የባሕር በር ጥያቄ የሀገርና የሕዝብ አጀንዳ እንጂ የመንግሥት ብቻ አይደለም
******
(ኢ ፕ ድ)
የባሕር በር ጥያቄ የሀገርና የሕዝብ አጀንዳ እንጂ የመንግሥት ብቻ ስላልሆነ ተፎካካሪ የፖለቲካ ፓርቲዎች በባሕር በር ጉዳይ ላይ ከመንግሥት ጎን መቆም እንዳለባቸው የኢትዮጵያ ዲሞክራቲክ ህብረት ፓርቲ ሊቀመንበር አቶ ገብሩ በርሄ ገለፁ፡፡

ሊቀመንበሩ ለኢፕድ እንደገለጹት፤ ፓርቲያቸው በኢትዮጵያ የባሕር በር ማግኘት ዙሪያ ከ1984ዓ.ም አንስቶ የተለያየ ጥረት ሲያደርግ ቆይቷል። መሰል አቋም ካላቸው ፓርቲዎች ጋርም በጋራ በመሆን ፊርማ የማሰባሰብ ሥራ ሲሠራ እንደነበር አስታውሰዋል።

አንዳንድ ሀገራት ኢትዮጵያ ከሶማሊላንድ ጋር የተደረገውን የባሕር በር ስምምነት እንዳይሳካ ለማድረግ ሲንቀሳቀሱ እንደነበር ገልፀው፤ እንዲህ ያለው የታሪካዊ ጠላቶቻችን እንቅስቃሴ ለእኛ አዲስ አይደለም ብለዋል። https://press.et/?p=146933

“ትርክት ከሚገነባባቸው ቁልፍ ጉዳዮች አንዱ ክህሎት ነው”
- ተሻለ በሬቻ (ዶ/ር)
የሥራና ክህሎት ሚኒስትር ዴኤታ

******

(ኢፕድ)

የሥራና ክህሎት ሚኒስትር ዴኤታ ተሻለ በሬቻ ዶ/ር በክህሎት የበቃ የሰው ሃይል ለአንድ ሀገር ምን አስተዋጽኦ ይኖረዋል በሚል ርዕሰ ጉዳይ ጹሁፍ አቅርበዋል፡፡

ትርክት ከሚገነባባቸው ቁልፍ ጉዳዮች አንዱ ክህሎት መሆኑን ገልጸው፤ ጥራት ያለው ክህሎት ለዜጎች ተደራሽ ለማድረግ አቅረቦት መር ከሆነው ወደገበያ መር ለመቀየር በርካታ ስራዎች እየተሰሩ መሆኑን ተናግረዋል፡፡

የትራንስፎርሜሽን ጉዟችንን ለማሳካት የክህሎት ሚና ትልቅ ነው ያሉት ዶክተር ተሻለ፤ ሀገር በቀል የኢኮኖሚ ሪፎርሙ ተግባራዊ ከሆነበት ጊዜ ጀምሮ ኢኮኖሚያዊ ስብራትን መጠገን የሚያስችል ክህሎት መር ሥራዎች ተሰርተዋል ነው ያሉት።

ከኢንዱስትሪው እና ከግል ሴክተሩም ጋር በቅርበት እየተሰራ መሆኑን ጨምረው ገልጸዋል፡፡

የቴክኒክና ሙያ ስልጠና በባህሪው ተግባር ተኮር መሆኑን አንስተው፤ ተግብር ተኮር ስልጠናን እውን ለማድረግ ከኢንዱስትሪ ሚኒስቴር፣ ከትምህርት ሚኒስቴር እና ሌሎች ባለድርሻ አካላት ጋር በጋራ መስራት የሚያስችል ህጋዊ ማዕቀፍ መዘጋጀቱን አብራርተዋል፡፡

እንደ ዶክተር ተሻለ ገለጻ፣ ብቁ የሰው ሃይል ማለት በእውቀት፣ በክህሎት እና በአስተሳሰቡ ዝግጁ የሆነ ነው። የመንግስትና የገል ተቋማት አጋርነታቸውን በማጠናከር እና ክህሎት ልማት ላይ በትኩረት በመስራት በሀገሪቱ ብቁ የሰው ሀይል ማፍራት እንደሚጠበቅባቸው ገልጸዋል፡፡

የስልጠናን ጥራት ለማምጣት ከኢንዱስትሪዎች ጋር ያለውን ትስስር አጠናክሮ ለማስቀጠል በትኩረት እንደሚሰራ ገልጸዋል፡፡

በቴክኒክና ሙያ ተቋማት በአጫጭር ስልጠና ከሶስት ሚሊዮን በላይ ዜጎች በመደበኛው ደግሞ ከ500 ሺህ በላይ ዜጎች የሚያልፉ ቢሆንም፤ የክህሎት ልማቱን ከዚህ በላይ ለማሳደግ በትብብር መስራትን ይጠይቃል፡፡

በዘርፉ ያለን ሰዎችም የክህሎት ጥራትን ለማምጣት ያደረግነው ጥረት እና የማስተዋወቅ ስራው በቂ እንዳልሆነ ገልጸው፤ ለክህሎት ልማት ትኩረት መስጠት እና ለሙያና ሙያተኞች የምንሰጠውን ክብርም ማሳደግ ይጠበቅብናል ብለዋል፡፡

በሄለን ወንድምነው

መጋቢት 1/2017ዓ.ም