Шаноўныя мае падпішчыкі!
У мяне для вас тры важныя абвесткі!
Я напішу іх адным пастом, але пасля зраблю асобны на кожную таксама.

1-я 🦚
я нарэшце скончыла пераклад кнігі “Мая выцінанка” на ангельскую мову. Кнігу палепшыла і дапоўніла новымі матэрыяламі. Кніга лічбавая. І гэта значна паляпшае працу з ёй, бо вы можаце друкаваць шаблоны наўпрост і ў добрай якасці.
Набыць можна на Etsy https://palunisaus.etsy.com
3 5 верасня па 5 кастрычніка аккурат месяц да майго Дня народзінаў, калі мне споўніцца 51 год, на кнігу і іншыя лічбавыя матэрыялы будзе дзейнічаць зніжка ў 51% па спецыяльнаму коду: PALUNISA51
альбо пераходзьце па гэтаму лінку
https://palunisaus.etsy.com?coupon=PALUNISA51

2-я 🦚
Мне ўдалося аднавіць доступ да майго YouTube каналу і я маю намер трансліраваць там у прамым эфіры свой звычайны працоўны дзень. То бок вы проста зможаце назіраць як праходзіць час у маёй працоўні. #antitiktok такі. Ніколі не рабіла. Паспрабую. Раскрыю вам сваю будзённасць. Зможаце самі спраўдзіць, ці насамрэч праца мастака такая крэатыўная, як прынята лічыць! Таму далучайцеся да каналу, каб зазірнуць “за кулісы” мастачкі”
https://youtube.com/@palunisa?si=Ji-9XKulrGwpy6jo

3-я 🦚
Для свайго новага праекту з выцінанкавымі пазламі я стварыла асобную старонку ў Instagram на сённяшні дзень ужо гатова 7 цікавейшых дызайнаў. І будзе больш. Галоўнае, каб пазлы народ купляў. Тады я змагу рэалізаваць і “Уладароў ВКЛ”, і “Міфалогію”, і дзіцячыя “Забаўлянкі” і яшчэ шмат-шмат іншага і прыгожага!
https://www.instagram.com/palunisa_puzzle?igsh=Mzl6YWp2b3d6a21x&utm_source=qr

Далучайцеся самі і пашэрце, калі ласка гэты пост з сябрамі!

Шчыра дзякую за падтрымку!

Дзелімся новымі рэлізамі традыцыйнай беларускай музыкі
Новы альбом ад гурта VOLYA — Where the Year Begins!
Гэта падарожжа ў часе праз старажытныя беларускія песні: вясельныя абрады, калыханкі, казачныя істоты і нават песні пра піва 🍺.
А яшчэ — жывая энергія танцаў: «Лявоніха», «Полька-Матылёк» і іншыя хіты, што гатовыя ператварыць вечар у сапраўдную традыцыйную вечарыну.
🎶 Мы ўклалі сэрца ў гэты альбом і не можам дачакацца, калі вы пачуеце яго магію, — кажуць спявачкі з гурта VOLYA.
👉 паслухаць і набыць альбом можна тут

🔔 Ужо заўтра! Сустрэча з Сяргеем Ціханоўскім у Нью-Ёрку

Дэталі 👉🏼 https://fb.me/e/5Zpe9voHX

🤍❤️🤍Детский сбор завершен! Благодарим всех, кто откликнулся!

Вместе нам удалось собрать почти 20 тыс евро на помощь для 250 детей политзаключенных и освобожденных! Через платформу BYSOL мы получили более 400 донатов. К сбору присоединились беларусы Дании и Ассоциация беларусов Америки.

Мы благодарим каждого и каждую, кто внес свой вклад в этот сбор! Благодаря вам дети политзаключенных уже получили или получат в ближайшее время выплаты по 100 евро – эти деньги обычно идут на покупку школьных принадлежностей. Кроме того, мы благодарим за информационную поддержку медиа, блогеров и всех, кто делился сбором в своих соцсетях.

Конечная сумма, которая нужна для выплат по всем заявкам на получение помощи – 26 тысяч евро. Мы берем на себя обязательство найти возможность с помощью партнёров и доноров собрать полную сумму, чтобы никто из детей не остался без поддержки.

Наша акция не просто традиция. Это способ дать понять ребёнку важную вещь: он не один. Он нужен. О нём заботятся. Его будущее важно. И это ощущение останется с ним на всю жизнь.

@bysol

Да Дня Беларускай Вайсковай Славы
🤍❤️🤍

Бітва пад Воршай лічыцца адной з самых славутых бітваў у гісторыі Беларусі, пад час якой аб'яднанае войска ВКЛ і Польшчы разграміла войска Маскоўскага княства.

