Арганізацыйны камітэт Міжнароднага Кангрэса даследчыкаў Беларусі запрашае журналістаў для асвятлення падзей юбілейнага 10-Кангрэса, што будзе адбывацца 30 верасня - 2 кастрычніка ў Коўне (Літва).
Зацікаўленых журналістаў просім зарэгістравацца праз наступную форму.

Прапануем азнаёміцца з агульнай праграмай Кангрэса - 2022.

Дыскусія “Беларуская паліталогія: выклікі палітычнага крызісу і вайны”

14 верасня 2022, 16.00 (Мінск/Вільня), ZOOM.

Мадэратар: Аляксей Ластоўскі.

Удзельнікі: Андрэй Казакевіч, Павел Усаў, Юрый Чавусаў, Таццяна Чуліцкая.

Дыскусія ладзіцца ў рамках падрыхтоўкі юбілейнага 10-ага Міжнароднага кангрэсу даследчыкаў Беларусі і ўваходзіць у цыкл абмеркаванняў стану сацыяльных і гуманітарных навук ва ўмовах палітычнага крызісу ў Беларусі 2020 года і вайны ва Украіне.

За апошнія гады Беларусь і Цэнтральна-Усходняя Еўропа перажылі рэвалюцыйныя змены, якія істотна павысілі цікавасць да вывучэння Беларусі і разам з тым сфармавалі новыя выклікі.

Масштабныя палітычныя пратэсты, рэпрэсіі, разбурэнне грамадскіх і палітычных інстытутаў, санкцыі супраць Беларусі, вайна Расіі ва Украіне – тэмп зменаў ашаламляе і патрабуе асэнсавання і новай ступені адказнасці. Гэта таксама прывяло да глыбокіх змен у даследаванні палітычнай сферы ўБеларусі. Змены адбыліся не толькі ў тэмаў даследаванняў, але і ў арганізацыі даследчай супольнасці.

На дыскусіі прапануецца абмеркаваць наступныя праблемы:

- Якім чынам падзеі апошніх год паўплывалі на праблематыку і тэмы даследаванняў беларускай палітычнай сістэмы Беларусі. Якія змены адбыліся ў экспертнай і акадэмічнай супольнасці?

- Яшчэ да восені 2020 года была магчымая супраца розных сегментаў экспертнай супольнасці, камунікацыя паміж даследчыкамі вельмі розных палітычных поглядаў. А што адбываецца зараз, ці магчыма зараз бесстароннасць, ці эксперты і даследчыкі незваротна разышліся па ваюючых баках? І агулам, ці магчыма камунікацыя і абмен ідэямі, калі так, то ў якім фармаце?

- У сувязі з ростам цікавасці да Беларусі, ці з’явіліся новыя асобы і даследаванні, якія б пановаму асэнсоўвалі Беларусь на міжнародных пляцоўках? Ці па-ранейшаму беларускія навукоўцы застаюцца замкнёнымі ў нацыянальных рамках? Ці адбыліся нейкія канцэптуальныя змены метадаў і падыходаў?

- Ці можа быць так, што расійская агрэсія ва Украіне прывядзе да поўнага “зацірання” беларускай праблематыкі? Наколькі зараз запатрабаваныя даследаванні беларускай палітыкі?

Форма для рэгістрацыі

Апублікаваная праграма секцый Кангрэса. Спадзяемся, што ў гэтым годзе наладзім і публічную трансляцыю праз ZOOM.

Публікуем праграму круглых сталоў і прэзентацый!

Яшчэ адна пленарная дыскусія адбудзецца на Кангрэсе ў нядзелю 2 кастрычніка - «Думаць Беларусь. Інтэлектуальныя праграмы як практыка пераўтварэння грамадства».
Прапануем вам пазнаёміцца з яе праграмай.

