አዲስ የወጣው መመሪያ እርስ በእርሱ የሚጣረስ መረጃ እንዳይፈጠር እንደሚረዳ አገልግሎቱ ገለጸ
*******
(ኢ ፕ ድ)

የመንግሥት ኮሙኒኬሽን አገልግሎት አዲስ ያወጣው መመሪያ እርስ በእርሱ የሚጣረስ መረጃ እንዳይፈጠር እንደሚረዳ ገለጸ::

የመንግሥት ኮሙኒኬሽን አገልግሎት ሚኒስትር ዴኤታ አቶ ከበደ ዴሲሳ በተለይ ለኢትዮጵያ ፕሬስ ድርጅት እንደገለጹት፤ በተለይ የፌዴራል ሚኒስቴር መስሪያ ቤቶች መረጃዎች በተገቢው መንገድ ለህብረተሰቡ ተደራሽ እንዲሆኑ አገልግሎቱ መመሪያ አውጥቷል::

በመመሪያው መሰረት በፌዴራል ሚኒስቴር መስሪያ ቤቶች የሚገኙ የኮሙኒኬሽን ክፍሎች አስፈላጊውን መረጃ ለሕዝቡ በቅንጅት እንዲያደርሱና ድጋፍም እንዲደረግላቸው ይረዳል::

እንደ አቶ ከበደ ማብራሪያ፤ በወጣው መመሪያ መሰረት የመንግሥት ኮሙኒኬሽን አገልግሎት የሚኒስቴር መስሪያ ቤት የኮሙኒኬሽን ኃላፊዎችን የመምራት፣ የማቀናጀት፣ የመደገፍና የመመደብ ስልጣን አለው:: የኮሙኒኬሽን ኃላፊዎችና ባለሙያዎችን ለማብቃትም እገዛ ያደርጋል ብለዋል::

ተገቢውን መረጃ በተናበበ መልኩ በቀላሉ በህብረተሰብ ዘንድ እንዲያደርሱም መስሪያ ቤቱ ድጋፍና ክትትል እንደሚያደርግ ጠቅሰዋል::

መረጃ በተናበበ መልኩ በቋሚነት ለሕዝቡ የሚደርስበት ሁኔታ ላይ ከሚዲያ አመራሮች ጋር...

ሙሉውን ለማንበብ ሊንኩን ይጫኑ
https://www.press.et/?p=71439

ኢትዮጵያን እናልማ፣ እንገንባ፣ እንዘጋጅ‼
ሀገርን በዘላቂነት እናልማ‼
የፈረሰውን አብልጠን እንገንባ‼
ለማንኛውም ፈተና እንዘጋጅ‼

በጋምቤላ ክልል ምርትና ምርታማነትን ለማረጋገጥ የተፋሰስ ልማት ሥራዎች ላይ ትኩረት ተደርጓል
***
(ኢ ፕ ድ)
ምርትና ምርታማነትን ለማረጋገጥ የተፋሰስ ልማት ሥራዎች ላይ ትኩረት አድርጎ እየሠራ እንደሚገኝ የጋምቤላ ክልል አስታወቀ::

ዘንድሮ በክልሉ በ64 ተፋሰሶች ላይ አካባቢን የማልማት ሥራ ተሠርቷል::

የክልሉ ግብርና ተፈጥሮ ሃብት ቢሮ ኃላፊ አቶ አጃክ ኡቻላ ለኢትዮጵያ ፕሬስ ድርጅት እንደገለጹት፤ ክልሉ ምርትና ምርታማነትን ለማረጋገጥ በተፋሰስ ልማት ስራዎች ላይ ትኩረት አድርጓል:: አየር ንብረት ለውጥና የአፈር መሸርሸርን በመከላከል በግብርናው ዘርፍ ምርትና ምርታማነትን በመጨመር በክልሉ የምግብ ዋስትና ለማረጋገጥ ተፋሰስ ልማት ጉልህ ሚና አለው ብለዋል::

ይህንን ለማሳካት በርእሰ መስተዳድሩ የሚመራ ግብረ ኃይል ተቋቁሞ እስከታችኛው የኅብረተሰብ ክፍል ድረስ ንቅናቄ ውስጥ መገባቱን ገልጸዋል:: እስከአሁን ድረስ በተሰራው ስራ በ64 ተፋሰስ አካባቢዎች ልማት ማካሄድ ተችሏል::