У той час Вялікім князем Літоўскім і  Каралём Польскім быў Жыгімонт Стары.  А ў Маскоўскім княстве кіраваў Васіль III, які марыў расшырыць тэрыторыю Масковіі на захад і захапіць усходнія землі ВКЛ.
30 ліпеня 1514 г. пасля доўгай асады маскоўскае войска захапіла Смаленск, які ў той час належаў ВКЛ. Пасля Васіль III накіраваў свае войскі ў глыб ВКЛ, каб захапіць і астатнюю тэрыторыю .  Але яго спыніла літоўска-польскае войска якраз пад Воршай.
Дасюль гісторыкі спрачаюцца, якая колькасьць вайскоўцаў была з абодвух бакоў. Беларускі ваенны гісторык Віталь Чырвінскі мяркуе, што з боку Масквы ўдзельнічала каля 25-30 тысяч чалавек, а літоўска-польскае войска налічвала 12-13 тысяч жаўнераў.

Аснову маскоўскага войска, якім  кіравалі Іван Чаляднін і Міхаіл Булгакаў-Голіца, складалі лёгкія вершнікі, а састаў войска ВКЛ і Польшчы, пад кіраўніцтвам гетмана Канстанціна Астрожскага, быў розны: пяхота, кавалерыя, артылерыя.
Аснову польска-літоўскага войска  складала Паспалітае рушэнне (так называліся войскі , мабілізаваныя ў ВКЛ і Польшчы) , а таксама найміты з іншых краін.

Негледзячы на перавагу ў лічбах маскоўскае войска пацярпела паразу.
Сярод прычын можна вылучыць:
• Літоўскі князь Міхаіл Глінскі, які спачатку быў на службе ВКЛ, потым перайшоў на службу Маскоўскай дзяржавы, потым ізноў вырашыў зьбегчы ў ВКЛ, перадаў Канстанціну Астрожскаму падрабязныя дадзеныя пра маскоўскія войскі.
• Унутраныя канфлікты сярод ваеначальнікаў  маскоўскіх войск.
• Талент і здольнасьці літоўскага гетмана Канстанціна Астрожскага.

У выніку літоўска-польскае войска атрымала бліскучую перамогу.

Хаця нейкіх  маштабных вынікаў гэтая перамога не прынесла, бо адбіць Смаленск у маскавітаў так не атрымалася. Але ж перамога спыніла прасоўваньне маскоўскіх войск углыб краіны.
У нашыя дні Перамога ў Аршанскай бітве - гэта напамін беларусам пра тое, як важна адстойваць свае землі і сваю ідэнтычнасьць перад агрэсіяй ўсходняга суседа. І нездарма 8 верасьня лічыцца Днём вайсковай славы Беларусі.

🥀 У ПК-15 у Магілёве памёр палітвязень Андрэй Паднябенны.

Андрэю было 36 гадоў, у яго засталася 5-гадовая дачка, якая ўжо ніколі не ўбачыць свайго таты.

Андрэй Паднябенны быў брутальна затрыманы ў лістападзе 2021 года, прайшоў праз СІЗА КДБ і СІЗА-3, а ў студзені 2022-га яго асудзілі на 15 гадоў калоніі ўзмоцненага рэжыму. Суд адбываўся ў закрытым рэжыме, таму дэталі справы невядомыя. У 2023-м годзе палітвязня асудзілі наноў і агульны тэрмін для Андрэя склаў 16 гадоў і 8 месяцаў пазбаўлення волі ва ўмовах узмоцненага рэжыму.

ПК-15 вядомая сваім жорсткім абыходжаннем з палітвязнямі. Тут ужо былі выпадкі ўльтрагвалту. Былы начальнік калоніі Аляксей Лазараенка асабіста збіваў вязня пасля таго, як той праглынуў металічныя прадметы (балты, гайку, пласцінку і кручок), каб спыніць катаванні.

Па сведачанням былых палітзняволеных, Андрэй не меў відавочных захворванняў і рэгулярна займаўся спортам. Тыя, хто бачыўся з Андрэем Паднябенным у калоніі, дапускаюць варыянт гвалтоўнай смерці палітвязня.

Гэта ўжо дзевятая смерць у зняволенні.

🫶 Дапаможам Воле Дземке

Збіраць сродкі на дабрачынныя мэты заўсёды цяжка, а прасіць дапамогі для сябе - яшчэ цяжэй. Але цяпер Воля Дземка, беларуская рэжысёрка, спявачка, збіральніца фальклору і нацыянальных строяў з Сіэтлу, якая ўжо пяты год змагаецца з рэдкім аўтаімунным захворваннем, апынулася ў сітуацыі, калі без падтрымкі сяброў і неабыякавых людзей ёй не справіцца.