Пачынаем публікаваць шорт-лісты Прэміі Кангрэса за лепшыя навуковыя публікацыі.
У гэтым годзе экспертныя рады разглядалі і дзве дадатковыя катэгорыя для замежных аўтараў:
- за лепшую польскамоўную манаграфію (2016-2021);
- за лепшы англамоўны артыкул на сацыяльна-палітычную праблематыку (2020-2021).
Вызначэнне пераможцаў адбудзецца на Кангрэсе ў Коўна 1 кастрычніка.

Працягваем публікацыю шорт-лістоў Прэміі Кангрэса - на гэты раз па сацыяльна-палітычных навуках. Як ужо стала традыцыяй, зноў разглядаліся толькі артыкулы.

Публікуем чарговыя шорт-лісты Прэміі Кангрэса, на гэты раз па гуманітарных навуках (асобна манаграфіі і артыкулы)!

Хочам прапанаваць вашай увазе новы партнёрскі-тэлеграм канал "De Facto. Беларуская навука"!
Канал пра беларускую навуку - даследаванні, навіны супольнасці і ўсё блізкае да гэтай тэмы.
Інфармацыя пра ўсе значныя падзеі ў беларускім даследчым жыцці ў краіне і за мяжой з фокусам на сацыяльная і гуманітрныя дысцыпліны. Задача даць усю панараму таго, што адбываецца ў Беларусі, беларускіх замежных асяродках, а таксама замежных цэнтрах, што робяць даследаванні па Беларусі. У адрозненні ад усіх іншых рэсурсаў, увага надавацца як дзяржаўнай, так і недзяржаўнай даследчай сферы.
Наш сімвал на аватарцы - чатары элементы светабудовы. Трактат “Прырода рэчаў” (VII ст.) Ісідора Сівільскага - патрона навукі і студэнтаў, а зараз яшчэ і інтэрнэту.
https://news.1rj.ru/str/BelarusScience

Працягваем знаёміць вас з шорт-лістамі Прэміі Кангрэса за лепшыя навуковыя публікацыі ў 2021 годзе, і прапануем вам пазнаёміцца са спісамі патэнцыйных пераможцаў у катэгорыі “гісторыя”.

Вызначэнне пераможцаў адбудзецца на Дзясятым Міжнародным Кангрэсе даследчыкаў Беларусі, Коўна, 1 кастрычніка 2022 года.

Працягваем знаёміць вас з шорт-лістамі Прэміі Кангрэса за лепшыя навуковыя публікацыі ў 2021 годзе, і прапануем вам пазнаёміцца са спісамі патэнцыйных пераможцаў у катэгорыі “гісторыя”.

Вызначэнне пераможцаў адбудзецца на Дзясятым Міжнародным Кангрэсе даследчыкаў Беларусі, Коўна, 1 кастрычніка 2022 года.

У гэтым годзе ўпершыню можна будзе падключыцца анлайн да некаторых працоўных панэляў Кангрэса.

Удзельнікі Кангрэса могуць бясплатна наведаць унікальную выставу «Вечна вольная Украіна!» ў Вайсковым музеі Вітаўта Вялікага, якая распачала працу 22 верасня.
Выстава распавядае пра барацьбу Украіны за свабоду і незалежнасць напачатку ХХ стагоддзя, якая знайшла адлюстраванне не толькі ва Украіне. Выстава раскрывае малавядомыя старонкі вайны за незалежнасць Украіны, якія асабліва актуальныя ў кантэксце сучаснай вайны. Асноўная ўвага надаецца гісторыі абмундзіравання ўкраінскага войска пачатку ХХ стагоддзя перыядаў Сечавых стральцоў Украіны, Цэнтральнай Рады Украіны, УНР, ЗУНР, праўлення гетмана Украіны Паўла Скарападскага і Дырэкторыі УНР.
Да пачатку вайны ва Украіне гэтая выстава экспанавалася ў Нацыянальным музеі гісторыі Украіны перыяду Другой сусветнай вайны ў Кіеве, але музейныя каштоўнасці былі эвакуіраваны і перададзены ў Ваенны музей Вітаўта Вялікага. Да гэтага часу большасць экспанатаў былі вядомыя толькі вузкаму колу спецыялістаў, але недаступныя шырокай публіцы.