Вітаем! Новы тыдзень - новы час для новых ведаў і стасункаў.

Чакаем вас ў прасторы KROPKA:

⚔️Панядзелак 23.01 18:30
NEW❗️Гістарычны клуб.
Тэма: “Паўстанне Каліноўскага”
Запіс да @Yan_Niakhaichyk

👥Серада 25.01 19:00
Беларускі клуб нэтворкінгу
Запіс праз апытанку

🗓Чацвер 26.01 19:00
Трэнінг "Як правесці ўстойлівае мерапрыемства"
Запіс да @anna_anamalia

🇬🇪Пятніца 27.01 15:00
Грузінская мова: вучым разам!
Заняткі па прынцыпу "роўны роўнаму"
Запіс праз гугл-форму

⁉️Пятніца 27.01 18:00-21:00
Сесія з коўчам Войтакам Тваркоўскім (Польшча) "Паглядзі ў будучыню".
Мова мерапрыемства - расейская
Запіс праз гугл-форму

🧶Субота 28.01 11:00
Вязальны клуб
Запіс да @katrina_happy

💬 Субота 28.01 14:00
English speaking club
Запіс да @pithecanthropuserectus

🎼 Нядзеля 29 студзеня 17:00
Вечар японскай музыкі. Прагляд відэападборкі песень японскай кампазітаркі Юкі Кадзіуры (з субтытрамі на беларускай мове)
Запіс праз гугл-форму

Магчыма вы стаміліся ад таго, што адбываецца з вамі, а можа проста ад Грузіі..
Магчыма вы б хацелі зменаў, але не да канца ведаеце якіх, ці вам бракуе матывацыі думаць пра будучыню і планаваць.

Коўч Войтак Тваркоўскі (Варшава) дапамагае людзям змяняць пункты погляду, вызначаць мэту і эфектыўна ўплываць на свет, атрымліваючы пры гэтым задавальненне ад жыцця.

«Паглядзі ў будучыню» - гэта групавая сесія з коўчам, дзе можна папрацаваць з уяўленнем, эмоцыямі, паглядзець на тое, якія магчымы дарогі наперад.

Войтак Тваркоўскі - коўч, апошнія 20 гадоў працаваў у арганізацыях грамадзянскай супольнасці, надаючы асаблівую ўвагу сацыяльнаму развіццю, правам чалавека і развіццю лідарскіх якасцяў. Скончыў коўч-трэнінгі ў школах Coachwise Poland і NOVO School of Group and Team Coaching.

🪙Уваход вольны, але вы можаце ахвяраваць любую суму на справу, якую лічыце важнай для сябе.

Мова падзеі - расейская

Запіс праз гугл-форму

📆 27 студзеня 2023
⏰ 18.00 - 21:00
📍 Месца: Тбілісі, 500 метраў ад метро Плошча Свабоды

Першая сустрэча гістарычнага клуба ў Кропцы прайшла з аншлагам💥. Дзякуй нашым вядучым і ўсім удзельні_цам за цікаўнасць!

Пішыце ў каментарах, якія тэмы вам цікава разабраць па гісторыі Беларусі⬇️

📍Трэнінг «Як правесці ўстойлівае мерапрыемства»

Запрашаем арганізатар_ак мерапрыемстваў пазнаёміцца з сучаснымі прагрэсіўнымі эўрапейскімі тэндэнцыямі ўстойлівага развіцця.

Вядоўца: Ганна, беларуская актывістка, якая наведвала курс «Устойлівыя мерапрыемствы» і хоча падзяліцца досведам.

🔺Устойлівае развіццё - гэта развіццё, пры якім патрэбы сучасных пакаленняў забяспечваюцца без шкоды для наступных пакаленняў.

На сустрэчы вы даведаецеся, як зрабіць сваё мерапрыемства ўстойлівым - як мага больш экалагічным, сацыяльным і эканамічным.

🌱Таксама даведаецеся, які экалагічны след пакідае кожнае мерапрыемства і разам знойдзеце спосабы яго кампенсацыі.

