"በሁለተኛው የሩስያ-አፍሪካ ጉባዔ ኢትዮጵያ በሁለትዮሽና በባለብዙ ወገን ዲፕሎማሲ ስኬታማ ሥራዎችን አከናውናለች"
- ሰላማዊት ካሣ የመንግሥት ኮሙኒኬሸን አገልግሎት ሚኒስትር ዴኤታ
*****************
(ኢ ፕ ድ)
በሁለተኛው የሩስያ-አፍሪካ ጉባዔ ኢትዮጵያ በሁለትዮሽና በባለብዙ ወገን ዲፕሎማሲ ስኬታማ ሥራዎችን ማከናወኗን የመንግሥት ኮሙኒኬሸን አገልግሎት ሚኒስትር ዴኤታ ሰላማዊት ካሣ ገለፁ።

ጠቅላይ ሚኒስትር ዶክተር ዐቢይ አሕመድ እና ፕሬዝዳንት ቭላድሚር ፑቲን የሀገራቱን የፖለቲካና የባህል ዲፕሎማሲ በኢኮኖሚው መስክ ማጠናከር እንደሚገባ የጋራ አቋም አንጸባርቀዋልም ብለዋል።

የመንግሥት ኮሙኒኬሸን አገልግሎት ሚኒስትር ዴኤታ ሰላማዊት ካሣ፤ በማብራሪያቸው የሩስያ-አፍሪካ የኢኮኖሚና የሰብዓዊነት ጉባዔ ኢትዮጵያ በልማት ሥራዎች ያስመዘገበቻቸውን ተጨባጭ ውጤቶች ያስተዋወቀችበት መሆኑንም አንስተዋል።

አፍሪካውያን በምግብ ራሳቸውን ለመቻል የሚያደርጉትን ጥረት ሩስያ በቴክኖሎጂ ግብዓት እንድታግዝ ጥሪ ያቀረበችበትና የዘርፉ ተቋማት የሁለትዮሽ ስምምነቶችን የተፈራረሙበት ነው ብለዋል።

በጠቅላይ ሚኒስትር ዶክተር ዐቢይ አሕመድ የተመራው የኢትዮጵያ ልዑክ በሩስያ ቆይታው ከፕሬዝዳንት ቭላድሚር ፑቲን ጋር ስኬታማ ውይይት ማድረጉንና ወደ ተግባር የሚቀየሩ ስምምነቶችን መፈራረሙንም ጠቅሰዋል።

በሁለቱ መሪዎች ውይይት ኢትዮጵያ በተለይም በምግብ ራሷን ለመቻል በግብርናው ክፍለ ኢኮኖሚ ተምሳሌታዊ ተግባር እያከናወነች መሆኑም ተነስቷል ብለዋል።

ለ125 ዓመታት የዘለቀውን የሁለቱን አገራት የዲፕሎማሲ ግንኙነት በኢኮኖሚያዊና ማኅበራዊ መስኮች ይበልጥ ማጠናከር የሚያስችሉ ጉዳዮችም የውይይቱ አካል ነበሩ ነው ያሉት ሚኒስትር ዴኤታዋ።
ኢትዮጵያ ባለፉት ዓመታት በልማት መስክ በተለይም በግብርናው ዘርፍ ላደረገችው ስኬታማ እንቅስቃሴ የሩስያ ፕሬዝዳንት ቭላድሚር ፑቲን አድንቀዋል ነው ያሉት።

ኢትዮጵያ በምግብ ራሷን ለመቻል የምታደርገውን ጥረት ሩስያ በቴክኖሎጂ፣ በኢንቨስትመንትና በግብዓት የመደገፍ ፍላጎት ያላት መሆኑን አረጋግጣለች።

በጉባዔው የኢትዮጵያን የተለያዩ ተቋማት የወከሉ አመራሮች ከሩስያ አቻዎቻቸው ጋር የሁለቱን ሀገራት ግንኙነት ማጠናከር የሚያስችሉ ውይይቶች ማድረጋቸውንም ተናግረዋል።

