Campus fox 🦊

Instagram | Telegram

Sizga ko'proq vaqt kerak emas. Ko'proq bilim kerak emas. Ko'proq energiya kerak emas.

Sizga ko'proq diqqat kerak. Fokus kerak.

@jakhonrakhmonov

It takes a village.

Payshanba, soat 21:30. “Pencils down”, xona bo’ylab Christopher Moretti ning ovozi jarangladi. Ikkinchi kursning 1 yarim yilligi o’z nihoyasiga yetdi. Bu semester eng qiyini bo’ldi. Lekin, juda ko’p narsa o’rgandim.

Small World qahvaxonasida o’tirib, quloqchinimdan Boney M ning “Rivers of Babylon” qo’shig’i yangragan holda ushbu postni yozarkanman, hayolimda faqat bir narsa - “Qanday qilib hozirga holatimga erishdim?” Atiga ikki yil avval, Qo’qonda, hattoki 1 chaqirim naridagi do’konga ham o’zim chiqishimga ruxsat berishmas edi. Bugun esa, uydan 6 minglab chaqirim uzoqlikda yashab o’qiyabman. Albatta, bularga qaysidir ma’noda, qattiq mehnatim sababchidir, lekin bir narsani unutmasligim kerak. Ushbu post sarlavhasidek, kimnidir rivojida juda ko’p insonlar hissasi bo’ladi. Shaxsan mening sayohatimda, ancha insonlarning katta yordami bo’lga, xususan, ota-onam, akam, opamlar, amakimlar, va bunga chuqurdan chuqur bir umur minnatdorman. Odatda, hursandligimizdan yoki g’ururimizdan, kimlar yordam berganini, balki juda kichik bo’lsada, unutamiz.

Bu postni yozishdan oldin, semester davomida yordam bergan o’qituvchilarimga rahmatnomalar jo’natdim. Yil oxirlarkan, o’tgan yilga aks eting. Hozirgi holatingizga kelishingizga kimlarni hissasi tegdi, ularga albatta rahmat ayting. Aslini olganda, vaqt bu nisbiy narsa, reflect qilish uchun yilning oxirini kutish ham shart emasdir balki. Eng qizig’i, 2 yil oldin, inshoyimni tekshirib bergan, ba’zilarga ma’lum bo’lgan admissionsmom ga rahmat xatimni bugun yozdim, va albatta, hechdan ko’ra kech yaxshi.

Instagram | Telegram

New Year's Resolution.

Ko’pchilik yangi yildan maqsadlar qo’yishadi, va odatda boshlangan ishlar 20 kun ham davom etmaydi. Balki kimdirlar ohirigacha qilib tugatar, lekin ko’pincha “Yangi yildan boshlayman” degan gapni ko’p eshitamiz. Misol uchun zalda, yil boshida odam juda ko’p bo’ladi, va oy o’tgan sari yana kamayib ketadi.

Vaqt bu nisbiy tushuncha, bir ishni qilish uchun yangi yil boshi, oy boshi, yoki dushanbani kutish kerak emas. Bu dangasalik belgisi. Maqsad qildingizmi, imkon topishingiz bilan qiling. Bu bilan yil uchun umuman maqsadlar qo’ymang demoqchi emasman. Muhimi va qiyin tarafi o’sha ishlarni amalga oshirish.


Instagram | Telegram

Realistik maqsadlar qo’ying.

Ohirgi paytlarda juda ko’p kunlarim stressda o’tdi. Go’yoki yetarlicha qilmayabman. Yetarlicha o’qimayabman, ish qilmayabman. Asl sababi bu o’zimdan kutgan norealistik talablarim.

Har kungilik qilishim kerak bo’lgan ishlarim ro’yxatiga, inson jismoniy jihatdan tugatishi mumkin bo’lmagan miqdorda task lar qo’yardim. O’z-o’zidan tugatolmasdan, tushkunlikka tushardim.

