The Golden Circle!

What (NIMA) - dunyodagi har bir tashkilot NIMA qilayotganini biladi. Masalan, bu ular sotadigan mahsulotlar yoki xizmatlar bo’lishi mumkin.

How (QANDAY) - Ba'zi tashkilotlar esa buni QANDAY qilishlarini bilishadi. Bu ularning o'ziga xos qiladigan strategiyasi yoki raqobatchilardan ajratib turadigan narsalardir.

Why (NEGA) - judayam kamchilik tashkilotlar esa o’z mahsulot yoki xizmatlarini nima sababdan qilayotganini bilishadi. Bu yaxshi daromad qilish emas, balki bu kompaniyaning maqsadi, mavjudlik sababidir.

Ma’lumot uchun.

✈️ @lidernotes
📷 @lidernotes

#101Maslahat

💡9️⃣6️⃣ Ilg’or kompaniyalar ko’proq xodimlarini traininglar olishiga va ichki almashinuvlarga e’tibor qaratadi.

Konsalting bo’yicha top bo’lgan McKinsey kompaniyasining izlanishlariga qaraganda, korxona-tashkilotlar talantli kadrlarning yetishmasligiga duch kelishmoqda. Hozirgi va kelajakda uchraydigan bu kabi bo’shliqlarni to’ldirish uchun, liderlar xodimlar malakasini oshirishga kuchli e’tibor berishlari kerak.

Malaka oshirish orqali rivojlanishga kuchli e’tibor bergan kompaniyalar o’zlariga talantlarni jalb qilish, o’stirish va saqlab qolish kabi sistemaga ega bo’lishlari mumkin.

Tadqiqot shuni ko’rsatadiki, rahbardan tortib oddiy xodimning ilm olib malaka oshirishiga imkon berish kompaniyalar samaradorligini belgilar ekan.

✈️ @lidernotes
📷 @lidernotes

❔

101 Maslahat loyihasi ham yana bir nechta postdan keyin vanihoyat tugaydi. Bu loyihaning kengaygan va davomi sifatida ajoyib bir g’oyani tayyorlayapman sizlar uchun.

Yana qanday loyihalar qilsam siz uchun qiziq?

Kommentlaringizni kutib qolaman👇

#101Maslahat

💡9️⃣7️⃣ O’zgarishlarni muvaffaqiyatli boshqarish!

Endigina rahbarlar jamoasiga qo’shilgan edim. Tabiiyki, hali o’z liderlik yo’limni topib ulgurmagan edim. Jamoadagi hammaga faqat bitta usul bilan yondashardim. Keyinchalik, Ken Blanchardning “Bir daqiqalik Menejer” deb nomlangan kitobini o’qiganimda bilib oldimki, 54% liderlar qanday vaziyat bo’lmasim faqat bitta liderlik usulidan foydalanishar ekan. Ya’ni ular 50% holatda jamoadoshlarining holatiga tushmaydigan noto’g’ri usuldan foydalanishar ekan.

Market rahbarim bilan suhbatlashar ekanman, u menga Situational Leadership (Vaziyatga qarab boshqarish) usuli haqida aytib berdi. Darrov shu usulni o’zimda qo’llay boshladim. Va birdaniga, shu 27 yoshli bola bizga qanday liderlik qilarkin deb yurgan jamoadoshlarim ham qisqa vaqt ichida meni eng qo’llab-quvvatlaydigan xodimga aylanishdi.

Situational Leadership (Vaziyatli boshqaruv) o’zi ichiga quyidagi 4 uslubni jamlab olgan:

✅ S1 (Ko’rsatma berish) - bunda jamoa hali jiddiy qarorlar olishga tajriba jihatdan tayyor bo’lmaydi va siz lider sifatida ko’rsatma berish orqali boshqarasiz.

✅ S2 (Ishontirish) - bunda jamoa ma’lum vazifani uddalashga ko’nikmalari yetarli emas, lekin kuchli xohish bor. Men asosan Coaching yo’li orqali jamoani shu vazifaga tayyorlashga harakat qilaman.

