Запрашаем вас на онлайн сустрэчу ў Zoom з беларускай паэткай Настай Кудасавай.

🗓 10 жніўня
⏰ 20.00 Менск/ 19.00 Варшава/ 13.00 Нью-Ёрк/ 10.00 Сан Францыска

На сустрэчы вы зможаце задаць пытаньні й паслухаць вершы ў выкананьні аўтаркі.

🔔 Цісьніце "цікава" у Facebook event, каб не прапусьціць

Заява Асацыяцыі Беларусаў у Амэрыцы да 5-й гадавіны пратэстаў 2020-га года ў Беларусі.

Пяць гадоў таму, у жніўні 2020 года, народ Беларусі выйшаў на вуліцы на мірныя пратэсты, патрабуючы свабоды, дэмакратыі й чалавечай годнасьці. Сёньня мы ўшаноўваем мужнасьць тых, хто паўстаў і працягвае стаяць супраць дыктатуры. Іх адданасьць застаецца непахіснай нават перад масавымі рэпрэсіямі: гвалтоўнымі разгонамі, арыштамі, катаваньнямі й вымушанай эміграцыяй.

Як Асацыяцыя Беларусаў у Амэрыцы, мы працягваем выказваць нашу падтрымку мірных дэмакратычных пераменаў у Беларусі. Мы патрабуем неадкладнага й безумоўнага вызваленьня ўсіх палітычных зьняволеных (1 187 чалавек станам на 8 жніўня 2025 года) і спыненьня працяглай хвалі рэпрэсій. Мы заклікаем міжнародную супольнасьць прыцягнуць рэжым Лукашэнкі да адказнасьці за захоп улады, фальсыфікацыю выбараў, грубыя парушэньні правоў чалавека й за яго ролю ў падрыве рэгіянальнай бясьпекі.

З 2020 года больш за 7 100 чалавек былі асуджаныя па палітычна матываваных крымінальных справах, у тым ліку 33 – падвергнутыя прымусоваму псыхіятрычнаму ўтрыманьню. Праваабарончы цэнтар «Вясна» працягвае сваю жыцьцёва важную працу па дакумэнтаваньні гэтых злачынстваў, нават калі некалькі яго супрацоўнікаў, у тым ліку ляўрэат Нобелеўскай прэміі міру Алесь Бяляцкі, застаюцца несправядліва зьняволенымі й пазбаўленымі голасу.

Мы ўдзячныя дыпляматам ЗША й Дзярждэпартаменту за іх адданую працу, якая паспрыяла вызваленьню й дэпартацыі прынамсі 14 палітвязьняў у гэтым годзе, сярод якіх журналіст Ігар Карней, апазыцыйны дзеяч Сяргей Ціханоўскі, актывіст Акіхіра Хаеўскі-Канада, навукоўка Натальля Дуліна, а таксама грамадзяніне ЗША – Настасься Нуфэр і Юрась Зянковіч.

Нават адзначаючы гэтыя рэдкія моманты надзеі, мы не павінны забываць пра тысячы тых, хто застаецца за кратамі. Рэпрэсіі не спыняюцца: толькі сёлета зафіксавана больш за 1 700 затрыманьняў. Журналісты, актывісты грамадзянскай супольнасьці й звычайныя грамадзяне працягваюць арыштоўвацца й карацца за рэалізацыю сваіх базавых правоў.

Рэжым Лукашэнкі застаецца ключавым саўдзельнікам расейскай агрэсіі: садзейнічае ўварваньню ва Ўкраіну, разьмяшчае на сваёй тэрыторыі расійскія войскі й ядзерную зброю, пагражае бясьпецы ўсходніх межаў НАТА. Ён цесна зьвязаны з ваенна-палітычнай павесткай Крамля.

Мы заклікаем Злучаныя Штаты й іх саюзьнікаў заставацца пільнымі:

🔻стрымліваць Беларусь ад далейшага ўдзелу ў расейскай вайне супраць Украіны;
🔻узмацняць ціск дзеля вызваленьня палітвязьняў і спыненьня рэпрэсій;
🔻быць гатовымі да значных мераў у адказ, калі рэжым працягне свой цяперашні курс.

Барацьба за вольную і незалежную Беларусь працягваецца. Мы застаёмся адданымі падтрымцы беларускага народа й заклікаем міжнародную супольнасьць працягваць гэтую падтрымку да таго часу, пакуль не будуць дасягнутыя трывалыя дэмакратычныя перамены й свабода.