Удзел вольны

📆 26 студзеня 2023
⏰ 19.00 - 21:00
📍 Месца: Тбілісі, 500 метраў ад метро Плошча Свабоды (дакладны адрас дашлюць удзельнікам у асабістыя)

Запіс да @anna_anamalia

Заўтра, 25 студзеня з 9:00 да 11:00 вы можаце прынесці ў Кропку вашу рассартыраваную другасную сыравіну (пластыкавыя бутэлькі, паперу і кардон, шкло, батарэйкі), лепш у шматразовых торбах. А мы перададзім усё эка-таксоўцы ад Parki ar minda.

🌱 Будзьма эка-дружалюбнымі разам!

🚚Эка-таксоўка сёння прыязджала не дарэмна!

🌳Дзякуй нашым наведвальні_цам за іх экалагічны падыход да жыцця ў Грузіі.

Дарэчы, у праекта parki ar minda крыху змяніліся правілы сартавання паперы. Азнаёмцеся, калі ласка, з іх новымі парадамі.

🇯🇵 Вечар японскай музыкі

"...хоць пáдаем самі з ног, і голас дрыжыць - але ўсё адно мы пяём…»

🎎Аматараў музыкі, паэзіі, Японіі і беларускай мовы запрашаем разам занурыцца ў шматгалосы космас Юкі Кадзіуры - знанай японскай кампазітаркі ды аўтаркі песень.

🎶У першую чаргу Юкі Кадзіура здабыла славу як аўтарка саўндтрэкаў да анімэ-фільмаў і серыялаў, яе нават клічуць «японскім Хансам Цымерам».

Аднак галоўным яе захапленнем заўжды заставаліся песні, а яны па-за межамі Японіі недастаткова невядомыя, ды й словы іх незразумелыя... То выправім гэта разам з аматарам анімэ Іллёй.

🎸Цягам вечара мы пачуем і пабачым шэраг песень і вакальных тэм аўтарства Юкі Кадзіуры — у канцэртным выкананні праектаў FictionJunction, Kalafina ды Aimer з субтытрамі на беларускай мове (мастацкі пераклад), а ў тэкстах песен шмат такога, што абавязкова закране сэрца беларуса на чужыне…

Запіс праз гугл-форму

🔖Удзел вольны.
📆 29 студзеня 17.00-19.00
🏛 Месца: Тбілісі, 500м от плошчы Свабоды (адрас дашлем усім зарэгістраваным)

📍Гістарычны клуб у Кропцы.

У панядзелак працягваем размаўляць аб паўстанні 1863-1864г.

Калі мы разважаем пра паўстанне Каліноўскага, то звычайна ў першую чаргу ўзгадваем мужных паўстанцаў і касінераў, якія змагаліся за нашу і вашу свабоду.

🙍‍♀️Але пры гэтым як быццам бы забываемся пра жанчын. Але ж на той час менавіта яны былі вялікай апорай для мужчын і зрабілі значны ўнёсак у развіццё паўстання.

Пра жанчын, якія натхнялі, змагаліся і не заставаліся ў баку падчас паўстання мы і паразмаўляем на гістарычным клубе. Ад шляхцянак да выкладчыц, мы паспрабуем аднавіць іх імёны.

Вядоўца:
Святлана - экскурсаводка па Менску і Беларусі.

📆 30 студзеня 19:00 -21:00
🏛 Месца: Тбілісі, 500м от плошчы Свабоды (адрас дашлем усім зарэгістраваным)

🔖Удзел вольны.
Запіс да @Yan_Niakhaichyk

🇬🇪გამარჯობა როგორ ხარ?

Гэтыя амаль чароўныя словы адразу надаюць вашай гутарцы з грузінамі ветлівы тон.

Заўтра ў пятніцу 27.01 будзем вучыцца вітацца па-грузінскі. Вы даведаецесь новую лексіку і адразу папрактыкуеце яе ў дыялогах.

Запрашаем на заняткі тых, хто ўжо ведае грузінскі алфавіт.

🔖Удзел вольны.
📆 27 студзеня 15.00-16.00
🏛 Месца: Тбілісі, 500м от плошчы Свабоды (адрас дашлем усім зарэгістраваным)

Запіс у @kropkawork

🧶Сустрэча вязальнага клуба

У суботу здымаем напружанне працоўнага тыдня за прыемнымі размовамі на вязальным клубе Кацярыны і вучымся ствараць новы выраб - кошыкі для рэчаў.