Qissadan hissa, kun, oy va yil uchun qo’lingizdan keladigan, rostan ham amalga oshirishga kuchingiz yetadigan tasklaringizni yozib qo’ying.

Instagram | Telegram

Kichik qadamlar.

Odatda, yangi yildan “yangi hayot” boshlash maqsadida o’zimizga katta bosim qo’yamiz, va 10 kun o’tar o’tmas “burnt out” holatiga kelasiz. O’z salohiyatingizga shubha qilasiz.

Barchasi kichik qadamlardan boshlanadi. Misol uchun, turishingiz bilan suv ichishga odatlaning, stretching yoki meditation qiling, kichik bo’lsada skincare tartibga qo’ying. Bularni barchasiga deyarli 20 daqiqa ham ketmaydi. To’g’ri ovqatlaning. Tanangizni harakatlantiring. Ijtimoiy tarmoqlarni o’chirib tashlang, voz keching. Har kuni, 2 bet bo’lsa ham kitob o’qing.

Vaqt o’tishi bilan, bularni barchasi odatga aylandi. Agar, boshida o’zingizni majburlab qilayotgan bo’lsangiz, vaqt o’tib barchasini o’zingiz hohlab bajarasiz (Discipline.)

Instagram | Telegram

Rejalar, notelar va tashkiliy ishlar uchun ilova👇


https://www.notion.so/product

Free work out plans.

https://www.muscleandstrength.com/

Qo’qonga kelganimdan beri bir narsa guvohi bo’ldim:

tik tok, instagram reels, youtube, youtube shorts, va turli xil ilovalarga mukkasidan ketgan yosh bolalar.

Qayerga qaramang, hoh u 2 yosh bo’lsin hoh 12, ko’zlari ekrandan uzulmagan holda, ikki bukulib telefonga qarayotgan bolalarni ko’rasiz. Agar qo’lidan qurilmasi olib qo’yilsa, asabiylashib butun uyni boshiga ko’taradiganlarini ham ko’rdim.

Hozirgi bolalarga tug’ilishi bilan qo’liga smartfon tutqiziladi. Ayni aqliy faoliyati rivojlanishi kerak bo’lgan paytda, kitob o’qish o’rniga asosiy vaqti 15 soniyalik videolaru, o’yinlar o’ynash bilan o’tadi. Zerikishni unutadi. Bolalar odatda zerikkanidan, miyadagi bo’shliqni to’ldirish uchun har xil g’oyalar bilan chiqadi, o’yinchoqlar o’ynaydi, o’zini xursand qilish uchun har xil ishlar qilib ko’radi, ya’ni creative bo’ladi. Endi, cheksiz soatlab telefon o’ynar ekan, bolalar aqliy faoliyatida o’zgarishlar sodir bo’ladi, undan tashqari “myopia” rivojlanadi. Bular haqida ko'plab maqola/ilmiy ishlar bor.

Eng achinarli tarafi shundaki, ota-onalar o’z manfaatlari uchun farzandlarini soatlab telefonda qarovsiz qoldirishadi. Yana, “2 yosh bo’lsa ham o’zi bemalol telefonni butunlay boshqara oladi” -deb mag’rurlanishadi, va kulishadi. Bu yoqda esa, bola kelajagini barbod qilishayotganini unutishadi.

Farzandli bo’lish o’zini juda katta mas’uliyatlari bilan keladi. Agar doimiy nazorat qilishga, birga o’tirib rasm chizish, o'ynashga, darslarini qildirishga yoki kitob o’qishga vaqtingiz bo’lmasa, yana o’ylab ko’ring, o’z farzandingizga dushman bo’lmang.

Instagram | Telegram

1 - qism

Universitetda o’qish shartmi?

Ko’pchilikda savol tug’ilishi mumkin: Hayotda muvaffaqiyatli bo’lish uchun universitetda o’qish shartmi?

Qisqa javob: Yo’q, shart emas!

Lekin o’ylaymanki, bu javob hammaga ham taalluqli emas . Universitetda o’qish o’qimaslik barchani shaxsiy maqsadlari va sharoitiga borib taqaladi.