✅ S3 (Qo’llab yuborish) - bunda jamoa a’zolari liderdan ham kuchli bilimga ega mutaxassislar bo’lishadi, lekin o’zlariga bo’lgan ishonch bo’lmaydi. Men bu usulni qachonki bilimi bo’la turib, lekin o’zidan g’ayrat qilib jamoa rivojlanishiga hissa qo’shmayotganlarni ko’rganimda foydalanaman.

✅ S4 (Topshirib qo’yish) - bunda jamoa ham o’ziga bo’lgan ishonchi, ham kuchli bilimga ega bo’ladi va siz shunchaki vazifani topshirib qo’yasiz. Va shunda lider sifatida sizda progresslarni nazorat qilish, yangi strategiyalar tuzish va yo’lni yanada aniqlab olish uchun vaqt paydo bo’ladi.

Vaziyatga moshlashishda qiynaladigan tanishlarga yuborib qo’ying!

✈️ @lidernotes
📷 @lidernotes

#101Maslahat

💡9️⃣8️⃣ Kompensatsiya boshqa, e’tirof boshqa!

1 yil avval liderlar jamoasida katta o’zgarishlar bo’la boshladi va menga yana boshqa bir bo’limga
ham Menejerlikni topshirishdi. Endi 100% energiyani 2ta bo’limga sarflashga to’g’ri keldi. Tabiiyki, samaradorligim tusha boshladi va 3 oydan keyin bir xodim kelib avvalgidek bizga e’tibor bermayapsan deb feedback berib qoldi. Nima o’zgardi deb so’rasam, xodimlarning ishlarini e’tirof qilmay qo’yding dedi.

Ko’pchilik rahbarlar o’ylashadiki, yaxshi ishlagan xodimga kompansatsiya bersam rag’batlantirgan bo’laman deb o’ylashadi. Kompensatsiya - bu shunchaki xodimning haqqi. E’tirof esa bu rag’batlantiruvchi katta omil.

Xullas, yuqoridagi feedbackdan so’ng yana eski holatimga qaytib quyidagi 2 usul orqali xodimlarni rag’batlantirishda davom etdim:

✅ Formal bo’lmagan shaklda e’tirof qilish: bunda siz xodimning ma’lum bir vazifani kutilganidan ham yaxshi bajargani uchun rag’batlantirasiz. Masalan, birga tushlikka olib borish, kahva olib berish, kitob sovg’a qilish yoki shunga o’xshash esda qolarli shaklda e’tibor ko’rsatish. Esimda, bir xodim bilan har oy o’tkazadigan 1ga1 suhbatimni ofisda emas, yonimizdagi cafeda qilganimda tortinmasdan, erkin suhbat qilgandik va hammaga chiqib aytib yurgandi. Ish vaqtida 1ga1 suhbatni cafeda qilsa ham bo’larkan deb)

✅ Kunlik maqtovlar: bunda siz har kuni kimgadir shunchaki vazifasini bajarayotgani uchun maqtab qo’yasiz. Masalan, rahmat aytish orqali, ovozli xabar jo’natish yoki SMS yozish orqali. Juda ham kichik narsadek ko’rinishi mumkin, lekin bu katta natijaga olib boradi.

Unutmang, maqtov har bir inson xohlaydigan tuyg’u. Ayniqsa, rahbarlar tarafidan bo’lgan e’tirof.

🟩 @lidernotes
🟩 @lidernotes

#101Maslahat

💡9️⃣9️⃣ Quyidagi 4 ta narsani bajaring, rahbar sifatida ijod qilishga vaqt topasiz!

Boshqaruvni hammasini o’zingizga olaverib charchamadingizmi?

96% rahbarlar o’z biznesslarini strategik rivojlantirish uchun vaqt topa olmay qiynalishar ekan. Chunki ularning barchasi kunlik vazifalar, rahbar qilmasa ham amalga oshib ketadigan ishlar bilan o’ralashib qolishar ekan.

Yaqinda bir konsultatsiya paytida, bir rahbar hammasiga ulgurmayapman deb qoldilar. Chuqurroq sababini tahlil qilsak, xodimlarga ishonch yo’qligi va biror marta potentiali bor xodimlarga vazifalarni ishonib topshirib ko’rishmaganida ekan.

