"Беларускія сцежкі Каралін" запрашаюць на Гуканне вясны!

8 сакавіка, на мяжы дзьвух Каралін, на гары Kings Mountain, адбудзецца сапраўдная сустрэча з вясной — “Гуканне вясны ў Караліне”!

Сакавік, час, калі ўсё ажывае, а разам з ёй — і нашыя старадаўнія традыцыі.

У праграме — абрады на дабрабыт і шчасце, зазыванне вясны праз спевы, танцы, вясёлыя гульні і творчыя майстар-класы. Будзем ладзіць карагоды, частаваць адзін аднаго смакоццем і проста цешыцца цёплай атмасферай.

Мерапрыемства будзе камерным, у коле сяброў і блізкіх, а значыць — утульным і па-сапраўднаму хатнім.

“Гуканне вясны ў Караліне” — гэта сапраўдная магчымасць стаць часткай традыцыйнага беларускага вясновага свята!
https://www.facebook.com/share/15sRGppBfH/

8 сакавіка адзначаецца Міжнародны дзень салідарнасьці жанчын у барацьбе за свае правы.

І ў гэты дзень мы хочам ушанаваць памяць усіх выбітных беларускіх жанчын, якія пакінулі сьлед у гісторыі Беларусі. А таксама падзякваць тым, хто робіць свой унёсак у змаганьне за свабоду ў Беларусі і ў развіцьцё беларушчыны. І, канешне, выказаць сваю салідарнасьць усім палітзьняволеным жанчынам.

Каб таксама выказаць сваю салідарнасьць, у гэты дзень вы можаце:
🔻 Падзяліцца ў сваіх сацсетках гісторыямі беларускіх жанчын з мінулага ці нашых дзён, якія вас натхняюць
🔻 Расказаць пра факты дыскрымінацыі супраць жанчын як у Беларусі так і па ўсяму сьвету
🔻 Расказаць пра беларускіх палітзьняволеных жанчын
🔻Падтрымаць збор Хуткай гуманітарнай дапамогі для беларускіх жанчын https://www.stranafund.org/kampanii/zbor-na-padtrymku-zhanchyn

👩Сумесны дабрачынны збор у падтрымку палiтзняволеных беларусак

Паводле інфармацыі праваабаронцаў, на сёння ў Беларусі за кратамі знаходзяцца каля 150 палітзнвяоленых жанчын. Напярэдадні 8 сакавіка некалькі ініцыятыў аб'ядналіся і распачалі збор у падтрымку беларусак.

На кожную жанчыну плануецца выдаткаваць каля €150. Калі атрымаецца сабраць больш — падтрымка будзе больш шырокай, і яшчэ больш жанчын яе атрымаюць.

Падтрымаць збор

🇺🇸 Падтрымаем адкрыццё Беларускага цэнтру ў Мінесоце!
Зараз вельмі важны момант для беларускай супольнасці ў ЗША! Дапаможам атрымаць падатковыя льготы для Беларускага цэнтру ў Мінесоце, каб ён мог развівацца і аб'ядноўваць беларусаў.
💡 Усяго трэба сабраць 10 000 подпісаў!

✅ Як дапамагчы:
1️⃣ Перайдзіце па спасылцы 👉 change.org
2️⃣ Увядзіце імя, прозвішча (можна не сапраўднае) і e-mail
3️⃣ Пацвердзіце подпіс у пошце
⚠️ Сайт можа прапаноўваць данат – гэта не абавязкова!

Кожны голас важны! 🙌 #БеларусыРазам

Атланта
🗓Дата: 23 сакавіка
🕰Час: з 14:00 EST
📌Bethel Park Cumming

Вашынгтон, Акруга Калюмбія
🗓Дата: 23 сакавіка
🕰Час: 12:30 EST
📌Месца: Quincy Park (1021 N Quincy St, Arlington)

Сан Францыска
🗓Дата: 23 сакавіка
🕰Час: з 12:00-17:00 PST
📌Месца: Sugarloaf Open Space
2161 Youngs Valley Road, Walnut Creek, 94596

Лос-Анджэлес
🗓Дата: 23 сакавіка
🕰Час: з 12:00 PST
📌Месца: Griffith Park, Crystal Springs picnic area

Raleigh (Ролі), Паўночная Караліна
🗓Дата: 23 сакавіка
🕰Час: з 12:00 да 13:00 EST
📌Месца: Moore Square (201 S Blount St, Raleigh)

Сіэтл
🗓Дата: 23 сакавіка
🕰Час: з 15:00 да 18:00 PST
📌Месца: Kelsey Creek Park

Бостан
🗓Дата: 25 сакавіка
🕰Час: з 12:30 да 13:00 EST
📌Месца: Boston City Hall

Філадэльфія
🗓Дата: 29 сакавіка
🕰Час: з 16:00 да 22:00 ЕST
📌Месца: Associated Polish Home

Саўт Рывер, Нью Джэрсі
🗓Дата: 29 сакавіка
🕰Час: 12:00 ЕST
📌Месца: 284 Whitehead Ave, South River,

Осцін, Тэхас
🗓Дата: 30 сакавіка
🕰Час: з 16:00 да 19:00 CDT
📌Месца: 12300 River Bend, Austin

Да Міжнароднага Дня Паэзіі беларусы ЗША зачыталі разам верш Сяржука Сокалава-Воюша

Будзьце ўважлівымі, сябры.