Hozirgi kunda, internetda ma’lumot oshib toshib yotibdi, va istagan narsangizni o’rgansangiz bo’ladi. Misol uchun yo’nalishim Computer Science, va buni albatta qunt bilan mustaqil o’rgansam bo’ladi. Lekin, universitet berishi mumkin bo’lgan narsalar juda ko’p.

Tanishlar: Universitetda orttirgan do’st va tanishlaringiz bilan munosabatlar uzoq yillar davom etadi. Bu bilan, boshqachasiga do’st orttirolmaysiz demoqchi emasman albatta, lekin universitetda osonroq. Turli xil insonlar bilan gaplashish, fikr almashish shaxsiy rivojlanish va fikrlashingizga yordam beradi. Bir ish boshlamoqchi bo’lsangiz, sizni qo’llab quvvatlaydigan va yordam beradigan odamlar bo’ladi. Sohangizdagi professorlar bilan tanishasiz. Ularni ko’magi va maslahatlari katta ro’l o’ynashi mumkin.

Mustaqillik/shaxsiy rivojlanish: Erkin bo’lasiz, va eng muhimi hammasi o’zingizga bog’liq bo’ladi. Comfort zone dan chiqasiz. Hatolardan dars olasiz. Kimlar bilan do’st bo’lish, odamlar bilan to’g’ri muloqot qilish, ular oldida o’zingizni qanday tutishni o’rganasiz. Nimaga diqqat qilish kerak, nimaga qilmaslik kerak, bularni asta sekinlik bilan o’rganasiz. Do’stlar bilan munosabatlar, darslar, qo’shimcha mashg’ulotlar va boshqa ko’plab narsalarni bir vaqtda muvozanat qilishga harakat qilasiz. Shaxsiy rivojlanasiz.

Kattalardek hayot kechirasiz. Moilaviy muommolaringizni hal qilishni o’rganasiz, ovqat qilish, uyni ozoda tutishni o’rganasiz. Va ko’plab real hayot saboqlarini olasiz.

Bu esa albatta qiyin. Ayniqsa, boshqa davlatda o’qiyotgan bo’lsangiz 10 barobar qiyinroq. Lekin, comfort zone dan chiqish shunday bo’ladi. Shundagina rivojlanasiz.

📣📣📣Do you have a project in mind that will bring about positive change in your community? Do you need funding to make your dream project come true? Apply for an American Center Tashkent (ACT) grant!🇺🇸 Awards may range from a minimum of $2,000 to a maximum of $6,000.

Project proposals should address the areas below:

✅ Media Literacy
✅Citizen Journalism
✅STEM Programs
✅Climate Literacy
✅Debates

📌For more information, visit the U.S. Embassy website: Grant from the American Center Tashkent

Har bayram kunlari oshxonani bezatishadi. Kecha xalqaro taomlar kuni ekan. Oldinlari shunaqa tadbirlarda O’zbekiston bayrog’i ko’rinmasdi, va nihoyat olishibdi.

Instagram | Telegram

Yana bir Princetonning o’ziga xos narsalaridan biri bu Eating Clubs.

Eating Club lar tarixi uzundan uzoq, va ular haqida ushbu wikipedia sahifasida o’qishingiz mumkin. Qisaqacha qilib tushuntirganda, eating club lar 3 va 4 - kurslar qo’shilishi mumkin bo’lgan kichik jamiyatlar. Hozirda Princeton 11 ta eating club bo’lib barchasining o’z oshxonasi, kutubxonalari, dam oladigan xonlari, darsxonalari, va billiard xonalari bor. Barchasi bir necha yuz yillik eski qasrga o’xshash uylar, va har birining 200 ga yaqin a’zolari bor. Bu kabi club lar boshqa universitetlarda bo’lmaganligi uchun odatda tushuntirish qiyin.

Bu yerda esa har birini rasmlari bilan ko’rishingiz mumkin: https://princetoneatingclubs.org/