Quyidagi 4 ta narsani bajaring, rahbar sifatida ijod qilishga vaqt topasiz:

1️⃣ Fikrlashni o’zgartirish - rahbar doim oldidagi vazifalarni taqsimlab, topshirib yuborish degan fikrda bo’lishi kerak. Buni doim ongida aktiv saqlashi kerak.

2️⃣ Ko’nikmalar to’plami - yuqoridagi misol kabi rahbar sifatida ishni topshirishda qanday ko’nikmalari yetishmayapti, kamchilik qayerda shuni topib ustida ishlash.

3️⃣ Bajarish - 1 va 2 ni yo’lga qo’yib olish bilan kifoyalanmasdan, doim ishni taqsimlashni degan fikrni bajarishga aylantirish kerak. Ya’ni bugun 1kunlik vazifamdan necha foizini topshirib yubora olaman deyish kerak.

4️⃣ Munosabatlarni yaxshilash - xodimlar bilan munosabatlarni yaxshilash orqali o’rtada ishonch paydo bo’ladi. Xodimga ish topshirganingizda uning ham rivojlanish imkoniyati va jamoaga olib keladigan foydasi ko’payadi.

Hech narsa qilmagandan ko’ra, hech bo’lmasa shularni sinab ko’ring!

🟩 @lidernotes
🟩 @lidernotes

#Iqtibos_time

“Kuchsiz kompaniyalarda politikalar yutadi, kuchli kompaniyalarda esa zo’r g’oyalar yutadi!”

©️ Stiv Jobs

🟩 @lidernotes
🟩 @lidernotes

☕️ Boshqaruv xuddi kofe tayyorlashga o’xshaydi!

Rasmda o’ziga xos Origami qadoqli kofe. Ko’rinishidan shunchaki qaynagan bir chashka suvni ustidan quysangiz kofe tayyor bo’ladi. Lekin tayyorlab ko’rsangiz, ta’mi sizga yoki ichadigan odamga yoqmasligi aniq. Chunki qancha miqdor suv qo’yish kerak, qanaqa gradusda quyish kerak, taqsimlab quyish kerakmi yoki bittada chashka to’lguncha quyib yuborasizmi.

Liderlik ham xuddi shunday. Balansni olishni bilmagan, qaysi payt qanday strategiya yoki qanaqa liderlik usulidan foydalanishni bilmagan liderning boshqaruvi ham xuddi bemaza kofenikidek bo’p qoladi.

Uning uchun rahbar jamoasining holatini o’rganishi, bilishi va unga moslab turli strategiyalar qo’llashi kerak.

🟩 @lidernotes
🟩 @lidernotes

#101Maslahat

💡1️⃣0️⃣0️⃣ Xato qilmasdan rivojlanish bo’lmaydi!

Muvaqqaiyatga erishgan insonlar yoki doimiy yutuqlarga erishayotgan insonlar doim omadli insonlardek ko’rinadi. Aslida esa unday emas.

Ko’plab muvaffaqiyatli kompaniyalar ham siz bilan bizga eng zo’rlari bo’lib tanilishdan avval yuzlab muvaffaqiyatsizlikka uchragani ma’lum. Masalan, Apple Stive Jobsni ishdan bo’shatib yuboradi va bu xato Next va Pixar Animation loyihalarining paydo bo’lishiga sabab bo’ladi. Stiv Jobs yana Applega kuchliroq bo’lib qaytadi va shu vaqtgacha hayotimizning ajralmas qismiga aylangan iPhone yaratiladi.

Lider sifatida jamoangizni A nuqtadan B nuqataga olib borar ekansiz, jarayonda uchraydigan har bir qiyinchilik va muvaffaqiyatsizlikni uzoq muddatli yutuqlarga olib boruvchi tajriba sifatida qabul qilishga odatlaning.

Agar jamoangizda kamchilik yoki xato bo’lmayaptimi, bu sizga allaqachon signal bo’lishi kerak.

🟩 @lidernotes
🟩 @lidernotes

#101Maslahat 🥳

💡1️⃣0️⃣1️⃣ Endi sizga navbat…

Oxirgi 101-maslahatni shu arzimagan yo’lni birga bosib o’tgan siz yaqinlardan eshitgim keldi.

30 ga kirgan men akangiz yoki ukangizga qanday maslahat bergan bo’lar edingiz?

🟩 @lidernotes
🟩 @lidernotes

💬 101 Maslahat loyihasidan o’rganganlarim!