ለአብነትም የሰላምና ፀጥታ፣ የቴክኖሎጂ፣ የሚዲያና ኮሙኒኬሽን ትብብርን ማጠናከር ስለሚቻልባቸው ጉዳዮች መምከራቸውን በመጠቆም።

የሁለቱን አገራት ጠንካራ የዲፕሎማሲ ግንኙነት በኢኮኖሚውም ከፍ ወዳለ ደረጃ ማሸጋገር የሚችሉ ስምምነቶች መፈረማቸውን ነው ሚኒስትር ዴኤታዋ ያነሱት።
የንግድ ትስስራቸውን ለማጠናከር እንቅፋት የሆኑ ነገሮችን መፍታት የሚያስችል የጉምሩክ አገልግሎት ትብብር፣ በኢትዮጵያ የባዮሎጂካል ሳይንስ ምርምር ማዕከል ለማቋቋም፣ የአየር ትራንስፖርት ትብብርና የኒዩክሌር ኃይልን ለሰላማዊ አገልግሎት ማዋል የሚያስችል ፍኖተ ካርታ ስምምነት መደረጉንም ጠቅሰዋል።

በአፍሪካ የኢንዱስትሪ ሂደቶችን ለማጠናከር ሩስያ እንድታግዝ ኢትዮጵያ ጥሪ ማቅረቧን አስታውሰው በአፍሪካና ሩስያ መካከል ያለውን የንግድ ትስስር እንቅፋቶችን ለመፍታት በጋራ መስራት እንደሚገባ በጉባኤው ተመላክቷል ነው ያሉት።

በዓለም አቀፍ ደረጃ በተለይም የነዳጅ ዋጋ መናርንና የግብርና ግብዓት ችግሮችን ለመፍታት ሩስያ ከአፍሪካ ጋር አበክራ እንድትሰራ ጥሪ መቅረቡን አንስተዋል።

አፍሪካ የተፈጥሮ ኃብቷን እሴት ጨምራ ለውጭ ገበያ ለማቅረብ የምታደርገውን ጥረት የሩስያ እገዛ ወሳኝ መሆኑ መነሳቱን በማስታወስ ኢትዮጵያ ሦስተኛውን የሩስያ አፍሪካ ጉባዔ ለማስተናገድ ጥያቄ ማቅረቧንም ሚኒስትር ዴኤታዋ ጠቁመዋል።

ሁለተኛው የሩሲያ-አፍሪካ የኢኮኖሚና የሰብዓዊነት ጉባኤ ባሳለፍነው ሳምንት ሐምሌ 20 እና 21 ቀን 2015 ዓ.ም በሩስያ ቅዱስ ፒተርስበርግ ከተማ መካሄዱ ይታወቃል ሲል ኢዜአ ዘግቧል።

ሐምሌ24 ቀን2015 ዓም

ከሆርቲካልቸር ምርት ኤክስፖርት 660 ሚሊዮን ዶላር ገቢ ተገኘ
********
(ኢ ፕ ድ)

በ2015 በጀት ዓመት ከሆርቲካልቸር ምርት ኤክስፖርት 660 ሚሊዮን ዶላር ገቢ መገኘቱን የግብርና ሚኒስቴር አስታወቀ። በቀጣዩ የ2015/16 ምርት ዘመን ከሆርቲካልቸር ዘርፉ ከ731 ሚሊዮን የአሜሪካን በላይ ዶላር ለማግኘት እየተሠራ ነው።

በግብርና ሚኒስቴር የሆርቲካልቸር ልማት መሪ ሥራ አስፈፃሚ አቶ አብደላ ነጋሽ ለኢትዮጵያ ፕሬስ ድርጅት እንደተናገሩት፤ ከ567 ነጥብ ሰባት ሚሊዮን ዶላር ከአበባ፣ 22 ነጥብ ሦስት ሚሊዮን ዶላር ከፍራፍሬ፣ ከአትክልት፣ እፀ-ጣዕምና ስራስር ....
ሙሉውን ለማንበብ ሊንኩን ይጫኑ https://press.et/?p=106010