У іх зручна складаць не толькі цыбулю🧅 і ручнікі, але і шапкі, шалі, пальчаткі 🧤
Ён не зойме месца пры змене кватэры😉, а яшчэ ў ім можа ўтульна размясціцца котка🐱

І, вядома, вы можаце прыходзіць са сваім праектам, працягваць ці пачынаць вязаць нешта з апісанняў мінулых сустрэч (шапкі, падстаўкі пад гарачае).

Падрабязнасці і запіс да ўдзелу тут.

🔖Удзел вольны.
📆 28 студзеня (субота)
⏰ 11.00 - 14.00
🏛 Месца: Тбілісі, 500м от плошчы Свабоды (адрас дашлем усім зарэгістраваным)

📍"Мова Нанова" у Тбілісі

Добрыя навіны! Клуб "Мая мова" працягвае сваю дзейнасць, але цяпер у рамках праекта "Мова Нанова".

Наступны занятак - 02 лютага ў чацвер, і тэма сустрэчы - Biełaruskaja Łaćinka.

🥳 Спецыяльны госць вечара - бард і музыка Сяргей Башлыкевіч, лідар гурта Leibonik.

02.02.1838 г. нарадзіўся Нацыянальны Герой Беларусі Кастусь Каліноўскі. Напярэдадні паўстання ён пачаў выдаваць сваю газету "Мужыцкая праўда" у дзьвух варыянтах правапісу беларускай мовы: кірылічным і лацінскім. Пра асаблівасці ды адметнасці апошняга і прапануюць пагаварыць вядоўцы.

▫️Даведаемся аб гісторыі узнікнення правапісу лацінкай
🔺Разам папрактыкуемся пісаць Łaćinkaj
▫️Паразмаўляем з Сяргеем Башлыкевічам аб тым, як ён перакладае лірыку замежных песен і, вядома ж, пасьпяваем🎸

🔖Удзел вольны.
📆 02 лютага 19.00-21.00
🏛 Месца: 500м от плошчы Свабоды (адрас дашлем усім зарэгістраваным)

Запрашаем!
Рэгістрацыя праз гугл форму

Не паспела зіма пачацца, як мы заходзім у апошні яе месяц🌨 Івэнты гэтага тыдня ў KROPKA:

🛡Панядзелак 30.01 19:00
Гістарычны клуб
Тэма: «Жанчыны ў паўстанні 1863-64»
Запіс да @Yan_Niakhaichyk

🕸Серада 01.02 19:00
Клуб беларускамоўнага нэтворкінгу
Запіс праз апытанку

🔖Чацвер 02.02 19:00
NEW❗️«Мова нанова»
Тэма: «Biełaruskaja Łaćinka»
Госць сустрэчы - Сяргей Башлыкевіч (Leibonik)
Запіс праз гугл-форму

🇬🇪Пятніца 03.02 15:00
Грузінская мова: вучым разам
Заняткі па прынцыпу «роўны роўнаму»
Запіс праз гугл-форму

🧶Субота 04.02 11:00
Вязальны клуб
Запис да @katrina_happy

🗯Субота 04.02 14:00
English speaking club
Запіс да @pithecanthropuserectus

📖Субота 04.02 16:00
Кніжны нон-фікшн клуб
Абмеркаванне кнігі С.Лема «Салярыс»
Запіс да @jediscajedisrien

🪅 Нядзеля 05.02 12:00
NEW❗️ Гурток «Шлях мастака»
(па кнізе Дж.Кэмеран)
Запіс да @MayaHamitova

🎭Нядзеля 05.02 14:30
NEW❗️Серыя трэнінгаў «Асновы акторскага майстэрства для жыцця і працы» з Аляксандрам Ждановічам
Запіс праз гугл-форму

🟠Серыя трэнінгаў "Асновы акторскага майстэрства для жыцця і працы" з Аляксандрам Ждановічам.

