Нагадваем, што да 15 мая цягнецца рэгістрацыя індывідуальных заявак для ўдзелу ў Х Міжнародным Кангрэсе даследчыкаў Беларусі! А каб лягчэй было прыняць рашэнне, прапануем вам азнаёміцца з канцэпцыямі панэляў, што будуць прадстаўленыя на Кангрэсе!

На вялікі жаль, вайна працягваецца. Таму нагадваем пра зварот Аркамітэта Кангрэса з асуджэннем расійскай вайсковай агрэсіі ва Украіне, і разлічваем на падтрымку ўдзельнікамі Кангрэса такой пазіцыі .
Удзельнікам Кангрэса з Украіны з нашага боку будзе вылучаная максімальная матэрыяльная падтрымка.

Адкрыта для падпісання і распаўсюду!
Навукоўцы, даследчыкі, прадстаўнікі акадэмічнай супольнасці і дзеячы культуры звяртаюцца да беларускага суда ў сувязі са "справай" Уладзіміра Мацкевіча.
🔊 "Мы хочам быць упэўнены, што рашэнне суда будзе вынесена аб’ектыўна і ў адпаведнасці з прынцыпам In dubio pro reo. Улічваючы ўсё вышэй выкладзенае, высокую грамадскую значнасць будучага судовага працэсу, з’яўляючыся прыхільнікамі прынцыпаў і міжнародных рэгламентацый у дачыненні да свабоды думкі, свабоды сходаў, справядлівага суда, мы перакананы ў тым, што справа Уладзіміра Мацкевіча павінна быць разгледжана ў адкрытым судовым пасяджэнні, доступ зацікаўленай грамадскасці на судовае пасяджэнне павінен быць забяспечаны і гарантаваны".
Падпісаць зварот
Поўны тэкст звароту

Дыскусія “Гісторыкі і гістарычная навука ва ўмовах палітычнага крызісу ў Беларусі і вайны ва Украіне”
10 мая 2022, 16.00, ZOOM.

Удзельнікі: Алег Дзярновіч, Алесь Краўцэвіч, Ірына Раманава. Мадэратары: Аляксей Ластоўскі, Андрэй Казакевіч.
Дыскусія ладзіцца ў рамках падрыхтоўкі юбілейнага 10-ага Міжнароднага кангрэсу даследчыкаў Беларусі і стане першай з цыклу абмеркавання стану сацыяльных і гуманітарных навук ва ўмовах палітычнага крызісу ў Беларусі і вайны ва Украіне.
Гісторыкі і гістарычная навука не існуюць у палітычным вакууме, іх развіццё і творчую дзейнасць вызначаюць актуальныя грамадскія падзеі. За апошнія гады Беларусь і Цэнтральна-Усходняя Еўропа перажылі рэвалюцыйныя змены, якія істотна павысілі цікавасць да беларускіх даследаванняў, і разам з тым сфармавалі новыя выклікі.
Палітычныя рэпрэсіі супраць навукоўцаў, новыя міжнародныя магчымасці, санкцыі супраць Беларусі, вайна Расіі ва Украіне – тэмп грамадска-палітычных зменаў ашаламляе і патрабуе асэнсавання, патрабуе і новай ступені адказнасці для гісторыкаў як навукоўцаў, інтэлектуалаў і грамадзян.
На дыскусіі прапануецца абмеркаваць наступныя праблемы:
- Што адбылося з беларускімі гісторыкамі і гістарычнай навукай ва ўмовах палітычнага крызісу і вайны ва Украіне?
- Наколькі разбуральнымі былі дзеянні дзяржавы ў дачыненні навукоўцаў ва ўмовах палітычнага крызісу, як гэта паўплывала на працу гістарычнай супольнасці ў дзяржаўных і недзяржаўных інстытутах?
- Як уплывае на беларускую гістарычную навуку змены ў гістарычнай палітыцы і ўзмацненне расійскага ўплыву на дзяржаўную ідэалогію?
- Ці існаванне навукі ў выгнанні можа быць эфектыўным? Наколькі дзейсныя праграмы дапамогі, наколькі эфектыўныя альтэрнатыўныя інстытуцыі?
- Якім мусіць быць адказ беларускай гістарычнай навукі на вайну ў Украіне? Як захоўваць беларуска-украінскае паразуменне сярод гісторыкаў?

Для рэгістрацыі на дыскусію звяртайцеся па адрасу: icbs@palityka.org.

Шаноўныя калегі!
Нагадваем, што 15 траўня завяршаецца збор індывідуальных заявак для ўдзелу ў 10-м (юбілейным) Міжнародным Кангрэсе даследчыкаў Беларусі.

