🇻🇪 Վենեսուելայի նախագահ Նիկոլաս Մադուրոն Նյու Յորք բերվելուց հետո տեղափոխվել է ամերիկյան բանտ:

🔸Հրապարակված տեսանյութում 63-ամյա Մադուրոն, դիմելով լրագրողներին, ասում է. «Բարի գիշեր, շնորհավոր Նոր տարի»: |azatutyun.am|

Տեսանյութը՝ Փոլ Մաուրոյի / Fox news

🧊 Հունվարի 4-ի երեկոյան, 4-ի լույս 5-ի գիշերը և առավոտյան ժամերին հանրապետության բոլոր ավտոճանապարհներին սպասվում է մերկասառույց։

🌡 Օդի ջերմաստիճանը հունվարի 8-9-ին ողջ հանրապետությունում գիշերային ժամերին կբարձրանա 16-20, ցերեկային ժամերին՝ 3-5 աստիճանով։

☁️ Սպասվում է առանց տեղումների եղանակ:

[Հիդրոօդերևութաբանության և մոնիթորինգի կենտրոն]

🚧 Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցներին համար համար։

[ՆԳՆ փրկարար ծառայություն]

🚙 Հունվարի 2-ի ժամը 08։00-ից մինչև հունվարի 4-ը ժամը 08։00-ն արգելափակումից դուրս է բերվել 145 տրանսպորտային միջոց:

[ՆԳՆ փրկարար ծառայություն]

‼️ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցներին համար համար։

[ՆԳՆ ՓԾ]

🇦🇿 🇺🇸 Ադրբեջանի նախագահը ԱՄՆ սենատորների և կոնգրեսականների հետ հանդիպմանն ասել է, որ Ադրբեջանին ուղղակի ամերիկյան օգնության տրամադրումը արգելող 907-րդ լրացման պահպանումը չի համապատասխանում երկու երկրների միջև հարաբերությունների ներկայիս զարգացման մակարդակին:

🔸 Ալիևը խոսել է նաև Հայաստանի հետ հարաբերությունների մասին՝ շեշտելով Բաքու-Երևան պայմանավորվածությունների պատմական նշանակությունը և նշել Թրամփի դերը տարածաշրջանային խաղաղության ամրապնդման գործում:

📌 Նա նշել է նաև Հայաստանի հետ առևտրի հաստատման և տրանսպորտային կապերի զարգացման կարևորությունը՝ հույս հայտնելով, որ TRIPP-ը նոր հնարավորություններ կստեղծի տարածաշրջանային տրանսպորտային կապերի համար։ |azatutyun.am|

❗Որպես անհետ կորած որոնվում է 1986թ. ծնված Գայանե Ջումանովան։

🔸 Նա հունվարի 3-ին Արմավիրի մարզի Դալարիկ գյուղի իր բնակարանից դուրս է եկել և չի վերադարձել։

📞 Նրա գտնվելու վայրի վերաբերյալ տեղեկություններ ունեցողները կարող են դիմել ոստիկանության մոտակա բաժին կամ զանգահարել 1-02։

[ՆԳՆ ոստիկանություն]

📌 Անհետ կորած Գայանե Ջումանովան հայտնաբերվել է:

🔸 Կազմված փաստաթղթերն ուղարկվել են նախաքննական մարմին:

[ՆԳՆ ոստիկանություն]

🇺🇸🇩🇰 Թրամփը դարձյալ խոսել է Գրենլանդիայի նկատմամբ ամերիկյան վերահսկողություն հաստատելու անհրաժեշտության մասին։

💬 «Գրենլանդիան ամբողջությամբ ծածկված է ռուսական և չինական նավերով։ Մեզ Գրենլանդիան հարկավոր է ազգային անվտանգության տեսանկյունից, իսկ Դանիան ի վիճակի չի լինելու դա անել։ ԵՄ-ին ևս անհրաժեշտ է, որ Գրենլանդիան դառնա ամերիկյան»,- ասել է ԱՄՆ նախագահ Դոնալդ Թրամփը նախագահական ինքնաթիռում լրագրողների հետ զրույցում։ |armenpress.am|

🇩🇰💬 Դանիայի վարչապետ Մետտե Ֆրեդերիկսենը կոչ է անում ԱՄՆ-ին դադարեցնել սպառնալիքները։

📌 «ԱՄՆ-ն իրավունք չունի անեքսիայի ենթարկել երեք ինքնավար մասերից (խմբ․՝ Դանիա, Գրենլանդիա և Ֆարերյան կղզիներ) և ոչ մեկը: Դանիայի թագավորությունը, և, հետևաբար, Գրենլանդիան, ՆԱՏՕ-ի մաս է, հետևաբար, Դաշինքի անվտանգության երաշխիքների տակ է:

📌 Կոչ եմ անում ԱՄՆ-ին դադարեցնել սպառնալիքներ հնչեցնել պատմականորեն մտերիմ դաշնակցի, ինչպես նաև մեկ այլ երկրի և մեկ այլ ժողովրդի դեմ, որոնք շատ հստակ հայտարարել են, որ չեն վաճառվում»։ |armenpress.am|