እንደ ቢሮ ኃላፊው ገለጻ፤ በተፋሰስ ልማቱ የተሰሩ እርከኖችና እስትራክቸሮች እንዳይበላሹ በአረንጓዴ ልማት ሥራዎች በመታገዝ ባለፈው ዓመት ስድስት ነጥብ አምስት ሚሊዮን ችግኞች ተተክለዋል:: ዘንድሮ ደግሞ አምስት ሺህ 325 ተፋሰስ አካባቢዎች ላይ የሚተከሉ ዘጠኝ ነጥብ አምስት ሚሊዮን..

ሙሉውን ለማንበብ ሊንኩን ይጫኑ
https://www.press.et/?p=71443

ኢትዮጵያን እናልማ፣ እንገንባ፣ እንዘጋጅ‼
ሀገርን በዘላቂነት እናልማ‼
የፈረሰውን አብልጠን እንገንባ‼
ለማንኛውም ፈተና እንዘጋጅ‼

የላልይበላ ገዳም ቋሚ የገቢ ምንጭ እንዲኖረው የሚያስችል እንቅስቃሴ ተጀመረ
*****
(ኢ ፕ ድ)
የላልይበላ ገዳም ቋሚ የገቢ ምንጭ እንዲኖረው ለማድረግ እንቅስቃሴ መጀመሩ ተገለጸ፡፡

የድጋፍ አሰባሳቢ ኮሚቴ አስተባባሪ ዲያቆን አንተነህ እሸቱ ለኢትዮጵያ ፕሬስ እንደገለጹት፤ የላልይበላ ገዳም በነበረበት ለመመለስ በዘላቂነት መፍትሔ የሚሆነው በተቻለ ፍጥነት የሀገርን ሰላም እና የቱሪዝም ፍሰቱን ወደነበረበት መመለስ ነው።

ግሸን በዓመት እስከ አንድ ሚሊየን ዜጎች እንደሚጎበኙት የጠቆሙት አስተባባሪው፤ በላልይበላም የሀገር ውስጥ የቱሪዝም እንቅስቃሴውን ለማነቃቃት እንዲሁም ደብሩ መሰል ችግር ሲገጥመው መቋቋም የሚችልበት ቋሚ የገቢ ምንጮችን በሂደት ለመመስረት መታሰቡን አመላክተዋል።

አስራ አንድ አብያተ-ክርስቲያናትን አቅፎ የያዘው ላልይበላ በውስጡ ከአንድ ሺህ በላይ አገልጋይ ካህናት፣ ከ100 በላይ የቅርስ ጠባቂዎች እንዲሁም በላልይበላ ከተማ ልመና እንዲቀር ለማድረግ ያደራጃቸውና ከደብሩ በቀጥታ የሚደጎሙ አረጋውያን ተጧሪዎች፣ ሕጻናት ከነወላጆቻቸው በድምሩ ከ10 ሺህ በላይ በቀጥታ በገዳሙ የሚደጎሙ ዜጎች መኖራቸውን አንስተዋል፡፡

ገዳሙ ቀደም ሲል ለካህናትና ቅርስ ጠባቂዎች ደመወዝ፣ ለሚያስተዳድራቸው አረጋውያን እና ሕጻናት ድጋፍ የሚያስፈልገውን አራት ሚሊየን ብር ወርሃዊ ወጪውን ሸፍኖ በዙሪያው ላሉ....

ሙሉውን ለማንበብ ሊንኩን ይጫኑ
https://www.press.et/?p=71435

ኢትዮጵያን እናልማ፣ እንገንባ፣ እንዘጋጅ‼
ሀገርን በዘላቂነት እናልማ‼
የፈረሰውን አብልጠን እንገንባ‼
ለማንኛውም ፈተና እንዘጋጅ‼

የክልል ርዕሳነ መስተዳድሮች መልዕክት‼️

የክልል ርዕሳነ መስተዳድሮች ለትንሣኤ በዓል ባስተላለፉት የእንኳን አደረሳችሁ መልዕክት በዓሉን ስናከብር በተፈጥሮና በሰው ሰራሽ ችግሮች ከቤት ንብረታቸው የተፈናቀሉ የህብረተሰብ ክፍሎችን በመርዳትና በመደገፍ ሊሆን እንደሚገባም ጠቁመዋል።

