"አምነስቲ ኢንተርናሽናልና ሂዩማን ራይትስዎች ያወጡት ሪፖርት ከመረጃ አሰባሰቡ እስከ ውጤቱ ለአንድ ወገን ያደላ ነው" -አምባሳደር ዲና ሙፍቲ
*********************
(ኢ ፕ ድ)
ከሰሞኑ አምነስቲ ኢንተርናሽናልና ሂዩማን ራይትስ ዎች በጋራ በመሆን ኢትዮጵያን በሚመለከት ያወጡት ሪፖርት ከመረጃ አሰባሰቡ እስከ ውጤቱ ለአንድ ወገን ያደላ መሆኑን የኢፌዴሪ የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ገለፁ።
አምባሳደር ዲና በተለይ ለኢትዮጵያ ፕሬስ ድርጅት እንደገለፁት፣ ተቋማቱ መሬት ላይ የሚታዩና በርካታ መረጃዎችና ሁኔታዎችን በተገቢው ሁኔታ ሳይከታተሉ እንዲሁም ተገቢውን የማጣራት ሂደት ሳይከተሉ ለአንድ ወገን በማድላት ሌላኛውን ደግሞ በመኮነን ሪፖርት አውጥተዋል።
አምነስቲ ኢንተርናሽናልና ሂዩማን ራይትስ ዎች በጋራ በመሆን ያወጡት ሪፖርት ወገንተኛነታቸውንና ጭፍን አቋማቸውን ያራመዱበት ሪፖርት ትክክል አለመሆኑን የተናገሩት አምባሳደር ዲና፣ የአማራ ክልል መንግሥት ይህን በሚመለከት ያወጣው መግለጫ ተገቢነት ያለው መሆኑን ተናግረዋል።
የሰብአዊ መብት ጥሰቶችን በተመለከተ በክልሉም ሆነ በፌዴራሉ መንግሥት ጉዳዩን በገለልተኛ አካል ለማጣራት ቀደም ተብሎ የታቀደና አቋም የተወሰደበት፤ በዚህም ወደ ተግባር ተገብቶ የጥናት ውጤቶች ይፋ እየተደረጉ መሆኑን ጠቁመዋል።
በሌላ በኩል ከዚህ ቀደም በተባበሩት መንግሥታት ድርጅት ሰብአዊ መብት ኮሚሽን እና በኢትዮጵያ በኩል የሚመለከታቸው አካላት በጋራ በመሆን ባደረጉት ምርመራ በወጣው.....
ሙሉውን ለማንበብ ሊንኩን ይጫኑ
https://www.press.et/?p=70674
ኢትዮጵያን እናልማ፣ እንገንባ፣ እንዘጋጅ‼️
ሀገርን በዘላቂነት እናልማ‼️
የፈረሰውን አብልጠን እንገንባ‼️
ለማንኛውም ፈተና እንዘጋጅ

በእስራኤል በአምስት ከተሞች ለታላቁ የኢትዮጵያ ህዳሴ ግድብ የድጋፍ ማሰባሰብ ዝግጅት ተካሄደ
******************
(ኢ ፕ ድ)

ታላቁ የኢትዮጵያ ህዳሴ ግድብ የመሰረት ድንጋይ የተጣለበትን 11ኛ ዓመት ምክንያት በማድረግ በእስራኤል በአምስት የተለያዩ ከተሞች የድጋፍ ማሰባሰቢያና ግንዛቤ መፍጠሪያ መርሃ ግብሮች በኤምባሲው አስተባባሪነት ተካሄደዋል።

በቴል- አቪቭ፣ እየሩሳሌም፣ሃይፋና አካባቢው፣ በናታኒያና በቂሪያት ጋት ከተሞች ነው የተካሄደው።

አምባሳደር ረታ ዓለሙ ባስተላለፉት መልዕክት በእስራኤል የሚኖሩ ትውልደ ኢትዮጵያዊያንና ኢትዮጵያዊያን የግድቡ ግንባታ ከተጀመረ እስካሁን ድረስ ከአንድ ሚሊዮን የአሜሪካን ዶላር በላይ በቦንድ ግዥና በስጦታ ድጋፍ አድርገዋል።

ለተደረገው ድጋፍ አመስግነው ወደፊትም ግድቡ እስኪጠናቀቅ ድረስ ድጋፋቸውን አጠናክረው እንዲቀጥሉ ጥሪ አቅርበዋል።

በአጠቃላይ ለታላቁ የኢትዮጵያ ህዳሴ ግድብ ግንባታ በቦንድ ግዥና በስጦታ ከ11 ሺህ የአሜሪካን ዶላር በላይ ገቢ ከመደረጉ ባሻገር፤ ግንዛቤ መፍጠር ተችሏል።

በየከተሞች በነበሩት ዝግጅቶች አስተባባሪ አካላት መርሐ ግብሩ እንዲሳካ አስተዎፆኦ አበርክተዋል።

በቢኒ ፊልም ፕሮዳክሽን የተዘጋጀው በአባይ ጉዳይ ላይ የሚያጠነጥን ፊልምና ሌሎች የኪነጥበብ ሥራዎች ለታዳሚዎች መቅረቡን ኤምባሲው አሰታውቋል።