🔔 Нагадайка: сустрэча з беларускай паэткай Настай Кудасавай ужо сёньня ў Zoom

🗓 10 жніўня
⏰ 20.00 Менск/ 19.00 Варшава/ 13.00 Нью-Ёрк/ 10.00 Сан Францыска

На сустрэчы вы зможаце задаць пытаньні й паслухаць вершы ў выкананьні аўтаркі.

📢 Запрашаем вас на онлайн лекцыю ў Zoom беларускай мастачкі, літаратурнай дзеячкі й дасьледніцы беларускай міфалогіі й сьмяротных абрадаў Тацьцяны Калач

🗓️ 16 жніўня (субота)
⏰ 20.00 Менск/ 19.00 Варшава/ 13.00 Нью-Ёрк/ 10.00 Сан Францыска

Тэма сьмерці нават у сёньняшні час даволі моцна табуіравана. Але вельмі цікавая для тых, хто гатовы паслухаць страшныя цікавосткі, разбірацца й аналізаваць дэталі, прагледжваць сувязі.

Падчас гутаркі разгледзім некаторыя беларускія павер'і й прыкметы, павязаныя з тэмай сьмерці й жыцьцёвымі поглядамі чалавека. Занурымся ў карані й паспрабуем знайсьці лёгіку, якой кіраваліся нашыя продкі. Магчыма, паўзгадваем асабістыя неспадзяванкі, з якімі хтосьці з вас сутыкаўся ў жыцьці.

🔔 Цісьніце "цікава" у Facebook event , каб не прапусьціць

Сацсеткі Тацьцяны:
Інстаграм
Тыкток

Падлеткава-дзіцячы праект па матывам беларускай міфалогіі

Штодзень людзі паведамляюць, што да іх сваякоў у Беларусі прыходзяць з вобшукамі і допытамі. Справа тычыцца як тых, хто ўдзельнічаў у акцыях за межамі Беларусі (іх абвінавачваюць па артыкуле 361-4 КК РБ), так і тых, хто быў удзельнкам пратэстаў у 2020 годзе (іх абвінавачваюць па арт. 342 КК РБ або 293 КК РБ).

Некалькі новых фактаў з таго, як шукаюць удзельнікаў акцый пратэсту ў 2020:
- на каналах спецслужбаў выкладаюць фотаздымкі з акцыі для апазання ўдзельнікаў пратэстаў. Таксама вельмі шмат матэрыялаў для апрацоўкі знаходзіцца на тэлефонах і кампутарах ужо затрыманых (вы маглі трапіць на чужую камеру).
- апрацоўваюцца фотаздымкі з кнігі "Marsz Białorusi. Sierpień–grudzień 2020" (112 старонак).

Што гэта значыць?
1. Рэпрэсіі не спыніліся. Устрымайцеся ад паездкі ў Беларусь або любую іншую краіну, якая супрацоўнічае з беларускім рэжымам.
2. Пракансультуйце сваіх блізкіх, што рабіць у выпадку, калі да іх прыходзяць спецслужбы:
- не панікаваць і прасіць прадставіць дакументы, якія пацвярджаюць іх асобы
- не захоўваць дома каштоўных рэчаў або вялікія сумы грошаў, якія могуць забраць надоўга пры вобшуке
- не пагаджацца даваць паказанні супраць сваіх блізкіх, то бок вас (мы раім спасылацца на арт. 27 Канстытуцыі РБ) --> канешне, тут залежыць ад гатоўнасці самаго чалавека, але паспрабуйце разам выпрацаваць стратэгію на такі выпадак, якая будзе вам падыходзіць і не зробіць нікому горш.
3. Паведамляйце нам пра палітычны пераслед праз кантакты ў апісанні каналу або ананімна праз сайт stayrebel.fun (даступны без vpn).

🏃‍♀️🏃‍♂️ Шукаем бегуноў!

Калі ты любіш бегаць для ўласнага задавальнення і гатовы да прыгод, далучайся да каманды беларусаў!

3–4 кастрычніка — Relay Ragnar road Kentucky 🏞

Гэта будзе незабыўная камандная эстафета з гумарам, падтрымкай і прыгожымі пейзажамі Кентукі.

Па дэталях звяртайцеся да Masha Kavetskaya

Далучайцеся да 🤗 Sport for Solidarity - Team Belarus in US