Апублікаванае падсумаванне дыскусіі пра праблемы і выклікі гістарычнай навукі, зладжанай у межах падрыхтоўкі да 10-га Міжнароднага Кангрэса даследчыкаў Беларусі.

Дыскусія “Сацыялогія ва ўмовах палітычнага крызісу ў Беларусі і вайны ва Украіне”
1 чэрвеня 2022, 15.00, ZOOM.
Удзельнікі: Алег Алампіеў, Генадзь Коршунаў, Аксана Шэлест.
Мадэратары: Андрэй Казакевіч, Аляксей Ластоўскі,.
Дыскусія ладзіцца ў рамках падрыхтоўкі юбілейнага 10-ага Міжнароднага кангрэсу даследчыкаў Беларусі і ўваходзіць у цыклу абмеркавання стану сацыяльных і гуманітарных навук ва ўмовах палітычнага крызісу ў Беларусі і вайны ва Украіне.
За апошнія гады Беларусь і Цэнтральна-Усходняя Еўропа перажылі рэвалюцыйныя змены, якія істотна павысілі цікавасць да беларускіх даследаванняў, і разам з тым сфармавалі новыя выклікі.
Масштабныя палітычныя пратэсты, рэпрэсіі супраць актывістаў і грамадзянскай супольнасці, санкцыі супраць Беларусі, вайна Расіі ва Украіне – тэмп зменаў ашаламляе і патрабуе асэнсавання, патрабуе і новай ступені адказнасці. Гэта таксама прывяло да вялізнай запатрабаванасці ў надзейных сацыялагічных дадзеных, з чым паўстала таксама сур’ёзная праблема, пераважна – з-за надзвычай жорсткага дзяржаўнага кантролю ў гэтай сферы.
На дыскусіі прапануецца абмеркаваць наступныя праблемы:
- Яшчэ да восені 2020 года некаторыя эксперты і палітыкі сцвярджалі, што сацыялогія ў Беларусі немагчымая. Ці засталася прастора для сацыялагічных апытанняў і як можна перааодолець “спіраль маўчання” і “фактар страха”?
- Якія новыя магчымасці даюць анлайн-апытанні і як адольваць абмежаванні выбаркі?
- Якім чынам можна ставіцца да апытанняў, што праводзяць дзяржаўныя службы, што адбылося з Інстытутам сацыялогіі?
- Калі не апытанні, то што? Якія яшчэ магчымасці для даследаванняў ёсць у беларускіх сацыёлагаў?

Для рэгістрацыі на дыскусію, запоўніце наступную форму:
https://docs.google.com/forms/d/1-2TWNRNBc6_YlwUbIPOsNIlTMKzeMtLXU6VJ6JCwXb8/edit

Запрашаем на чарговую дыскусію!
Дыскусія “Даследаванне міжнародных адносін і знешняй палітыкі ў сучаснай Беларусі: выклікі палітычнага крызісу і вайны”
15 чэрвеня 2022, 15.00, ZOOM.
Удзельнікі: Сяргей Богдан, Віктар Шадурскі, Кацярына Шмаціна.
Мадэратары: Андрэй Казакевіч, Аляксей Ластоўскі.
Дыскусія ладзіцца ў рамках падрыхтоўкі юбілейнага 10-ага Міжнароднага кангрэсу даследчыкаў Беларусі і ўваходзіць у цыкл абмеркаванняў стану сацыяльных і гуманітарных навук ва ўмовах палітычнага крызісу ў Беларусі 2020 года і вайны ва Украіне.
Гэта трэццяя дыскусія з цыкла. Першая прайшла 10 траўня і была прысвечана стану гістарычнай навукі, другая (1 чэрвеня) - сацыялогіі.
За апошнія гады Беларусь і Цэнтральна-Усходняя Еўропа перажылі рэвалюцыйныя змены, якія істотна павысілі цікавасць да вывучэння Беларусі і разам з тым сфармавалі новыя выклікі.
Масштабныя палітычныя пратэсты, рэпрэсіі, разбурэнне грамадскіх і палітычных інстытутаў, санкцыі супраць Беларусі, вайна Расіі ва Украіне – тэмп зменаў ашаламляе і патрабуе асэнсавання і новай ступені адказнасці. Гэта таксама прывяло да глыбокіх змен у даследаванні знешней палітыкі і міжнародных адносін у Беларусі. Змены адбыліся не толькі ў тэмаў даследаванняў, але і ў арганізацыі даследчай супольнасці.
На дыскусіі прапануецца абмеркаваць наступныя праблемы:
- Якім чынам падзеі апошніх год паўплывалі на праблематыку і тэмы даследаванняў міжнародных стасункаў (IR, international relations) і знешняй палітыкі (FP, foreign policy) ў Беларусі. Якія змены адбыліся ў экспертнай і акадэмічнай супольнасці.
- Яшчэ да восені 2020 года была магчымая супраца розных сегментаў экспертнай супольнасці ў галіне IR і FP, камунікацыя паміж даследчыкамі вельмі розных палітычных поглядаў. А што адбываецца зараз, ці магчыма зараз бесстароннасць, ці эксперты і даследчыкі незваротна разышліся па ваюючых баках? І агулам, ці магчыма камунікацыя і абмен ідэямі, калі так, то ў якім фармаце?
- У сувязі з ростам цікавасці да Беларусі, ці з’явіліся новыя асобы і даследаванні, якія б пановаму асэнсоўвалі Беларусь на міжнародных пляцоўках? Ці па-ранейшаму беларускія навукоўцы застаюцца замкнёнымі ў нацыянальных рамках? Ці адбыліся нейкія канцэптуальныя змены метадаў і падыходаў?
- Ці можа быць так, што расійская агрэсія ва Украіне прывядзе да поўнага “зацірання” беларускай праблематыкі? Наколькі зараз запатрабаваныя даследаванні знешняй палітыкі і міжнародных стасункаў Беларусі?
Для рэгістрацыі на дыскусію, запоўніце наступную форму.