በክልሉ የመኸር እርሻ ከ29 ሚሊዮን 182 ሺህ ኩንታል በላይ ምርት ይጠበቃል
********************
(ኢ ፕ ድ)

በክልሉ የመኸር እርሻ ከ29 ሚሊዮን 182 ሺህ ኩንታል በላይ ምርት እንደሚጠበቅ የቤኒሻንጉል ጉሙዝ ክልል የግብርና ቢሮ አስታወቀ።

የክልሉ ግብርና ቢሮ ኃላፊ አቶ ባበክር ሐሊፋ ለኢትዮጵያ ፕሬስ ድርጅት እንደገለጹት፤ በዘንድሮው የመኸር እርሻ 937 ሺህ 722 ሄክታር መሬት በሰብል ለመሸፈን ታቅዶ እየተሠራ ነው፤ ከክልሉ የመኸር እርሻ ከ29 ሚሊዮን 182 ሺህ ኩንታል በላይ ምርት ይጠበቃል።

በሰብል ለመሸፈን ከታቀደው ሄክታር መሬት ውስጥ እስካሁን ከ800 ሺህ ሄክታር በላይ መሬት ታርሷል ያሉት አቶ ባበክር፤ ከ700 ሺህ ሄክታር በላዩ መሬት ደግሞ ...
ሙሉውን ለማንበብ ሊንኩን ይጫኑ https://press.et/?p=106025

በሐዋሳከተማአንድ ነጥብ ስምንት ቢሊዮን ብር ካፒታል ላስመዘገቡ ኢንቨስተሮች ፍቃድ ተሰጠ
************************
(ኢ ፕ ድ)

በሐዋሳ ከተማ አንድ ነጥብ ስምንት ቢሊዮን ብር ካፒታል ላስመዘገቡ 40 ኢንቨስተሮች አዲስ የኢንቨስትመንትና የማስፋፊያ ፍቃድ መሰጠቱን የከተማዋ ኢንቨስትመንት ማስፋፊያ ጽሕፈት ቤት አስታወቀ።

የሐዋሳ ከተማ ኢንቨስትመንት ማስፋፊያ ጽሕፈት ቤት ኃላፊ አቶ ታደሰ ፍቅሬ ለኢትዮጵያ ፕሬስ ድርጅት እንደተናገሩት፤ በተጠናቀቀው 2015 በጀት ዓመት በሐዋሳ ከተማ 40 ኢንቨስተሮች አዳዲስ ፈቃድና ማስፋፊያ ፈቃድ ተሰጥቷል። በዚህም አንድ ነጥብ ስምንት ቢሊዮን ብር ካፒታል ኢንቨስትመንት በከተማዋ ኢንቨስት ተደርጓል።

በአሁኑ ወቅት በከተማው በአጠቃላይ 817 ባለሃብቶች በተለያዩ የኢንቨስትመንት ዘርፎች ተሰማርተው ይገኛሉ ያሉት ኃላፊው፤ ከዚህ ውስጥ 159 ያህሉ በኢንዱስትሪ፤ ከ280 በላይ የሚሆኑት በአገልግሎት ዘርፎች፤ 311 በኮንስትራክሽን እና ከ50 በላይ የሚሆኑት በከተማ ግብርና ዘርፎች የተሠማሩ ናቸው። በዚህም አራት ሺህ 100 ለሚሆኑ ዜጎች ቋሚ የሥራ ዕድል ተፈጥሯል ብለዋል።

አምራች ኢንዱስትሪዎች አሁንም ወደሥራ እየገቡ በመሆናቸው የሚፈጥሩት የሥራ ዕድል እየሰፋ ....
https://press.et/?p=106034

