Shu yoki keyingi hafta oxirida kanalda audiochat o'tkazib ko'rmoqchiman. 1 yoki 2 ta mutaxassislar bilan, live podcast sifatida. Talk/discussion qaysi mavzuda bo'lishini xohlaysiz? Faqat sohaga oid, chuqurroq texnologik mavzuda. Shunga qarab ustozlarni ham chaqiramiz ))

Innovatsiyalar

Olamshumul kashfiyotlarni deyarli hamma yoqtiradi. Lekin aslida juda ko'plab bunday katta kashfiyotlar shunchaki muvaffaqqiyatsizlikka uchraydi va bu haqida hech kim gapirmaydi. Undan ham yomoni, katta kashfiyotlar boshqalarga keragidan ortiqcha motivatsiya beradi va natijada shoshqaloqlik va ehtiyotsizlik boshlanib, muvaffaqqiyatsizlik ehtimolini yanada oshiradi.

Masalan, Elon Musk butun boshli 2 ta industriyani butunday yangi darajaga olib chiqdi. Lekin shuning ortidan entrepreneurlar ko'proq risk qilishni boshladi va o'zini hamma sohada aqlli deb hisoblaydigan puldor qatlam paydo bo'ldi. Natijalarni ham ko'rishni boshladik...

Yozda okean tubida halokatga uchragan OceanGate esingizdami? Halokatga asosiy sabab kapsula dizayni va ishlab chiqarishdagi defektlar ekani aytilgan. Eng qizig'i, bunday muammo chiqishi mumkinligini halokatdan oldin ham bilishgan. Lekin uzoq va jiddiy testlar o'tkazilmagan. Masalan, kompozit materiallardagi defektlarni aniqlash uchun odatdagi, uzoq vaqt va resurs oladigan testlar o'rniga qisqa vaqt davom etadigan akkustik (ovoz yordamida) test o'tkazilgan. Akkustik test quloqqa aqlli eshitilsa ham, hali yangi va rivojlanmagan usul ekanini ko'pchilik mutaxassislar aytishgan. Bunga javoban esa (halokatdan keyin) kompaniya "Innovatsiyalarni oddiy g'oyalardek batafsil tekshirishga vaqt va hojat yo'qligi", "rivojlanish uchun doim risk olish kerakligi" ni bildirgan. Hatto Space X, Blue Origin kabi kompaniyalar shunday qilgani eslab o'tilgan. Natija esa hammaga ma'lum. Va bu birinchi va oxirgisi emas...

P.S.1. Ha aytgancha, Chernobil fojeasiga ham shoshqaloqlik, e'tiborsizlik va balandparvoz gaplar sabab bo'lgan.

P.S.2. Men innovatsiyaga qarshi emasman. Shunchaki ehtiyotkorlik tarafdoriman va shoshqaloqlikning "narxi" qimmat turishini eslatib qo'ymoqchiman. Steve Jobs yoki Elon Muskning kitobini o'qiganlarning hammasi ham innovator bo'lib ketayotgani yo'q. Bu bilim, tajriba, vaqt va omad ham talab qiladi. Muhimi shoshilmang, dunyoni 1-2 kun kechroq o'zgartira qoling ))

Real voqealarga asoslangan

Click ishlayaptimi?

DNS bilan bog'liq muammo bor ekan, confirmed.

Shu sababli ham Westminsterda o'qiyotganimda INHAda o'qiyotgan o'rtoqlarimga havas qilardim.

Chunki web, mobile, va boshqa high-level texnologiyalarni o'zingiz o'rganib olsangiz bo'ladi. Fundamental Computer Science mavzularini esa professorlar bilan o'rganish osonroq va qiziqarliroq (albatta yaxshi professor bo'lsa).

Shuning uchun ham universitetni bitirganimdan keyin 2-3ta yaqin dasturchi o'rtoqlar bilan shu fundamental bilimlarni top universitetlarda yozib olingan CS darslaridan o'rganishni davom ettirganmiz.

