በዲጂታል ኢትዮጵያ 2030 የተቀመጡ ግቦች እንዲሳኩ ሁለት መሠረታዊ አስቻይ ጉዳዮች አሉ። አንደኛው የኤሌክትሪክ ተደራሽነት ነው። ሁለተኛው የኢንተርኔት ትስስር ነው።

የኤሌክትሪክ ተደራሽነት የዲጂታል ቴክኖሎጂ ምግብ ነው ብሎ መውሰድ ይቻላል። የምንጠቀምባቸው የቴክኖሎጂ ጋጄቶች ኤሌክትሪክ ይፈልጋሉ። በመሆኑን በሁሉም አማራጮች የኤሌክትሪክ ተደራሽነትን ማስፋት አለብን።

ሁለተኛው የኢንተርኔት ትስስር ነው። በርካታ ከተሞች የኢንተርኔት ትስስር ተጠቃሚ ሆነዋል። ነገር ግን በሚቀጥሉት አምስት ዓመታት ይህን ትስስር በሁሉም አካባቢዎች ሙሉ ለሙሉ ተደራሽ ማድረግ ይገባል። ይህ እንደሚቻል አምነን በመስራት ለዜጎቻችን እኩል እድል መፍጠር አለብን።

- ጠቅላይ ሚኒስትር ዐቢይ አሕመድ (ዶ/ር)

የሌሊትና የማለዳ ቅዝቃዜ እስከ ታህሳስ መጨረሻ ይቀጥላል
++++++++++

ጋዜጣ_ፕላስ | የሌሊትና የማለዳው ቅዝቃዜ እስከ ታህሳስ ወር መጨረሻ ድረስ በተለይም በደጋማ የሀገሪቱ አካባቢዎች ተጠናክሮ እንደሚቀጥል የኢትዮጵያ ሚቲዎሮሎጂ ኢንስቲትዩት አስታወቀ።

የኢትዮጵያ ሚቲዎሮሎጂ ኢንስቲትዩት ለጋዜጣ ፕላስ በላከው መረጃ እንዳመለከተው፤ ከሳይቤሪያ የሚነፍሰው ከፍተኛ የአየር ግፊት ወደ ኢትዮጵያ የሚዘልቅ በመሆኑ ደረቅ፣ ጸሐያማና ነፋሻማ የአየር ሁኔታ በአብዛኛው የሀገሪቱ ክፍሎች ይስተዋላል።

በተለይም በሰሜን፣ በምስራቅ፣ በመካከለኛውና በደቡብ ደጋማ አካባቢዎች የሌሊቱና የማለዳው ቅዝቃዜ ከአምስት ዲግሪ ሴልሺየስ በታች ሆኖ ሊመዘገብ እንደሚችል ተጠቁሟል።

ይህ ቅዝቃዜ እስከ ወሩ ማጠናቀቂያ ድረስ የሚዘልቅ በመሆኑ ህብረተሰቡ አስፈላጊውን ጥንቃቄ እንዲያደርግ ኢንስቲትዩቱ አሳስቧል።

በመስከረም ሰይፉ
#ጋዜጣ_ፕላስ #የአየር_ንብረት #ሚቲዎሮሎጂ #ቅዝቃዜ #ኢትዮጵያ

#ዘመን_መጽሔት ገበያ ላይ ናት‼️

መጽሔቷን የት ያገኛሉ?

✍🏻 በጋዜጣ አዟሪዎች እጅ፤

✍🏻 መፅሃፍት ቤት፤

✍🏻 በድርጅቱ ኪዮስኮች፤

✍🏻 በሱፐር ማርኬቶች፤

✍🏻 አራት ኪሎ በሚገኘው የኢትዮጵያ ፕሬስ ድርጅት ዋና መስሪያ ቤት፤

✍🏻 ይህም ካልተመችዎት ከድርጅታችን ጋር የደንበኝነት ውል በመዋዋል ቤትዎ ድረስ በፍጥነት እናደርሳለን።

👉ለበለጠ መረጃ ይደዉሉልን! ይጻፉልን!

ስልክ፡ 0911351197/ 0920707752

ኢሜይል፡ -etpresspromotion@gmail.com

ዘመን ኢኮኖሚን ያንብቡ፤ በዘመን ኢኮኖሚ ይጻፉ

#ዘመን_ኢኮኖሚ #መጽሔት #ኢኮኖሚ #ኢትዮጵያ #ኢፕድ

ጠቅላይ ሚኒስትር ዐቢይ አሕመድ(ዶ/ር) ለአንድ ቀን የሥራ ጉብኝት ወደ ኢትዮጵያ የመጡትን የኬንያ ፕሬዝዳንት ዊልያም ሩቶን ተቀብለዋል። #PMOEthiopia

90ኛው የኢትዮጵያ አየር ኃይል የምሥረታ በዓል ዓለም አቀፍ ይዘት ባላቸው ዝግጅቶች ይከናወናል
++++++++++++++++++++

#ጋዜጣ_ፕላስ | 90ኛው ዓመት የኢትዮጵያ አየር ኃይል የምሥረታ በዓል "የኢትዮጵያ አየር ኃይል የነፃነትና የአንድነት ምልክት" በሚል መሪ ቃል ከጥር 15 እስከ ጥር 19 ቀን 2018 ዓ.ም በተለያዩ ታላላቅ መርሃ ግብሮች እንደሚከበር ተገለጸ።