За гэты час дзякуючы дапамозе многіх яна здолела працягнуць жыццё, атрымаць неабходнае лячэнне, прайсці складаныя аперацыі. Цяпер Воля сутыкнулася з новымі вялізнымі медыцынскімі і фінансавымі цяжкасцямі: аперацыі, зубная інфекцыя, дадатковае лячэнне і выдаткі на лекі пакінулі яе з даўгамі каля $19,000.

👉 Падтрымаць Волю можна тут:
🔗 https://gofund.me/bba165ad3

Кожны долар, кожны рэпост і кожнае добрае слова мае значэнне. Давайце разам падтрымаем Волю, каб яна магла працягваць змагацца і аднаўляць здароўе.

❤️ Дзякуй усім, хто ўжо побач і хто адгукнецца.

Сяргей Ціханоўскі ўжо ў Вашынгтоне! Падчас наведвання помніка сыну зямлі беларускай Тадэвушу Касцюшку, які знаходзіцца побач з Белым Домам, Сяргей запісаў відэазапрашенне на сустрэчу ў сераду. Далучайцеся!

Кола Беларускіх Абрадаў

🔥 Восеньскі беларускі абрад «Жаніцьба Коміна»
Жаніцьба коміна (пасвета, лучніка) — гэта сакральны абрад першага восеньскага запальвання святла ў хаце. Комін быў прыладай для асвятлення сялянскай хаты ў вечаровы час. Менавіта з гэтага моманту пачыналіся вячоркі-пасядзелкі: на вуліцы хутка цямнела і халадала, таму людзі збіраліся ў хаце — працаваць, спяваць, расказваць гісторыі.

У кожнай вёсцы абрад меў свае асаблівасці. У Пагосце «жаніць Коміна» пачыналі 11 верасня, а ў Дзяржынску — 14 верасня. Памяць пра гэтыя традыцыі захавалі старэйшыя жанчыны, якія бачылі абрад у дзяцінстве і перадаюць успаміны далей.
👉 Падрабязней

🎬 Відэа

Сяргей Ціханоўскі - першы беларускі палітык, з кім сустрэлася новая адміністрацыя Трампа ў Белым Доме.
👉🏼 https://youtube.com/shorts/9x67BI0rmok?si=aMb_BGkRysUVAVpe

⚡️⚡️⚡️Стала вядома пра вызваленне 52 палітычных зняволеных і пра зняцце санкцый з "Белавіа".

Сярод вызваленых 14 замежнікаў. Гэта адбылося ў выніку сустрэчы з Джонам Коўлам і Крысам Смітам, дзе галоўнай тэмай стала абмеркаванне лёсу палітзняволеных.

Палітзняволеныя ўжо ў Літве. Вядома, што сярод іх:

Алена Раманаўскене, загадчыца маркетынгавай службысанаторыя «Беларусь» у Друскеніках;
метадолаг Уладзімір Мацкевіч;
прафсаюзны лідар Генадзь Фядыніч;
анархіст Мікола Дзядок;

Будзе дапаўняцца.

У дзень гадавіны тэрарыстычнай атакі 11 верасьня 2001 года мы ўшаноўваем памяць усіх загінулых нявінных людзей. Гэта трагедыя назаўсёды застанецца чорным днём у гісторыі ЗША і ўсяго сьвету.

Сярод ахвяраў тэрарыстаў апынулася і беларуска Ірына Бусло.
Ірына была настаўніцай у Беларусі. У 1995-м пераехала жыць у Нью-Ёрк. На момант трагедыі яна працавала асістэнткай у Fuji Bank у 2 Сусьветным Гандлёвым Цэнтры.
На Радзіме ў Менску ў Ірына засталіся маці і 13-гадовая дачка, якую яна марыла перавезьці да сябе ў ЗША.

Фотаздымкам з намі падзяліся беларуска Нью-Ёрку, якая некалькі гадоў таму наведала мемарыяльны комплекс на месцы трагедыі і ўсклала там кветкі ад імя беларусаў.

‼️ Тэрміновы збор на шэлтар у Вільні

Стала вядома пра вызваленне 52 палітвязняў. Іх дэпартавалі ў Літву, і для многіх з іх шэлтар фонду «Краіна для Жыцця» стане першым і адзіным часовым прытулкам пасля гадоў зняволення.

Шэлтар ужо прымае людзей. Але праз рэзкі рост колькасці жыхароў выдаткі выраслі ў некалькі разоў, і каб забяспечыць усіх самым неабходным, мы тэрмінова збіраем 2 500 €.

Што мы прадастаўляем у шэлтары:

• бяспечнае месца для адпачынку і аднаўлення
• юрыдычную і псіхалагічную падтрымку
• цёплую ежу і неабходныя лекі
• базавую вопратку і сродкі гігіены

Дапамажыце сустрэць гэтых людзей годна.

👉 Падтрымаць шэлтар