👉 የሶማሌ ክልል ርዕሰ መስተዳድር አቶ ሙስጠፌ ሙሁመድ ለመላው የክርስትና እምነት ተከታይ ኢትዮጵያውያን ባስተላለፉት መልዕክት ላለፉት ሁለት ወራት በጾም ጸሎት ለሀገር ሰላምና በረከት በመለመን እንዲሁም የክርስትና አስተምህሮ በሚያዘው መሰረት መልካም ነገሮችን በመፈጸም ለቆዩና በነገው እለት የትንሳኤ በአልን ለሚያከብሩ የክርስትና እምነት ተከታይ ኢትዮጵያውያን በሙሉ እንኳን ለብርሃነ ትንሳኤው አደረሳችሁ ብለዋል።

በዓሉ ሲከበር የእምነቱ አስተምህሮ በሚያዘው መሰረትና በተለመደው ኢትዮጵያዊ የመደጋገፍ ባህልና እሴታችን መሰረት በተለያየ ምክንያት ለችግር ለተጋለጡ ወገኖችን አስበን ያለንን በማካፈል፣ ማእዳችንን በማጋራት ሊሆን ይገባልም ብለዋል፡፡

በተለያዩ የሀገሪቱ አከባቢዎች በድርቅ፣ በጦርነትና በተለያዩ ሰው ሰራሽና የተፈጥሮ አደጋዎች ለችግር የተጋለጡና በችግር ውስጥ የሚገኙ ወገኖቻችን ለአፍታም ቢሆን መዘንጋት የለብንም ብለዋል፡፡

በታላቁ የረመዳን የጾም ወር ላይ የእስልምና እምነት ተከታዮችም የጀመሯቸውን መልካም ተግባራት በማከናወን እንዲያሳልፉ ጠይቀዋል፡፡

👉 የአማራ ክልል ርዕሰ መስተዳድር ይልቃል ከፋለ (ዶ/ር) ባስተላለፉት የእንኳን አደረሳችሁ መልዕክት ሞትን አሸንፎ ከመነሣት፣ ከመቃብርና ጨለማ ከመውጣት፣ ከሲኦልና እስራት ከመፈታት የሚበልጥ ምንም ደስታ ሊኖር አይችልም፤ ትንሳኤም በአዳም ላይ የተፈረደው ፍርድ ሁሉ ተደምስሶ፣ ፍጹም ነፃነት፣ የማይለወጥ ደስታ የተገኝበት ነው ብለዋል፡፡

የክልሉ መንግሥት በጦርነት እና በተለያዩ ግጭቶች ምክንያት ተፈናቅለው በአስቸጋሪ ሁኔታ ውስጥ የሚገኙ ወገኖች በዓሉን በአብሮነትና በደስታ እንዲያሳልፉ አስፈላጊውን ድጋፍ በማድረግ ላይ ይገኛል ያሉት ርዕሰ መስተዳድሩ በቀጣይም የተፈናቀሉ ወገኖችን በዘላቂነት ለማቋቋም የምናደርገው ጥረት አጠናክረን እንቀጥላለን ብለዋል። ኅብረተሰቡ የትንሣኤ በዓልን ሲያከብር ወገኖችን በመደገፍና ማዕድ በማጋራት ወገናዊ ኃላፊነቱን እንዲወጣም ጥሪ አቅርበዋል፡፡

👉 የደቡብ ክልል ርዕሰ መስተዳድር አቶ እርስቱ ይርዳ በመልዕክታቸው የትንሳዔ በዓል የላቀ ፍቅርን፣አክብሮትን ዝቅ በማለት የላቀ ከፍታ እንዳለ የምንረዳበት በዓል ነው፡፡ በዓሉን ስናከብር በተፈጥሮም ሆነ በሰው ሰራሽ ችግሮች ከቤት ንብረታቸው የተፈናቀሉ የህብረተሰብ ክፍሎችን በመርዳትና በመደገፍ ሊሆን እንደሚገባም ጠቁመዋል። በማይመች ሁኔታ ላይ ሆነው በዓልን የሚያሳልፉ ወገኖቻችንን አለንላችሁ ልንላቸው ይገባል ብለዋል።