Нагадваем пра чарговую дыскусію!
Дыскусія “Даследаванне міжнародных адносін і знешняй палітыкі ў сучаснай Беларусі: выклікі палітычнага крызісу і вайны”
15 чэрвеня 2022, 15.00, ZOOM.
Удзельнікі: Сяргей Богдан, Віктар Шадурскі, Кацярына Шмаціна.
Мадэратары: Андрэй Казакевіч, Аляксей Ластоўскі.
Дыскусія ладзіцца ў рамках падрыхтоўкі юбілейнага 10-ага Міжнароднага кангрэсу даследчыкаў Беларусі і ўваходзіць у цыкл абмеркаванняў стану сацыяльных і гуманітарных навук ва ўмовах палітычнага крызісу ў Беларусі 2020 года і вайны ва Украіне.
Для рэгістрацыі на дыскусію, запоўніце наступную форму.

Eastern Europe Studies Centre (EESC) в сотрудничестве с Белорусской ассоциацией
исследовательских центров (BARC) приглашает исследователей, ученых и экспертов из Беларуси подавать заявки на получение стипендии для поездки на конференцию по вашему выбору.

Дыскусія
“Літаратуразнаўства і лінгвістыка ва ўмовах палітычнага крызісу ў Беларусі і вайны ва Украіне”
29 чэрвеня 2022, 16.00 (Мінск - Вільня), ZOOM.
Мадэратары: Андрэй Казакевіч, Аляксей Ластоўскі.
Удзельнікі: Вінцук Вячорка, Сяргей Кавалёў, Жанна Некрашэвіч-Кароткая, Алена Рудэнка.

Дыскусія ладзіцца ў рамках падрыхтоўкі юбілейнага 10-ага Міжнароднага кангрэсу даследчыкаў Беларусі і ўваходзіць у цыкл абмеркаванняў стану сацыяльных і гуманітарных навук ва ўмовах палітычнага крызісу ў Беларусі і вайны ва Украіне. Да гэтага часу былі арганізаваны дыскусіі па гісторыі, сацыялогіі і міжнародным стасункам.
За апошнія гады Беларусь і Цэнтральна-Усходняя Еўропа перажылі рэвалюцыйныя змены, якія істотна павысілі цікавасць да беларускіх даследванняў і разам з тым сфармавалі новыя выклікі.
Масштабныя палітычныя пратэсты, рэпрэсіі супраць актывістаў і грамадзянскай супольнасці, санкцыі супраць Беларусі, ваенная агрэсія Расіі супраць Украіны – тэмп зменаў ашаламляе і патрабуе асэнсавання, а з іншага боку патрабуе і новай ступені адказнасці.
На дыскусіі прапануецца абмеркаваць наступныя праблемы:
Уварванне Расіі ва Украіну пад імперскімі і мілітарысцкімі лозунгамі справакавала дыскусіі пра патрэбы антыкаланіяльнай рэвізіі і перагляду імперскага канону “высокай расійскай культуры”. Асабліва гэта датычна да украінскай гуманістыкі, але цікава што адбываецца ў беларускім літаратуразнаўстве і лінгвістыцы, ці ёсць тут запатрабаванасць у антыкаланіяльным падыходзе?
Сталі з’яўляцца звесткі, што беларускіх аўтараў выключылі з украінскіх школьных праграм па літаратуры. І гэта толькі адзін з сігналаў змененага стаўлення да беларускай культуры. Якім чынам у гэтай няпростай сітуацыі можна захоўваць супрацу з украінскімі калегамі і адстойваць беларускую мову і культуру?
Наколькі разбуральнымі былі дзеянні дзяржавы ў дачыненні да навукоўцаў ва ўмовах палітычнага крызісу, як гэта паўплывала на працу навуковай супольнасці ў дзяржаўных і недзяржаўных інстытуцыях? Ці можа існаванне навукі ў выгнанні быць эфектыўным? Наколькі дзейсныя праграмы дапамогі і наколькі эфектыўныя недзяржаўныя інстытуцыі ў сённяшніх умовах?