Новая тактыка спецслужбаў пра якую нам стала вядома. Сябры і знаёмыя актывістаў дыяспары сталі ахвярамі шантажу і ціску з боку сілавікоў. Спецура прымушае блізкіх актывістаў уступаць з імі ў актыўныя кантакты і выведваць крытычна значную інфармацыю пра жыццё беларускай эміграцыі. За адмову пагражаюць турмой і пераследам.

Такія незаконныя дзеянні ня толькі нясуць значную пагрозу зліцця інфармацыі сілавікам, але яшчэ і падвышаюць недавер паміж людзьмі.

Простыя метады як знізіць рызыку і не ўваліцца з параною:
- звяртайце ўвагу на сяброў, што праз доўгі перапынак раптам сталі камунікаваць з вамі;
- звяртайце ўвагу на характар пытанняў што вам задаюць людзі з Беларусі (праз небяспеку, мала хто з староннікаў перамен унутры Беларусі будзе шмат казаць на палітычныя тэмы);
- будзьце асцярожныя ў абмеркаванні падрабязнасцяў вашай працы, калі вы працуеце ў грамадскіх і палітычных структурах.

Беражыце сябе і будзьце асцярожныя ў кантактах.

📢 Запісвайцеся ў Беларускі сямейны летнік!

✨Хочаце правесці тыдзень у цудоўнай кампаніі беларусаў з цікавымі актыўнасцямі і утульнымі вечаровымі гутаркамі?
💫Ці можа вы хочаце, каб дзеці даведаліся больш пра беларускія традыцыі і культуру?

Запрашаем вас у Беларускі сямейны летнік у штаце Масачусэц, які пройдзе з 5-га па 12 ліпеня 2025

❗️На другі заезд запісаліся толькі 2 сям'і. Каб летнік адбыўся патрэбна яшчэ як мінімум 3 сям'і ❗️

📍Фармат летніка - сямейны лагер
📍Заняткі па беларускай мове для дзяцей
📍Воркшопы і актыўнасьці ад саміх бацькоў для дарослых і дзяцей на беларускай і ангельскай мовах
📍Святкаванне Купальля
📍Прыгожая прырода, лес, возера
📍Басейн, спартовыя пляцоўкі
📍Атмасфера беларушчыны
📍 Утульныя вечаровыя размовы і гульні для дарослых
📍Асобныя пакоі з душам
📍Трохразовае харчаванне

Каб запісацца, запоўніце форму

🤗 Бярыце сваіх сяброў і далучайцеся!
🙌🏼 Будзем удзячныя, калі падзеліцеся допісам, каб як мага больш беларусаў даведаліся пра летнік.

Ужо заўтра дэмакратычныя беларусы па ўсяму сьвету будуць адзначаць Дзень Волі.
Летась Да Дня Волі беларусы ЗША разам зачыталі Ўстаўную грамату

Да 106 гадавіны абвяшчэньня незалежнасьці Беларускай Народнай Рэспублікі беларусы ЗША чытаюць Трэцюю Ўстаўную Грамату.

З Днём Волі, сябры!
Жыве Беларусь!

ЗАЯВА АСАЦЫЯЦЫІ БЕЛАРУСАЎ АМЭРЫКІ
з нагоды Дня Волі

Сёньня, 25 сакавіка, дэмакратычная беларуская супольнасьць ва ўсім сьвеце адзначае Дзень Волі — дзень абвяшчэньня незалежнасьці Беларускай Народнай Рэспублікі ў 1918 годзе. Гэтая дата сымбалізуе непахіснае імкненьне беларусаў да свабоды, дэмакратыі і нацыянальнай самастойнасьці.

Асацыяцыя Беларусаў Амэрыкі далучаецца да ўсіх, хто адзначае гэтае сьвята, і падкрэсьлівае, што ідэалы Дня Волі сёньня актуальныя як ніколі. Беларусь заслугоўвае быць незалежнай і дэмакратычнай краінай, дзе паважаюцца правы чалавека, дзе народ мае права вольна выбіраць сваю будучыню, а палітычныя вязьні — вызваленыя.

Мы выказваем салідарнасьць з усімі, хто змагаецца за свабоду Беларусі, з тымі, хто сутыкаецца з рэпрэсіямі і несправядлівасьцю. Мы заклікаем міжнародную супольнасьць працягваць падтрымліваць беларускі народ у яго імкненьні да дэмакратычных пераменаў.

Няхай Дзень Волі будзе днём надзеі і натхненьня для ўсіх беларусаў!

Жыве Беларусь!