Sizga ham shunday kurslar qiziq bo'lsa, Awesome CS Courses github reposini foydalanishni maslahat beraman.

Category theorydan functional programmingga kirib kelgan idealarni original kontekstda o'rganish sohadagi "pitfall"larga tushib qolishdan saqlaydi va to'g'ri yo'nalishda fikrlashga yordam beradi deb o'ylayman. Masalan, "funksiya kodni duplicate qilmaslik uchun ishlatiladi" degan keng tarqalgan fikr paydo bo'lishiga sabab ham konseptni noto'g'ri kontekstda o'rganish. Natija? Functional programmingni procedural programmingdan ajrata olmaydigan avlod va ular keyingi avlodga ham shunday deb o'rgatishda davom etayapti.

Well, of course I know him. He's me.

Bugun birinchi marta ish uchun ChatGPT ishlatib ko'rdim. Ish effektivligini anchagina oshirar ekan. Hozircha yangi narsa o'rganish uchun emas, linux, docker, postgresql va hokazolarga "cheatsheet" sifatida ishlatayapman. Menimcha shunisi yaxshiroq.

Mehmon chaqirmoqchi edim, o'zim chaqiriladigan bo'ldim. Talk database internals'ga endi qiziqishni boshlaganlar uchun foydali bo'ladi deb umid qilaman.

P.S. Anaqqisa, posterni share qilsanglar xursand bo'lardik.

Martin Görnerdan ML bo'yicha ko'p qiziqtirgan savollarimga javob oldim.

10 minutda boshlaymiz

Qaysi dasturlash tilidan boshlay deb so'raganingda

P.S. Rasmlarni ruxsatsiz ishlatdim, rozi bo'lasizlar.

Tanlov 2023 - 💰 5 million so'mlik yutuq

Python dasturlash tilidan O'zbek tilidagi savollar tanlovi: savol tuzing va bizga jo'nating.
⏰ 2023-yilning 1-dekabridan 2023-yilning 21-dekabrigacha savollar qabul qilinadi.

Bugungi advent of code masalasini hozirgina ko'rdim. Lagrange polynomial interpolation bilan bruteforce* qilib yubordim ))

*Umuman olganda, bu bruteforce emas. Lekin bosh og'rig'ini kamaytirish uchun bezbetlarcha berilgan qo'pol yechim.

NEERCga borayotganlar bormi? ))

Ko'pchilik President Tech Award "OpenBudget 2" bo'lib ketgani haqida yozayapti. Ochig'ini aytsam, xuddi shunday bo'lishini kutgandim. Sababi, bizda oddiy aholining katta qismi ovoz berishni hali ham mustaqil tanlov emas, shunchaki kimnidir "podderjka" qilish sifatida qabul qiladi. Do'stini, qarindoshini, ustozini yoki shunchaki biror narsa evaziga. Katta gapirayotgan bo'lsam uzr, lekin menimcha shu ovoz berganlarning katta qismi loyiha qolganlaridan yaxshiroq bo'lgani uchun emas, shunchaki kimdir so'ragani uchun ovoz bergan (ehtimol, qolgan variantlarga umuman qiziqib ham ko'rmagan).

Unda hakamlar g'olibni aniqlashi yaxshiroq variantmi? Balki. Agar hakamlar rostdan ham xolis bo'lsa va sohani yaxshi tushunsa. Sohaga tushunmaydigan qaysidir katta tashkilot rahbarini hakam qilib qo'yish ham foyda bermaydi (yoki "kimgadir" foyda beradi).

Qisqasi, hozircha bu tanlovning men ko'rgan yagona yaxshi tomoni, loyihani ommaga ko'rsatish va ehtimol, yaxshi investor topish imkoniyati. Yutish uchun esa hozircha yaxshi loyihaning o'zi kamlik qiladi.