አየር ኃይሉ የምሥረታ በዓሉን አስመልክቶ በቢሾፍቱ ከተማ ዓለም አቀፍ የጎዳና ላይ ሩጫ በማካሄድ ዝግጅቱን የጀመረ ሲሆን፤ ዋናው የበዓሉ ኩነት በሚከበርባቸው ቀናትም ዓለም አቀፍ ይዘት ያላቸው ልዩ ልዩ ዝግጅቶች ይከናወናሉ።

በዚሁ መሠረት "የአንበሶች ሰማይ ኢትዮጵያ" በሚል መሪ ቃል የኢትዮጵያ፣ የዩናይትድ አረብ ኤምሬትስ፣ የሩሲያ፣ የሞሮኮ እና የቼክ ሪፐብሊክ አየር ኃይሎች በጋራ የሚሳተፉበት "የጥቁር አንበሳ የአየር ትርኢት 2026" በድምቀት ይካሄዳል።

በተጨማሪም "የወደፊቱን የአቪዬሽን አቅም በጋራ እንገንባ" በሚል መሪ ቃል የሀገር ውስጥና የውጭ ሀገራት ታላላቅ ኩባንያዎች የሚሳተፉበት የአቪዬሽን ቴክኖሎጂ ኤክስፖ 2026 እንደሚሰናዳ ታውቋል።

በሌላ በኩል ከ38 በላይ የአፍሪካ ሀገራት የአየር ኃይል አዛዦችና ባለሙያዎች የሚሳተፉበት 3ኛው "ፊውቸር አፍሪካ አየር ኃይሎች ፎረም" በተመሳሳይ ወቅት የሚካሄድ ሲሆን፤ ይህም ቀጣናዊ ትብብርን ለማጠናከር ያለመ መሆኑ ተገልጿል።

የተቋሙን የታሪክ ጉዞና የበዓሉን ዝርዝር መረጃዎች ለሕዝብ ተደራሽ ለማድረግ 'etaf90years.com' የተሰኘ ድረ-ገጽ የበለጸገ ሲሆን፤ ፍላጎት ያላቸው ዜጎች በድረገጹ አማካኝነት የመግቢያ ትኬት መግዛትና ኩነቶቹን መከታተል እንደሚችሉ ተጠቁሟል።

በክብረአብ በላቸው
#ጋዜጣ_ፕላስ #የኢትዮጵያ_አየር_ኃይል #አቪዬሽን #ጥቁር_አንበሳ
#ኢትዮጵያ

በትግራይ ክልል ለተፈናቃዮች ከ257 ሚሊዮን ብር በላይ ግምት ያለው ሰብዓዊ እርዳታ ተሰራጨ
++++++++++++++++++++

#ጋዜጣ_ፕላስ | በትግራይ ክልል ሰሜን ምዕራብ ዞን አስገደ ወረዳ "ህፃፅ" ጊዜያዊ መጠለያ ጣቢያ ለሚገኙ ተፈናቃዮች ከ257 ሚሊዮን ብር በላይ ግምት ያለው ሰብዓዊ እርዳታ መሰራጨቱን የኢፌድሪ አደጋ ሥጋት አመራር ኮሚሽን አስታወቀ።

ኮሚሽኑ በትግራይ ክልል የተፈናቃዮችን የሰብዓዊ ድጋፍ አቅርቦት በተመለከተ ባወጣው መግለጫ፤ በአሁኑ ወቅት ሰብዓዊ እርዳታ እየደረሳቸው አይደለም ተብሎ በተለያዩ ማኅበራዊ ሚዲያዎች የቀረበው መረጃ የተሳሳተ መሆኑን ገልጿል።

ከመስከረም እስከ ታኅሣሥ 2018 ዓ.ም ባሉት ወራት ውስጥ ለተፈናቃዮቹ ያልተቋረጠ የምግብ እርዳታ ሲደረግ መቆየቱንም ኮሚሽኑ አብራርቷል።

በዚህም መሠረት ባለፉት አራት ወራት ውስጥ 11 ሺህ 406 ኩንታል ስንዴ፣ ማሽላ፣ ጥራጥሬ እንዲሁም የምግብ ዘይት ለተፈናቃዮቹ መሰራጨቱን ኮሚሽኑ በመግለጫው ጠቁሟል።

የእርዳታ አሰጣጡም በመስከረም፣ ጥቅምት፣ ኅዳር እና ታኅሣሥ ወራት በቋሚነት በሺዎች ለሚቆጠሩ ዜጎች ተደራሽ መደረጉን መግለጫው አመልክቷል።

ኮሚሽኑ ለተፈናቃዮች የሚላከው እርዳታ ለታለመለት ዓላማ መዋሉን የማረጋገጥ ኃላፊነት የክልሉና የአካባቢው ጊዜያዊ አስተዳደር መሆኑን አሳስቦ፤ ተጨማሪ የሰብዓዊ እርዳታ ድጋፍ የሚያስፈልግ ከሆነ አስፈላጊውን ድጋፍ ለማድረግ ዝግጁ መሆኑን ገልጿል።

በልጅዓለም ፍቅሬ
#ጋዜጣ_ፕላስ #ትግራይ #ሰብዓዊ_እርዳታ #አደጋ_ሥጋት
#ኢትዮጵያ #ህፃፅ