Azizlar, esinglarda bo’lsa bu loyihani o’zimga chellenj sifatida har kuni 1tadan maslahat post qilaman deb va’da bergandim. Lekin har doim ham biz o’ylaganimizdek bo’lmaydi. Yoki sog’liq tufayli, yoki ishlar ko’payib ketgani sabab ijod qilishga vaqt topolmaymiz.

Lekin o’zimga oxiriga yetkazib qo’yaman degan va’dam bor edi va nihoyat yakunini ham qildik. Agar shu loyiha hech bo’lmaganda 1 kishiga foydali bo’lgan bo’lsa, men maqsadimga yetdim deb o’ylayman.

Bu loyihadan nimalarni o’rgandim:

✅ Ba’zida imkonsiz ko’ringan maqsadlarni qo’yish kerakligini. Chunki maqsadga erishish qanchalik imkonsiz bo’lmasin, jarayonda anchagina o’sganimni va keyingi maqsadlarni yanada kattaroq qilishni tushundim;

✅ Qancha mukammallikka intilganim sari, shuncha bor tajriba ham ish bermasligini. Chunki mukammalikka intilsangiz bor tajribangiz ham xuddi yetarli emasdek ko’rinadi;

✅ 5 yil oldingi bosib o’tilgan yo’l, olingan bilimlar kun kelib men bilan bir xil pozitsiyadagi yosh kariyerasini boshlayotganlarga foydali bo’lishini;

✅ Sodda tilda, sodda formatda yozish ko’proq tushunarli va ko’proq insonga yetib borishini;

✅ Har bir qilinadigan loyiha orqali fikrlari o’xshash bo’lgan insonlar bilan birlashish imkoniyati borligini.

✅ Va albatta jarayondan rohatlanish kerakligini. Sizga qanchalik foydali bo’ldi bilmadim, lekin men shaxsan mazza qilib yozdim har bitta maslahatni.

Shunaqa gaplar…

🟩 @lidernotes
🟩 @lidernotes

📣

Va men 👆bulardan kuch olgan holda sizlarga 2 ta yana yangi loyihani tayyorlab qo’ydim.

Qanday loyiha ekanligini ertaga, 30-May kuni tongi soat 9:00da e’lon qilaman.

O’tkazib yubormang!
Hammaga hayrli kech!

📣

Assalomu aleykum hammaga!
Navbatdagi yangi kichik 2ta loyihani kutib oling!

✅ KLL - Kaizen Leadership Lab!
Bu loyiha BEPUL yopiq Telegram kanalda quyidagi maqsadlar ostida birlashadigan insonlar uchun. Kanalda aktivlik va sifatni ushlab turish uchun faqat quyidagi maqsadlarni oldiga qo’ygan insonlargina(Tadbirkor, Rahbar, Menejerlar va yoshlar) qo’shilishi mumkin:

1. Shaxsiy va professional rivojlanishni istaganlar;
2. Yetakchilik(liderlik) ko’nikmalarni o’rganish yoki rivojlantirishni istaganlar.

Agar siz ham shu ikki maqsad ustida rivojlanishni istasangiz @xurshid_sm ga “KLLga qo’shilmoqchiman” deb hoziroq yozishingiz mumkin.

✅ 2-loyiha bu Solo Podcast🎙️

Ba’zi aytmoqchi bo’lgan gaplarimni hammasini ham kichkina postga sig’dirib bo’lmaydi. Afsuski, uzun matnli postlarni o’qishga energiya yo’qolib ketyapti. Lekin pozitiv bo’lgan holatda, anashu fikrlarni yetkazib berish uchun YETAKCHI Podcastini boshlashga qaror qildim. Podcast 1-soni 1-Iyundan boshlab Xurshid Saidmuhammad kanalida ulashib boraman.

Mehringiz uchun oldindan rahmat! Yangi loyihalarda yana birgalikda rivojlanamiz!

🟩 @yetakchi_notes
🟩 @yetakchi_notes

🎙️ YETAKCHI Podcast 1-soni bugun O’zbekiston vaqti bilan 20:00da post qilaman. O’tkazib yubormang😊

🟩 @yetkachi_notes
🟩 @yetakchi_notes