🔺Դեսպան Նարեկ Մկրտչյանը Սպիտակ տանը հանդիպում է ունեցել ԱՄՆ նախագահ Դոնալդ Թրամփի հետ:

Դեսպանների համար կազմակերպված միջոցառման շրջանակներում կայացած հանդիպման ժամանակ Մկրտչյանը շնորհակալություն է հայտնել Թրամփին՝ Հայաստանի և Ադրբեջանի միջև խաղաղության հաստատման ուղղությամբ ցուցաբերած հետևողական ջանքերի համար։

Թրամփը Փաշինյանին է փոխանցել անձնական մակագրությամբ նվեր՝ ի նշան բարձր գնահատանքի։

🚩«Սիսական» ջոկատի լեգենդար հրամանատար Աշոտ Երկաթը տեղափոխվեց Վարդաշեն ՔԿՀ

Քիչ առաջ Սիսիանի ոստիկանության բաժնից «Վարդաշեն» քրեակատարողական հիմնարկ տեղափոխվեց «Սիսական» ջոկատի լեգենդար հրամանատար Աշոտ Մինասյանը:

Հայտնում է ԱԺ պատգամավոր Գառնիկ Դանիելյանը․ «Հրամանատարի պարագայում սա առաջին քաղաքական հալածանքը չէ: Գաղտնիք չէ, որ այս իշխանությունների օրոք չեն հանդուրժվում հայրենասերները՝ զանազան շինծու մեղադրանքներով հայտնվելով բանտերում:

Աշոտ Մինասյանի հետ զրուցելիս անմիջապես զգացվում է, թե որքան ցավ է ապրում Արցախի կորստի համար: Եվ հիմա փորձում են ինչ-որ ապօրինի զենքի մեղադրանքով արցախյան պատերազմի մեջ անուրանալի ներդրում ունեցած, «Երկաթ» անվանումը ստացած հրամանատարին զրկել ազատությունից:

«Սիսական» ջոկատի հրամանատարն այն բացառիկ սիրված կերպարներից է, որի հերոսականության մասին նկարահանվել են ֆիլմեր, գրվել երգեր:

Հրամանատարն ինքն էլ գրում է բանաստեղծություններ:

Ինչպես ինքն է սիրում ասել. «մենք կոտրվող չենք, սյունեցին՝ առավել ևս…»:

Ազատությու՛ն լեգենդար հրամանատարին, ազատությու՛ն քաղբանտարկյալներին»։

🚩Լիբիայի գլխավոր շտաբի պետին տեղափոխող ինքնաթիռը կործանվել է

Անկարայից մեկնող ինքնաթիռն անհետացել է ռադարներից։

Reuters-ը հաղորդում է, որ ինքնաթիռում է Լիբիայի բանակի շտաբի պետը։

Haberturk-ի տվյալներով՝ միջադեպի պատճառով Անկարայի օդային տարածքը փակվել է թռիչքների համար։

Թուրքական իշխանությունները հաստատել են, որ Լիբիայի գլխավոր շտաբի պետին տեղափոխող ինքնաթիռը կործանվել է, փրկարարները հայտնաբերել են կործանված ինքնաթիռի բեկորները։

Հայտնի է, որ կործանված օդանավում է եղել 5 մարդ, այդ թվում՝ Լիբիայի գլխավոր շտաբի պետ, գեներալ Մուհամեդ Ալի Ալ-Հադդադը։

Լիբիայի գլխավոր շտաբի պետ, գեներալ-գնդապետն այսօր Անկարայում էր գտնվում թուրք գործընկեր, գեներալ-գնդապետ Սելչուկ Բայրաքթարօղլուի պաշտոնական հրավերով: Նա հանդիպել է նաև Թուրքիայի պաշտպանության նախարար Յաշար Գյուլերի հետ:

🚩Ադրբեջանի միջոցով Հայաստան հացահատիկի մատակարարումներից բացի, Ռուսաստանը քննարկում է պարարտանյութեր մատակարարելու հնարավորությունը։ Ուսումնասիրվում է նաև հետադարձ բեռնափոխադրումներ ապահովելու հնարավորությունը, ասել է Ռուսաստանի փոխվարչապետ Ալեքսեյ Օվերչուկը։

«Կարևոր իրադարձություն տեղի ունեցավ. ռուսական հացահատիկ տեղափոխող առաջին գնացքը անցավ Ադրբեջանի և Վրաստանի միջով դեպի Հայաստան։ Այսինքն՝ ավելի քան 30 տարվա ընթացքում առաջին անգամ և՛ Հայաստանի, և՛ Ադրբեջանի անկախության գոյության սկզբից ի վեր առաջին անգամ հացահատիկ տեղափոխող առաջին գնացքն անցավ... Այնուհետև անցավ ղազախական հացահատիկը։ Մենք նաև քննարկում ենք այս գիծը այլ տեսակի բեռներով, օրինակ՝ պարարտանյութերով բեռնելու հնարավորությունը», - ասել է Օվերչուկը։

