የከንቲባ አዳነች አቤቤ መልዕክት‼️

ቃል በተግባር !

ከሁሉም በፊት የረዳንን ፈጣሪ እናመሰግናለን !

በተያዘላቸው የሶስት ወር ጊዜ ውስጥ የተጠናቀቁትን ፒያሳ የአድዋ ድል መታሰቢያ ዙሪያና የአራት ኪሎ የኮሪደር ልማት ስራዎችን ከክቡር ጠቅላይ ሚኒስትርችን ዶ/ር ዐቢይ አሕመድ፣ ከክብርት ቀዳማዊት እመቤት ዝናሽ ታያቸውና ከሌሎች ከፍተኛ የመንግስት የስራ ሃላፊዎች ጋር ገምግመናል።

አዲስ አበባን ከከተማው ነዋሪ ስንረከባት ልናስውባት፣ ልናለማት ቃል ገብተን ነው የጀመርነው። ለትውልድ የምትተርፍ፣ ቆሻሻ እና ስንፍና የሌለባት ከተማ ልናድርጋት ቃል ገብተን ነበር። እነሆ ቃላችንን ጠብቀናል!!

እንካችሁ የፀዳች አራዳን፤ እንካችሁ 24/7 የምትተጋ አራት ኪሎን፤ አሁን ለናንተ ምቹ አድርገናታል። ከውበቷና ከፅዳቷ ሳትጎድል ለትውልድ አኑሯት።

የኮሪደር ልማት ስራዎች ስንጀምር አብራችሁን ለተነሳችሁ፣ ለተባበራችሁ፣ ላሳመራችሁ ባለቤቶች፣ ለተባበራችሁ ባለሀብቶች፣ ተቋራጮች፣ በሙያችሁ ለተጋችሁ ሰራተኞች፣ አመራሮችና የፌደራል ተቋማት ምስጋናዬ ይድረሳችሁ።

ከሁሉ በላይ ክቡር ጠቅላይ ሚኒስትር ዶ/ር ዐቢይ አህመድ ለነበራቸው ድጋፍና ክትትል ምስጋናዬ ትልቅ ነው። በአጠቃላይ ትናንት ምሽት ስንጎበኝ በጎዳናዎች ላይ ስራዎቹን እያደነቃችሁ ፍቅራችሁን ለገለፃችሁልን ሁሉ ከልብ የመነጨ ምስጋናችን ይድረሳችሁ።

ያስቀመጥንላችሁ ፎቶዎች ከፊል ገፅታዎች ናቸው። ሙሉውን ገፅታ መጥታችሁ ትመለከቱ ዘንድ እጋብዛችኋለሁ። ቀሪ የኮሪደር ስራዎቻችንን ፍጥነትንና የፈጠራ መርህን ተከትለን አጠናቅቀን ለአገልግሎት ክፍት ለማድረግ የምንችለውን ሁሉ እናደርጋለን።

ጥራትን ማስጠበቅ እና ለዜጎቻችን ሁሉ የተመቸ ከባቢን መፍጠር ቅድሚያ የምንሰጣቸው ተግባራት ናቸው።

ፈጣሪ ኢትዮጵያን እና ህዝቦቿን ይባርክ

በአዲስ አበባ የኮሪደር ልማት የውበትና አረንጓዴ ልማት ሥራዎች‼️

👉 በመልሶ ልማት መልክ እየለሙ ያሉ የአረንጓዴ ቦታዎችና የህዝብ መዝናኛ ስፍራዎች በቁጥር 11

👉 20 የህዝብ መፀዳጃ ቤቶች

👉ከራስ መኮንን እስከ ባሻ ወልዴ ኮንዶሚኒየም የሚደርስ ከወዳጅነት ፓርክ ጋር የሚገናኝ የአረንጓዴ ቦታዎች ልማት፤

✍️ 4 ትላልቅ ፕላዛዎችና የዕይታ ሥፍራዎች፤ 40 የሕዝብ መገልገያ ሱቆች፣
✍️ 8 የሕዝብ መፀዳጃ ቤቶች፤ 6 ካፌና ሬስቶራንቶች፣
✍️ የእግር መንገድ፣ 5 ኪሎ ሜትር የሳይክልና 5 ኪሎ ሜትር የመሮጫ መስመሮች

👉ቴዎድሮስ አደባባይ ዋፋ ሲኒማ ፐላዛ፤

✍️ የህፃናት መጫወቻ ስፍራ፣ የኤሌክተሪክ መኪና ቻርጅ ማድረጊያ፣ለመዝናኛ የሚሆን አኳሪየም፣
✍️ የሳይክል ኪራይ አገልግሎት መስጫ፣ የመሰብሰቢያና የውጭ ቲያትር መመልከቻ ሥፍራ፣
✍️ የተለያዩ መቀመጫዎች፣የካፌና ፋስት ፉድ አገልግሎት መስጫ ቦታዎች እንዲኖሩት ታስቦ የተጀመረ

👉 ዕድሳት ስራዎች፤ 102 ህንፃዎች መካከል 92 ዕድሳት የተጠባቀቀ፤ በአርኬድ የታለፈ ህንፃ 25፣

ሰኔ 3 ቀን 2016 ዓም