ህብረታችንን ካጠናከርን እጅግ የገዘፈ የመሰለንን ችግር በቀላሉ መሻገር እንችላለን ለዚህ ደግሞ የመላው ህዝባችንን የላቀ ድጋፍ ይጠይቃል በማለት ተናግረዋል። መንግስት የኑሮ ውድነቱን ለማረጋጋት የግብርና ምርትና ምርታማነትን ለማሳደግ እያካሄደ ያለው ጥረት ሊጠናከር ይገባል ያሉት ርእሰ መስተዳደሩ፤ በንግድ ስርዓቱ ላይ የሚስተዋለውን ህገ ወጥነትን በመከላከል ረገድ የህብረተሰቡ ተሳትፎ ከፍተኛ ሊሆን ይገባል ብለዋል፡፡

👉 ሲዳማ ክልሉ ርዕሰ መስተዳድር አቶ ደስታ ሌዳሞ፣ እየሱስ ክርስቶስ በቀራኒዮ መሰቀል ላይ ተሰቅሎ ዘላለማዊ የሞት መጋረጃን ከማስወገዱም ባሻገር በምድር ላለን ፍቅርን፣ ትህትናን፣ መልካምነትንና ለሌሎች ስንል መስዋዕትነት መክፈልን አስተምሮናል። መላው የክርስትና እምነት ተከታይ ምንም የሌላቸውን ወገኖችን በመርዳት፤ ጠዋሪ የሌላቸውን አረጋዊያን በመደገፍ ፤ ያላው ለሌለው በማካፈል በዓሉን ማክበር እንደሚገባ ተናግረዋል።

ለጠላቶቻችን እኩይ ሴራ ሳንበረከክና ሳንበገር የሐገራችንን ሰላምና አንድነት ለማስጠበቅ ከምን ጊዜውም በላይ አንድነታችንን አጠናክረን ክርስቶስ ባስተማረን ፍቅር ከዘር ጥላቻና ፅንፈኝነት ተላቀን የሐገራችንን ሰላም በጋራ አናስጠብቅ ሲሉም ገልፀዋል።

👉 የደቡብ ምዕራብ ኢትዮጵያ ህዝቦች ክልል መንግስት ምክትል ርዕሰ መስተዳድር ዶክተር ኢንጂነር ነጋሽ ዋጌሾ በመልዕክታቸው በዓሉ ስለሰው ልጆች ፍቅር በመስቀል ላይ በተከፈለ ዋጋ የተገኘ መሆኑን በማስታወስ ያለንን ማህበራዊ አንድነታችንን በማጠናከር፣ በመዋደድና በመከባበር ማክበር ከሁላችንም ይጠበቃል፡፡

ያለንን ማካፈል የባህላችን አንድ አካል ሆኖ የዘለቀ ዕሴት ነው ያሉት ምክትል ርዕሰ መስተዳድሩ ለአረጋዊያንና አቅመ ደካሞች ፍቅርና ክብርን በማሳየት በዓሉን እንደ አንድ ቤተሰብ በመሆን በጋራ ማክበር ይገባልም ብለዋል ፡፡

ክልሉ በቅርቡ የተመሠረተ ክልል ስለሆነ ሁሉ አቀፍ ዕድገት ለማስመዝገብ ከመቼውም በላቀ መትጋት ስለሚጠበቅንን በመተባበርና በጋራ መንቀሳቀስ ያስፈልገናል ሲሉ አሳስበዋል፡፡

👉 የሀረሪ ክልል ርዕሰ መስተዳድር አቶ ኦርዲን በድሪ፣ ህዝበ ክርስቲያኑ በፆም ወቅት ያሳየውን መልካም ተግባራትን በበዓሉም ወቅት በማጎልበት ህሙማንን በመጠየቅ ወገናዊ ኃላፊነቱን እንዲወጣ ይባል ብለዋል በእንኳን አደረሳችሁ መልዕክታቸው፡፡