Рэгістрацыя на дыскусію

Нагадваем, што сёння адбудзецца дыскусіч, яшчэ можна зарэгістравацца! Дыскусія
“Літаратуразнаўства і лінгвістыка ва ўмовах палітычнага крызісу ў Беларусі і вайны ва Украіне”
29 чэрвеня 2022, 16.00 (Мінск - Вільня), ZOOM.
Мадэратары: Андрэй Казакевіч, Аляксей Ластоўскі.
Удзельнікі: Вінцук Вячорка, Сяргей Кавалёў, Жанна Некрашэвіч-Кароткая, Алена Рудэнка.

Дыскусія ладзіцца ў рамках падрыхтоўкі юбілейнага 10-ага Міжнароднага кангрэсу даследчыкаў Беларусі і ўваходзіць у цыкл абмеркаванняў стану сацыяльных і гуманітарных навук ва ўмовах палітычнага крызісу ў Беларусі і вайны ва Украіне. Да гэтага часу былі арганізаваны дыскусіі па гісторыі, сацыялогіі і міжнародным стасункам.
За апошнія гады Беларусь і Цэнтральна-Усходняя Еўропа перажылі рэвалюцыйныя змены, якія істотна павысілі цікавасць да беларускіх даследванняў і разам з тым сфармавалі новыя выклікі.
Масштабныя палітычныя пратэсты, рэпрэсіі супраць актывістаў і грамадзянскай супольнасці, санкцыі супраць Беларусі, ваенная агрэсія Расіі супраць Украіны – тэмп зменаў ашаламляе і патрабуе асэнсавання, а з іншага боку патрабуе і новай ступені адказнасці.
На дыскусіі прапануецца абмеркаваць наступныя праблемы:
Уварванне Расіі ва Украіну пад імперскімі і мілітарысцкімі лозунгамі справакавала дыскусіі пра патрэбы антыкаланіяльнай рэвізіі і перагляду імперскага канону “высокай расійскай культуры”. Асабліва гэта датычна да украінскай гуманістыкі, але цікава што адбываецца ў беларускім літаратуразнаўстве і лінгвістыцы, ці ёсць тут запатрабаванасць у антыкаланіяльным падыходзе?
Сталі з’яўляцца звесткі, што беларускіх аўтараў выключылі з украінскіх школьных праграм па літаратуры. І гэта толькі адзін з сігналаў змененага стаўлення да беларускай культуры. Якім чынам у гэтай няпростай сітуацыі можна захоўваць супрацу з украінскімі калегамі і адстойваць беларускую мову і культуру?
Наколькі разбуральнымі былі дзеянні дзяржавы ў дачыненні да навукоўцаў ва ўмовах палітычнага крызісу, як гэта паўплывала на працу навуковай супольнасці ў дзяржаўных і недзяржаўных інстытуцыях? Ці можа існаванне навукі ў выгнанні быць эфектыўным? Наколькі дзейсныя праграмы дапамогі і наколькі эфектыўныя недзяржаўныя інстытуцыі ў сённяшніх умовах?

Рэгістрацыя на дыскусію

Інстытут Вялікага Княства Літоўскага абвяшчае пяты конкурс на наданне Узнагароды імя Юліуша Бардаха

Узнагарода надаецца за найлепшыя доктарскія (кандыдацкія) працы, напісаныя па праблемам дзяржаўнай, прававой і культурнай спадчыны Вялікага Княства Літоўскага ў XIX-XX стагоддзі, а таксама па аналагічным праблемам звязаным з гісторыяй прынамсі двух краін зямель былога Вялікага Княства Літоўскага – Беларусь, Літва, Польшча і Украіна.