Мэта заняткаў - развіццё артыстызму, крэатыўнасці і імправізацыі у вырашэнні жыццёвых задач.

🎭Выконваючы простыя, але эфектыўныя практыкаванні, ўдзельні_цы навучацца:

▫️кіраваць целам, голасам і сваімі эмоцыямі;
▪️культуры вымаўлення і аратарскаму майстэрству;
▫️пераадольваць бар'еры ў камунікацыі;
▪️знімаць фізічныя і псіхалагічныя заціскі;
▫️выпрацоўваць нестандартныя рашэнні з фантазіяй.

Трэнінгі будуць карысны тым, хто:

- хоча навучыцца ўпэўнена выступаць перад публікай і ўтрымліваць увагу;
- праводзіць мерапрыемствы, лекцыі, трэнінгі і працуе з аўдыторыяй;
- хоча больш упэнена прэзентаваць сябе і свае праекты.

Вядоўца - Аляксандр Ждановіч, актор тэатра і кіно, тэлевядучы, настаўнік тэатральнай студыі.

Даты: 5 лютага, 12 лютага, 19 лютага
Час: 14:30-17:30

🖍Удзел вольны! Набіраецца група з 10 чалавек, якія змогуць наведаць курс цалкам. Запіс праз гугл-форму.

Напрыканцы міні-курса ўдзельнікі падрыхтуюць выніковы выступ да Дня роднай мовы 21 лютага.

✨Далучайцеся да падарожжа з рутыннага жыцця ў свет гульні, уяўлення і разняволення!

"Можа, хто спытае: гдзе ж цяпер Беларусь? Там, братцы, яна, гдзе наша мова жывець" (С) Францішак Багушэвіч, 1891 г.

Заўтра, у сераду, у Тбілісі пройдзе Беларускамоўны нэтворкінг! Створым разам невялікі куточак Беларусі ў Сакартвэла 🤗

Нэтворкінг — гэта магчымасць папрактыкаваць і пачуць беларускую мову ў Тбілісі, знайсці новых сяброў ды сустрэць аднадумцаў.
Падчас сустрэчы ўдзельнікі распавядаюць пра сябе ды абмяркоўваюць простыя пытаннні і такім чынам знаёмяцца паміж сабой.

⚡️ Падчас сустрэчы кожны ўдзельнік будзе мець магчымасць распавесці аб сваем уласным праекце ці зрабіць абвестку.

Па завяршэнні — афтэпаці і размовы ў вольнай абстаноўцы за келіхам гарбаты 🙃

Месца: 500 метраў ад Liberty Square
Дакладны адрас будзе дасланы пасля рэгістрацыі праз апытанку: https://news.1rj.ru/str/belarusianpracticetbilisi/733

📍NEW❗️Гурток "Шлях мастака" (па кнізе Дж.Кэмеран)

Кніга "Шлях мастака" лічыцца адным з лепшых падручнікаў па раскрыцці творчых здольнасцей.

Беларуская актывістка Майя Хамітова запрашае далучыцца да гуртка, каб палегчыць эміграцыю і адрадзіць свой творчы патэнцыял.

🔺Плануецца 13 сустрэч раз на тыдзень.
Колькасць удзель_ніц: ад 3 да 8 чалавек.

Гэты гурток:
- для людзей у творчым пошуку/крызісе,
- для тых, хто не можа пачаць рэалізоўваць сябе ў нейкай дзейнасці;
- для тых, у каго ўнутраны крытык "забівае" ўсе ідэі на карані.

Майя кажа:
🗝“Важна ў любых абставінах жыцця не забываць марыць, фантазіраваць і адчыняць новае.

Мы будзем выконваць штодзённыя і штотыднёвыя практыкі і пісьмовыя заданні пасля кожнага раздзела. Сустракаючыся разам, мы будзем дзяліцца цяжкасцямі і радасцямі пазнавання сябе і даваць адно аднаму падтрымку.”🫂

Запіс да @MayaHamitova

Удзел вольны
📆 05 лютага 2023
⏰ 12:00 - 14:00
📍 Месца: Тбілісі, 500 метраў ад метро Плошча Свабоды (дакладны адрас дашлюць удзельнікам у асабістыя)