በክልሉ የህግ የበላይነትን ለማስከበርና ዘላቂ ሰላምን ለማረጋገጥ በሚደረጉ እንቅስቃሴዎች ህዝቡ የበኩሉን አስተዋጾኦ እንዲያበረክት ጠይቀዋል፡፡ በዓሉም የሰላም፣ የአንድነት፣ የመተሳሰብ፣ የደስታና የፍቅር እንዲሆንም ተመኝተዋል።

👉 የድሬዳዋ አስተዳደር ከንቲባ ከድር ጆሀር ባስተላለፉት ትንሳኤ ለሰው ልጆች ሁሉ ከመከራ የመነሳት የተስፋ ምልክት ተደርጎ የሚወሰድ በመሆኑ እኛም አሁን የገጠሙንን የውስጥና የውጭ ችግሮች ተቋቁመን ፈተናዎችን በፅናት ለመሻገር መነሳት ይኖርብናል። አሁን ላይ የገጠሙንን ፈተናዎች አልፈን የምንሻገር እንድንሆን ተስፋን የምንሰንቀበት በዓል ነው፡፡ ፍቅርንና አንድነትን በመስበክ ማክበር ይገባል ሲሉም ገልጸዋል።

በሶማሌ ክልል ከ9 ቢሊየን ብር በላይ ካፒታል ላስመዘገቡ ባለሃብቶች የኢንቨስትመንት ፈቃድ ሰጠ
******
(ኢ ፕ ድ )

በሶማሌ ክልል ባለፉት ዘጠኝ ወራት ከ9 ቢሊየን ብር የሚበልጥ ካፒታል ላስመዘገቡ 381 ባለሃብቶች የኢንቨስትመንት ፈቃድ መስጠቱን የክልሉ ኢንቨስትመንትና ኢንዱስትሪ ቢሮ አስታውቋል።

የቢሮው ምክትል ሃላፊ ወይዘሮ ዘይነባ ሀጂ አድን እንደገለጹት የኢንቨስትመንት ፈቃዱ የተሰጠው ከሐምሌ 1 ቀን 2013 ዓ.ም ጀምሮ ባለፉት ዘጠኝ ወራት ውስጥ ነው።

ባለሃብቶቹ በግብርና፣ ኢንዱስትሪ፣ ትራስፖርት፣ አገልግሎትና ሌሎችም የልማት ዘርፎች በተለያዩ የክልሉ አካባቢዎች ለመሰማራት የሚያስችል እቅድ አቅርበው እንደፀደቀላቸው ገልጸዋል።

በአሁኑ ወቅትም የፕሮጀክቶቻቸው ግንባታና ሂደት በተለያየ የአፈፃፀም ደረጃ ላይ እንደሚገኝ የጠቀሱት ወይዘሮ ዘይነባ፣ በሙሉ አቅማቸው ወደ ስራ ሲገቡ ከ14 ሺህ ለሚበልጡ ሰዎች ቋሚና ጊዜያዊ የስራ እድል ይፈጥራሉ ተብሎ እንደሚጠበቅ ገልጸዋል።

የክልሉ መንግስት በከተሞች የመንገድ መሰረተ ልማት ማስፋፋቱ በተለይ ጅግጅጋ ከተማ የውስጥ ለውስጥ የአስፓልት መንገድ መገንባቱ፣ ከምን ጊዜም በላይ ሰላምና መረጋጋት በክልሉ መኖሩ ለኢንቨስትመንት እንቅስቃሴው ምቹ ሁኔታ መፍጠሩን አስረድተዋል።

ባለሃብቶቹ በገቡት ውል መሰረት እቅዶቻቸውን ወደ ተግባር እንዲቀይሩ ድጋፍና ክትትል እየተደረገ ነውም ብለዋል።

የክልሉ መንግስት ባለሃብቶች ራሳቸውን እና ማህበረሰቡን እንዲጠቅሙ የኢንቨስትመንት ስራዎች ፈቃድ ከመስጠት ጀምሮ የተለያዩ ማበረታቻዎች እንዲያገኙ ለማድረግ ዝግጁ መሆኑን መግለጹን ኢዜአ ዘግቧል።

ኢትዮጵያን እናልማ፣ እንገንባ፣ እንዘጋጅ‼
ሀገርን በዘላቂነት እናልማ‼
የፈረሰውን አብልጠን እንገንባ‼
ለማንኛውም ፈተና እንዘጋጅ‼