На конкурс могуць быць прадстаўлены доктарскія (кандыдацкія) дысертацыі, абароненыя ў 2020-2021 гадах.

Тэрмін прадстаўлення прац – 30 кастрычніка 2022 года. Просім дасылаць працы на адрас: rustis@ldki.lt

Да 28 лютага 2023 года камісія, прызначаная Інстытутам ВКЛ, абвесціць спіс прац, намінаваных на прэмію.

Кандыдаты на ўзнагароду будуць запрошаны на ўрачыстую цырымонію ўзнагароджання, якая пройдзе ў адным з гарадоў рэгіёна Цэнтральна-Усходняй Еўропы.

Чытаць далей

Арганізацыйны камітэт Міжнароднага Кангрэса даследчыкаў Беларусі запрашае журналістаў для асвятлення падзей юбілейнага 10-Кангрэса, што будзе адбывацца 30 верасня - 2 кастрычніка ў Коўне (Літва).
Зацікаўленых журналістаў просім зарэгістравацца праз наступную форму.

Прапануем азнаёміцца з агульнай праграмай Кангрэса - 2022.

Дыскусія “Беларуская паліталогія: выклікі палітычнага крызісу і вайны”

14 верасня 2022, 16.00 (Мінск/Вільня), ZOOM.

Мадэратар: Аляксей Ластоўскі.

Удзельнікі: Андрэй Казакевіч, Павел Усаў, Юрый Чавусаў, Таццяна Чуліцкая.

Дыскусія ладзіцца ў рамках падрыхтоўкі юбілейнага 10-ага Міжнароднага кангрэсу даследчыкаў Беларусі і ўваходзіць у цыкл абмеркаванняў стану сацыяльных і гуманітарных навук ва ўмовах палітычнага крызісу ў Беларусі 2020 года і вайны ва Украіне.

За апошнія гады Беларусь і Цэнтральна-Усходняя Еўропа перажылі рэвалюцыйныя змены, якія істотна павысілі цікавасць да вывучэння Беларусі і разам з тым сфармавалі новыя выклікі.

Масштабныя палітычныя пратэсты, рэпрэсіі, разбурэнне грамадскіх і палітычных інстытутаў, санкцыі супраць Беларусі, вайна Расіі ва Украіне – тэмп зменаў ашаламляе і патрабуе асэнсавання і новай ступені адказнасці. Гэта таксама прывяло да глыбокіх змен у даследаванні палітычнай сферы ўБеларусі. Змены адбыліся не толькі ў тэмаў даследаванняў, але і ў арганізацыі даследчай супольнасці.

На дыскусіі прапануецца абмеркаваць наступныя праблемы:

- Якім чынам падзеі апошніх год паўплывалі на праблематыку і тэмы даследаванняў беларускай палітычнай сістэмы Беларусі. Якія змены адбыліся ў экспертнай і акадэмічнай супольнасці?

- Яшчэ да восені 2020 года была магчымая супраца розных сегментаў экспертнай супольнасці, камунікацыя паміж даследчыкамі вельмі розных палітычных поглядаў. А што адбываецца зараз, ці магчыма зараз бесстароннасць, ці эксперты і даследчыкі незваротна разышліся па ваюючых баках? І агулам, ці магчыма камунікацыя і абмен ідэямі, калі так, то ў якім фармаце?

- У сувязі з ростам цікавасці да Беларусі, ці з’явіліся новыя асобы і даследаванні, якія б пановаму асэнсоўвалі Беларусь на міжнародных пляцоўках? Ці па-ранейшаму беларускія навукоўцы застаюцца замкнёнымі ў нацыянальных рамках? Ці адбыліся нейкія канцэптуальныя змены метадаў і падыходаў?

- Ці можа быць так, што расійская агрэсія ва Украіне прывядзе да поўнага “зацірання” беларускай праблематыкі? Наколькі зараз запатрабаваныя даследаванні беларускай палітыкі?

Форма для рэгістрацыі

Апублікаваная праграма секцый Кангрэса. Спадзяемся, што ў гэтым годзе наладзім і публічную трансляцыю праз ZOOM.

Публікуем праграму круглых сталоў і прэзентацый!

Яшчэ адна пленарная дыскусія адбудзецца на Кангрэсе ў нядзелю 2 кастрычніка - «Думаць Беларусь. Інтэлектуальныя праграмы як практыка пераўтварэння грамадства».
Прапануем вам пазнаёміцца з яе праграмай.