Նա նաև նշել է, որ վերջերս Ադրբեջանից Հայաստան է ժամանել նավթամթերք տեղափոխող գնացք։ Մոսկվան և Երևանը քննարկում են նաև հակառակ ուղղությամբ բեռներ ուղարկելու հնարավորությունը.
«Մենք նաև խոսում ենք Հայաստանից Ռուսաստան Ադրբեջանի միջով մինչև հակադարձ բեռնափոխադրումների ապահովման մասին»։

🚩Ալիևը մի կողմից ցուցադրաբար ընդգծում է Բաքվի՝ իբր խաղաղության գործընթացի նախաձեռնող լինելը, իսկ մյուս կողմից խոսում է «Խոջալուի զոհերի, անմեղ նահատակների և օկուպացիայի» մասին չմոռանալու անհրաժեշտությունից:

«Այժմ Հայաստանի և Ադրբեջանի միջև խաղաղության գործընթաց է ընթանում, և այս գործընթացի նախաձեռնողները մենք ենք։ Բոլորը գիտեն և պետք է իմանան սա։ Առաջին առաջարկը մենք ենք արել, և մենք խաղաղության պայմանագրի տեքստի և դրա բոլոր դրույթների հեղինակներն ենք»։

Ալիևն այս մասին ասել է օկուպացված Ակնա (Աղդամ) քաղաքում «վերաբնակեցված բնակիչների հետ» հանդիպման ժամանակ։

«Ինչպե՞ս կարող ենք մոռանալ օկուպացիան։ Ինչպե՞ս կարող ենք մոռանալ մեր նահատակներին։ Ինչպե՞ս կարող ենք մոռանալ Խոջալուի զոհերին, այլ անմեղ մարդկանց մահը։ Մենք երբեք չենք կարող և երբեք չպետք է մոռանանք սա», - ընդգծել է պետության ղեկավարը։

🔺Պետությունը հայտնվում է արտաքին ազդեցության ներքո, երբ կորցնում է ուժային հավասարակշռությունը։ Տարածաշրջանում ուժային հավասարակշռության կորուստը պատճառ է հանդիսանում առաջինը՝ տվյալ պետության ինքնիշխանության մասնակի կամ ընդհանուր սահմանափակմանը, ինչպես, օրինակ, Սիրիայում եղավ։

Երկրորդ՝ տվյալ պետության էլիտաների շրջանում արժեքային, գաղափարական և ինստիտուցիոնալ չկողմնորոշվածությունը:

Այսօր «Հայաստանը` արտաքին ազդեցությունների թատերաբեմ» թեմայով քննարկմանն այս մասին ասել է Genesis Armenia ուղեղային կենտրոն/հիմնադրամի ղեկավար, քաղաքագետ Աբրահամ Գասպարյանը։

«2020-ից հետո Հայաստանը հայտնվեց հենց այս կրախի մեջ, երբ էլիտաները չունեն հստակ արժեքային կողմնորոշում, գոյություն ունի ազգային դիմագծի աղավաղում, որով քեզ աշխարհը կկարողանա ճանաչել ու ըստ այդմ՝ բանակցային օրակարգը մշակել»,- ասել է նա։

🚩ՀՀ ԱԳՆ-ն հայտնել է, թե երբ կսկսվի «Թրամփի ուղու» շինարարությունը

«Թրամփի ուղի» նախագծի (TRIPP) փաստացի իրականացման և շինարարության փուլը կմեկնարկի 2026 թվականին։ Այս մասին հայտնում է ՀՀ արտաքին գործերի նախարարությունը` պատասխանելով Sputnik Արմենիայի գրավոր հարցմանը։

ԱԳՆ–ն պարզաբանել է, որ Հայաստանը «Թրամփի ուղի՝ հանուն միջազգային խաղաղության և բարգավաճման» նախագծի իրավական շրջանակի ու կարգավորումների շուրջ ինտենսիվ բանակցություններ է վարում ԱՄՆ գործընկերների հետ։

««TRIPP Company»-ն՝ հայ-ամերիկյան համատեղ ձեռնարկությունը, կգրանցվի Հայաստանում և կստանա երկաթուղային, ճանապարհային, նավթային և գազային խողովակաշարերի, ինչպես նաև օպտիկամանրաթելային մալուխների անհրաժեշտ ենթակառուցվածքների զարգացման իրավունք»,– հայտնել է ԱԳՆ-ն:

Հայաստանը «Թրամփի ուղի» նախագծի իրականացումը համարում է ՀՀ կառավարության «Խաղաղության խաչմերուկ» նախաձեռնության բաղկացուցիչ մաս, որը լիովին համադրելի է տարածաշրջանային փոխկապակցվածության զարգացմանն ուղղված ենթակառուցվածքային խոշոր՝ ներառյալ Միջին միջանցքի, Պարսից ծոց-Սև ծով ծրագրերի հետ:

🚩«The Christian Post» պարբերականը գրում է․

«Կաթոլիկ և Հայ Առաքելական առաջնորդների մի խումբ կոչ է անում Հռոմի պապ Լևոն XIV-ին դիմել Ադրբեջանում պահվող առնվազն 23 արցախահայ բանտարկյալների ազատ արձակման համար՝ նշելով նրանց վատթարացող վիճակը և Լեռնային Ղարաբաղում քրիստոնեական ժառանգության ոչնչացումը։

The Christian Post-ի կողմից կարդացված կոչը ուղարկվել է Սուրբ Ծննդից առաջ և բանտարկյալներին նկարագրում է որպես 2023 թվականի սեպտեմբերին Ադրբեջանի կողմից տարածաշրջանի հայ բնակչության նկատմամբ իրականացված էթնիկ զտումների զոհեր։ Տասնյակից ավելի ստորագրողներին գլխավորում են Նյու Յորքի Հռոմի կաթոլիկ արքեպիսկոպոսության թոշակառու կարդինալ Թիմոթի Դոլանը և Ամերիկայի Հայ Առաքելական եկեղեցու Արևելյան թեմի արքեպիսկոպոս Անուշավան Դանիելյանը։

Բաքվում պահվում են գրեթե երկու տասնյակ, հիմնականում նախկին բարձրաստիճան պաշտոնյաներ, որոնք դատվում են փակ դռների հետևում՝ առանց անաչառ իրավաբանական խորհրդատվության կամ իրենց դեմ ապացույցները վերանայելու հնարավորության, ըստ Շվեյցարիայում գործող Christian Solidarity International-ի։ Եվրոպական խորհրդարանը զգուշացրել է, որ պատանդները ենթարկվում են «կեղծ դատավարությունների»։

«Նրանց ընտանիքների հետ արդեն սահմանափակված կապը վատթարացել է այն բանից հետո, երբ Ադրբեջանը անցյալ տարի Կարմիր խաչին վտարեց երկրից։ Նրանց քրիստոնեական հավատքը՝ և նրանց արժանապատվությունը որպես մարդկային անձինք՝ ճնշվում են»,-ասվում է նամակում։

Նամակը ստորագրողները նշել են, որ ռազմագերի տղամարդիկ մոտ 80 անձանց թվում են, որոնք անհետ կորած են համարվում Ադրբեջանի կողմից Լեռնային Ղարաբաղի բռնակցումից հետո։ Նրանք մտահոգություն են հայտնել, որ այս գերիներին զրկել են կապի և տարրական իրավական պաշտպանության հասանելիությունից, և որ նրանց քրիստոնեական հավատքը խախտվում է կալանքի ներքո։

Նամակում հղում է արվում այն հաղորդագրությունների վրա, որ Ադրբեջանը ոչնչացրել է պատմական հայկական եկեղեցիներն ու վանքերը՝ Իրաքում և Սիրիայում «Իսլամական պետության» գործողություններից գերազանցող մասշտաբով։ Հեղինակները դա անվանել են տարածաշրջանում քրիստոնեական գրեթե 2000 տարվա ներկայությունը վերացնելու արշավի մի մաս»։

🚩Ալիևները օկուպացված Ստեփանակերտում «Հաղթանակի զբոսայգի» են բացել

Ադրբեջանի նախագահ Իլհամ Ալիևը և առաջին տիկին Մեհրիբան Ալիևան երեկ օկուպացված Ստեփանակերտում «Հաղթանակի զբոսայգի» են բացել։

Ադրբեջանական լրատվամիջոցների հաղորդմամբ՝ զբոսայգու մուտքից դեպի «Հաղթական կամար» 44 աստիճան է շարված, որոնք խորհրդանշում են 2020 թվականի պատերազմի օրերը, բացի այդ, տեղադրվել է հատուկ հուշատախտակ, որը պատմում է «պատերազմի ընթացքի մասին, այդ թվում՝ մատնանշում ազատագրված բնակավայրերի անուններ», ինչպես նաև Արցախի դեմ 2023-ին ձեռնարկված ռազմական գործողության մանրամասները։

Զբոսայգին բացվել է Իլհամ Ալիևի ծննդյան օրը։ Պետական «Ազերթաջ» գործակալությունը նշել է, թե դրա ստեղծումն «արտացոլում է ադրբեջանական ժողովրդի աննախադեպ հերոսությունը՝ հանուն պատմական արդարության վերականգնման»:

🔺Մայր աթոռը զրկվեց պետության հողամասերը սեփականության իրավունքով անհատույց օգտագործելու իրավունքից


Մայր աթոռ Սուրբ Էջմիածինը զրկվեց պետության և համայնքների սեփականության հողամասերը սեփականության իրավունքով անհատույց օգտագործելու իրավունքից։ Համապատասխան որոշումն ընդունվեց կառավարության նիստում։

Այսուհետ Մայր աթոռն այդ հողամասերը կարող է տնօրինել միայն անհատույց օգտագործման իրավունքով։

🚩Զինվորականների ատեստավորման գործընթացը պարզեցվում է. կառավարությունը հաստատեց «Զինվորական ծառայության և զինծառայողի կարգավիճակի մասին» օրենքում փոփոխություններն ու լրացումները։

Եթե զինծառայողը նշանակվում է ոչ մարտական պաշտոնի և չի անցնում ավելի բարձր կարգավիճակի, ապա պարտադիր ատեստավորում անցնելու պահանջ այլևս չի դրվում։

Պարտադիր ատեստավորում պետք է անցնեն այն զինծառայողները, որոնք պահեստազորից ընդունվում են պայմանագրային զինվորական ծառայության, ինչպես նաև այն դեպքերում, երբ ենթասպայական կամ շարքային կազմի զինծառայողը նշանակվում է սպայական կազմի զինվորական պաշտոնի։

🔺Տաջիկստանի և Աֆղանստանի սահմանին զինված բախում է տեղի ունեցել տաջիկ սահմանապահների և Աֆղանստանից ներթափանցած զինյալների միջև, հայտնում է Տաջիկստանի ազգային անվտանգության պետական կոմիտեն

«Բախման արդյունքում զոհվել է Տաջիկստանի սահմանապահ ծառայության 2 աշխատակից։ Ներկայումս սահմանին իրավիճակը գնահատվում է կայուն և հանգիստ»,- նշում է կոմիտեն։

🚩Կիմ Չեն Ընը ծանոթացել է նոր գաղտնի ստորջրյա զենքի վրա կատարվող աշխատանքներին

Հյուսիսային Կորեայի առաջնորդ Կիմ Չեն Ընը ծանոթացել է նոր գաղտնի ստորջրյա զենքի նախատիպերի վրա կատարվող աշխատանքների ընթացքին, հաղորդում է ТАСС-ը։


Կիմ Չեն Ընը զննել է միջուկային սուզանավի շինհրապարակը, որը զինված կլինի ռազմավարական կառավարվող հրթիռներով: Նա խոսել է երկրի պաշտպանական կարողություններն ամրապնդելու անհրաժեշտության մասին, այդ թվում՝ ծովում:

Փաշինյանը հավելել է, որ ողջունում է Թուրքիայի պատրաստակամությունը

https://detq.info/arm/node/14165

🔺 Կառավարությունը հավանություն է տվել ««Զինվորական ծառայության և զինծառայողի կարգավիճակի մասին» օրենքում փոփոխություններ և լրացում կատարելու մասին» օրենքի նախագծին
https://detq.info/arm/node/14166

Կոչն ուղարկվել է Սուրբ Ծննդից առաջ և բանտարկյալներին նկարագրում է որպես Ադրբեջանի կողմից 2023 թվականի սեպտեմբերին տարածաշրջանի հայ բնակչության նկատմամբ իրականացված էթնիկ զտումների զոհեր


https://detq.info/arm/node/14167

Ամենայն Հայոց Հայրապետը սարկավագաց դասին պատգամեց, որ Սուրբ Ստեփանոսի հավատքը, աստվածսիրությունն ու արիական ոգին օրինակ ունենալով՝ իրենց ծառայությունը բերեն Քրիստոսի Եկեղեցուն և հայրենիքին
https://detq.info/arm/node/14168

🔺Բաքվի հերթական հաշվեհարդարը. դատարանն օկուպացված Ստեփանակերտում իբր զինված սադրանք պլանավորելու համար Կարեն Ավանեսյանին դատապարտել է 16 տարվա ազատազրկման

https://detq.info/arm/node/14169

🔺ԿԽՄԿ ներկայացուցիչներն այցելել են Բաքվում պահվող Վիգեն Էուլջեքչյանին

◾️Այցի ընթացքում ԿԽՄԿ ներկայացուցիչները Էուլջեքչյանին են փոխանցել առաջին անհրաժեշտության պարագաներ, այդ թվում՝ սննդամթերք, ծխախոտ և անձնական իրեր, ինչը «այս զգայուն ժամանակահատվածում» դրական ազդեցություն է ունեցել նրա ֆիզիկական և հոգեբանական վիճակի վրա:

https://detq.info/arm/node/14170