ወልቂጤ ዩኒቨርሲቲ በ2 ነጥብ 7 ቢሊዮን ብር 27 ፕሮጀክቶችን እያከናወነ ነው
*******************
(ኢ ፕ ድ)

ወልቂጤ ዩኒቨርሲቲ በሁለት ነጥብ ሰባት ቢሊዮን ብር 27 የተለያዩ ፕሮጀክቶች ማከናወኑን አስታወቀ። በ195 ሚሊዮን ብር ወጪ የተገነቡት ሰባት ፕሮጀክቶች በ2015 በጀት ዓመት ተጠናቀዋል።

የዩኒቨርሲቲው የግንባታ ፕሮጀክት ጽሕፈት ቤት ሥራ አስኪያጅ አቶ ተስፋሁን ገብሩ ለኢትዮጵያ ፕሬስ ድርጅት እንደገለጹት፤ ዩኒቨርሲቲው ከሚያከናውናቸው ፕሮጀክቶች መካከል የባለሰባት ወለል የአስተዳደር ሕንጻ ይገኝበታል።

ለሕንጻ ግንባታው ከ803 ሚሊዮን ብር በላይ በሆነ ወጪ የተመደበ ሲሆን፤ ግንባታው ሲጠናቀቅ የተለያዩ ....

ሙሉውን ለማንበብ ሊንኩን ይጫኑ https://press.et/?p=106033

የባሌ ተራሮች ብሔራዊ ፓርክን በዩኔስኮ ለማስመዝገብ የመጨረሻው ምዕራፍ ላይ ተደርሷል
****************************
(ኢ ፕ ድ)

የባሌ ተራሮች ብሔራዊ ፓርክን በተባበሩት መንግሥታት የትምህርት፣ የሳይንስና የባሕል ድርጅት (ዩኔስኮ) የዓለም ቅርስነት ለማስመዝገብ የመጨረሻው ምዕራፍ ላይ እንደተደረሰ ተገለጸ፡፡

በኢትዮጵያ የዱር እንስሳት ጥበቃ ባለሥልጣን የብሔራዊ ፓርኮች አስተዳደር መሪ ሥራ አስፈጻሚ ዶክተር አዳነ ፀጋዬ ለኢፕድ እንደተናገሩት፤ የባሌ ተራሮች ብሔራዊ ፓርክን በዓለም አቀፍ ቅርስነት ለማስመዝገብ የሚረዱ አስፈላጊ ሰነዶች ለዩኔስኮ ቀርበዋል።

ዩኔስኮ የላካቸው ባለሙያዎች ወደባሌ ብሔራዊ ፓርክ በመሄድ ለተቋማቸው የተላከውን ሰነድ ከፓርኩ ነባራዊ ሁኔታ ጋር በማነጻጸር መስተካከል የሚገባቸው ጉዳዮች ላይ ....

ሙሉውን ለማንበብ ሊንኩን ይጫኑ https://press.et/?p=106044

ኮሚሽኑ ከ14 ነጥብ 4 ቢሊዮን ብር በላይ ለያዙ የታክስ ጉዳዮች ውሳኔ ሰጥቷል
******************
(ኢ ፕ ድ)
ከ14 ነጥብ 4 ቢሊዮን ብር በላይ የያዙ የታክስ ጉዳዮች ተመልክቶ የዳኝነት ውሳኔ መስጠቱን የፌዴራል ታክስ ይግባኝ ኮሚሽን ገለጸ።

የኮሚሽኑ የ2015 የዕቅድ አፈጻጸም፣ የተገልጋዮች እርካታ ዳሰሳ ጥናትና የ2016 ዓ.ም መሪ ዕቅድ የግምገማ መድረክ ትናንት ተካሂዷል።

የኮሚሽኑ ፕሬዚዳንት አቶ ሙሉጌታ አያሌው በመድረኩ ተገኝተው እንደገለጹት፤ የውሳኔ የተሰጠባቸው ....

ሙሉውን ለማንበብ ሊንኩን ይጫኑ https://press.et/?p=106055