🇻🇪 Վենեսուելայի նախագահի պաշտոնակատար Դելսի Ռոդրիգեսն առաջնահերթ խնդիր է համարել ԱՄՆ-ի հետ հավասարակշռված և հարգալից հարաբերությունները և Վաշինգտոնին առաջարկել է աշխատել համատեղ օրակարգի շուրջ՝ հաշվի առնելով միջազգային իրավունքը։

🇺🇸 Ավելի վաղ ԱՄՆ նախագահ Դոնալդ Թրամփը հայտարարել էր, որ հարավամերիկյան այդ երկրի ավտորիտար կառավարիչները «շատ մեծ գին կվճարեն», եթե «չհամագործակցեն» Վաշինգտոնի հետ: |armenpress.am|

💬 Մայր Աթոռն արձագանքում է Փաշինյանի և 10 եպիսկոպոսների հայտարարությանը․

🔸 [Այս] գործողությունները ուղղակի ոտնահարում են ՀՀ Սահմանադրությունը, խախտում Եկեղեցու՝ թե՛ միջազգայնորեն, թե՛ ՀՀ օրենսդրությամբ ամրագրված իրավունքները։
🔸 Նման հակաեկեղեցական գործընթացների մեջ եպիսկոպոսների ներգրավումը, քահանայից դասի նկատմամբ կիրառվող ճնշումները դատապարտելի են։ (․․․)
🔸 Եկեղեցու կանոնակարգային հարցերը և բարենորոգումը վերպահված չեն ինքնահռչակ խորհրդի, այլ՝ Հայաստանյայց Առաքելական Սուրբ Եկեղեցու Նվիրապետությանը՝ իր բարձրագույն կառույցներով։
🔸 Նման անխոհեմ քայլերը կարող են հանգեցնել հերձվածի՝ ցավալի հետևանքներով։

🇮🇷 Իրանում բողոքի ցույցերի ժամանակ առնվազն 20 մարդ է զոհվել։ Այս մասին հաղորդում է իրանական Human Rights Activists News Agency (HRANA) իրավապաշտպան կազմակերպությունը։

🗣 Իրավապաշտպանների տվյալներով՝ զոհվածներից մեկը կապված է իրավապահ մարմինների հետ։ 51 մարդ վիրավորվել է։ Բացի այդ, ձերբակալվել է առնվազն 990 ցուցարար։ Իրավապաշտպանները կարծում են, որ ձերբակալվածների իրական թիվը կարող է ավելին լինել։ |factor.am|

🇪🇺🇻🇪 Եվրամիության 26 երկրներ հորդորել են ցուցաբերել զսպվածություն և խուսափել Վենեսուելայի շուրջ նոր ճգնաժամից։

🗣️ «ԵՄ-ն համամիտ է կազմակերպված հանցագործության և թմրանյութերի ապօրինի շրջանառության դեմ պայքարի կարևորությանը, միաժամանակ այս մարտահրավերները պետք է լուծվեն միջազգային իրավունքի և տարածքային ամբողջականության ու ինքնիշխանության սկզբունքների հանդեպ լիակատար հարգանքի և շարունակական համագործակցության միջոցով»,- ասված է հայտարարության մեջ, որին միացել են եվրոպական ընտանիքի 26 անդամները՝ Հունգարիայից բացի։ |azatutyun.am |

👩‍⚖️Վերաքննիչ դատարանը հետաձգել է Արշակ արքեպիսկոպոսի կալանքի վերաբերյալ որոշման հրապարակումը:

📌 Վճռի հրապարակմամբ պարզ կդառնար՝ Արշակ Սրբազանը կշարունակի պահվել բանտախցում, թե ազատ կարձակվի: Որոշումը սպասվում էր այսօր երեկոյան, հետո փաստաբաններին դատարանից տեղեկացրել են հետաձգման մասին, պատճառը չի հրապարակվում: | azatutyun.am|

🔸 ՀՀ վարչապետ Նիկոլ Փաշինյանը Երեւանի Սուրբ Սարգիս եկեղեցում մասնակցում է Ճրագալույցի պատարագին։

🔸 Միաժամանակ, Մայր աթոռ Սուրբ Էջմիածնի տաճարում Սուրբ ծննդյան Ճրագալույցի պատարագին մասնակցում է Ամենայն հայոց կաթողիկոս Գարեգին 2-րդը։

⛪️ Հայ առաքելական սուրբ եկեղեցու բոլոր եկեղեցիներում այսօր մատուցվում է Ճրագալույցի սուրբ պատարագ. նշվում է Հիսուսի Քրիստոսի սուրբ ծննդյան տոնը։

🇻🇪 🇺🇸 Նիկոլաս Մադուրոն եւ նրա կինը չեն ընդունում զենքերի եւ թմրանյութերի շրջանառության մեղադրանքը, հաղորդում է Fox news-ը։

⚖ Վենեսուելայի նախագահ Նիկոլաս Մադուրոյին եւ նրա կնոջը այսօր Նյու Յորքի դատարանի առաջ են կանգնեցրել, դատական նիստը մեկնարկել է։