў пазбаўлення волі. Памёр у перасылцы 😢

📆 Учора, 8 лістапада 1883 года нарадзіўся Вацлаў Ластоўскі — беларускі грамадскі і палітычны дзеяч, пісьменнік, літаратуразнавец, этнограф 🏞

Друкаваўся з 1909. Аўтар фантастычнай аповесці «Лабірынты». Апрацоўваў гістарычныя легенды. Аўтар «Беларускай Гісторыі».

Вацлаў Ластоўскі быў аўтарам-складальнікам шэрага «чытанак» для дзяцей. На думку гісторыка Алега Ліцкевіча, яны былі яго ўласнымі творамі, сюды адносіцца і вядомая песня пра бітву пад Оршай («Слава Воршы ўжо не горша…») 💪😎

Перакладаў з рускай, англійскай, польскай, дацкай і іншых моў 📚

Арыштаваны ў 1930, высланы на 5 гадоў у Саратаў. Паўторна арыштаваны ў 1937, расстраляны ў 1938 😢

✍️ Выраз дня: (be) In The Red – анічога не мець, знаходзіцца ў даўгах, калі выдаткі перавышаюць даходы

📖 Беларускія адпаведнікі:
- НІ ВАЛА НІ КАЛА
(Крыніца: "Фёдар Янкоўскі. Беларуская фразеалогія")

Калі ласка, пакідайце свае прыклады ў каментарах. Таксама вы можаце прапанаваць вашыя любімыя выразы на ангельскай ці беларускай - будзем спрабаваць шукаць адпаведнікі разам 🤗

#устойлівыявыразы

#цытаты
#Алесь_Бяляцкі

📆 12 лістапада 1823 нарадзіўся Павел Міхайлавіч Шпілеўскі — этнограф, фалькларыст, публіцыст, пісьменнік і перакладчык

📖 Літаратурную дзейнасць пачаў у 1846 годзе. Вывучаў гісторыю, побыт, вусную народную творчасць і мову беларусаў. Апублікаваў шмат этнаграфічных артыкулаў («Беларускія народныя паданні», «Народныя прыказкі з тлумачэннем паходжання і значэння іх», «Даследаванне пра ваўкалакаў: На падставе беларускіх павер’яў» і інш.). Некаторыя творы мелі аўтабіяграфічны характар 📚

Захаваўся рукапіс, дзе Шпілеўскі спрабаваў стварыць слоўнік і граматыку беларускай мовы ✍️

Творы Шпілеўскага, прысвечаныя Беларусі, сцвярджалі нацыянальную самабытнасць беларусаў, садзейнічалі фарміраванню нацыянальнай культуры і літаратуры 🤗

Фрагмент “Па што ідзеш, воўча?” надрукавалі ў літоўскім часопісе 📗

У адзінаццатым нумары літоўскага літаратурнага часопіса “Metai” выйшаў фрагмент аповесці Евы Вежнавец “Па што ідзеш, воўча?” (Ko ieškai, vilke?) у перакладзе на літоўскую мову Юргіты Яспаніце (Jurgita Jasponytė).

Падрабязней ⬅️

✍️ Выраз дня: Take a Rain Check – не тарапіцца, адкласці справы на потым

📖 Беларускія адпаведнікі:
- ДОЖДЖ ЗА КАЎНЕР НЕ КАПАЕ
(Крыніца: Алесь Зайка, "Фразеалагічны слоўнік Косаўшчыны")

Калі ласка, пакідайце свае прыклады ў каментарах. Таксама вы можаце прапанаваць вашыя любімыя выразы на ангельскай ці беларускай - будзем спрабаваць шукаць адпаведнікі разам 🤗

#устойлівыявыразы

14 лістапада нарадзіўся Янка Золак — паэт, журналіст, перакладчык, грамадскі дзеяч.

Заснаваў Беларускае культурна-мастацкае і навуковае таварыства. Адзін з заснавальнікаў і ў 1960—1983 гадах галоўны рэдактар часопіса «Беларуская думка».

Пачынаў сваю паэтычную дзейнасць на радзіме. У Амерыцы ім напісана вялікая колькасць вершаў. Акрамя вершаў пісаў апавяданні, аповесці. Аўтар успамінаў «Мая сустрэча з Якубам Коласам у 30-я гады», крытычных артыкулаў, даследавання «На 500-годдзе з дня нараджэння Міколы Гусоўскага».

Цяжка ўтрымаць гэты свет на плячах – нават волатам.
Тут хоць маленькі свой лёс паспрабуй данясі…
Верасень б’е капытком і бясконцае золата
Сыпле на вуліцы... Хопіць нарэшце на ўсіх!
Хопіць на кожнага гэтае крохкасці горкае…
Памяць сціскае ў кішэні каштан-маячок.
Вецер нябачны спагадліва золатам шорхае,
Верасень – цёплы алень – ліжа соль з маіх шчок.

Наста Кудасава
#паэзія