በሲዳማ ክልል በተያዘው በጀት ዓመት 60 ሺህ ዜጎች ‘የኢትዮ ኮደርስ’ ሥልጠና ይወስዳሉ
+++++++++++++++++++++++++++++

ጋዜጣ_ፕላስ | በሲዳማ ክልል በተያዘው በጀት ዓመት 60 ሺህ ዜጎች የኢትዮ ኮደርስ ሥልጠና እንዲወስዱ እየተሠራ መሆኑን የክልሉ ኢኖቬሽንና ቴክኖሎጂ ኤጀንሲ አስታወቀ።

የሲዳማ ክልል ኢኖቬሽንና ቴክኖሎጂ ኤጀንሲ ዋና ዳይሬክተር ተፈራ ባራሳ ለአዲስ ዘመን ጋዜጣ እንደገለጹት፤ በ2017 በጀት ዓመት 27 ሺህ ዜጎች ሥልጠናውን አጠናቅቀዋል።

በተያዘው የ2018 በጀት ዓመት ደግሞ 60 ሺህ ዜጎች ሥልጠናውን ወስደው ዕውቅና እንዲያገኙ በትኩረት እየተሠራ ይገኛል ብለዋል።

አገልግሎቶች እየዘመኑ በመምጣታቸው ዲጂታል ክህሎት የግድ አስፈላጊ መሆኑንና ለዚህም የኢትዮ ኮደርስ ሥልጠና በሦስት ዓመት ተፈፃሚ እንዲሆን በመንግሥት አቅጣጫ መሰጠቱን አስረድተዋል።

ዕቅዱንና ሥልጠናውን በተመለከተ ለሁሉም ዞኖች እና ከተማ አስተዳደሮች ግንዛቤ የመፍጠር ሥራ መከናወኑን ዳይሬክተሩ ገልጸዋል።

ክልሉ ከዚህ ሥልጠና በተጨማሪ የፋይዳ ዲጂታል መታወቂያና መሰል አገልግሎቶችን በዕቅድ ይዞ እየሠራ መሆኑን ጠቅሰው፤ የአይቲ ባለሙያዎችና የቴክኒክና ሙያ ኤክስፐርቶች ሥራዎችን እንዲያቀላጥፉ መመሪያ መሰጠቱን አመላክተዋል።

የመንግሥት ሠራተኞችና ከሰባተኛ ክፍል በላይ ያሉ ተማሪዎች በልዩ ሁኔታ እንዲሳተፉ አቅጣጫ መያዙን የጠቀሱት አቶ ተፈራ፤ በተለይም ወጣቶችና ሴቶች የሥልጠናው ተጠቃሚ እንዲሆኑ ኤጀንሲው አስፈላጊውን የቴክኒክ እገዛና ክትትል እያደረገ መሆኑን አብራርተዋል።

በሔርሞን ፍቃዱ
++++++++++++++++++++++++
#ጋዜጣ_ፕላስ #ሲዳማ #ኢትዮ_ኮደርስ #ዲጂታል_ኢትዮጵያ #ቴክኖሎጂ #ሥልጠና

በዲጂታል ኢትዮጵያ 2030 የተቀመጡ ግቦች እንዲሳኩ ሁለት መሠረታዊ አስቻይ ጉዳዮች አሉ። አንደኛው የኤሌክትሪክ ተደራሽነት ነው። ሁለተኛው የኢንተርኔት ትስስር ነው።

የኤሌክትሪክ ተደራሽነት የዲጂታል ቴክኖሎጂ ምግብ ነው ብሎ መውሰድ ይቻላል። የምንጠቀምባቸው የቴክኖሎጂ ጋጄቶች ኤሌክትሪክ ይፈልጋሉ። በመሆኑን በሁሉም አማራጮች የኤሌክትሪክ ተደራሽነትን ማስፋት አለብን።

ሁለተኛው የኢንተርኔት ትስስር ነው። በርካታ ከተሞች የኢንተርኔት ትስስር ተጠቃሚ ሆነዋል። ነገር ግን በሚቀጥሉት አምስት ዓመታት ይህን ትስስር በሁሉም አካባቢዎች ሙሉ ለሙሉ ተደራሽ ማድረግ ይገባል። ይህ እንደሚቻል አምነን በመስራት ለዜጎቻችን እኩል እድል መፍጠር አለብን።

- ጠቅላይ ሚኒስትር ዐቢይ አሕመድ (ዶ/ር)

የሌሊትና የማለዳ ቅዝቃዜ እስከ ታህሳስ መጨረሻ ይቀጥላል
++++++++++

ጋዜጣ_ፕላስ | የሌሊትና የማለዳው ቅዝቃዜ እስከ ታህሳስ ወር መጨረሻ ድረስ በተለይም በደጋማ የሀገሪቱ አካባቢዎች ተጠናክሮ እንደሚቀጥል የኢትዮጵያ ሚቲዎሮሎጂ ኢንስቲትዩት አስታወቀ።

የኢትዮጵያ ሚቲዎሮሎጂ ኢንስቲትዩት ለጋዜጣ ፕላስ በላከው መረጃ እንዳመለከተው፤ ከሳይቤሪያ የሚነፍሰው ከፍተኛ የአየር ግፊት ወደ ኢትዮጵያ የሚዘልቅ በመሆኑ ደረቅ፣ ጸሐያማና ነፋሻማ የአየር ሁኔታ በአብዛኛው የሀገሪቱ ክፍሎች ይስተዋላል።

በተለይም በሰሜን፣ በምስራቅ፣ በመካከለኛውና በደቡብ ደጋማ አካባቢዎች የሌሊቱና የማለዳው ቅዝቃዜ ከአምስት ዲግሪ ሴልሺየስ በታች ሆኖ ሊመዘገብ እንደሚችል ተጠቁሟል።

ይህ ቅዝቃዜ እስከ ወሩ ማጠናቀቂያ ድረስ የሚዘልቅ በመሆኑ ህብረተሰቡ አስፈላጊውን ጥንቃቄ እንዲያደርግ ኢንስቲትዩቱ አሳስቧል።

በመስከረም ሰይፉ
#ጋዜጣ_ፕላስ #የአየር_ንብረት #ሚቲዎሮሎጂ #ቅዝቃዜ #ኢትዮጵያ

#ዘመን_መጽሔት ገበያ ላይ ናት‼️

መጽሔቷን የት ያገኛሉ?

✍🏻 በጋዜጣ አዟሪዎች እጅ፤

✍🏻 መፅሃፍት ቤት፤

✍🏻 በድርጅቱ ኪዮስኮች፤

✍🏻 በሱፐር ማርኬቶች፤

✍🏻 አራት ኪሎ በሚገኘው የኢትዮጵያ ፕሬስ ድርጅት ዋና መስሪያ ቤት፤

✍🏻 ይህም ካልተመችዎት ከድርጅታችን ጋር የደንበኝነት ውል በመዋዋል ቤትዎ ድረስ በፍጥነት እናደርሳለን።

👉ለበለጠ መረጃ ይደዉሉልን! ይጻፉልን!

ስልክ፡ 0911351197/ 0920707752

ኢሜይል፡ -etpresspromotion@gmail.com

ዘመን ኢኮኖሚን ያንብቡ፤ በዘመን ኢኮኖሚ ይጻፉ

#ዘመን_ኢኮኖሚ #መጽሔት #ኢኮኖሚ #ኢትዮጵያ #ኢፕድ